Levime 4
4
Kemau Reca
1RAMPAUBE Moses dage ranggai, 2“Israelme dage rang beulo, ‘Mi keheibede kemau teineu mene kemaudung tei cai, RAMPAUBE ne tei helo cubedung tei eh, nah magade pa madung ge tei helo kam cube tei dicai, ma aidungde tei maisia. 3Magade cingku kedibe kemaudung tei eh minadung da kemau teugwang beu cai, pa kemau tei kedi de ziemne peu pecu hetumseuna zamra kemak ge teugwang RAMPAUBE dage kemau reca teigai beulu. 4Pa kangbau kebam paiki kimui ga RAMPAUBE dwaga hetumseu teugwang maisia, pe ba hwapwa pepeu gage kai luzie, nah RAMPAUBE dwa gade hetumseu de gi luzie. 5Keniakelu cingkube ne hetumseu zai kesa keugwang luzie nah cide kangbau kebam paiki gage keu gai zie. 6Cingkube pe zurang hejai gage mpung zie nah kesa cide RAMPAUBE dwa gage pia henah kezin gai zie, mci tube bam gu kehezu pai dwa gage. 7Cipaucai cingkube ne perim kehengui gu recabam tudung gage hejai kesa RAMPAUBE dwa gage kaigai zie, kangbau kebam paiki gage, nah pa ne hetumseu jai kebangbe pelane recabam mbie gage keru reca ziemne ruigai zie, cide kangbau kebam paiki kimui ga. 8Pa ne kemau reca gu hetumseu gu peca pelane danggi dizie, peca pelungniadung ga kau pwa kebamdung, peca pelane pelungniadung ga ncüt kebamdung, 9pe nkeu kena nah pecaa cidung ga kebam dung, cide pekia ga kebam de, nah penceu, pe nkeudung si eh, pa cidung dang gidi zie. 10Pa cidung de danggi ciak dizie, pa ne kezuyi reca gu ratak hetumseu gu danggi kedi de nzwa. Cipau cai cingkube ne recabam gage keru recadung ziemne cipau saudung de ru dizie. 11Hetumseu geu nah heteih bang kebam keheibede, pepeu nah pepidung nah pelungniadung nah peteudung si eh, 12hetumseu gu bang keludung pelane, pa ne cidung pelane pwa lwe ramzeuki gwale penui a ziemne tei mci kelu bam gage kaibeu zie, cika de penui mimang bütdung pwa ruigai zie; penui cipau saudung de cika cing gage ru maisia penui mimang bütdung pwa rui kegai saudung ru maisia.
13Magade Israel ga mina maa pelane kemau teineu mene kemaudung tei dicai, nah kangbau be penui kemau tei delie kecu cimene bam cai nah RAMPAUBE ne tei helo eh aja kai kebeudung keheibe de tei cai, nah magade penui mau dicai. 14Ci nzwa eh, penui kemau tei kedi de ci gwang keludau, cipaucai mina maabe kemau reca ziemne hetumseu na pwapeu maisia nah cide kangbau kebam paiki dwa gage teugwang zie. 15Mina maa ga hecingmedung RAMPAUBE dwa gade penui badung hwapwa hetumseu gu pepeu gage kai zie, nah RAMPAUBE dwa gade hetumseu de gitset dizie. 16Keniakkelu cingkube ne hetumseu jai kesa kangbau kebam paiki gage keugwang zie, 17nah cingkube pe zurang hejai gage mpung zie nah RAMPAUBE dwa gade pia hena kezin gai zie, kehezu pai dwa gage. 18Pa RAMPAUBE dwa gade reca bam ga makidung ga hejai kesa kai zie, kangbau kebam paiki kebam ga, nah pa keru recadung ziemne hejai pelane recabam pi gage ruigai zie, cide kangbau kebam paiki gu kimui kebam ga. 19Pa ne cika de peca pelane danggi dizie nah reca bam gage cide ru zie. 20Ma cide pa hetumseu le tei maisia. Pa kemau reca gu hetumseu dele ketei de nzwa, pa aipau tumseu dede tei zie, nah cingkube minadung mau gilu kerane ratak teigai zie, nah penui mau gi beuzie. 21Pa ne hetumseu de ramzeuki kisie gage pwa mpet gai zie nah cide ru zie pa hetumseu kerai de keru nzwa. Aipau de au mina maa gu kemau reca da.
22Mage de muiteu mege kemau tei zie lie eh cet mene kemaudung tei dicai, RAMPAUBE pe Tinggwang ne tei helo eh aja kai kebeudung pelane gade keheibe ket lie de tei bamcai, nah pa mau dida, 23ciucai pa tei kedi mau de pecu peu cilu, pa pe ratak ziemne hemeu ge teugwang maisia, peseu zamra mezing cube. 24Pa pe ba hwapwa hemeu gu pepeu gage kai luzie nah RAMPAUBE dwa ga penui keru reca teitset kecu bam gage cide teitset luzie. Aipau de au kemau reca mapeu ge. 25Cingkube ne kemau reca gu hezai pe zurang le keu luzie nah recabam kidung gage kailu zie keru recadung ziemne, nah pa hejai ruipwa recabam pi gage keru reca ziemne ruigai zie. 26Pa ne recabam gage peca pelane ru gai zie, kezuyi recadung gu peca ratak de nzwa eh. Cingkube ne kemau gilu kera ta muiteube mau ziemne teigai zie, nah muiteube mau gibeu zie.
27Magade mai dakme keheibe de teimau zie lie eh cetmene kemaudung tei dicai, RAMPAUBE ne tei helo aja kai kebeudung pelane gade keheibe de tei dicai, nah pa pemau cet caili keludau, 28pecai pemau pa tei kedi de pecu peu cilu zie, cipaucai pa pe ratak ziemne hemeu teugwang zie, pepui zamra mezing cube, pa kemau tei kedi de ziemne. 29Pa peba hwapwa kemau reca gu pepeu gage kai zie nah keru reca bam gage kemau reca gitset zie. 30Cingkube hejai kesa pe zurang gage keulu zie nah cide keru recadung ziemne recabam ga makiidung gage kai zie. Pa ne reca bam pi ga ge hejai bang kelu pelane pwa rui gai zie. 31Pa pecaa pelane dang gi dizie, kezuyi recadung gu ratak gade peca danggi kedi de nzwa. Cingkube ne cide reca bam gage ru gai eh RAMPAUBE ziemne perim kehengui keyi peu zie. Cingkube ne kemau gilu kera ta mina ziemne teigai zie, nah pe mau gibeu dizie.
32Magede mige kemau reca ziemne pe ratak tei kera meurünna teugwang cai, pa pepui zamra mezing kecube teu gwang zie, 33pa peba hwapwa kemau reca gu pepeu gage kai zie nah penui keru reca tei ketset bam gage kemau reca ziemne cide teitset gai zie. 34Cingkube kemau reca gu hejai kesa pe zurang gage keulu zie nah keru recadung ziemne recabam ga makiidung gage kai zie, nah pane reca bam pi gage pezai pelane pwa rui gai zie. 35Pa peca pelane danggi dizie, kezuyi recadung gu ratak gade meurünna ca danggi kedi de nzwa, nah cingkube ne mi le teikelu RAMPAUBE gu recadung peu ga recabam gage cide ru gai zie. Cingkube ne pe kemau tei kedi ziemne pau gi lu kera ta tei gai zie, nah cipau pei mau gibeu dizie.
Currently Selected:
Levime 4: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
