Mark 11
11
Hecili eh kelüt
1Pecai penui tetpwa Jerusalem namdi tai Olive Deutu ga Bethphage#11:1 Bethphage: Bethsphage dede la, Jisu pe caisuime de gada nah gada na teu gwanglo kie kegai nam de. penai Bethany nam ga gwanglu, ge Jisu ledeukelume hangna de langgai 2nah penai dage rangdi, “Mie anuide mcwakebam nam ga lütlo. Nnai cika lütlu siakte pedwa migede cwakemak gada nage de keupwa kebam nnai ngaulu zie. Cide hiaklwe a da teugwang lo. 3Magade mikangge nnaide, ‘Nnai daitei aide tei lano?’ de eh keteucai, nnai, ‘Rampaube cide teu maisia zeulie, nah aika lang caili zette dai beuzie,’” de ranglu. 4Cine penai gwang ge puidiki mbie ga kikam ge caiga gada nage de keupwa bam eh ngaulu, nah penai cide hiaklu. 5Cidau cika sap kebamme midungge penai dage keteudi, “Nnai daitei gada nade heu zeuno?” 6Cine penai Jisu ne rangkebeu nzwa penuide rangbeu, ge penui penaide keulwe tet lulo beu. 7Pecai ledeukelume kena de gada nade Jisu da ngngwa gwanglu, nah pereu gage penui pai kamgai beu nah Jisu pereu ga bamlu. 8Mina kekiee ge penui paini lampuiki gage kamgai, nah kedame tsingkiakdung penui luhdung gade bi keludung kamgai. 9Jisu dwaga tet kelame de nah pe caisui kelame de sahbak eh,
“Hosanna!#11:9 Hosanna: Pekie “kelikelu, kelikelube” Rampaube zi teu eh gwang kelame samlam pungtu lie.#Lei. 118:26
10Gwang kela anui pau David gwangram samlam pungtu lie!
Hosanna hutube!”#Mat. 23:39
11Pecai Jisu Jerusalem namdi ga lütlu, delwe pa kerecaki ga lütlu eh pa nreu gwang maleune piegai. Cidau tinghegi di, cine pa kereiekenabau de ngngwa Bethany nam ga gwangdi.
Jisu kerecaki teikemci
12Pecai benai, penui Bethany gade caili dai kecu dau, pa mzeu di. 13Cidau kemdei gade tangzüttsi bang ge penei bwa kebam ngau, cine pa cika petsi gede ngaulu kera regui eh pet. Dede pa cika gwang ge, peneidung gwale pa magede ngaulu ma, cidau tangzüttsi kebui ting kemakne. 14Pecai pa tsingbang de de ranggai, “Mige de n dade n tsi tyei dailak.” Nah pa ledeukelume cide siulu.
15Pecai penui Jerusalem namdi ga gwanglu, delwe pa kerecaki kigu ga lüt eh kerecaki ga mazwa nah lui kebamdung de gwadi. Pa rangkang hiak kebam bamdung, nah ruipuinedung zwa kebam bamdung kwak nkum kapti, 16nah pa migede de peu kerecaki ga helinia pung kahkegwang tadi. 17Iciu eh Pa penuide ledeu eh ranggai, “Kesanglaisiu ga raunzeu meni,
‘A ki de lepwa heleuh pelane ziemne kekie ki ge teizie’?
Dede nnui sütketyeime ki ge tei dida.”#Isa. 56:7, Jer. 7:11
18Cingku kedimedung nah laisiukecime aide siulu, nah penui pecu teitsetdi kera lampui peiladi. Penui pecu hingdi kedanemene mina maabe pelane pe keledeu ci eh penui macangkap kedine. 19Tinghegi gwang dige, penui namdibe gade lamna di.
Reguikedi tangzüt tsingbang
20Ge penui tingcang tetgwang zeuge, tangzüttsi bang pe mah kecang kii kedi penui ngaulu. 21Ge Peter nsung daulu eh pe dage rangdi, “Rabbi,#11:21 Rabbi: Jewme laisiu kecibe mede keleudeume ge, keraide Jewme zai pei nah ledeu kelabe. pielo! Tangzüttsi bang nang resetkedi de kii dida.” 22Jisu penui dage rangdi, “Tinggwang de nlum lulo. 23Ih nnui dage rangsiakte liazie, keheibe de aipau lamlwa dede, ‘Cuhlu delwe jaaidi ga lüt dilu,’ de eh pe lung gade suihau mezing pa rang kegai de tei lubui lie nlum lucai, cide pecu tei beuzie. 24Cine Ih nnui dage rangla: Maleune de nnui kekie be nah peikelabe, cide nnui ngaulu delie kecu nlum siakte lulo, iciu cai cide nnui gu tei luzie. 25Nnui kie zielie sapkelu dau, nnui kangge da madungge petau kemak lacai cide nnui gibeurai dilo, iciu cai tinggim kebam nnui Pei de nnui maudung gibeu zie.” 26#Kesa laisiudung ga pedum 26 de si la (Mat. 6:15 gade ngaulu bui). [Dede magade nnui gibeu mecai tinggim kebam nnui Pei de nnui maudung gi beulak.]
Jisu kengkieng keteukecu
27Pecai penui Jerusalem ga gwang dailu. Jisu kerecaki ga rwa lage, cingku kedimedung, laisiukecime, nah hangkiamedung peda gwang. 28Penui pecu keteudi, “Nang dai kengkieng teu eh ma aidungde teila no, nah caune aide teikera ncu kengkieng peu no?” 29Jisu penui sam keligai, “Ih de nnui de mage keteu zie. Acu keligai lo, iciu de Ih dai kengkieng teu eh ma aidungde teila bi nnui dage ranglia zie. 30Acu keligai lo, John tei kela duipum de tinggim gade mi mina dade no?” 31Penui katei penui kakgade mpau eh ranggai, “Anui dai ranglai? Magade anui, ‘Tinggim gade,’ de rangcai, ‘Iciucai nnui daitei pecu nlum meno?’ de eh pa rangzie.#Kesa laisiudung, Anui dai ranglai? de kecude si lama dede laisiudung yitube ga cide sila. 32Dede magade anui, ‘Mina dade,’ de eh rangcai. Penui minadung de ngngidi, kedanemene mileune de John au caihakecime gelie la kedine. 33Cine penui Jisu sam keligai, “Anui ci melie.” Cine Jisu penui dage ranggai, “Ih de dai kengkieng teu eh ma aidungde teila bi nnui dage ranglak.”
Currently Selected:
Mark 11: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Mark 11
11
Hecili eh kelüt
1Pecai penui tetpwa Jerusalem namdi tai Olive Deutu ga Bethphage#11:1 Bethphage: Bethsphage dede la, Jisu pe caisuime de gada nah gada na teu gwanglo kie kegai nam de. penai Bethany nam ga gwanglu, ge Jisu ledeukelume hangna de langgai 2nah penai dage rangdi, “Mie anuide mcwakebam nam ga lütlo. Nnai cika lütlu siakte pedwa migede cwakemak gada nage de keupwa kebam nnai ngaulu zie. Cide hiaklwe a da teugwang lo. 3Magade mikangge nnaide, ‘Nnai daitei aide tei lano?’ de eh keteucai, nnai, ‘Rampaube cide teu maisia zeulie, nah aika lang caili zette dai beuzie,’” de ranglu. 4Cine penai gwang ge puidiki mbie ga kikam ge caiga gada nage de keupwa bam eh ngaulu, nah penai cide hiaklu. 5Cidau cika sap kebamme midungge penai dage keteudi, “Nnai daitei gada nade heu zeuno?” 6Cine penai Jisu ne rangkebeu nzwa penuide rangbeu, ge penui penaide keulwe tet lulo beu. 7Pecai ledeukelume kena de gada nade Jisu da ngngwa gwanglu, nah pereu gage penui pai kamgai beu nah Jisu pereu ga bamlu. 8Mina kekiee ge penui paini lampuiki gage kamgai, nah kedame tsingkiakdung penui luhdung gade bi keludung kamgai. 9Jisu dwaga tet kelame de nah pe caisui kelame de sahbak eh,
“Hosanna!#11:9 Hosanna: Pekie “kelikelu, kelikelube” Rampaube zi teu eh gwang kelame samlam pungtu lie.#Lei. 118:26
10Gwang kela anui pau David gwangram samlam pungtu lie!
Hosanna hutube!”#Mat. 23:39
11Pecai Jisu Jerusalem namdi ga lütlu, delwe pa kerecaki ga lütlu eh pa nreu gwang maleune piegai. Cidau tinghegi di, cine pa kereiekenabau de ngngwa Bethany nam ga gwangdi.
Jisu kerecaki teikemci
12Pecai benai, penui Bethany gade caili dai kecu dau, pa mzeu di. 13Cidau kemdei gade tangzüttsi bang ge penei bwa kebam ngau, cine pa cika petsi gede ngaulu kera regui eh pet. Dede pa cika gwang ge, peneidung gwale pa magede ngaulu ma, cidau tangzüttsi kebui ting kemakne. 14Pecai pa tsingbang de de ranggai, “Mige de n dade n tsi tyei dailak.” Nah pa ledeukelume cide siulu.
15Pecai penui Jerusalem namdi ga gwanglu, delwe pa kerecaki kigu ga lüt eh kerecaki ga mazwa nah lui kebamdung de gwadi. Pa rangkang hiak kebam bamdung, nah ruipuinedung zwa kebam bamdung kwak nkum kapti, 16nah pa migede de peu kerecaki ga helinia pung kahkegwang tadi. 17Iciu eh Pa penuide ledeu eh ranggai, “Kesanglaisiu ga raunzeu meni,
‘A ki de lepwa heleuh pelane ziemne kekie ki ge teizie’?
Dede nnui sütketyeime ki ge tei dida.”#Isa. 56:7, Jer. 7:11
18Cingku kedimedung nah laisiukecime aide siulu, nah penui pecu teitsetdi kera lampui peiladi. Penui pecu hingdi kedanemene mina maabe pelane pe keledeu ci eh penui macangkap kedine. 19Tinghegi gwang dige, penui namdibe gade lamna di.
Reguikedi tangzüt tsingbang
20Ge penui tingcang tetgwang zeuge, tangzüttsi bang pe mah kecang kii kedi penui ngaulu. 21Ge Peter nsung daulu eh pe dage rangdi, “Rabbi,#11:21 Rabbi: Jewme laisiu kecibe mede keleudeume ge, keraide Jewme zai pei nah ledeu kelabe. pielo! Tangzüttsi bang nang resetkedi de kii dida.” 22Jisu penui dage rangdi, “Tinggwang de nlum lulo. 23Ih nnui dage rangsiakte liazie, keheibe de aipau lamlwa dede, ‘Cuhlu delwe jaaidi ga lüt dilu,’ de eh pe lung gade suihau mezing pa rang kegai de tei lubui lie nlum lucai, cide pecu tei beuzie. 24Cine Ih nnui dage rangla: Maleune de nnui kekie be nah peikelabe, cide nnui ngaulu delie kecu nlum siakte lulo, iciu cai cide nnui gu tei luzie. 25Nnui kie zielie sapkelu dau, nnui kangge da madungge petau kemak lacai cide nnui gibeurai dilo, iciu cai tinggim kebam nnui Pei de nnui maudung gibeu zie.” 26#Kesa laisiudung ga pedum 26 de si la (Mat. 6:15 gade ngaulu bui). [Dede magade nnui gibeu mecai tinggim kebam nnui Pei de nnui maudung gi beulak.]
Jisu kengkieng keteukecu
27Pecai penui Jerusalem ga gwang dailu. Jisu kerecaki ga rwa lage, cingku kedimedung, laisiukecime, nah hangkiamedung peda gwang. 28Penui pecu keteudi, “Nang dai kengkieng teu eh ma aidungde teila no, nah caune aide teikera ncu kengkieng peu no?” 29Jisu penui sam keligai, “Ih de nnui de mage keteu zie. Acu keligai lo, iciu de Ih dai kengkieng teu eh ma aidungde teila bi nnui dage ranglia zie. 30Acu keligai lo, John tei kela duipum de tinggim gade mi mina dade no?” 31Penui katei penui kakgade mpau eh ranggai, “Anui dai ranglai? Magade anui, ‘Tinggim gade,’ de rangcai, ‘Iciucai nnui daitei pecu nlum meno?’ de eh pa rangzie.#Kesa laisiudung, Anui dai ranglai? de kecude si lama dede laisiudung yitube ga cide sila. 32Dede magade anui, ‘Mina dade,’ de eh rangcai. Penui minadung de ngngidi, kedanemene mileune de John au caihakecime gelie la kedine. 33Cine penui Jisu sam keligai, “Anui ci melie.” Cine Jisu penui dage ranggai, “Ih de dai kengkieng teu eh ma aidungde teila bi nnui dage ranglak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.