Levime 6
6
1RAMPAUBE Moses dage marang dai, pa rang eh cu, 2“Magade mige kemau nah nlumkemak tadung RAMPAUBE lungning kemak tei eh, pe kidame mage teilo pecu nlum gai kebeu de pa cwa dicai, mede pedage ma kaidiak, mede makeda rega kecu, mede pa pe kidame de nneu nzum dicai, 3mede pa pe kidabe ma tei nggah kedi be ngaulu nah nret eh ngau melie dicai, mede pa petaukemak ga zierang tei eh sampet cai, mede kemauta keheibe mina ketei aikenzwa bedung, 4nah magade pa kemau tei kedi nah mau nci dicai, pa rega nah nneu nzum eh keu kelu keheibe, mede pecu nlum gai kebeu, mede matei nggah kedibe ngau keludung pa peu caili beu lu maisia. 5Cipau reude keheibe gade pa petau kemak zierang tei eh sampet kedi leu, pa peu caili beu ciak lu maisia, nah pa keu kelu zi mengei gade zi ge kai si eh pempaube de peuzie, pa mau kedi ci kelu benai gade. 6Iciu eh pa maukedi ratak teugwang RAMPAUBE de reca beu zie, meurün hau gade yitube zamra kemak ge keu maukedi ratak ziemne cingkube de peu zie. 7Pemau ziemne cingkube ratak RAMPAUBE dwa gage teigai zie, nah pe maudung pelane pa tei kedidung gibeu zie.”
Keru Reca
8Pecai RAMPAUBE Moses dage marang, pa rang eh cu, 9“Aaron nah pe napeime de, keru reca ziemne heriet aide tei lulo rangbeu lo: keru ratak de peu tingmui pelane tingcang kemakta recabam gu mimang gage kai pwabam zie, nah recabam de peu heu bam jüja zie. 10Cingkube pe langcimpai niadung kai luzie delwe pa pe langcimpai helungbe niadung de si eh kai luzie. Pa keru reca tei kegai recabam reu ga heu kebang mimütdung keu luzie, nah pa mimütdung de recabam mbie gage kai dizie. 11Pecai pa pe painidung keumpet di eh keda painidung kai luzie mimütdung de pwa ramzeuki gwale heni kemci gage kai kerane. 12Recabam ga peu mi heu bam jüja zie. Peu cide mmüt dilak, nah cingkube tingcang ramsang tsing kai bam zie peu heu bamlu kerane. Pa keru reca ziemne maikesiabe pie rengei zie, nah pa kezuyi reca cika ge ru gai zie. 13Recabam ga peu mi cide mmütdi mene heu bam jüja zie.
Mei Reca
14Aide mei reca gu hezai ge. Aaron napeimedung ne ratak RAMPAUBE dwa gage recabam dwa gade tei zie. 15Cingkube tokkui keyibe bazum kepui, nah maca nah kehengui mei reca bam ga kebam, mei reca ziemne keu lu zie. Nah pa recabam gage ru gai eh perim keyi dele peu ratak teilu kerane. 16Aaron nah pe napeimedung ne reca tyei kebangdung tyei zie, cide tsehi kai mene heni kemci bam ge gade tyei maisia. Penui cide kereca paiki kigu gade tyei zie. 17Cide cehi hailwe ru lak, Ih mi le tei kelube reca agu penuide peu dida. Cide mci tube ge, kemau reca nah paurui reca nzwa. 18Aaron leuh gade mipeina keheibe de RAMPAUBE dage mi gade reca tei kebeu de pe nzi gade tyei lubui, aide n minadung ceheu pelane ga bam zie. Keheibe cidungde tungkelume mci luzie.”
19Cine RAMPAUBE Moses de mpau dai, pa rang eh cu, 20“Aide Aaron nah pe napeime reca, penui hangketket de keniak kelu benai gade cide teu RAMPAUBE de reca zie: Tokkui keyibe Ephah zi kerei gade zi ge teu mei reca tei mui zie, tingcang pempie ge nah cide tinghegi pempie ge eh. 21Cide maca le hailwe hegeu kwak gage heta lu eh nang keu nlüt lu. Heta kelu kwakdung teu nang RAMPAUBE ziemne perim keyi meih reca tei beu lu. 22Caubene pe napeime kakgade cingku keheci hutube tei lai eh bam bi, cide ne reca beu zie. Tingtie ziemne hezai kai kebeu nzwa, ngau kelu pelane RAMPAUBE dage keru ratak teigai zie. 23Mei reca keheibe cingkube de kepeu be ru ciak dizie, cide tyei di lak.”
Kemau Reca
24Rampaube Moses dage marang dai, pa rang eh cu, 25“Aaron nah pe napeimedung de rang beulo, ranggai, kemau reca ziemne hezai aide: kemau ratak ziemne makaune gi kecu RAMPAUBE dwa gade keru ratak keru bam ga de gilu maisia. Cide mci tube ge”. 26Cingkume kemau ratak ketei be ne tyei zie. Cide heni kemci reca bam paiki kigu gade tyeilu maisia. 27Heteih cide tung kegai leune mci dizie, nah paini keheiga pejai nniak dicai, nang kemci bam gade nniak kedidung hui mci di maisia. 28Dede tangdei li gage lang cai teipang di maisia. Magade hetageu li gage lang cai, cide neudi nah dui le zwa mci dilu. 29Cingkupeime kakgade keheibe de mana ge tyei lubui, kedanemene cide mcitube ge lu. 30Dede kemau reca keheibe ziemne hejai paiki lung kemci bam ga teugwang eh kemau keugi kecu ratak teidi cai, cide tyei lak dede ru di maisia.
Currently Selected:
Levime 6: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
