Matayu 25
25
Mlandano wa wasikana ikumi
1Yesu akayendelela kulonga, “Lipindi hali, unkosi wa kundumba utelandana na wahinja ikumi wala watolili limbamba, wakayenda kumpokela Bambu wa mhambu. 2Mhanu paghati gha weni wawelili na malangu ng'ogha na wamhanu wawelili na mawachilo gha maha. 3Wala wawelili na malangu ng'ogha watolili mimbamba, ila watolili ng'ogha na mahuta gha kuyongesela. 4Ila wala wawelili na mawachilo gha maha watolili mahuta musupa ghao gha kuyongesela na mula mlimbamba. 5Kwaikiva bambu mweni kuposa pakahika ng'ogha kwa kuloposela, wala wasikana wogha wakasinzila, wakawonja.
6Uhiku wa mandandu kukawela na lilowi, ‘Mloli, hinu! Bambu mweni kuposa, anguhika hayu, myendi mkampokeli.’ 7Pala wala wasikana wogha wakayimuka, wakavika maha mimbamba ghao. 8Wala wenikuwela ng'ogha malangu ng'ogha wakawalongela wala weni mawachilo gha maha, ‘Mtupeghi mahuta gha mwenga mayaghani kwaikiva mimbamba gha twenga ingujimika.’ 9Ila wala weni mawachilo gha maha wakawalongela, ‘Iwesekana ng'ogha kwaikiva twenga yatetukwila ng'ogha Mbaa myendi mduka mkajihemileli mwaweni!’ 10Hinu, wala wahinja wenikuwela ng'ogha na malangu pawayendili kuhemela mahuta, haku kuhyetu bambu mweni kuposa, na wala wasikana wakalivika maha wakayingila pamonga na mweni kulighuta lya mhambu, hinu mlyango ukawopwa.
11Kuulongolo wala wasikana ghangi wakahuya wakakema, ‘Bambu, bambu, utufughulili!’ 12Ila mweni akawayanga, ‘Ninguwalongela chakaka, niwamanya ng'ogha mwenga.’”
13Hinu Yesu akayongesa kulonga, “Mlihungi, kwaikiva mmanyang'ogha lichuwa wala lisaa.”
Mlandano wa watumikila waitatu
Luka 19:11-27
14“Kangi Ukosi wa kundumba ni handa mundu apalili kuhuka mwanja, akawakema watumikila ghaki na kuvika hindu ghaki kuugholokela ghao.” 15Mmonga akampegha vihaku vimhano vya migwala na ghangi ampeghili vihaku viivili vya migwala na ghangi kihaku kimonga kya ligwala, kila mmonga kwa uweso ghaki. Hinu mweni akayenda mwanja ghaki. 16Yula apeghilwi vihaku vimhamo vya migwala akayenda kwa kuloposela akaghola biasala akayongesa kangi vihaku vimhano vya migwala. 17Hilahila na yula apeghilwi vihaku viivili vya migwala akayongesa kangi vihaku viivili vya migwala. 18Ila yula apeghilwi kihaku kimonga kya gwala hayu akayenda, akahimba liwumba, akahigha ligwala lya bambu ghaki ampeghili.
19“Kwalipindi litali, yula bambu akahuya, akatumbula kuvalanga kipungulili na kiyongesekili kuvihaku vya migwala ghaki.” 20Yula mtumikila apokelili vihaku vimhanu vya mingwala akahika, kunu kayegha vihaku vya migwala vighangi mhanu viyongeseka. Akalonga, “Bambu uvikili kuugholokelo ghangu vihaku vya migwala vimhanu uloli, mbata kangi nyongesa vihaku vya migwala vimhano.” 21Bambu ghaki akamlongela, “Ena ughola maha nesu mtumikila ghangu wa maha. Uwela mundu wa maha kumighalu gha mayaghani, nitekupegha makulunga. Uhiki uhekileli pamonga na Bambu ghako.”
22“Yula mtumikila apeghilwi vikaku viivili vya migwala akahika, kunu kapapa vihaku vya migwala viivili vya nyongesa, akalonga, Bambu, unipeghili vihaku viivili vya migwala. Utoli vihaku viivili vya migwala iyongeseka, nipata ivili ghangi.” 23Bambu ghaki akamlongela, “Ena, mtumikila wa maha na mundu wa maha. Uwela mundu wa maha kumighalu gha mayaghani, nitekupegha makulunga. Uhiki uhekileli pamonga na Bambu ghako.”
24Ila yula mtumikila apeghilwi kihaku kimonga kya gwala akahika, kunu akilonga, “Bambu, ningumanya wenga ni mkalipa nesu, wenga ungubena pala ungukulila ng'ogha, na kukungula pala ukweta ng'ogha.” 25Nitilili nikotoho yaghamisa kihaku kyako, hinu nikahigha kihaku kya ligwala kyako pahi pamhanga. “Hinu utoli kihaku kyaku.”
26Bambu ghaki akamlongela, “Wenga ni mtumikila mhakata na mfifu! Ungumanya yiwa nenga ningubena mahala nikulila ng'ogha na ningukungula mahala pala nikweta ng'ogha.” 27Hinu, ikupalili kuvika kihaku kyangu kya ligwala lyangu kubanki, ili panihika mbati kutola hila ghangu na nyongesa ghaki! 28Hinu, mumpokoli mkampeghi yula mweni vihaku ikumi vya ligwala. 29Kwaikiva, mwenikuwela na hindu atepokela na kuyongesewa. Ila yula kahela ng'ogha kindu, hata kila kawela nachu kitepokolwa. 30Na hayu mtumikila wa maha ng'ogha akawalongela, “Mumtaghi panji mlwiha! Haku kutewela na kililo na kuhyagha malinu.”
Utoso wa mwihu
31“Mwana wa Mundu paatehika kuukwilikihi ghaki na watumikila wa kundumba wa Sapanga wogha pamonga na mweni, baha atetama kunani gha kitamilo kyaki kya ukulu ghaki.” 32Wandu wa milima hyogha watelikungula kuulongolo ghaki, na mweni atewabagulisa wandu handa mhungaji angubagulisa kondolu na mbuhi. 33Atewavika kondolu mbandi ghaki wa kuliyila na mbuhi mbandi ghaki wa shotu. 34“Hinu nkosi atewalongela wala wawelili upandi ghaki wa kuliyila, mhiki mwenga mhighililwi na Tati ghangu, mpokeli unkosi mvikiliwi kuhuma kugholwa kwa mlima wogha.” 35Kwaikiva niwelili na njala na mwenga mkanipegha mulyo, niwelili niyumililwa na mwenga mkanipegha masi, niwelili mhenja na mwenga mkanipokela, 36“Niwelili bila nguu, mkanivwalisa, niwelili mvina na mwenga mkahika kunilola, niwelili mlighuta lya wawopwa na mwenga mkahika kunilola.” 37Hinu, wala wandu wa maha watemkonya, Bambu, ni ligha tukulolili mweni njala tukakupegha mulyo, au uwela na kuyumililwa na twenga tuka kupegha masi? 38Ni ligha tukulolili ukiwela mhenja na twenga tukakupokela, au ukiwela ng'ogha na nguu, tukakuvwalisa? 39Ni ligha tukulolili ukiwela mvina au muwopwa na twenga tukahika kukulola? 40Nkosi atewayanga, “Chakaka ninguwalongela, vila muwagholilile wamonga wa hagha walongu ghangu wasokombi, mnigholilile nenga.”
41“Hinu akawalongela wala wawelili upandi wa shotu ghaki,” “Mhuki kuulongolo ghangu mwenga mlapililwi! Myendi kulyoto lijimika ng'ogha ayandalililwi kala Lihyukana na mahoka ghaki.” 42Kwaikiva niwelili na njala na mwenga mnipegha ng'ogha mulyo, niwelili nyumililwa na mwenga mnipeghili ng'ogha masi. 43“Niwelili mhenja na mwenga mmbokela ng'ogha, niwelili mvina na muwopwa na mwenga mhika ng'ogha kunilola.” 44Na weni wateyanga, “Bambu, ni ligha tukulolili ukiwela na njala au ukiwela mhenja au ukiwela ng'ogha na nguu, au ukiwela mvina au muwopwa, na twenga tukakutanga ng'ogha?” 45Na mweni atewayanga, “Ninguwalongela chakaka, vila pala mlemili kumgholela mighalu hagha mmonga wa hagha wanung'una, mlemili kunigholela nenga.” 46Hinu, “Hagha wateyenda kumaghaso gha machuwa hyogha bila mwihu, ila wala wandu wa maha wateyenda kuukomu wa machuwa hyogha bila mwihu.”
Currently Selected:
Matayu 25: NTMbBL2025
Highlight
Share
Copy
Want to have your highlights saved across all your devices? Sign up or sign in
The New Testament in Mbunga @The Word for The World International and Mbunga Language translation, 2025. All rights reserved.
Matayu 25
25
Mlandano wa wasikana ikumi
1Yesu akayendelela kulonga, “Lipindi hali, unkosi wa kundumba utelandana na wahinja ikumi wala watolili limbamba, wakayenda kumpokela Bambu wa mhambu. 2Mhanu paghati gha weni wawelili na malangu ng'ogha na wamhanu wawelili na mawachilo gha maha. 3Wala wawelili na malangu ng'ogha watolili mimbamba, ila watolili ng'ogha na mahuta gha kuyongesela. 4Ila wala wawelili na mawachilo gha maha watolili mahuta musupa ghao gha kuyongesela na mula mlimbamba. 5Kwaikiva bambu mweni kuposa pakahika ng'ogha kwa kuloposela, wala wasikana wogha wakasinzila, wakawonja.
6Uhiku wa mandandu kukawela na lilowi, ‘Mloli, hinu! Bambu mweni kuposa, anguhika hayu, myendi mkampokeli.’ 7Pala wala wasikana wogha wakayimuka, wakavika maha mimbamba ghao. 8Wala wenikuwela ng'ogha malangu ng'ogha wakawalongela wala weni mawachilo gha maha, ‘Mtupeghi mahuta gha mwenga mayaghani kwaikiva mimbamba gha twenga ingujimika.’ 9Ila wala weni mawachilo gha maha wakawalongela, ‘Iwesekana ng'ogha kwaikiva twenga yatetukwila ng'ogha Mbaa myendi mduka mkajihemileli mwaweni!’ 10Hinu, wala wahinja wenikuwela ng'ogha na malangu pawayendili kuhemela mahuta, haku kuhyetu bambu mweni kuposa, na wala wasikana wakalivika maha wakayingila pamonga na mweni kulighuta lya mhambu, hinu mlyango ukawopwa.
11Kuulongolo wala wasikana ghangi wakahuya wakakema, ‘Bambu, bambu, utufughulili!’ 12Ila mweni akawayanga, ‘Ninguwalongela chakaka, niwamanya ng'ogha mwenga.’”
13Hinu Yesu akayongesa kulonga, “Mlihungi, kwaikiva mmanyang'ogha lichuwa wala lisaa.”
Mlandano wa watumikila waitatu
Luka 19:11-27
14“Kangi Ukosi wa kundumba ni handa mundu apalili kuhuka mwanja, akawakema watumikila ghaki na kuvika hindu ghaki kuugholokela ghao.” 15Mmonga akampegha vihaku vimhano vya migwala na ghangi ampeghili vihaku viivili vya migwala na ghangi kihaku kimonga kya ligwala, kila mmonga kwa uweso ghaki. Hinu mweni akayenda mwanja ghaki. 16Yula apeghilwi vihaku vimhamo vya migwala akayenda kwa kuloposela akaghola biasala akayongesa kangi vihaku vimhano vya migwala. 17Hilahila na yula apeghilwi vihaku viivili vya migwala akayongesa kangi vihaku viivili vya migwala. 18Ila yula apeghilwi kihaku kimonga kya gwala hayu akayenda, akahimba liwumba, akahigha ligwala lya bambu ghaki ampeghili.
19“Kwalipindi litali, yula bambu akahuya, akatumbula kuvalanga kipungulili na kiyongesekili kuvihaku vya migwala ghaki.” 20Yula mtumikila apokelili vihaku vimhanu vya mingwala akahika, kunu kayegha vihaku vya migwala vighangi mhanu viyongeseka. Akalonga, “Bambu uvikili kuugholokelo ghangu vihaku vya migwala vimhanu uloli, mbata kangi nyongesa vihaku vya migwala vimhano.” 21Bambu ghaki akamlongela, “Ena ughola maha nesu mtumikila ghangu wa maha. Uwela mundu wa maha kumighalu gha mayaghani, nitekupegha makulunga. Uhiki uhekileli pamonga na Bambu ghako.”
22“Yula mtumikila apeghilwi vikaku viivili vya migwala akahika, kunu kapapa vihaku vya migwala viivili vya nyongesa, akalonga, Bambu, unipeghili vihaku viivili vya migwala. Utoli vihaku viivili vya migwala iyongeseka, nipata ivili ghangi.” 23Bambu ghaki akamlongela, “Ena, mtumikila wa maha na mundu wa maha. Uwela mundu wa maha kumighalu gha mayaghani, nitekupegha makulunga. Uhiki uhekileli pamonga na Bambu ghako.”
24Ila yula mtumikila apeghilwi kihaku kimonga kya gwala akahika, kunu akilonga, “Bambu, ningumanya wenga ni mkalipa nesu, wenga ungubena pala ungukulila ng'ogha, na kukungula pala ukweta ng'ogha.” 25Nitilili nikotoho yaghamisa kihaku kyako, hinu nikahigha kihaku kya ligwala kyako pahi pamhanga. “Hinu utoli kihaku kyaku.”
26Bambu ghaki akamlongela, “Wenga ni mtumikila mhakata na mfifu! Ungumanya yiwa nenga ningubena mahala nikulila ng'ogha na ningukungula mahala pala nikweta ng'ogha.” 27Hinu, ikupalili kuvika kihaku kyangu kya ligwala lyangu kubanki, ili panihika mbati kutola hila ghangu na nyongesa ghaki! 28Hinu, mumpokoli mkampeghi yula mweni vihaku ikumi vya ligwala. 29Kwaikiva, mwenikuwela na hindu atepokela na kuyongesewa. Ila yula kahela ng'ogha kindu, hata kila kawela nachu kitepokolwa. 30Na hayu mtumikila wa maha ng'ogha akawalongela, “Mumtaghi panji mlwiha! Haku kutewela na kililo na kuhyagha malinu.”
Utoso wa mwihu
31“Mwana wa Mundu paatehika kuukwilikihi ghaki na watumikila wa kundumba wa Sapanga wogha pamonga na mweni, baha atetama kunani gha kitamilo kyaki kya ukulu ghaki.” 32Wandu wa milima hyogha watelikungula kuulongolo ghaki, na mweni atewabagulisa wandu handa mhungaji angubagulisa kondolu na mbuhi. 33Atewavika kondolu mbandi ghaki wa kuliyila na mbuhi mbandi ghaki wa shotu. 34“Hinu nkosi atewalongela wala wawelili upandi ghaki wa kuliyila, mhiki mwenga mhighililwi na Tati ghangu, mpokeli unkosi mvikiliwi kuhuma kugholwa kwa mlima wogha.” 35Kwaikiva niwelili na njala na mwenga mkanipegha mulyo, niwelili niyumililwa na mwenga mkanipegha masi, niwelili mhenja na mwenga mkanipokela, 36“Niwelili bila nguu, mkanivwalisa, niwelili mvina na mwenga mkahika kunilola, niwelili mlighuta lya wawopwa na mwenga mkahika kunilola.” 37Hinu, wala wandu wa maha watemkonya, Bambu, ni ligha tukulolili mweni njala tukakupegha mulyo, au uwela na kuyumililwa na twenga tuka kupegha masi? 38Ni ligha tukulolili ukiwela mhenja na twenga tukakupokela, au ukiwela ng'ogha na nguu, tukakuvwalisa? 39Ni ligha tukulolili ukiwela mvina au muwopwa na twenga tukahika kukulola? 40Nkosi atewayanga, “Chakaka ninguwalongela, vila muwagholilile wamonga wa hagha walongu ghangu wasokombi, mnigholilile nenga.”
41“Hinu akawalongela wala wawelili upandi wa shotu ghaki,” “Mhuki kuulongolo ghangu mwenga mlapililwi! Myendi kulyoto lijimika ng'ogha ayandalililwi kala Lihyukana na mahoka ghaki.” 42Kwaikiva niwelili na njala na mwenga mnipegha ng'ogha mulyo, niwelili nyumililwa na mwenga mnipeghili ng'ogha masi. 43“Niwelili mhenja na mwenga mmbokela ng'ogha, niwelili mvina na muwopwa na mwenga mhika ng'ogha kunilola.” 44Na weni wateyanga, “Bambu, ni ligha tukulolili ukiwela na njala au ukiwela mhenja au ukiwela ng'ogha na nguu, au ukiwela mvina au muwopwa, na twenga tukakutanga ng'ogha?” 45Na mweni atewayanga, “Ninguwalongela chakaka, vila pala mlemili kumgholela mighalu hagha mmonga wa hagha wanung'una, mlemili kunigholela nenga.” 46Hinu, “Hagha wateyenda kumaghaso gha machuwa hyogha bila mwihu, ila wala wandu wa maha wateyenda kuukomu wa machuwa hyogha bila mwihu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Mbunga @The Word for The World International and Mbunga Language translation, 2025. All rights reserved.