Imbombo 3
3
Ukupola kwa mulemale
1Isiku limo u Pitala nu Yohani bakabukagha ku nyumba ya Chala, pakabalilo ka kwiputa muma fili okoloko pamasuba. 2Po umundu yumo yo akapapiwa mulemale ukufuma mo akapapiliwa, akanyamuliwagha akabalilo kosi nukubikiwa pa mulyango wa Nyumba ya Chala gho bakati Mwisa, ukuti asume ifyabupe ku bandu bo bakwingila mu Nyumba ya Chala. 3Bo amutesya u Pitala nu Yohani bakwingila mu Nyumba ya Chala, akabasuma ukuti bamupeko chimo. 4Po u Pitala nu Yohani bakamulolelesya, po u Pitala akamubusya akati, “Tutesye utwe.” 5Po umundu yula akabalolelesya nukusubila ukuti pamo tapokele chimo kukwabo. 6Loli u Pitala akamubusya akati, isiliva nu golide fyo ndenafyo, loli fyo indi nafyo fyo ngukupa, mwilita lya Yesu Kilisitu uwa mu Nazaleti nyamuka endagha.” 7Po akamukola ninyobe yake indilo nukumunyamusya, papapo na papapo inyayo nu tupulung’unyu fikaba namaka. 8Umwene akanyela nukwimilila, akanda pakwenda, nukwingila nabo poka mu Nyumba ya Chala bo akwenda nukunyela nyela, nu kumupala u Chala. 9Bo abandu bosi bakumutesya akwenda nukumupala u Chala, 10bakamumanya ukuti weyo akikalagha pa Mulyango Umwisa uwa Nyumba ya Chala nukusuma suma. Bosi bakaswigha ngani, nukusukumila pacho chikabombiwa ku mundu yula.
Amasyu gha Pitala mu Nyumba ya Chala
11Bo umundu yula amukakamile u Pitala nu Yohani, abandu bosi bakaswigha nukukindila poka pakwisa ku kwabo mu mbenu yo bakatingi mbenu ya Solomoni. 12Bo u Pitala abatesya abandu, akababusya akati, “Mwe ba Izilayeli, imba choni cho mukuswigha nasisi, sona choni cho mukutulolelesya? Imba mukwinong’ona ukuti twetwe twamwendesya umundu uyu namaka ghitu, pamo nukwiputa kwa Chala witu? 13U Chala wa Abulahamu, Ayizeki nu Yakobo, u Chala wa batata bitu, yo akamughindika umubombi wake u Yesu. Loli mukamubika munyobe sya balughu nukumukana pamaso pa Pilati, napo u Pilati akalondagha pakumusatula. 14#Mat27.15-23; 15.6-14; Luk23.13-23; Yoh19.12-15. Loli umwe mukamukana u Mwikemo sona umugholoke, nukusuma umundu u mufyeka ukuti asatuliwe. 15Mukamughogha yo akupa ubumi, loli u Chala akamusyusya kubufwe. Utwe twe bakamboni pa sisisi. 16Chifukwa cha lwitiko mwilita lya Yesu, lyamupa amaka umundu uyu mukumutesya sona mu mumenye, po ulwitiko loluli mumwake lolo lwa muposya umundu uyu mukumutesya mwebosi. 17Pololi bakamu bangu, simenye ukuti mukabomba ukusita kumanya, ngati balongosi binyu. 18Loli u Chala akayughila nganila ku basololi bosi ukuti u Kilisitu atamiwe, sona sikakwanilisiwa bubu. 19Mupinduke ku imbibi sinyu nukunyokela kwa Chala, ukuti asimye imbibi sinyu. Pala mukubomba bubu u Malafyale akwisa pakubapa akabalilo akakutusikisya, 20sona akwisa pakubatumila u Yesu Kilisitu yo akabasalila nganila. 21U Yesu abaghile pakupokeliwa kumwanya mupaka akabalilo kakwane akakuyannya ifindu fyosi, ukuyana namo u Chala akayughila ku basololi bake abikemo ukufuma bo bwandilo. 22Pakuti u Mozesi akati, “U Malafyale u Chala winyu akwisa pakumwimika u musololi mubakamu binyu, ngati mo akanyimikila une. Mubaghile pakumwifwila mufyosi fyo akuyugha numwe. 23Po wesi yo atakumwifwila u musololi yula yula, yo ayukusabuliwako ku bandu bake. 24Loli bosi abasololi ukwandila pa Samuwelo na bosi bo bakisa panyuma pake, bope bakafumusya syo sikubombiwa mumasiku ghagha. 25Umwe muli bana ba basololi, sona mwe ba lufingo lo u Chala akafinga na batata binyu, nukumubusya u Abulahamu ukuti, ‘Ukwendela muluko lwako abandu bosi muchisu ichapasi bakwisa pakusayiwa. 26Bo u Chala amususya kubufwe umubombi wake, akamutuma tasi ku kwinyu, pa kubasaya umwe, ukuti wesi apinduke kusila syake isya mbibi.”
Currently Selected:
Imbombo 3: SSTP
Highlight
Share
Copy
Want to have your highlights saved across all your devices? Sign up or sign in
Imbombo 3
3
Ukupola kwa mulemale
1Isiku limo u Pitala nu Yohani bakabukagha ku nyumba ya Chala, pakabalilo ka kwiputa muma fili okoloko pamasuba. 2Po umundu yumo yo akapapiwa mulemale ukufuma mo akapapiliwa, akanyamuliwagha akabalilo kosi nukubikiwa pa mulyango wa Nyumba ya Chala gho bakati Mwisa, ukuti asume ifyabupe ku bandu bo bakwingila mu Nyumba ya Chala. 3Bo amutesya u Pitala nu Yohani bakwingila mu Nyumba ya Chala, akabasuma ukuti bamupeko chimo. 4Po u Pitala nu Yohani bakamulolelesya, po u Pitala akamubusya akati, “Tutesye utwe.” 5Po umundu yula akabalolelesya nukusubila ukuti pamo tapokele chimo kukwabo. 6Loli u Pitala akamubusya akati, isiliva nu golide fyo ndenafyo, loli fyo indi nafyo fyo ngukupa, mwilita lya Yesu Kilisitu uwa mu Nazaleti nyamuka endagha.” 7Po akamukola ninyobe yake indilo nukumunyamusya, papapo na papapo inyayo nu tupulung’unyu fikaba namaka. 8Umwene akanyela nukwimilila, akanda pakwenda, nukwingila nabo poka mu Nyumba ya Chala bo akwenda nukunyela nyela, nu kumupala u Chala. 9Bo abandu bosi bakumutesya akwenda nukumupala u Chala, 10bakamumanya ukuti weyo akikalagha pa Mulyango Umwisa uwa Nyumba ya Chala nukusuma suma. Bosi bakaswigha ngani, nukusukumila pacho chikabombiwa ku mundu yula.
Amasyu gha Pitala mu Nyumba ya Chala
11Bo umundu yula amukakamile u Pitala nu Yohani, abandu bosi bakaswigha nukukindila poka pakwisa ku kwabo mu mbenu yo bakatingi mbenu ya Solomoni. 12Bo u Pitala abatesya abandu, akababusya akati, “Mwe ba Izilayeli, imba choni cho mukuswigha nasisi, sona choni cho mukutulolelesya? Imba mukwinong’ona ukuti twetwe twamwendesya umundu uyu namaka ghitu, pamo nukwiputa kwa Chala witu? 13U Chala wa Abulahamu, Ayizeki nu Yakobo, u Chala wa batata bitu, yo akamughindika umubombi wake u Yesu. Loli mukamubika munyobe sya balughu nukumukana pamaso pa Pilati, napo u Pilati akalondagha pakumusatula. 14#Mat27.15-23; 15.6-14; Luk23.13-23; Yoh19.12-15. Loli umwe mukamukana u Mwikemo sona umugholoke, nukusuma umundu u mufyeka ukuti asatuliwe. 15Mukamughogha yo akupa ubumi, loli u Chala akamusyusya kubufwe. Utwe twe bakamboni pa sisisi. 16Chifukwa cha lwitiko mwilita lya Yesu, lyamupa amaka umundu uyu mukumutesya sona mu mumenye, po ulwitiko loluli mumwake lolo lwa muposya umundu uyu mukumutesya mwebosi. 17Pololi bakamu bangu, simenye ukuti mukabomba ukusita kumanya, ngati balongosi binyu. 18Loli u Chala akayughila nganila ku basololi bosi ukuti u Kilisitu atamiwe, sona sikakwanilisiwa bubu. 19Mupinduke ku imbibi sinyu nukunyokela kwa Chala, ukuti asimye imbibi sinyu. Pala mukubomba bubu u Malafyale akwisa pakubapa akabalilo akakutusikisya, 20sona akwisa pakubatumila u Yesu Kilisitu yo akabasalila nganila. 21U Yesu abaghile pakupokeliwa kumwanya mupaka akabalilo kakwane akakuyannya ifindu fyosi, ukuyana namo u Chala akayughila ku basololi bake abikemo ukufuma bo bwandilo. 22Pakuti u Mozesi akati, “U Malafyale u Chala winyu akwisa pakumwimika u musololi mubakamu binyu, ngati mo akanyimikila une. Mubaghile pakumwifwila mufyosi fyo akuyugha numwe. 23Po wesi yo atakumwifwila u musololi yula yula, yo ayukusabuliwako ku bandu bake. 24Loli bosi abasololi ukwandila pa Samuwelo na bosi bo bakisa panyuma pake, bope bakafumusya syo sikubombiwa mumasiku ghagha. 25Umwe muli bana ba basololi, sona mwe ba lufingo lo u Chala akafinga na batata binyu, nukumubusya u Abulahamu ukuti, ‘Ukwendela muluko lwako abandu bosi muchisu ichapasi bakwisa pakusayiwa. 26Bo u Chala amususya kubufwe umubombi wake, akamutuma tasi ku kwinyu, pa kubasaya umwe, ukuti wesi apinduke kusila syake isya mbibi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in