Bata 21
21
Jerusalem ga gwangkedi
1Anui kelamna di eh liemtau keladau, anui mzui jüja Cos duigwadeu ga gwanglu, nah pecai benai Rhodes duigwadeu ga nah cikade Patara namdi gage tetgai. 2Anui Phoenicia deudi ga liem tetkah gwanglai kebam ngau luge, anui cika nlütlwe liem taugai. 3Cyprus kengau ga gwang luge hile de liem taupwa Syria gage liem taugai nah Tyre ga gwanglu, kedanemene cikade liem pepüt limpet lai kezeune. 4Pecai anui kenlumme de ngau luge, anui cika lang hena ne bamdi. Kemci Rabe gade penui Paul de Jerusalem ga mie helo rang bamdi. 5Dede anui cika kebam ting cang dige, anui lampui le ge tet gaidi nah penui pelane, penui nau nah penui namedung de ngngwalwe anuide namdi gwale kecang nzang miebeu; nah duidikung ga anui koktungmie kekie teigai, 6nah anui hangge gede kelamna sam ranggai. Cipaucai anui liem ga nlütlu, nah penuide kilung ga caili gwangdi.
7Tyre gade anui liembeuh cang dige, anui Ptolemais#21:7 Ptolemais: Namdi aide Mediterranean jaaidi kung ga bam. ga gwanglu, ge anui kenlummedung de kelumgai nah penuide langnaige ngngwa bamdi. 8Ge pecai benai anui tetgai delwe Caesarea namdi ga gwanglu. Anui samliakeyi kerangbe Philip kiga nlütlu, pa de hang hena kakgade hangge nah anui pecu ngngwa bamdi. 9Cu aipau peide pe napui relei kemcime hang mdai caihakecisam kerangme bam.#Joe. 2:28 10Anui cika tingbazie kekiee ge bam kedicai, caihakecime ge pe zi Agabus Judea gade hung. 11Pa anuida gwang Paul kiakang keulwe cide le pa pekatei pe pi nah pe ba kanglwe rangdi, “Kemci Rabe ainzwa rangzeu, ‘Jerusalem ga kebam Jewme kiakang aide mpaube de ainzwa kanglwe penui pecu Gentileme ba gage tuigai beu dizie.’” 12Anui aidungde siu luge, anui de nah cika kelunghme Paul de Jerusalem ga nghang helo kiegai. 13Iciuge Paul sam keligai, “Nnui daitei zeuno, ainzwa hap nah a mlung tei keherei kecu? Kedanemene Ih hebaang ketei rünne ma, dede Rampaube Jisu zi ziemne Jerusalem gade tsai kerade mtei luda.” 14Anui Paul lung tei nreu luta dige, anui mtakdi eh ranggai, “Peu Rampaube lungningbe tei lulo.”
15Tingbazie aidungde cai, anui guniadung mteilwe anui Jerusalem ga nghangdi. 16Caesarea gade kenlumme kangge de anuide ngngwalwe mie delwe Cyprusme kenlumme teikelu keraime ge pe zi Mnason anui gwang bam zielie kecube pei ki ga anuide ngngwa gwangbeu.
Paul Jerusalem ga gwangkelu
17Anui Jerusalem ga gwang luge, kenlumedung penui suiyi süt eh anuide ngngwalu. 18Pecai benai Paul anuide ngngwalwe James taiga gwang, nah cika hangkiame peciakne de bam. 19Paul penuide kelum kelucai, Tinggwang pe zierang ta gade Gentileme kakga tei kegaidung ket ket eh pa ranglia. 20Penui cide siu luge, penui Tinggwang de twadi, nah penui pe dage ranggai, “Nang pielo, sinabo, Jewme kakga kenlumme cang dai kieege bambi, penui pelane de hezai teu ntip sütla. 21Penui nang Gentileme kakga lungh kebam Jewme pelane dage Moses zai de gidi lo, nah penui name de hegeurum helo, mede kehegwa zaidung de gidi lo kecu, nang penuide rang ledeu beulie n ha rangla dida. 22Cine anui daipai teilai? Nang gwangbam delie kecu penui siubi zieda. 23Cine anui n dage rangkebeube aide nang tei lulo. Anuida mipei hang mdai penui sampet tei kelume bam. 24Nang aidungde de ngngwa lwe ncu tei mcilu nah penui ziedung de tei beulu, iciude penui penui peudung taidi lubui. Ciciude mina peciakne n ha penui dage rang kebeude kesang melie kecu nah nang hezaide mzai siakte lalie kecu ci luzie. 25Dede Gentileme nlum kelume ziemne au, anui penuide mamie kereca gudung gade, nah hejai ketyei gade, nah makauna kaktset kedibe teih gade, nah kemmha gade penuikatei de ketiplu maisia lie kecu laisiu raugai nah rangbeu dida.” 26Cine Paul pecai benai mina hangmdai baude ngngwalwe pecu tei mcilu, nah kerecaki ga lütlwe penuide tei kemci ta daidau cang ziebi nah penui hangge ge ziemne daidau reca tei ziebi ndulia.#Pum. 6:13-21
Paul de tuikelu
27Dede tingbazie hena de cangdilai kezeudau, Asia gade Jewme kangge Paul de kerecaki gade ngau luge, mina maa pelane de kebwak gai delwe pecu tuilu. 28Penui sahbak eh ranggai, “Israelmedung, anuide nghalo. Minadungde de, hezaibe de nah heni aide de mmau eh luga aika mie mi leune de ledeu kelabe de mina aide da. Ci rünne mene, pa Greekmedung de kerecaki ga ngngwalüt eh heni kemci aide teihera dida.” 29Kedanemene penui pa ndaa Ephesame pei Trophimus#21:29 Trophimus: Pa Ephesus gade Paul de pe lampui ga kangzang gwang. Bat. 20:4. de namdi ga ngngwakela kengaune, penui Paul pecu ngngwa kerecaki ga lütlie kecu cet kedine. 30Jerusalem namdi pelane de kebwakdi, nah minadung ngngwa pakgwang Paul de tuilu. Penui pecu kerecaki gwale teukerei mpetlu delwe zette kikamdung ngkuidi. 31Penui pecu teitset kera tei kebamdau, reugwame muibe da Jerusalem peciakne kebwak bamdi delie kecu sam ci gwangdi. 32Pa zette reugwame nah haireu kedimedung de ngngwalwe hemaabe da pak nghung. Minadung reugwa muibe nah reugwamedung de ngau luge, penui Paul de dap tadi. 33Ge reugwa muibe petai nnagwang Paul de tuilwe hegeuria kena le pecu kangdilo beu. Ge pa caubi nah pa daipai tei dibi keteu. 34Dede hemaabe kangge mage sah nah kedame kedage sahdi. Reugwa muibe magede ci siaktelu tadi, kedanemene makwa kebwaksüt kedine, pa Paul de kengkieng reketbam ga ngngwa lüt lulo aja kaibeu. 35Pa pihidok ga nghang keladau hemaabe kuusüt kedine, reugwamedung pecu pwa maisiadi. 36Kedanemene mina hemaabe pecai sui gwang sahbak eh, “Pecu teitset dilo!” de kedine.
Paul maadibe dage samkerang
37Paul de kengkieng reketbam bam ga ngngwa gwang lai kezeudau, pa reugwa muibe dage keteudi, “Ih n da mage ranglu buimi?” Kedibe pei keligai, “Nang Greek kwa rangla mi? 38Nang Egyptme pei gwang kedi tingdau ge kehebwak ndeu eh, ‘Teiketsetme’ mina cang mdai de hetaideu ga teuswa mpet kedibe de meni?” 39Dede Paul keligai, “Ih au Jewme, Cilicia deuzi ga Tarsusme ge kesang lie. Ih au Tarsus namdi kemlang cide ga deuketme gelie. Ciziemne, acu peu minadung dage marang lo, Ih n dage kiela.” 40Kedibe pecu peting peu kegaidau, Paul pihidok reuga saplwe minadung matu helo pe ba hwagai. Cidau zingde dige, pa penui dade Hebrewme let gade marang. Pa rang cuhdi,
Currently Selected:
Bata 21: NorthernZeme
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Bata 21
21
Jerusalem ga gwangkedi
1Anui kelamna di eh liemtau keladau, anui mzui jüja Cos duigwadeu ga gwanglu, nah pecai benai Rhodes duigwadeu ga nah cikade Patara namdi gage tetgai. 2Anui Phoenicia deudi ga liem tetkah gwanglai kebam ngau luge, anui cika nlütlwe liem taugai. 3Cyprus kengau ga gwang luge hile de liem taupwa Syria gage liem taugai nah Tyre ga gwanglu, kedanemene cikade liem pepüt limpet lai kezeune. 4Pecai anui kenlumme de ngau luge, anui cika lang hena ne bamdi. Kemci Rabe gade penui Paul de Jerusalem ga mie helo rang bamdi. 5Dede anui cika kebam ting cang dige, anui lampui le ge tet gaidi nah penui pelane, penui nau nah penui namedung de ngngwalwe anuide namdi gwale kecang nzang miebeu; nah duidikung ga anui koktungmie kekie teigai, 6nah anui hangge gede kelamna sam ranggai. Cipaucai anui liem ga nlütlu, nah penuide kilung ga caili gwangdi.
7Tyre gade anui liembeuh cang dige, anui Ptolemais#21:7 Ptolemais: Namdi aide Mediterranean jaaidi kung ga bam. ga gwanglu, ge anui kenlummedung de kelumgai nah penuide langnaige ngngwa bamdi. 8Ge pecai benai anui tetgai delwe Caesarea namdi ga gwanglu. Anui samliakeyi kerangbe Philip kiga nlütlu, pa de hang hena kakgade hangge nah anui pecu ngngwa bamdi. 9Cu aipau peide pe napui relei kemcime hang mdai caihakecisam kerangme bam.#Joe. 2:28 10Anui cika tingbazie kekiee ge bam kedicai, caihakecime ge pe zi Agabus Judea gade hung. 11Pa anuida gwang Paul kiakang keulwe cide le pa pekatei pe pi nah pe ba kanglwe rangdi, “Kemci Rabe ainzwa rangzeu, ‘Jerusalem ga kebam Jewme kiakang aide mpaube de ainzwa kanglwe penui pecu Gentileme ba gage tuigai beu dizie.’” 12Anui aidungde siu luge, anui de nah cika kelunghme Paul de Jerusalem ga nghang helo kiegai. 13Iciuge Paul sam keligai, “Nnui daitei zeuno, ainzwa hap nah a mlung tei keherei kecu? Kedanemene Ih hebaang ketei rünne ma, dede Rampaube Jisu zi ziemne Jerusalem gade tsai kerade mtei luda.” 14Anui Paul lung tei nreu luta dige, anui mtakdi eh ranggai, “Peu Rampaube lungningbe tei lulo.”
15Tingbazie aidungde cai, anui guniadung mteilwe anui Jerusalem ga nghangdi. 16Caesarea gade kenlumme kangge de anuide ngngwalwe mie delwe Cyprusme kenlumme teikelu keraime ge pe zi Mnason anui gwang bam zielie kecube pei ki ga anuide ngngwa gwangbeu.
Paul Jerusalem ga gwangkelu
17Anui Jerusalem ga gwang luge, kenlumedung penui suiyi süt eh anuide ngngwalu. 18Pecai benai Paul anuide ngngwalwe James taiga gwang, nah cika hangkiame peciakne de bam. 19Paul penuide kelum kelucai, Tinggwang pe zierang ta gade Gentileme kakga tei kegaidung ket ket eh pa ranglia. 20Penui cide siu luge, penui Tinggwang de twadi, nah penui pe dage ranggai, “Nang pielo, sinabo, Jewme kakga kenlumme cang dai kieege bambi, penui pelane de hezai teu ntip sütla. 21Penui nang Gentileme kakga lungh kebam Jewme pelane dage Moses zai de gidi lo, nah penui name de hegeurum helo, mede kehegwa zaidung de gidi lo kecu, nang penuide rang ledeu beulie n ha rangla dida. 22Cine anui daipai teilai? Nang gwangbam delie kecu penui siubi zieda. 23Cine anui n dage rangkebeube aide nang tei lulo. Anuida mipei hang mdai penui sampet tei kelume bam. 24Nang aidungde de ngngwa lwe ncu tei mcilu nah penui ziedung de tei beulu, iciude penui penui peudung taidi lubui. Ciciude mina peciakne n ha penui dage rang kebeude kesang melie kecu nah nang hezaide mzai siakte lalie kecu ci luzie. 25Dede Gentileme nlum kelume ziemne au, anui penuide mamie kereca gudung gade, nah hejai ketyei gade, nah makauna kaktset kedibe teih gade, nah kemmha gade penuikatei de ketiplu maisia lie kecu laisiu raugai nah rangbeu dida.” 26Cine Paul pecai benai mina hangmdai baude ngngwalwe pecu tei mcilu, nah kerecaki ga lütlwe penuide tei kemci ta daidau cang ziebi nah penui hangge ge ziemne daidau reca tei ziebi ndulia.#Pum. 6:13-21
Paul de tuikelu
27Dede tingbazie hena de cangdilai kezeudau, Asia gade Jewme kangge Paul de kerecaki gade ngau luge, mina maa pelane de kebwak gai delwe pecu tuilu. 28Penui sahbak eh ranggai, “Israelmedung, anuide nghalo. Minadungde de, hezaibe de nah heni aide de mmau eh luga aika mie mi leune de ledeu kelabe de mina aide da. Ci rünne mene, pa Greekmedung de kerecaki ga ngngwalüt eh heni kemci aide teihera dida.” 29Kedanemene penui pa ndaa Ephesame pei Trophimus#21:29 Trophimus: Pa Ephesus gade Paul de pe lampui ga kangzang gwang. Bat. 20:4. de namdi ga ngngwakela kengaune, penui Paul pecu ngngwa kerecaki ga lütlie kecu cet kedine. 30Jerusalem namdi pelane de kebwakdi, nah minadung ngngwa pakgwang Paul de tuilu. Penui pecu kerecaki gwale teukerei mpetlu delwe zette kikamdung ngkuidi. 31Penui pecu teitset kera tei kebamdau, reugwame muibe da Jerusalem peciakne kebwak bamdi delie kecu sam ci gwangdi. 32Pa zette reugwame nah haireu kedimedung de ngngwalwe hemaabe da pak nghung. Minadung reugwa muibe nah reugwamedung de ngau luge, penui Paul de dap tadi. 33Ge reugwa muibe petai nnagwang Paul de tuilwe hegeuria kena le pecu kangdilo beu. Ge pa caubi nah pa daipai tei dibi keteu. 34Dede hemaabe kangge mage sah nah kedame kedage sahdi. Reugwa muibe magede ci siaktelu tadi, kedanemene makwa kebwaksüt kedine, pa Paul de kengkieng reketbam ga ngngwa lüt lulo aja kaibeu. 35Pa pihidok ga nghang keladau hemaabe kuusüt kedine, reugwamedung pecu pwa maisiadi. 36Kedanemene mina hemaabe pecai sui gwang sahbak eh, “Pecu teitset dilo!” de kedine.
Paul maadibe dage samkerang
37Paul de kengkieng reketbam bam ga ngngwa gwang lai kezeudau, pa reugwa muibe dage keteudi, “Ih n da mage ranglu buimi?” Kedibe pei keligai, “Nang Greek kwa rangla mi? 38Nang Egyptme pei gwang kedi tingdau ge kehebwak ndeu eh, ‘Teiketsetme’ mina cang mdai de hetaideu ga teuswa mpet kedibe de meni?” 39Dede Paul keligai, “Ih au Jewme, Cilicia deuzi ga Tarsusme ge kesang lie. Ih au Tarsus namdi kemlang cide ga deuketme gelie. Ciziemne, acu peu minadung dage marang lo, Ih n dage kiela.” 40Kedibe pecu peting peu kegaidau, Paul pihidok reuga saplwe minadung matu helo pe ba hwagai. Cidau zingde dige, pa penui dade Hebrewme let gade marang. Pa rang cuhdi,
Currently Selected:
:
Highlight
Share
Copy
Want to have your highlights saved across all your devices? Sign up or sign in
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.