Tetkempet 36
36
1Cine Bezalel nah Oholiab nah matei keci keheibe de RAMPAUBE penuide heciem tei keci nah keheibe tah kemci paiki tei kera maci kepeume pelane RAMPAUBE aja kai kebeu rehi gade heta tei zie.
2Moses Bezalel, Oholiab, nah RAMPAUBE ne teilu kebui kengking kepeu matei kecime, nah ngha keneume leune de gwang heta tei kera qulu delwe bata tei cuh lulo beu. 3Kemci ni tei kera ziemne Israelme makai kai kebeu pelane penui Moses dade ngaulu. Suiyi makai tingcang ramsang Moses da keugwang eh bam. 4Cine matei kecime pelane kemci ni ga penui heta tei kebam gade gwang. 5Heciemta keteime Moses dage rangdi, “RAMPAUBE anui dage heta tei lulo aja kai kebeu de ziemne teu maikesia swa de kiee eh minadung au teugwang bam dida.” 6Cine Moses ramzeuki ga kebam migede kemci ni teikebam de ziemne makaidung keugwang si lak delie ranglia gai. Pecai minadung mapeu aidungde keugwang kecu mtak di. 7Penui hetadung pelane ziemne maniadung kiee nzudi.
Paiki
8Cine penui kakga heciemta keteime pelane reca paiki ziemne kehezupai kerei linen pai keyi le tei kelu, nah kemhei, gieremang, nah mamai kegiebe cherubim giak le tei kelubedung de le tei lu. Heta aide, heciemta tei kecibe Bezalel ne tei kegai tah. 9Kehezupai pelane de petie cubit ngkaieheset, pedi cubit mdai. Kehezupaidung pelane de nsam ciak.#36:9 petie 12.9 metre nah pedi 1.8 metre 10Bezalel kehezupai mengei ge herui ncütlu, delwe kehezupai keda mengei de de herui ncüt dailu. 11Pa peri kemhei kehezupai ket paube tu gage teigai, nah cide kesiakke pe kenabe de tu gage de pa teigai. 12Pa kehezupai keraibe de gage peri riakngei teigai nah kehezupai tu pekenabe de gage de peri riakngei ge teigai. Iciu eh peridungde ket ket de ketsapreu lu. 13Pa kecak gwak riakngei ge teilu nah kehezupaidung de tei ncütlu iciu eh recapaiki kena de mtwakpwa ket teilu kerane.
14Bezalel hemeumai le kehezupaidung teilu recapaiki de gum lu kerane; pa kehezupai aidungde kereiehket teilu. 15Kehezupaidung de ket petie cubit camrei, nah pedi cubit mdai. Kehezupaidung kereiehket aidungde nsam ciak.#36:15 petie 13.8 metre nah pedi 1.8 metre 16Pa kehezupaidung mengei ge herui ncütlu nah keda kehezupai herok ge herui ncütlu. 17Pa kehezupai keraibe de gu petu gage peri riakngei teilu, nah kehezupai pekenabe de gage peri riakngei tei ncüt gailu. 18Bezalel hetageu gwakdung riakngei ge paiki gwak ncüt kerane teilu iciu eh ket teilu kerane. 19Pa recapaiki ziemne pecum hemeuseu geu kegiebe le tei, nah pecum kedage cide reu gage kai kera teigeu keyibe le teilu.
20Bezalel acacia tsing le recapaiki ziemne peradung ra nsaplu. 21Peradung de ket petie cubit kerei, nah pedi cubit ket eh pepie.#36:21 petie 4.6 metre nah pedi 69 centimeter 22Pera de tamtwak kerane tsing twakang kena ge bam ciau. Pa aide paiki perakdung pelane ziemne tei gai ciak lu. 23Pa recapaiki ziemne perakdung ainzwa eh teilu: tingbangle ziemne perakdung ngkai. 24Bezalel rangkanggeu singkam riakdai ge perakdung ngkai kangga ge kai kera teilu. Singkam kena kangga perak ket bam perakdung de tamtwak ncüt lu kerane, nah singkam kena perakdung keda ketket kangga kailu eh perakdung de tamtwak ncütlu kerane. 25Recapaiki pekenabe ziemne, tingtünle ge, pa perakdung ngkai teilu 26nah penui rangkanggeu singkam riakdai. Perak raitube kangga singkam kena bam, pecaibe ra gade singkam kena, delwe cinzwa jüja mie. 27Paiki caile naimiak kenlütle ziemne Bezalel perakdung herok ge teilu. 28Pa paiki pecaile pekimiakdung ziemne perak kena teilu. 29Perak aidungde pesing gade tei ntsam, dede pepeu lebie ringgoi gega tamtwaklu. Pekimiak kena de ziemne pa ainzwa eh kena teilu. 30Cika perakdung rangkanggeu singkam de si delwe heset ge bam. Pelane ge singkam kereieherok ge bam, perak keraibe ga singkam kena, pecaibe rak ga singkam kena, nah cinzwa jüja tei mie.
31Bezalel acacia tsing le langkap teilu, recapaiki ket lamtu perakdung ziemne mengei ge, 32recapaiki keda lambie kebam perakdung ziemne langkap mengei ge, nah recapaiki pecaile naimiak kenlütle lam langkap mengei ge perakdung ziemne tei gai. 33Pa langkap de perakdung sum gage tei gai, cide, pempie sum ga hang kebam, ket lamtu de kedale tu ketwa kecang. 34Pa perakdung de kecak le pwa keniaklu. Langkap kang ncütlu kerane pegwakdung, kecak le teigai beu, nah pa langkapdung de kecak le pwa keniaklu.
35Bezalel kehezupai kemhei, gieremang, nah mamai le tei kelu, nah langcimpai keyi, cherubim gu rehi gage teigai, hetaketeibe pebaciem keyibe bata. 36Kehezupai ziemne pa acacia tsing le hetsia mdai ge teilu, nah kecak le cidungde cumlu. Hetsiadung ziemne pa kecak gwakdung tei gai, nah hetsiadung ziemne pa rangkanggeu singkam mdai teilu. 37Paiki kimuiki ziemne pa kehezupai ge tei gai. Cide kemhei, gieremang, nah ma mai gie kecu, langcimpai keyi, ge le tei gai, pai herui kecime tah ge. 38Pa kehezupai hetsia mengei ge pe gwakdung de si eh tei gai. Cidung tündung nah pe tiedung kecak le cumlu. Penui singkam mengei de hetageu ge le tei lu.
Currently Selected:
Tetkempet 36: NorthernZeme
Highlight
Copy
Compare
Share
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
