Imbombo 15
15
Ulukomano mu Yelusalemu
1 #
Lev12.3. Abandu bamo bakisa ukufuma ku Yudeya, bakabamanyisya abakamu ukuti, “Ukusita ukuti mutasilimuliwe ukuyana nu muteto wa Mozesi, mu tabaghile pakupokiwa.”
2Po u Pabuli nu Balanabasi bakasusannya nabo ngani nisya fundo yiyiyi, po u Pabuli nu Balanabasi poka nabakamu bamo bakasaliwa ukubuka ku Yelusalemu ku batumiwa na ku basongo ukuti bayughisannye nisya lilalusyo lilili.
3Po bakatumiwa ni chipanga, bakenda bapulusannya mu Fonike, na mu Samaliya, bakabalingannya nisya kapindukile ka bapanja, sisisi sikabapa ukuhoboka ukukulu bosi abitiki. 4Bo bafika mu Yelusalemu, bakapokeliwa ni chipanga, na batumiwa, na basongo, nukubabusya syosi syo u Chala akabomba nabo. 5Loli abitiki bamo bo bakaba mukabukutila ka ba Falisayi bakimilila nukuti, “Sibaghile ukuti abapanja bope basilimuliwe, nukubabusya ukuti basunge indaghilo sya Mozesi.”
6Abatumiwa na basongo bakabungana poka ukuti batesye inongwa yiyiyi. 7#Imbo10.43.Bo basusannya akabalilo akatali, u Pitala akimilila nukubabusya ukuti, “Mwee bakamu bangu, musimenye ukuti kale u Chala akasala mumwinyu, ukuti mu mulomo mwangu abapanja bifwe Amasyu Amisa nukusubila. 8Po u Chala weyo aghumenye umoyo, akasimikisya kukwabo pakubapa u Mbepo Mwikemo ukuyana namo akatupela nutwe. 9Po atakatulekannyapo utwe nabo, loli akaswepesya imyoyo yabo nulwitiko. 10Ipano choni cho mukumughela u Chala pakubabika ujoko musingo mwa bamanyili, yo abatata pamo utwe tukapotwa pakunyamula? 11Loli tukusubila ukuti tukupokiwa muchisa cha Malafyale u Yesu ngati bope mo bayukupokeliwa.”
12Po ichilundilo chosi chikaba myee, nu kuteghelesya kwa Balanabasi nu Pabuli bo bakubabusya nisya fimanyilo nifiswigho fyo u Chala akabomba na bapanja ukwendela mumwabo. 13Bo bamala pakuyugha, u Yakobo akamula akati, “Mwee bakamu bangu, teghelesya ku une. 14U Simoni alingannya namo u Chala akandila pakubatesya abapanja, ukuti asenyemo mu mwabo abandu aba lita lyake. 15Po na masyu gha basololi ghakwitikana na isi, ngati mo kukasimbiliwa ukuti, 16#Amo9.11.Panyuma pa isi ngwisa pakunyokela sona,
nukusenga sona inyumba ya Devedi, yo yikawa,
ngwisa pakusenga sona ichisami chake
nukuchiyannya pakuba sona chamaka ngani,
17ukuti abandu bo bakusyala bamulonde u Malafyale,
na bapanja bosi bo bakwitikisiwa nilita lyangu, 18ayugha u Malafyale, yo afumbula ifindu fyosi fififi ukufuma kale.’
19Pololi ukulamula kwangu kwakuti, tutakabatamye abapanja bo bapindukila kwa Chala, 20#Ukf34.15-17; Lev18.6-23; 17.10-16.loli tubasimbile ku babo, ukuti batakalye ifyakulya fyo finyalite pakuti fyabikiwa ku fifwani, nu bwamalaya, nukuti batakalye ifinyama fyo fyanyongiwa bubu, pamo ibanda. 21Pakuti indaghilo sya Mozesi sikalumbiliwa mutwaya tosi ukwandila mungulilo iyakale yosi, po bakubelenga isiku lyosi ilyakutusya.”
Ukalata akutumiwa ku bitiki bapanja
22Po abatumiwa na basongo bachipanga bosi, bakinong’ona pakusala abandu bamo mukabukutila kabo nukubatuma ku Andiyokiya poka nu Pabuli nu Balanabasi. Bakamusala u Yudasi yo bakati Balasabasi, nu Sila bo bakaba balongosi mu bitiki, 23po bakabatuma nu kalata uyu, “Utwe twe batumiwa, na basongo, na bawamwinyu, ku bakamu aba mubapanja abitiki ba mu Andiyokiya, Siliya na mu Kilikiya, tukubalamuka. 24Twifwa ukuti bamo mukabukutila kitu bakubatamya namasyu, nukufulungannya imyoyo yinyu, napo utwe tutakabalaghilapo. 25Po twebosi tukitikana pa kusala bamo abanalume nu kubatuma kukwinyu poka na baghaniwa bitu u Balanabasi nu Pabuli, 26abandu bo bakabutagha ubumi bwabo chifukwa cha lita lya Malafyale u Yesu Kilisitu. 27Po tukubatumila u Yudasi nu Sila, bo bakwisa pakubabusya ifindu fififi na masyu gha mu mulomo gho tukusimba. 28Pakuti chikaboneka chisa kwa Mbepo Mwikemo nutwe, ukuti tutakabanyamulisye ukatundu umukulu ukukila payo akulondiwa ukuti, 29mutakalye ifyakulya fyo fya bikiwa kufifwani, ni banda, na kufinyamana fyo fyanyongiwa bubu, sona nubwamalaya. Mukwisa pakubomba akisa pala mukwepuka ku findu fififi. Musyale akisa.”
30Bo batumiwa, bakabuka ku Andiyokiya, ko bakachibungannya ichipanga poka nu kubapa ukalata yula. 31Bo abandu babelenga ukalata yula, bakahoboka chifukwa cha masyu agha lukasyo. 32U Yudasi nu Sila, bo bakaba basololi, bakayugha nabo amasyu amingi agha lukasyo. 33Bo bighonesyako amasiku ghamo, abandu bala bakabanyosya mu mutende ku bandu bo bakabatuma.
35Loli u Pabuli nu Balanabasi bakendelela pakwikala mu Andiyokiya, ukumanyisya nu kulumbilila amasyu gha Malafyale poka na banine abangi.
U Pabuli nu Balanabasi bakulekana
36Bo ghakilapo amasiku ghamo, u Pabuli akamubusya u Balanabasi ukuti, “Sakuno, tunyokele nukubendela abakamu bitu mukaya kosi akakulu ko tukalumbililamo amasyu gha Malafyale, sona tuye tubatesye mo bakwikalila.”
37U Balanabasi akalondagha u Yohani yo bakati Maliko ukuti babuke nawe. 38#Imbo13.13.Loli u Pabuli akinong’ona ukuti chitangaba chisa pakumusenya yo akabaleka mu Pamufiliya, sona atakendelela pakubomba nabo imbombo yabo. 39Po bakadalingana ngani mupaka nukulekana, u Balanabasi nu Maliko bakakwela mubwato nukubuka ku Sayipulasi. 40Loli u Pabuli akasala u Sila, akabuka nawe, bo abitiki abanine bababika muchisa cha Malafyale. 41Po akapulusannya mu Siliya na mu Silisiya pakufikasya ifipanga.
Currently Selected:
Imbombo 15: SSTP
Highlight
Share
Copy
Want to have your highlights saved across all your devices? Sign up or sign in
Imbombo 15
15
Ulukomano mu Yelusalemu
1 #
Lev12.3. Abandu bamo bakisa ukufuma ku Yudeya, bakabamanyisya abakamu ukuti, “Ukusita ukuti mutasilimuliwe ukuyana nu muteto wa Mozesi, mu tabaghile pakupokiwa.”
2Po u Pabuli nu Balanabasi bakasusannya nabo ngani nisya fundo yiyiyi, po u Pabuli nu Balanabasi poka nabakamu bamo bakasaliwa ukubuka ku Yelusalemu ku batumiwa na ku basongo ukuti bayughisannye nisya lilalusyo lilili.
3Po bakatumiwa ni chipanga, bakenda bapulusannya mu Fonike, na mu Samaliya, bakabalingannya nisya kapindukile ka bapanja, sisisi sikabapa ukuhoboka ukukulu bosi abitiki. 4Bo bafika mu Yelusalemu, bakapokeliwa ni chipanga, na batumiwa, na basongo, nukubabusya syosi syo u Chala akabomba nabo. 5Loli abitiki bamo bo bakaba mukabukutila ka ba Falisayi bakimilila nukuti, “Sibaghile ukuti abapanja bope basilimuliwe, nukubabusya ukuti basunge indaghilo sya Mozesi.”
6Abatumiwa na basongo bakabungana poka ukuti batesye inongwa yiyiyi. 7#Imbo10.43.Bo basusannya akabalilo akatali, u Pitala akimilila nukubabusya ukuti, “Mwee bakamu bangu, musimenye ukuti kale u Chala akasala mumwinyu, ukuti mu mulomo mwangu abapanja bifwe Amasyu Amisa nukusubila. 8Po u Chala weyo aghumenye umoyo, akasimikisya kukwabo pakubapa u Mbepo Mwikemo ukuyana namo akatupela nutwe. 9Po atakatulekannyapo utwe nabo, loli akaswepesya imyoyo yabo nulwitiko. 10Ipano choni cho mukumughela u Chala pakubabika ujoko musingo mwa bamanyili, yo abatata pamo utwe tukapotwa pakunyamula? 11Loli tukusubila ukuti tukupokiwa muchisa cha Malafyale u Yesu ngati bope mo bayukupokeliwa.”
12Po ichilundilo chosi chikaba myee, nu kuteghelesya kwa Balanabasi nu Pabuli bo bakubabusya nisya fimanyilo nifiswigho fyo u Chala akabomba na bapanja ukwendela mumwabo. 13Bo bamala pakuyugha, u Yakobo akamula akati, “Mwee bakamu bangu, teghelesya ku une. 14U Simoni alingannya namo u Chala akandila pakubatesya abapanja, ukuti asenyemo mu mwabo abandu aba lita lyake. 15Po na masyu gha basololi ghakwitikana na isi, ngati mo kukasimbiliwa ukuti, 16#Amo9.11.Panyuma pa isi ngwisa pakunyokela sona,
nukusenga sona inyumba ya Devedi, yo yikawa,
ngwisa pakusenga sona ichisami chake
nukuchiyannya pakuba sona chamaka ngani,
17ukuti abandu bo bakusyala bamulonde u Malafyale,
na bapanja bosi bo bakwitikisiwa nilita lyangu, 18ayugha u Malafyale, yo afumbula ifindu fyosi fififi ukufuma kale.’
19Pololi ukulamula kwangu kwakuti, tutakabatamye abapanja bo bapindukila kwa Chala, 20#Ukf34.15-17; Lev18.6-23; 17.10-16.loli tubasimbile ku babo, ukuti batakalye ifyakulya fyo finyalite pakuti fyabikiwa ku fifwani, nu bwamalaya, nukuti batakalye ifinyama fyo fyanyongiwa bubu, pamo ibanda. 21Pakuti indaghilo sya Mozesi sikalumbiliwa mutwaya tosi ukwandila mungulilo iyakale yosi, po bakubelenga isiku lyosi ilyakutusya.”
Ukalata akutumiwa ku bitiki bapanja
22Po abatumiwa na basongo bachipanga bosi, bakinong’ona pakusala abandu bamo mukabukutila kabo nukubatuma ku Andiyokiya poka nu Pabuli nu Balanabasi. Bakamusala u Yudasi yo bakati Balasabasi, nu Sila bo bakaba balongosi mu bitiki, 23po bakabatuma nu kalata uyu, “Utwe twe batumiwa, na basongo, na bawamwinyu, ku bakamu aba mubapanja abitiki ba mu Andiyokiya, Siliya na mu Kilikiya, tukubalamuka. 24Twifwa ukuti bamo mukabukutila kitu bakubatamya namasyu, nukufulungannya imyoyo yinyu, napo utwe tutakabalaghilapo. 25Po twebosi tukitikana pa kusala bamo abanalume nu kubatuma kukwinyu poka na baghaniwa bitu u Balanabasi nu Pabuli, 26abandu bo bakabutagha ubumi bwabo chifukwa cha lita lya Malafyale u Yesu Kilisitu. 27Po tukubatumila u Yudasi nu Sila, bo bakwisa pakubabusya ifindu fififi na masyu gha mu mulomo gho tukusimba. 28Pakuti chikaboneka chisa kwa Mbepo Mwikemo nutwe, ukuti tutakabanyamulisye ukatundu umukulu ukukila payo akulondiwa ukuti, 29mutakalye ifyakulya fyo fya bikiwa kufifwani, ni banda, na kufinyamana fyo fyanyongiwa bubu, sona nubwamalaya. Mukwisa pakubomba akisa pala mukwepuka ku findu fififi. Musyale akisa.”
30Bo batumiwa, bakabuka ku Andiyokiya, ko bakachibungannya ichipanga poka nu kubapa ukalata yula. 31Bo abandu babelenga ukalata yula, bakahoboka chifukwa cha masyu agha lukasyo. 32U Yudasi nu Sila, bo bakaba basololi, bakayugha nabo amasyu amingi agha lukasyo. 33Bo bighonesyako amasiku ghamo, abandu bala bakabanyosya mu mutende ku bandu bo bakabatuma.
35Loli u Pabuli nu Balanabasi bakendelela pakwikala mu Andiyokiya, ukumanyisya nu kulumbilila amasyu gha Malafyale poka na banine abangi.
U Pabuli nu Balanabasi bakulekana
36Bo ghakilapo amasiku ghamo, u Pabuli akamubusya u Balanabasi ukuti, “Sakuno, tunyokele nukubendela abakamu bitu mukaya kosi akakulu ko tukalumbililamo amasyu gha Malafyale, sona tuye tubatesye mo bakwikalila.”
37U Balanabasi akalondagha u Yohani yo bakati Maliko ukuti babuke nawe. 38#Imbo13.13.Loli u Pabuli akinong’ona ukuti chitangaba chisa pakumusenya yo akabaleka mu Pamufiliya, sona atakendelela pakubomba nabo imbombo yabo. 39Po bakadalingana ngani mupaka nukulekana, u Balanabasi nu Maliko bakakwela mubwato nukubuka ku Sayipulasi. 40Loli u Pabuli akasala u Sila, akabuka nawe, bo abitiki abanine bababika muchisa cha Malafyale. 41Po akapulusannya mu Siliya na mu Silisiya pakufikasya ifipanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in