Imbombo 27
27
U Pabuli akwenda pa nyanja ukubuka ku Loma
1Bo kwatumuliwa ukuti tubuke kuchisu cha Itale ukwenda pa mungalaba, u Pabuli na bakayidi abanine bakabikiwa munyobe sya songo wa basilikali uwa kabukutila ka Kesali, ilita lyake Juliyasi. 2Po tukakwela mu ngalaba ukufuma ku Adilametiyamu bo bukaba papipi pakunyamuka ukubuka mumaloboko gha muchingaba cha Asiya, po tukanyamuka, u Alisitalika uwa mukaya ka Tesalonika muchingaba cha Makedoniya akaba poka nutwe. 3Ilya ningelo lyake tukafika mu Sidoni, u Juliyasi akamupelela ichisa u Pabuli, po akamwitikisya ukuti abuke pakutesya abamanyani bake ukuti bamupe ifyakusobelwa fyake.
4Tukanyamuka ukufuma kula kula tukakwela ubwato, tukenda kumbali kwa kasungo ka Sayipulasi pakuti imbepo yikatupingagha. 5Bo twaloboka inyanja, tukabuka pa bwato ku Silikiya na ku Pamufiliya nukufika mukaya ka Mila muchingaba cha Lisiya. 6Ko usongo wa basilikali akayagha Ingalaba yo yikafumagha ku Alekizandiliya pakubuka ku Itale, po akatukwesya mula mula. 7Tukenda papala papala amasiku amingi ni ndamyo ingulu ngani mupaka tukafika mukaya ka Kinida, bo imbepo yakanisya ubulendo bwitu, tukabuka kundende kwa kasungo ka Kileti, ko kakaba papipi nu Salimoni. 8Tukendagha mumbali mwa kasungo kala umwakutamiwa ngani nukufika kubuyo bo bakati Maloboko Amisa, gho ghakaba papipi nakaya ka Laseya.
9Tukatagha akabalilo akatalingani kula kula mupaka kukanda pakoghofya ukwendelela nu bulendo chifukwa akabalilo kakutusya pakulya kakaba kakuti kamalite kale, po u Pabuli akabasoka akati, 10“Mwe banalume, ngutesya ukuti ubulendo bwitu bukwisa pakuba bwakoghofya. Ukatundu ni ngalaba fikwisa pakunangika ngani sona nu bumi bwitu.” 11Loli usongo wa basilikali akifwila syo uwakwendesya ingalaba numwenecho bakayugha, ukukila syo u Pabuli akayugha. 12Piloboko pala pala patakaba pisa ukwikalapo akabalilo ka lupepo, po abingi batakalondagha ukuti tufumepo pabuyo bula pa bwato nukughesya pa kufika ku Fonike, pala chingabombiwa ukuti bangikala kula kula akabalilo ka lupepo. Fonike lyo liloboko lya mu Kileti, pakulumbila kundende kubwingililo bwa lisuba, na kumitu kubufumilo bwa lisuba.
Imbepo yakukuka pa nyanja
13Bo imbepo yo yikafumagha kundende yikanda pakuputa papala papala, abandu bakinong’ona ukuti bachagha cho bakalondagha, bakatisya ichela iching’wamu cho chikakola ingalaba, po bakanda pakwenda mumbali mwiloboko lya Kileti. 14Loli bo penda papala, imbepo yakukuka yo bakatingi imbepo ya kumitu kubufumilo bwa lisuba, yikakuka ukufuma ku kasungo. 15Imbepo yila yikakoma ingalaba umwakuti bukapotwa pakwendelela pakubuka ko imbepo yikafumilagha, po tukabuleka ukuti tusungiliwe bubu ni mbepo. 16Tukafika papipi na kasungo akapala ko bakati Kabunda, kumbali ko kutakabako imbepo, umwakutamiwa tukabupoka ubwato, 17tukabukwesya ubwato bula mu ngalaba, po tukapinyilila ingalaba ni ndisi ukuti yibe na maka, bakoghopagha ukuti bangabandiliwa pamusesenga wa piloboko lya Libiya, po bakisya umwenda nukuyileka ingalaba ukuti basungiliwe bubu ni mbepo. 18Imbepo iyakukuka yila yikendelela, po ilya ningelo lyake bakanda pakutagha ukatundu mu misi. 19Po pisiku lyabutatu bakatagha ifingaba fimo ifya ingalaba mumisi. 20Tutakatesya isuba pamo indondwa amasiku amingi, sona imbepo yene yikendelela pakukuka ngani, pabumalilo tukatagha ulusubilo ulwakuti tungapona.
21Bo bikalapo akabalilo akatali ukusita kulya nachimo, u Pabuli akimilila pakati pabo akati, “Banalume mwee, mundeghelesye une cho ngayugha une, nukusita kufumamo mu Kileti, ngali ifindu fitakomanika bububu. 22Loli ulu ngubasuma ukuti mukibe ngani umoyo, nayumo umundu mumwinyu yo akwisa pakufwa, loli ingalaba yene yo yikwisa pakukomanika. 23Pakuti ubusiku bo bwamalagha uwandumi wa Chala yo ne wake, sona yo ngumubombela akimilila kumbali ku kwangu, 24nukuyugha ukuti, ‘Utakoghope Pabuli, ubaghile pakwimilila pamaso pa Kesali, po tesya, u Chala akakupa bosi bo ukwenda nabo poka. 25Po mukibe ngani umoyo, banalume, pakuti indi nulwitiko mwa Chala ukuti akwisa pakusibomba ukuyana namo akambusikisya une. 26Loli tukwisa pakubandilawa pa kasungo kamo.”
27Pabusiku ubwa pa fotini, bo tukali tukusungiliwa ni mbepo panyanja ya Adiliya, ababombi aba mungalaba bakinong’ona ukuti tuli papipi ukufika pabwima. 28Po bakapima ubutali bwa misi panyanja pakundwibika ibwe lyo bakalipinya nu lulisi nu kwagha ukuti bukaba amatamba fote, bo benda papala bakapima sona nukwagha ukuti buli namatamba sate. 29Po pakoghopa ukuti ubwato bungabandiliwa namabwe, bakandwibika ifyela ifing’wamu folo kunyuma kwa bwato ukuti fibukole, sona bakiputa ukuti kuche lubilo. 30Ababombi aba ngalaba yila bakaghesya pakukindamo, bakisya ubwato pamisi ngati po babuka pakudwibika ifyela ifingi ifingw’amu kundasi kwa bwato bula. 31Po u Pabuli akamubusya usongo wa basilikali sona na basilikali akati, “Pala ababombi aba batakwikalamo mungalaba umu, mutangapona. 32Po abasilikali bakaputula indisi sya bwato, nukubuleka ukuti bubukaghe.
33Pangelo pake bo nisuba likali pa kufuma, u Pabuli akabasuma bosi ukuti balye ichakulya, akati, “Ipano lisiku lya fotini lyo mwalindililagha nukusita kulya, sona akabalilo kosi mutalya nachimo. 34Pololi ngubasuma ukuti mulye ichakulya, chikwisa pakubapa maka, pakuti nayumo mu mwinyu yo iching’wili cha kumutu wake chikwisa pakusobela.” 35Bo u Pabuli ayugha sisisi, akasenya ifibama nukupalisya kwa Chala pamaso gha bosi, po akafimenyannya nukwanda pakulya. 36Po bakakiba umoyo bosi, sona bosi bakalya ichakulya. 37Po twebosi poka mungalaba tukaba tuhandelendi sevenity sikisi. 38Bo bosi bikuta, bakayipepusya ingalaba pakutagha ingano yosi mu nyanja.
Ukupangungana kwa ngalaba
39Bo kwacha ababombi ba bwato bakapotwa pakumanya ichisu, loli bakatesya ubuyo bwa musesenga, po bakinong’ona ukuti pala singitikisiwa yingabandiliwapo ingalaba. 40Po bakaputula ifyela ifing’wamu fila nukufileka ukuti fidwibe mu nyanja, sona mukabalilo koka kala kala bakasatula indisi syo sikapinyiliwa kufyakufighila ingalaba, po bakakwesya umwenda kundasi kwa ngalaba ukuti imbepo yisungile nu kubuka pisila. 41Loli ingalaba yila yikabandiliwa pamusesenga, kundasi kwa ngalaba yila kukakatila, bo kunyuma kukulepungana chifukwa cha mayigha.
42Po abasilikali bakinong’ona ukuti baghoghe abakayidi bosi, ukuti atakabepo nayumo uwakusaba nukukinda. 43Loli usongo wa basilikali yula akalondagha pakumupoka u Pabuli, po akabakanisya pakubomba ubwighane bwabo, akabalamula bo bangasaba ukuti banyelele mu misi nukusaba pakubuka pabwima. 44Po abangi bakababusya ukuti bakwele pamatabwa pamo patupato twa ngalaba, sonamomo twebosi tukaponela nukufika pabwima.
Currently Selected:
Imbombo 27: SSTP
Highlight
Share
Copy
Want to have your highlights saved across all your devices? Sign up or sign in
Imbombo 27
27
U Pabuli akwenda pa nyanja ukubuka ku Loma
1Bo kwatumuliwa ukuti tubuke kuchisu cha Itale ukwenda pa mungalaba, u Pabuli na bakayidi abanine bakabikiwa munyobe sya songo wa basilikali uwa kabukutila ka Kesali, ilita lyake Juliyasi. 2Po tukakwela mu ngalaba ukufuma ku Adilametiyamu bo bukaba papipi pakunyamuka ukubuka mumaloboko gha muchingaba cha Asiya, po tukanyamuka, u Alisitalika uwa mukaya ka Tesalonika muchingaba cha Makedoniya akaba poka nutwe. 3Ilya ningelo lyake tukafika mu Sidoni, u Juliyasi akamupelela ichisa u Pabuli, po akamwitikisya ukuti abuke pakutesya abamanyani bake ukuti bamupe ifyakusobelwa fyake.
4Tukanyamuka ukufuma kula kula tukakwela ubwato, tukenda kumbali kwa kasungo ka Sayipulasi pakuti imbepo yikatupingagha. 5Bo twaloboka inyanja, tukabuka pa bwato ku Silikiya na ku Pamufiliya nukufika mukaya ka Mila muchingaba cha Lisiya. 6Ko usongo wa basilikali akayagha Ingalaba yo yikafumagha ku Alekizandiliya pakubuka ku Itale, po akatukwesya mula mula. 7Tukenda papala papala amasiku amingi ni ndamyo ingulu ngani mupaka tukafika mukaya ka Kinida, bo imbepo yakanisya ubulendo bwitu, tukabuka kundende kwa kasungo ka Kileti, ko kakaba papipi nu Salimoni. 8Tukendagha mumbali mwa kasungo kala umwakutamiwa ngani nukufika kubuyo bo bakati Maloboko Amisa, gho ghakaba papipi nakaya ka Laseya.
9Tukatagha akabalilo akatalingani kula kula mupaka kukanda pakoghofya ukwendelela nu bulendo chifukwa akabalilo kakutusya pakulya kakaba kakuti kamalite kale, po u Pabuli akabasoka akati, 10“Mwe banalume, ngutesya ukuti ubulendo bwitu bukwisa pakuba bwakoghofya. Ukatundu ni ngalaba fikwisa pakunangika ngani sona nu bumi bwitu.” 11Loli usongo wa basilikali akifwila syo uwakwendesya ingalaba numwenecho bakayugha, ukukila syo u Pabuli akayugha. 12Piloboko pala pala patakaba pisa ukwikalapo akabalilo ka lupepo, po abingi batakalondagha ukuti tufumepo pabuyo bula pa bwato nukughesya pa kufika ku Fonike, pala chingabombiwa ukuti bangikala kula kula akabalilo ka lupepo. Fonike lyo liloboko lya mu Kileti, pakulumbila kundende kubwingililo bwa lisuba, na kumitu kubufumilo bwa lisuba.
Imbepo yakukuka pa nyanja
13Bo imbepo yo yikafumagha kundende yikanda pakuputa papala papala, abandu bakinong’ona ukuti bachagha cho bakalondagha, bakatisya ichela iching’wamu cho chikakola ingalaba, po bakanda pakwenda mumbali mwiloboko lya Kileti. 14Loli bo penda papala, imbepo yakukuka yo bakatingi imbepo ya kumitu kubufumilo bwa lisuba, yikakuka ukufuma ku kasungo. 15Imbepo yila yikakoma ingalaba umwakuti bukapotwa pakwendelela pakubuka ko imbepo yikafumilagha, po tukabuleka ukuti tusungiliwe bubu ni mbepo. 16Tukafika papipi na kasungo akapala ko bakati Kabunda, kumbali ko kutakabako imbepo, umwakutamiwa tukabupoka ubwato, 17tukabukwesya ubwato bula mu ngalaba, po tukapinyilila ingalaba ni ndisi ukuti yibe na maka, bakoghopagha ukuti bangabandiliwa pamusesenga wa piloboko lya Libiya, po bakisya umwenda nukuyileka ingalaba ukuti basungiliwe bubu ni mbepo. 18Imbepo iyakukuka yila yikendelela, po ilya ningelo lyake bakanda pakutagha ukatundu mu misi. 19Po pisiku lyabutatu bakatagha ifingaba fimo ifya ingalaba mumisi. 20Tutakatesya isuba pamo indondwa amasiku amingi, sona imbepo yene yikendelela pakukuka ngani, pabumalilo tukatagha ulusubilo ulwakuti tungapona.
21Bo bikalapo akabalilo akatali ukusita kulya nachimo, u Pabuli akimilila pakati pabo akati, “Banalume mwee, mundeghelesye une cho ngayugha une, nukusita kufumamo mu Kileti, ngali ifindu fitakomanika bububu. 22Loli ulu ngubasuma ukuti mukibe ngani umoyo, nayumo umundu mumwinyu yo akwisa pakufwa, loli ingalaba yene yo yikwisa pakukomanika. 23Pakuti ubusiku bo bwamalagha uwandumi wa Chala yo ne wake, sona yo ngumubombela akimilila kumbali ku kwangu, 24nukuyugha ukuti, ‘Utakoghope Pabuli, ubaghile pakwimilila pamaso pa Kesali, po tesya, u Chala akakupa bosi bo ukwenda nabo poka. 25Po mukibe ngani umoyo, banalume, pakuti indi nulwitiko mwa Chala ukuti akwisa pakusibomba ukuyana namo akambusikisya une. 26Loli tukwisa pakubandilawa pa kasungo kamo.”
27Pabusiku ubwa pa fotini, bo tukali tukusungiliwa ni mbepo panyanja ya Adiliya, ababombi aba mungalaba bakinong’ona ukuti tuli papipi ukufika pabwima. 28Po bakapima ubutali bwa misi panyanja pakundwibika ibwe lyo bakalipinya nu lulisi nu kwagha ukuti bukaba amatamba fote, bo benda papala bakapima sona nukwagha ukuti buli namatamba sate. 29Po pakoghopa ukuti ubwato bungabandiliwa namabwe, bakandwibika ifyela ifing’wamu folo kunyuma kwa bwato ukuti fibukole, sona bakiputa ukuti kuche lubilo. 30Ababombi aba ngalaba yila bakaghesya pakukindamo, bakisya ubwato pamisi ngati po babuka pakudwibika ifyela ifingi ifingw’amu kundasi kwa bwato bula. 31Po u Pabuli akamubusya usongo wa basilikali sona na basilikali akati, “Pala ababombi aba batakwikalamo mungalaba umu, mutangapona. 32Po abasilikali bakaputula indisi sya bwato, nukubuleka ukuti bubukaghe.
33Pangelo pake bo nisuba likali pa kufuma, u Pabuli akabasuma bosi ukuti balye ichakulya, akati, “Ipano lisiku lya fotini lyo mwalindililagha nukusita kulya, sona akabalilo kosi mutalya nachimo. 34Pololi ngubasuma ukuti mulye ichakulya, chikwisa pakubapa maka, pakuti nayumo mu mwinyu yo iching’wili cha kumutu wake chikwisa pakusobela.” 35Bo u Pabuli ayugha sisisi, akasenya ifibama nukupalisya kwa Chala pamaso gha bosi, po akafimenyannya nukwanda pakulya. 36Po bakakiba umoyo bosi, sona bosi bakalya ichakulya. 37Po twebosi poka mungalaba tukaba tuhandelendi sevenity sikisi. 38Bo bosi bikuta, bakayipepusya ingalaba pakutagha ingano yosi mu nyanja.
Ukupangungana kwa ngalaba
39Bo kwacha ababombi ba bwato bakapotwa pakumanya ichisu, loli bakatesya ubuyo bwa musesenga, po bakinong’ona ukuti pala singitikisiwa yingabandiliwapo ingalaba. 40Po bakaputula ifyela ifing’wamu fila nukufileka ukuti fidwibe mu nyanja, sona mukabalilo koka kala kala bakasatula indisi syo sikapinyiliwa kufyakufighila ingalaba, po bakakwesya umwenda kundasi kwa ngalaba ukuti imbepo yisungile nu kubuka pisila. 41Loli ingalaba yila yikabandiliwa pamusesenga, kundasi kwa ngalaba yila kukakatila, bo kunyuma kukulepungana chifukwa cha mayigha.
42Po abasilikali bakinong’ona ukuti baghoghe abakayidi bosi, ukuti atakabepo nayumo uwakusaba nukukinda. 43Loli usongo wa basilikali yula akalondagha pakumupoka u Pabuli, po akabakanisya pakubomba ubwighane bwabo, akabalamula bo bangasaba ukuti banyelele mu misi nukusaba pakubuka pabwima. 44Po abangi bakababusya ukuti bakwele pamatabwa pamo patupato twa ngalaba, sonamomo twebosi tukaponela nukufika pabwima.
Currently Selected:
:
Highlight
Share
Copy
Want to have your highlights saved across all your devices? Sign up or sign in