१ कोरि 7
7
बापलाक् बाबोत कुकलिको
1आदो आपेपे ओलादिञ काथाको रेयाक् हेरेल होड़ दो मायजिउ होड़ आलोय बापलायेगे बेसा। 2मेनखान लोटघुटि होयोक् कान इया़ते मिमित् हेरेल दो आच् रिनिच् ए ताहेनताय मा, आर मिमित् मायजिउ दो आच् जाँवाँय ताहेनताय मा। 3हेरेल दो रिनिच्तेत् रेयाक् लेक ए पुरा़उ मा ओनकागे रिनिच्तेत् हों। 4रिनिच्तेत् दो आयाक् होड़मोरे एकतिया़रि बाय दोहोयेदा मेनखान आच् जाँवाँयगे दोहोया। ओनकागे जाँवाँय हों आयाक् होड़मोरे एकतिया़रि दो बाय दोहोया मेनखान आच् रिनिच्तेत्आक्गे ताहेन काना। 5आलोपे आपान आ़पिनोक्आ, हें सोलहा मित्काते थोड़ा दिन हा़बिच्, जेमोन कोयजोङ ला़गित् पे आपसोरोक्, खान आर हों मित्ठेजोक्पे, जेमोन सायतान आलोय बिडा़उ पे आपेयाक् बिन सामड़ावक् इया़ते।
6मेनखान नोवा दोञ रोड़ेदा, आड़ाक् आपे कान लेका, हुकुम लेका दो बाङ। 7एनरेहोंञ मेनकेया, सानाम होड़ इञ लेकाको ताहेन,#7:7 इञ लेका बे बापलाको ताहेन मेनखान मिमित् होड़ दो इसोर ठेन खोन आपान आ़पिन दाया दान मेनाक् ताकोवा, मित्इच् दो नोनकानाक्, एटागिच् दो आर नोनकानाक्।
8मेनखान बिन बापलाको आर रा़ँडि मायजिउकोञ मेताको काना, इञ लेकाको ताहेनगे ओनको ला़गित् दो बेसा। 9मेनखान बाको सामबड़ाव दाड़ेयाक् खान,बापलाक् माको एनते रिजते लोक् खोन बापलाक्गे बेसा।
10मेनखान बापला आकानकोञ हुकुम आको काना, एनरेहों इञ दो बाङ मेनखान प्रोभुगे, बा़हु दो, जाँवाँयतेत् खोन आलोय छाडावक् मा। 11मेनखाने छाडाव लेन खान बिन बापला बाड़ेये ताहेन मा, बाङखान जाँवाँयतेत् तुलुच्ए सामगेक्मा आर जाँवाँय हों बा़हुतेत् आलोय बा़गियेमा।
12मेनखान आरको दो इञिञ मेताको काना, प्रोभु दो बाङ, जाहाँय बोयहा बेपा़तिया़उ एरा मेनायताय खान, आर उनि मायजिउ दो उनि तुलुच् ताहेने रा़जिगे खान, जाँवाँय दो उनि आलोय बा़गियेमा। 13आर जाहाँय मायजिउ बेपा़तिया़उ हेरेल मेनायताय खान, आर उनि हेरेल दो उनि तुलुच् ताहेने रा़जिगे खान, उनि दो जाँवाँयतेत् आलोय बा़गियेमा। 14एनते उनि बेपा़तिया़उ हेरेल दो रिनिच्तेत् होतेतेये सोनोत आकाना आर उनि बेपा़तिया़उ मायजिउ दो उनि जाँवाँय होतेतेये सोनोतोक् काना बाङखान ओनकोरेन गिदरा़कोको बेसाफाकोक्आ, मेनखान नितोक् दोको सोनोतगेया। 15मेनखान बेपा़तिया़उक्इच् छाडावक् ए मेनेत् खान दोए छाडावक् मा ओनकानाक्रे उनि बोयहा से मिसरा दो बाय गोलाम आकाना, एनते सुलुकरे ताहेन ला़गित् इसोर दोए होहो आकावात् बोना। 16एनते चेकातेम बाडाय ओरोमा, आमरेन हेरेलेम बाञचावेया से बाङ? से चेकातेम बाडाया बाबा आम रिनिच् एम बाञचावेया से बाङ?
इसोरे होहोवात्पे लेका ताहेन
17एनरेहों चेत् लेका प्रोभु मिमित् होड़े हा़टिञ आकावात्को से इसोर मिमित् होड़े होहो आकावात्को ओनकागेको चोलोनमा। आर ओनका लेकागे सानाम मान्डेररेनको ला़गित् इञ मेनेदा। 18जाहाँय होड़ खातना आकाने होहो ओचोआकाना? आलोय बिन खातना रुवा़ड़ोक्मा। बिन खातनागे जाहाँये होहो ओचोआकाना? आलोय खातना ओचोक्मा। 19खातना दो चेत् हों बाङ काना, आर बिन खातना हों चेत् हों बाङ, मेनखान इसोराक् हुकुम बातावगे जोतोवाक्काना। 20मिमित् होड़ ओकाटाक्रेये होहो ओचोयेना, ओना होहोवाक्रे बा़ड़ेये ताहेंआकान ताहेन मा। 21गोलाम ताहेन तुलुच् एम होहो ओचोयेना? ओना दो आलोम भाबनावाक्आ एनरेहोंम सा़धिन दाड़ेलेन खान, ओना बाड़े बेवहारमे। 22चेदाक् जे प्रोभुरेये होहो ओचोयेन गोलाम दो प्रोभुरेन सा़धिन आकादेयिच् कानाय, ओनकागे सा़धिनिच् दो होहो ओचोयेनते मा़सिरेन गोलाम कानाय। 23दामतेपे किरिञ छोडाव आकाना मानवाकोरेन गोलाम दो आलोपे होयोक्आ। 24ए बोयहा मिसराको, मिमित् होड़ ओकाटाक् रेये होहो ओचोयेन ओना रेगेये ताहेंआकान ताहेनमा इसोर ठेन।
बिनबापला आर रा़ँडिको बाबोतरे कुलिजोङ
25कुँवा़ँरि कुड़िको रेयाङ दो प्रोभुवाक् जाहान हुकुम बा़नुक् तिञा, एनरेहों प्रोभुइ माँयाँ वादिञ लेका पा़तिया़र होयोक् ला़गित् बुजहा़उवेत् लेकाञ रोड़ेदा। 26ओना इया़ते इञ बुजहा़उरे बोगेया, जे तेहेञ गापा रेयाक् जोञजाल इया़ते होड़ चेत् लेका मेनाय एनकागेये ताहेनमा। 27बा़हु तुलुच् एम तोल आकाना? छाडावक् दो आलोम ञाम बाड़ाया। बा़हु खोनेम छाडावआकाना? बाहु आलोम ञामजोङा।
28मेनखानेम बापलालेनरे दो बाम का़येदा, आर कुँवा़ँरि कुड़िये बापलालेनरे हों बाय का़येदा। एनरेहों ओनकानको दो होड़मोरे जालाको ञामा, आर इञ दो ओना खोनिञ रुखिया़केपेया।
29नोवागेञ मेनेदा, बोयहाको, ओकते दो खाटोआकाना, नित बा़हुवानको दो बिन बा़हुवान लेकाको ताहेनमा। 30आर राराक्को दो बाङ राराक्को लेका, आर रा़सका़क्को दो बाङ रा़सका़क्को लेका, आर किक्रिञको दो आपनाराक् बाङ कानताको लेका। 31आर धा़रति रेयाक् लाड़चाड़ेत् कानको दो ओना बाङ लाड़चाड़ जोङ कानको लेकागे, एनते नोवा धा़रति रेयाक् रुप दो पारोम चालाक्काना।
32इञ दोञ मेन जोङकाना जेमोन आपे दो जोतो दाँद खोन सा़धिनपे ताहेन। बिन बापलायिच् दो प्रोभु रेयाङकोरेये जामाड़ोक् काना, एकेन निया़गे होयोक्ताया जे उनि दो प्रोभु चेत्लेकातेये कुसि ओचोयेया। 33मेनखान बापला आकानिच् दो धा़रति रेयाक् आक्को रेयाङे दाँदोक् काना, बा़हुतेत् चेत् लेकातेये कुसि ओचोयेया मेनते। 34बा़हु आर कुँवा़ँरि रेयाक् हों बेगार मेनाक्आ, बिन बापला मायजिउ दो प्रोभुवाक्को रेयाङ दाँदोक् काना, जेमोन होड़मोते हों आर जिउते हों सोनोते ताहेन, मेनखान बापलाआकान मायजिउ दो धा़रति रेयाक्को रेयाङे दाँदोक् काना, जाँवाँयतेत् चेत् लेकातेये कुसि ओचोयेया मेनते।
35आर नोवा दो आपेयाक् पोरहो ला़गित्गेञ रोड़ेदा, झा़लि लेबदावापे ला़गित् दो बाङा, मेनखान जेमोनपे लेकमानोक् आर मोन आलो बेगार एटाक् सेजोक्ते प्रोभुरे जामाड़ाकानपे ताहेन। 36आदो जाहाँये बुजहा़उले खान जे आच्रेन कुँवा़ँरि कुड़ि तुलुच् बिन लेके बेवहारेदा, उनि दो हारा झाकायिच् कान खाने, आर ओनका जा़रुड़ोक्कानगे खान, आच्ए मेन जोङ लेकायमा, बाय का़येदा बापला ओचोवाकिन। 37मेनखान जा़रुड़ बा़नुक्ताय इया़ते बिचकोम आयाक् मोनरे एकतिया़रि मेनाक्तायते, जाहाँये मोने मुरुक्आकात्, आर ओनतोररेये खा़टि आकावान खान, बाङमा आच्रेन कुँवा़ँरि कुड़ि बिन बापलागेये ताहें ओचोवाया, उनि दोए बेस एदा। 38ओना इया़ते ओकोय आच्रेन कुँवा़ँरि कुड़िये बापलायेदे, उनि दोए बेस एदा, आर ओकोय बाय बापलायेदे, उनि दो आरतेत् ए बेस एदा।
39मायजिउ दो जाँवाँयतेत् जिवेत् ए ताहेन भोर दोए तोलगेया, मेनखान जाँवाँयतेत् ए बेनडाव लेन खान, उनि दोए सा़धिनगेया, जाहाँय रेगेये कुसिक् उनि तुलुच् ए बापला दाड़ेयाक्गेया आ़इखा़ एकेन प्रोभुरेगे। 40मेनखान इञ बुजहा़उरे एनकागेये ताहेन खान आरतेत् ए भा़गाना, आरिञ मेनेदा, इसोररेन जिउ दो इञरे हों मेनाया।
Currently Selected:
१ कोरि 7: NTSPt25
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025
१ कोरि 7
7
बापलाक् बाबोत कुकलिको
1आदो आपेपे ओलादिञ काथाको रेयाक् हेरेल होड़ दो मायजिउ होड़ आलोय बापलायेगे बेसा। 2मेनखान लोटघुटि होयोक् कान इया़ते मिमित् हेरेल दो आच् रिनिच् ए ताहेनताय मा, आर मिमित् मायजिउ दो आच् जाँवाँय ताहेनताय मा। 3हेरेल दो रिनिच्तेत् रेयाक् लेक ए पुरा़उ मा ओनकागे रिनिच्तेत् हों। 4रिनिच्तेत् दो आयाक् होड़मोरे एकतिया़रि बाय दोहोयेदा मेनखान आच् जाँवाँयगे दोहोया। ओनकागे जाँवाँय हों आयाक् होड़मोरे एकतिया़रि दो बाय दोहोया मेनखान आच् रिनिच्तेत्आक्गे ताहेन काना। 5आलोपे आपान आ़पिनोक्आ, हें सोलहा मित्काते थोड़ा दिन हा़बिच्, जेमोन कोयजोङ ला़गित् पे आपसोरोक्, खान आर हों मित्ठेजोक्पे, जेमोन सायतान आलोय बिडा़उ पे आपेयाक् बिन सामड़ावक् इया़ते।
6मेनखान नोवा दोञ रोड़ेदा, आड़ाक् आपे कान लेका, हुकुम लेका दो बाङ। 7एनरेहोंञ मेनकेया, सानाम होड़ इञ लेकाको ताहेन,#7:7 इञ लेका बे बापलाको ताहेन मेनखान मिमित् होड़ दो इसोर ठेन खोन आपान आ़पिन दाया दान मेनाक् ताकोवा, मित्इच् दो नोनकानाक्, एटागिच् दो आर नोनकानाक्।
8मेनखान बिन बापलाको आर रा़ँडि मायजिउकोञ मेताको काना, इञ लेकाको ताहेनगे ओनको ला़गित् दो बेसा। 9मेनखान बाको सामबड़ाव दाड़ेयाक् खान,बापलाक् माको एनते रिजते लोक् खोन बापलाक्गे बेसा।
10मेनखान बापला आकानकोञ हुकुम आको काना, एनरेहों इञ दो बाङ मेनखान प्रोभुगे, बा़हु दो, जाँवाँयतेत् खोन आलोय छाडावक् मा। 11मेनखाने छाडाव लेन खान बिन बापला बाड़ेये ताहेन मा, बाङखान जाँवाँयतेत् तुलुच्ए सामगेक्मा आर जाँवाँय हों बा़हुतेत् आलोय बा़गियेमा।
12मेनखान आरको दो इञिञ मेताको काना, प्रोभु दो बाङ, जाहाँय बोयहा बेपा़तिया़उ एरा मेनायताय खान, आर उनि मायजिउ दो उनि तुलुच् ताहेने रा़जिगे खान, जाँवाँय दो उनि आलोय बा़गियेमा। 13आर जाहाँय मायजिउ बेपा़तिया़उ हेरेल मेनायताय खान, आर उनि हेरेल दो उनि तुलुच् ताहेने रा़जिगे खान, उनि दो जाँवाँयतेत् आलोय बा़गियेमा। 14एनते उनि बेपा़तिया़उ हेरेल दो रिनिच्तेत् होतेतेये सोनोत आकाना आर उनि बेपा़तिया़उ मायजिउ दो उनि जाँवाँय होतेतेये सोनोतोक् काना बाङखान ओनकोरेन गिदरा़कोको बेसाफाकोक्आ, मेनखान नितोक् दोको सोनोतगेया। 15मेनखान बेपा़तिया़उक्इच् छाडावक् ए मेनेत् खान दोए छाडावक् मा ओनकानाक्रे उनि बोयहा से मिसरा दो बाय गोलाम आकाना, एनते सुलुकरे ताहेन ला़गित् इसोर दोए होहो आकावात् बोना। 16एनते चेकातेम बाडाय ओरोमा, आमरेन हेरेलेम बाञचावेया से बाङ? से चेकातेम बाडाया बाबा आम रिनिच् एम बाञचावेया से बाङ?
इसोरे होहोवात्पे लेका ताहेन
17एनरेहों चेत् लेका प्रोभु मिमित् होड़े हा़टिञ आकावात्को से इसोर मिमित् होड़े होहो आकावात्को ओनकागेको चोलोनमा। आर ओनका लेकागे सानाम मान्डेररेनको ला़गित् इञ मेनेदा। 18जाहाँय होड़ खातना आकाने होहो ओचोआकाना? आलोय बिन खातना रुवा़ड़ोक्मा। बिन खातनागे जाहाँये होहो ओचोआकाना? आलोय खातना ओचोक्मा। 19खातना दो चेत् हों बाङ काना, आर बिन खातना हों चेत् हों बाङ, मेनखान इसोराक् हुकुम बातावगे जोतोवाक्काना। 20मिमित् होड़ ओकाटाक्रेये होहो ओचोयेना, ओना होहोवाक्रे बा़ड़ेये ताहेंआकान ताहेन मा। 21गोलाम ताहेन तुलुच् एम होहो ओचोयेना? ओना दो आलोम भाबनावाक्आ एनरेहोंम सा़धिन दाड़ेलेन खान, ओना बाड़े बेवहारमे। 22चेदाक् जे प्रोभुरेये होहो ओचोयेन गोलाम दो प्रोभुरेन सा़धिन आकादेयिच् कानाय, ओनकागे सा़धिनिच् दो होहो ओचोयेनते मा़सिरेन गोलाम कानाय। 23दामतेपे किरिञ छोडाव आकाना मानवाकोरेन गोलाम दो आलोपे होयोक्आ। 24ए बोयहा मिसराको, मिमित् होड़ ओकाटाक् रेये होहो ओचोयेन ओना रेगेये ताहेंआकान ताहेनमा इसोर ठेन।
बिनबापला आर रा़ँडिको बाबोतरे कुलिजोङ
25कुँवा़ँरि कुड़िको रेयाङ दो प्रोभुवाक् जाहान हुकुम बा़नुक् तिञा, एनरेहों प्रोभुइ माँयाँ वादिञ लेका पा़तिया़र होयोक् ला़गित् बुजहा़उवेत् लेकाञ रोड़ेदा। 26ओना इया़ते इञ बुजहा़उरे बोगेया, जे तेहेञ गापा रेयाक् जोञजाल इया़ते होड़ चेत् लेका मेनाय एनकागेये ताहेनमा। 27बा़हु तुलुच् एम तोल आकाना? छाडावक् दो आलोम ञाम बाड़ाया। बा़हु खोनेम छाडावआकाना? बाहु आलोम ञामजोङा।
28मेनखानेम बापलालेनरे दो बाम का़येदा, आर कुँवा़ँरि कुड़िये बापलालेनरे हों बाय का़येदा। एनरेहों ओनकानको दो होड़मोरे जालाको ञामा, आर इञ दो ओना खोनिञ रुखिया़केपेया।
29नोवागेञ मेनेदा, बोयहाको, ओकते दो खाटोआकाना, नित बा़हुवानको दो बिन बा़हुवान लेकाको ताहेनमा। 30आर राराक्को दो बाङ राराक्को लेका, आर रा़सका़क्को दो बाङ रा़सका़क्को लेका, आर किक्रिञको दो आपनाराक् बाङ कानताको लेका। 31आर धा़रति रेयाक् लाड़चाड़ेत् कानको दो ओना बाङ लाड़चाड़ जोङ कानको लेकागे, एनते नोवा धा़रति रेयाक् रुप दो पारोम चालाक्काना।
32इञ दोञ मेन जोङकाना जेमोन आपे दो जोतो दाँद खोन सा़धिनपे ताहेन। बिन बापलायिच् दो प्रोभु रेयाङकोरेये जामाड़ोक् काना, एकेन निया़गे होयोक्ताया जे उनि दो प्रोभु चेत्लेकातेये कुसि ओचोयेया। 33मेनखान बापला आकानिच् दो धा़रति रेयाक् आक्को रेयाङे दाँदोक् काना, बा़हुतेत् चेत् लेकातेये कुसि ओचोयेया मेनते। 34बा़हु आर कुँवा़ँरि रेयाक् हों बेगार मेनाक्आ, बिन बापला मायजिउ दो प्रोभुवाक्को रेयाङ दाँदोक् काना, जेमोन होड़मोते हों आर जिउते हों सोनोते ताहेन, मेनखान बापलाआकान मायजिउ दो धा़रति रेयाक्को रेयाङे दाँदोक् काना, जाँवाँयतेत् चेत् लेकातेये कुसि ओचोयेया मेनते।
35आर नोवा दो आपेयाक् पोरहो ला़गित्गेञ रोड़ेदा, झा़लि लेबदावापे ला़गित् दो बाङा, मेनखान जेमोनपे लेकमानोक् आर मोन आलो बेगार एटाक् सेजोक्ते प्रोभुरे जामाड़ाकानपे ताहेन। 36आदो जाहाँये बुजहा़उले खान जे आच्रेन कुँवा़ँरि कुड़ि तुलुच् बिन लेके बेवहारेदा, उनि दो हारा झाकायिच् कान खाने, आर ओनका जा़रुड़ोक्कानगे खान, आच्ए मेन जोङ लेकायमा, बाय का़येदा बापला ओचोवाकिन। 37मेनखान जा़रुड़ बा़नुक्ताय इया़ते बिचकोम आयाक् मोनरे एकतिया़रि मेनाक्तायते, जाहाँये मोने मुरुक्आकात्, आर ओनतोररेये खा़टि आकावान खान, बाङमा आच्रेन कुँवा़ँरि कुड़ि बिन बापलागेये ताहें ओचोवाया, उनि दोए बेस एदा। 38ओना इया़ते ओकोय आच्रेन कुँवा़ँरि कुड़िये बापलायेदे, उनि दोए बेस एदा, आर ओकोय बाय बापलायेदे, उनि दो आरतेत् ए बेस एदा।
39मायजिउ दो जाँवाँयतेत् जिवेत् ए ताहेन भोर दोए तोलगेया, मेनखान जाँवाँयतेत् ए बेनडाव लेन खान, उनि दोए सा़धिनगेया, जाहाँय रेगेये कुसिक् उनि तुलुच् ए बापला दाड़ेयाक्गेया आ़इखा़ एकेन प्रोभुरेगे। 40मेनखान इञ बुजहा़उरे एनकागेये ताहेन खान आरतेत् ए भा़गाना, आरिञ मेनेदा, इसोररेन जिउ दो इञरे हों मेनाया।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Santhali Language © The Word for the World International and Santhali Translation Project, Nepal, 2025