जोहा 15
15
जिसु सा़रि दारखा ना़ँड़ि
1“इञगे सा़रि दारखा ना़ँड़ि दो आर आ़पुञ दो चाचासिच् कानाय। 2इञरे मेनाक् बाङ जोक् मित्के मित् डा़र, ओना दोए गेत् गिडिया, आर मित्के मित् जो जोक्आक् ओना दोए कामान साफाया जेमोन बा़ड़तिगे जोक्। 3आपे दो लाहा खोनपे साफागेया इञिञ गालमारावआकावात्पे काथाते। 4इञरे ताहेनपे आर इञ दो आपेरे। चेत्लेका डा़र दारखा ना़ँड़िरे बाङ ताहेंलेन खान आच्ते दो ओहो जो दाड़ेलेना, ओनकागे आपे हों इञरे बापे ताहेंलेन खान ओहोपे जो दाड़ेलेना।”
5“इञगे दारखा ना़ँड़ि, आपे दो डा़रको, ओकोय इञ तुलुच् मित्आकाने ताहेंलेन आर इञ दो उनिरे उनि दो आ़डि जोय जोक्आ, एनते इञ बेगोर दो चेत् हों बापे चेका दाड़ेयाक्आ। 6जाहाँय इञ तुलुच् मित्आकान बाय ताहेन खान, डा़र लेका बाहरेतेये गिडिक्आ आरे रोहोड़ोक्आ, आर ओनाको जारवाकाते सेङगेलरेको खादलेया आर लोक्आ। 7इञरेपे ताहेंलेन खान, आर इञाक् काथाको आपेरे ताहेंलेन खान, जाहानाक्गे सानापे, कोयपे आर ओना दो होयापेया। 8ढेर जोपे जोक्तेगे आ़पुञ दोए ठोनोक ओचोक्आ, आर आपे दो इञरेन चेलापे होयोक्आ।”
9“आ़पुञ इञे दुला़ड़ाकादिञ लेका, इञ हों आपेञ दुला़ड़ाकात्पेया। इञाक् दुला़डरे ताहेंआकान ताहेनपे। 10इञाक् हुकुमकोपे दोहोले खान, इञाक् दुला़ड़रे ताहेंआकानपे ताहेना, जेलेका इञ हों आ़पुञाक् हुकुमकोञ दोहोआकात् आर उनियाक् दुला़ड़रे ताहेंआकानिञ ताहेनकान। 11नोवाकोञ ला़इयाकावात्पेया, जेमोन इञाक् रा़सका़ आपेरे ताहेन आर आपेयाक् रा़सका़ पुरा़उक्।”
12“इञाक् हुकुमको दो नोक्ओंय, दुपुला़ड़पे इञिञ दुला़ड़ाकात्पे लेका। 13जाहाँय आच्रेन गातेको ला़गित् आयाक् जिविये आलाय, नोवा खोन माराङ दुला़ड़ दो ओकोयाक् हों बा़नुक्ताकोवा। 14आपे दो इञरेन गातेको कानापे, खा़जुक इञिञ हुकुमापेकान लेकापे का़मि। 15आर दो गोलाम बा़ञ मेतापेकाना, एनते गोलाम दो आच्रेन किसा़ँड़े का़मियेत्आक् बाय बाडाया, मेनखान आपे दो गातेञ मेन आकावात्पेया, एनते ओकाको आ़पुञ ठेनिञ आँजोमाकात् सानामाक्कोञ बाडाय ओचोवाकात्पेया। 16आपे दो इञ बापे बाछावआकादिञा, मेनखान इञगे आपेञ बाछावआकात्पेया आर इञ टारहावकेत्पेया, जेमोन सेनकातेपे जोक् आर आपेयाक् जो ताहेंआकान ताहेन, जेमोन जाहानाक्गे इञ ञुतुमते बाबापे कोये, ओनाय एमापे। 17नोवाकोञ हुकुमापेकाना जेमोनपे दुपुला़ड़।”
धा़रतिरेनकोवाक् कुरुद
18“धा़रतिरेनकोको कुरुदआपे खान बाडायपे आपे माड़ाङरे इञको कुरुद आकावादिञा। 19धा़रतिरेनपे ताहेंलेन खान होनाङ, धा़रतिरेनको दो आपनाराक्को दुला़ड़केया, मेनखान धा़रतिरेनपे बाङकानते, बिचकोम धा़रति खोन इञ बाछावआकात्पेतेगे धा़रतिरेनको दोको कुरुदआपेकाना। 20इञिञ ला़इयात्पे काथा दिसा़यपे, गोलाम दो आच्रेन किसा़ँड़ खोन बाय माराङा, इञको खेद आकादिञ खान आपे होंको खेदपेया, इञाक् काथाको दोहोआकात् खान आपेयाक् होंको दोहोया। 21मेनखान नोवाको सानाम इञाक् ञुतुम इया़तेको ओनकावापेया, कोलआकादिञिच् बाको बाडायेदेकानते। 22जुदि आलोञ हेच्लेन आर आलोञ गालमारावाको खान होनाङ, का़इ दो ओहो ताहेंलेनताकोवा, मेनखान नितोक् दो का़इ रेयाक् आ़न्डुङगे बा़नुक्ताकोवा। 23ओकोय इञे कुरुदआ़ञकाना उनि दो आ़पुञ होंए कुरुदायकाना। 24ओनाको का़मि ओकाको ओकोय हों बाको का़मिआकात् ओनको तालारे आलोञ का़मिले खान, का़इ ओहो ताहेंलेनताकोवा, मेनखान ओका इञ का़मिआकात् ओनाको ञेलआकात्रे हों इञ आर आ़पुञ होंको कुरुदआलिञ काना। 25मेनखान नोवा दो होयोक् काना ओनकोवाक् आ़नरे ओल आकान काथा पुरा़उक् मेनते, एनकाथाय खानाखागेको कुरुदआदिञा।”
26“उनि सोक्होत्इच्, ओने आपे ला़गित् बाबा ठेन खोन इञ कोले, मेताक्मे, बाबा ठेन खोन ओडोक हिजुक्कान सा़रियाक्रेन जिवे हेच्लेनरे उनिगे इञ रेयाङ गोहाय एमा, 27आर आपे हों इञ रेयाङ गोहापे एमा, एनते एतोहोप् खोन इञ तुलुच् मेनाक् आ़गुपेया।”
Currently Selected:
जोहा 15: NTSPt25
Highlight
Copy
Compare
Share
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
