Imbombo 20
20
1Bo ifyongo fyamala, u Pabuli akabitisya abamanyili nukubalagha namasyu agha kubakasya, akanyamuka nukubuka ku Makedoniya. 2Po akati akapulusannya mufingaba fila, akabakasya abandu na masyu amingi, akafika ku Gilisi. 3Ko akikalako imyesi mitatu, bo ali papipi pakubuka ku Siliya mu bwato, akasyaghannya ukuti aba Yuda bakabatika pakumughogha, po akinong’ona pakunyokela ukwendela ku Makedoniya. 4Po akaba poka nu Sopatelo umwana wa Pilo uwa mu Beleya, u Alisitaliko nu Sekundo uwa mu Tesalonika, u Gayi uwa mukaya ka Delibe, nu Timoti, u Tikika nu Tulofimo aba muchisu cha Asiya. 5Abandu aba bakatangilako nu kutulindilila ku Tulowasi. 6Loli tukanyamuka mubwato ukufuma ku Filipu, bo ghamala amasiku gha chibama ichisita chilungo, bo ghakilapo amasiku fayivi tukabakonga ku Tulowasi, ko tukikalako amasiku seveni.
Ubulendo ubwabumalilo ubwa Pabuli mu Tulowasi
7Po isiku lya kwanda mwa sabata, bo twabungana poka nukumenyannya ichibama, u Pabuli akayugha na bandu, pakuti akalondagha pakufumapo ningelo, po akabukilila pakuyugha mupaka pa busiku. 8Po mukaba inyale inyingi mu chipinda cha pamwanya pa chinine mo tukabunganamo. 9Po umulumyana yumo yo ilita lyake akaba we Yutiko akikala pibwindo, po utulo utupapala tukamukola bo u Pabuli akwendelela pakuyugha, bo atamiwe nutulo, akawa pasi ukufuma muchipinda chabutatu pamwanya, bo bakumuseba bakagha afwile. 10Loli u Pabuli akika pasi nukumuwila umulumyana yula nukumukukila, akati, “Mutakapasyaghe akali mumi.” 11Po akakwela sona muchipinda chila, akamenyannya ichibama nu kulya, akayugha nabo akabalilo akatali mupaka kubuche, sona akufumapo. 12Bakamusenya umulumyana yula nukubuka nawe kunyumba mumi, sona bakahoboka ngani.
Ukufuma mu Tulowasi ukubuka mu Mileta
13Po tukatangilapo pakubuka mubwato, tukakwela ukubuka mukaya ka Asosi, ko tukalondagha pakumusenya u Pabuli pakuti momo akatulaghilila, loli umwene akati akwenda pabwima. 14Bo akomana nutwe ku Asosi, tukamusenya nukubuka nawe ku Mitileni. 15Tukakwela mubwato ukufuma kula kula sona ilya ningelo lyake tukafika piloboko lya Kiyo, ilya ningelo sona tukafika mu Samo, po ilya ningelo tukafika mu Mileta. 16Pakuti u Pabuli akinong’ona ukupululila mu Efeso, ukuti atakataghe akabalilo mu Asiya, pakuti akakindililagha ku Yelusalemu, pala chingabombiwa, pisiku ilya Pendekositi.
U Pabuli akulaghana na basongo aba mu Efeso
17Ukufuma ku Mileta u Pabuli akatuma amasyu ku Efeso pakubasuma abasongo ba chipanga ukuti bakomane nawe.
18Bo bafika ku kwake, akababusya akati, ‘Mumenye mo ngikalilagha numwe akabalilo kosi ukwandila pisiku lyakwanda, lyo ngafikilagha mu Asiya, 19namubombela u Malafyale nukwiyisya kwangu kosi, sona namasosi, ningelo syo sikanyagha bo bakundegha aba Yuda. 20Musimenye ukuti ndakafifapo nachimo cho chingaba cha kubafwa, syo ngakalumbilila ku kwinyu, nu kubamanyisya pabwelu inyumba ninyumba. 21Ngusimikisya ku ba Yuda na kuba Giliki isya kupindukila kwa Chala, nisya lwitiko mwa Malafyale witu u Yesu Kilisitu. 22Po ulu, pakulongosiwa nu Mbepo, ngubuka ku Yelusalemu ukusita kumanya cho chaya pakumbonekela kula kula. 23Loli chene cho njimenye chakuti u Mbepo Mwikemo akusimikisya mutwaya tosi, ukuti ijela ni ndamyo fikundindilila. 24#2 Tim4.7.Loli ndakupasyapo nisya bumi bwangu ukuti bwapamwanya ku kwangu, po cho ngulonda chakuti imalisye imbombo yangu, nu bubombeli bo u Malafyale u Yesu akamba ubwakusimikisya Amasyu Amisa agha chisa cha Chala.
25Po ipano simenye ukuti umwe mwe bosi nabendela nukulumbilila ubunyafyale bwa Chala, mutakwisa pakutesya sona icheni changu. 26Pololi ngusimikisya ku kwinyu ipano, ukuti nde ninongwa nibanda lya mwebosi. 27Pakuti ndakafifapo nachimo ku kwinyu, loli ngalumbilila syosi syo u Chala akulonda. 28Po mwisungilile mwebene, nu lutimo losi lo u Mbepo Mwikemo akabika pakuba mwe balindilili, ukuti mube batimi ba Chipanga cha Chala, cho akaghula nibanda lya Mwana wake. 29Simenye ukuti bo nafuma une, imbumbi ingali sikwisa mu mwinyu, sitakwisa pakululeka ulutimo. 30Akabalilo ka kwisa ko abandu bamo aba mu kabukatila kinyu bakwisa pakuyugha ubumyasi nukubannyengela abamanyili ukuti babakonge. 31Pololi mube maso, mukumbukaghe ukuti pafinja fitatu umusanya nu busiku ndakalekapo nalumo pakubasoka mwebosi na masosi. 32Po ipano ngubabika munyobe sya Chala na mumasyu gha chisa chake, gho chingabasenga nukubapa ichilingo mu bikemo bosi. 33Ndakanyenwapo u siliva pamo u golide pamo ifyakufwala fya mundu yumo. 34Umwe mwebene musimenye ukuti nabombesyagha inyobe syangu ukuti fyaghe ifindu fyo une na bamanyani bangu tukasobelwagha. 35Mufindu fyosi fyo nabalangisya pakubomba ngani imbombo bububu, tubaghile pakubafwa abapotwe, mukumbukaghe amasyu gho u Malafyale u Yesu akayugha ukuti, ‘Ukupa kusayiwa ngani ukukila kupokela.’ ”
36Bo u Pabuli amalisya pakuyugha, akafughamila pasi nukwiputa nabo poka bosi. 37Bosi bakalilagha bo bakumukukila nukumufyofyona nukulaghana nawe, 38bakaba ni chitima ngani chifukwa cha masyu gho akayugha ukuti te bakatesye sona icheni chake. Po bakamusindikila ku ngalaba.
Currently Selected:
Imbombo 20: SSTP
Highlight
Share
Copy
Want to have your highlights saved across all your devices? Sign up or sign in
Imbombo 20
20
1Bo ifyongo fyamala, u Pabuli akabitisya abamanyili nukubalagha namasyu agha kubakasya, akanyamuka nukubuka ku Makedoniya. 2Po akati akapulusannya mufingaba fila, akabakasya abandu na masyu amingi, akafika ku Gilisi. 3Ko akikalako imyesi mitatu, bo ali papipi pakubuka ku Siliya mu bwato, akasyaghannya ukuti aba Yuda bakabatika pakumughogha, po akinong’ona pakunyokela ukwendela ku Makedoniya. 4Po akaba poka nu Sopatelo umwana wa Pilo uwa mu Beleya, u Alisitaliko nu Sekundo uwa mu Tesalonika, u Gayi uwa mukaya ka Delibe, nu Timoti, u Tikika nu Tulofimo aba muchisu cha Asiya. 5Abandu aba bakatangilako nu kutulindilila ku Tulowasi. 6Loli tukanyamuka mubwato ukufuma ku Filipu, bo ghamala amasiku gha chibama ichisita chilungo, bo ghakilapo amasiku fayivi tukabakonga ku Tulowasi, ko tukikalako amasiku seveni.
Ubulendo ubwabumalilo ubwa Pabuli mu Tulowasi
7Po isiku lya kwanda mwa sabata, bo twabungana poka nukumenyannya ichibama, u Pabuli akayugha na bandu, pakuti akalondagha pakufumapo ningelo, po akabukilila pakuyugha mupaka pa busiku. 8Po mukaba inyale inyingi mu chipinda cha pamwanya pa chinine mo tukabunganamo. 9Po umulumyana yumo yo ilita lyake akaba we Yutiko akikala pibwindo, po utulo utupapala tukamukola bo u Pabuli akwendelela pakuyugha, bo atamiwe nutulo, akawa pasi ukufuma muchipinda chabutatu pamwanya, bo bakumuseba bakagha afwile. 10Loli u Pabuli akika pasi nukumuwila umulumyana yula nukumukukila, akati, “Mutakapasyaghe akali mumi.” 11Po akakwela sona muchipinda chila, akamenyannya ichibama nu kulya, akayugha nabo akabalilo akatali mupaka kubuche, sona akufumapo. 12Bakamusenya umulumyana yula nukubuka nawe kunyumba mumi, sona bakahoboka ngani.
Ukufuma mu Tulowasi ukubuka mu Mileta
13Po tukatangilapo pakubuka mubwato, tukakwela ukubuka mukaya ka Asosi, ko tukalondagha pakumusenya u Pabuli pakuti momo akatulaghilila, loli umwene akati akwenda pabwima. 14Bo akomana nutwe ku Asosi, tukamusenya nukubuka nawe ku Mitileni. 15Tukakwela mubwato ukufuma kula kula sona ilya ningelo lyake tukafika piloboko lya Kiyo, ilya ningelo sona tukafika mu Samo, po ilya ningelo tukafika mu Mileta. 16Pakuti u Pabuli akinong’ona ukupululila mu Efeso, ukuti atakataghe akabalilo mu Asiya, pakuti akakindililagha ku Yelusalemu, pala chingabombiwa, pisiku ilya Pendekositi.
U Pabuli akulaghana na basongo aba mu Efeso
17Ukufuma ku Mileta u Pabuli akatuma amasyu ku Efeso pakubasuma abasongo ba chipanga ukuti bakomane nawe.
18Bo bafika ku kwake, akababusya akati, ‘Mumenye mo ngikalilagha numwe akabalilo kosi ukwandila pisiku lyakwanda, lyo ngafikilagha mu Asiya, 19namubombela u Malafyale nukwiyisya kwangu kosi, sona namasosi, ningelo syo sikanyagha bo bakundegha aba Yuda. 20Musimenye ukuti ndakafifapo nachimo cho chingaba cha kubafwa, syo ngakalumbilila ku kwinyu, nu kubamanyisya pabwelu inyumba ninyumba. 21Ngusimikisya ku ba Yuda na kuba Giliki isya kupindukila kwa Chala, nisya lwitiko mwa Malafyale witu u Yesu Kilisitu. 22Po ulu, pakulongosiwa nu Mbepo, ngubuka ku Yelusalemu ukusita kumanya cho chaya pakumbonekela kula kula. 23Loli chene cho njimenye chakuti u Mbepo Mwikemo akusimikisya mutwaya tosi, ukuti ijela ni ndamyo fikundindilila. 24#2 Tim4.7.Loli ndakupasyapo nisya bumi bwangu ukuti bwapamwanya ku kwangu, po cho ngulonda chakuti imalisye imbombo yangu, nu bubombeli bo u Malafyale u Yesu akamba ubwakusimikisya Amasyu Amisa agha chisa cha Chala.
25Po ipano simenye ukuti umwe mwe bosi nabendela nukulumbilila ubunyafyale bwa Chala, mutakwisa pakutesya sona icheni changu. 26Pololi ngusimikisya ku kwinyu ipano, ukuti nde ninongwa nibanda lya mwebosi. 27Pakuti ndakafifapo nachimo ku kwinyu, loli ngalumbilila syosi syo u Chala akulonda. 28Po mwisungilile mwebene, nu lutimo losi lo u Mbepo Mwikemo akabika pakuba mwe balindilili, ukuti mube batimi ba Chipanga cha Chala, cho akaghula nibanda lya Mwana wake. 29Simenye ukuti bo nafuma une, imbumbi ingali sikwisa mu mwinyu, sitakwisa pakululeka ulutimo. 30Akabalilo ka kwisa ko abandu bamo aba mu kabukatila kinyu bakwisa pakuyugha ubumyasi nukubannyengela abamanyili ukuti babakonge. 31Pololi mube maso, mukumbukaghe ukuti pafinja fitatu umusanya nu busiku ndakalekapo nalumo pakubasoka mwebosi na masosi. 32Po ipano ngubabika munyobe sya Chala na mumasyu gha chisa chake, gho chingabasenga nukubapa ichilingo mu bikemo bosi. 33Ndakanyenwapo u siliva pamo u golide pamo ifyakufwala fya mundu yumo. 34Umwe mwebene musimenye ukuti nabombesyagha inyobe syangu ukuti fyaghe ifindu fyo une na bamanyani bangu tukasobelwagha. 35Mufindu fyosi fyo nabalangisya pakubomba ngani imbombo bububu, tubaghile pakubafwa abapotwe, mukumbukaghe amasyu gho u Malafyale u Yesu akayugha ukuti, ‘Ukupa kusayiwa ngani ukukila kupokela.’ ”
36Bo u Pabuli amalisya pakuyugha, akafughamila pasi nukwiputa nabo poka bosi. 37Bosi bakalilagha bo bakumukukila nukumufyofyona nukulaghana nawe, 38bakaba ni chitima ngani chifukwa cha masyu gho akayugha ukuti te bakatesye sona icheni chake. Po bakamusindikila ku ngalaba.
Currently Selected:
:
Highlight
Share
Copy
Want to have your highlights saved across all your devices? Sign up or sign in