Proverbs 4
4
Luhunja lunofu pitu findu fyonda
1Vana vangu, mupikanishi chavawula tati wenu. Mtegheli matu venu ili muvi na luhala. 2Nguvawula findu finofu, topi mkotoo kulema findivawulili. 3Nenga wuwowu ndavelili na tati, ndavelili mshisha moyu na mwana wa paweka kwa mawangu, 4tati wangu ang'ulili naha, “Kamuli kwa ndima yaku findikuwombela, kamuli malawu vangu na yuwi dawikali. 5Wuvi na luhunja na umanyi! Kotoo kwivasua wala kufibedala findikuwombilili. 6Kotoo kumleka luhunja kwanongwa dayikuviki, umtami na mweni dakudimi. 7Luhunja lunofu munu pitu findu fyonda, tawuli kila chindu pati luhala. 8Mtami luhunja na mweni dakugoli mundu mkomi. Wumkusikili na mweni dakutundamili. 9Mweni dakufwalishi likokoma linofu kumutwi yaku, na kukugayila likokoma lya ukomi yilimelimeta.”
10Mwana wangu, pikanishi na kufikamula findikuwombela, ili wikali majuva vatangalili. 11Ndikulangusha deha ya luhunja, na ndikulongosha ndambu nofu ya kwikala. 12Pawuyendayenda kwahela cha kukulimba, na pawutuva dawikwali ha. 13Kamuli ng'ulilu ya luhunja yikotoo kukusulubuka, dimi finofu nongwa afi ndi unofu waku. 14Kotoo kukola deha sha vandu vawafu, na kotoo kugola chivagola vandu va vavifyi. 15Wikali kutali na deha shawu, lemi na uyiwukili. 16Vandu vawafu pavagola ng'odu wafu vakuwonja ha, vakulemwa hata kusisila mbaka vamgoleli mundu uvifyi. 17filivi fyawu na usugu wuva kucha chilandi chawu.
18Lakini deha ya vandu vasangi yikwifwana na lijuva lya pamalavila, nongwa lyeni likung'ala mbuleteee mbaka pamusi. 19Lakini deha sha vandu vawafu kucha chisi tyoo, veni vachimanya ha yichivavagola vayikwali.
20Mwana wangu, pikanishi unofu findikuwombela, tegheli matu pikani filongu fyangu. 21Kotoo kuleka fiwuki, wufiviki mundima yaku. 22Nongwa afi dafikugayili unofu kwa mundu yafipata, na fikunanisha mvili waku wosi. 23Wuyidimi ndima yaku kwa chiganu chosi, nongwa amu wukufuma unofu. 24Kotoo kudeta filongu fya wafu, na mlomu waku ukotoo kudeta filongu fya uvifyi. 25Mesu vaku valoli kuulongolu, loli holuholu kuulongolu. 26Lembeshi deha yaku yiwupita, na deha shaku shosi dasivi telatela. 27Wilyepi wafu na yendileli kulola holuholu kuulongolu, na kotoo kugola wafu wowonda.
Currently Selected:
Proverbs 4: OTNdambBL
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.
Proverbs 4
4
Luhunja lunofu pitu findu fyonda
1Vana vangu, mupikanishi chavawula tati wenu. Mtegheli matu venu ili muvi na luhala. 2Nguvawula findu finofu, topi mkotoo kulema findivawulili. 3Nenga wuwowu ndavelili na tati, ndavelili mshisha moyu na mwana wa paweka kwa mawangu, 4tati wangu ang'ulili naha, “Kamuli kwa ndima yaku findikuwombela, kamuli malawu vangu na yuwi dawikali. 5Wuvi na luhunja na umanyi! Kotoo kwivasua wala kufibedala findikuwombilili. 6Kotoo kumleka luhunja kwanongwa dayikuviki, umtami na mweni dakudimi. 7Luhunja lunofu munu pitu findu fyonda, tawuli kila chindu pati luhala. 8Mtami luhunja na mweni dakugoli mundu mkomi. Wumkusikili na mweni dakutundamili. 9Mweni dakufwalishi likokoma linofu kumutwi yaku, na kukugayila likokoma lya ukomi yilimelimeta.”
10Mwana wangu, pikanishi na kufikamula findikuwombela, ili wikali majuva vatangalili. 11Ndikulangusha deha ya luhunja, na ndikulongosha ndambu nofu ya kwikala. 12Pawuyendayenda kwahela cha kukulimba, na pawutuva dawikwali ha. 13Kamuli ng'ulilu ya luhunja yikotoo kukusulubuka, dimi finofu nongwa afi ndi unofu waku. 14Kotoo kukola deha sha vandu vawafu, na kotoo kugola chivagola vandu va vavifyi. 15Wikali kutali na deha shawu, lemi na uyiwukili. 16Vandu vawafu pavagola ng'odu wafu vakuwonja ha, vakulemwa hata kusisila mbaka vamgoleli mundu uvifyi. 17filivi fyawu na usugu wuva kucha chilandi chawu.
18Lakini deha ya vandu vasangi yikwifwana na lijuva lya pamalavila, nongwa lyeni likung'ala mbuleteee mbaka pamusi. 19Lakini deha sha vandu vawafu kucha chisi tyoo, veni vachimanya ha yichivavagola vayikwali.
20Mwana wangu, pikanishi unofu findikuwombela, tegheli matu pikani filongu fyangu. 21Kotoo kuleka fiwuki, wufiviki mundima yaku. 22Nongwa afi dafikugayili unofu kwa mundu yafipata, na fikunanisha mvili waku wosi. 23Wuyidimi ndima yaku kwa chiganu chosi, nongwa amu wukufuma unofu. 24Kotoo kudeta filongu fya wafu, na mlomu waku ukotoo kudeta filongu fya uvifyi. 25Mesu vaku valoli kuulongolu, loli holuholu kuulongolu. 26Lembeshi deha yaku yiwupita, na deha shaku shosi dasivi telatela. 27Wilyepi wafu na yendileli kulola holuholu kuulongolu, na kotoo kugola wafu wowonda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Old Testament in Ndamba @The Word for The World International and Ndamba Language translation. All rights reserved.