Ichedendik 6
6
Nkwurọ s'ayokinọng
1K'ogbe kw'uwa ayokinọng nkk'atọma osisaabh m'iyagbin, panọngva mabir ammaana. 2Iva p'Ibinọkpaabyi maze bẹ́, panọngva p'ayokinọng ajibh-ojibh. Ofona nya o, matéka okpenamkpen kw'ọdaakẹ bẹ maba. 3Nya o, Ọvaar Ibinọkpaabyi oben bẹ́, “Egwugwuma chaam ọdọk oyokinọng mèkpo eninga ẹmaana ttattampe; okurọ bẹ́, oyokinọng ode ọkpakpa. Kẹ akpen mòruk ọkpaan icho arọbh achadanẹ.”
4Ny'ogbe nwo, wa aNephilim aning m'iyagbin. Nya ch'ogbe nwo kk'obir ọkpana, iva p'Ibinọkpaabyi mad-ayima panọngva p'ayokinọng ábẹ̀, mabhon iva. Bẹ bọ iwa made akem-akpa p'ẹtama, mabir ade ajinọng p'ayinẹ eche.
5Ọvaar Ibinọkpaabyi oze ose kw'itama s'oyokinọng ikk'ilora m'iyagbin, ọmaana bẹ́, achibhẹ p'ettem chẹ made itama k'ogbe kpenamkpen. 6Ifor ipyibh Ọvaar Ibinọkpaabyi, obir ọmmẹ-ẹ z'ettem bẹ́, kk'oyokinọng ọsa osok m'iyagbin. 7Ofona nya o, Ọvaar Ibinọkpaabyi oben bẹ́, “Kaam m'ndimẹ ayokinọng maphyir p'ikk'nsa m'iyagbin. M'ndimẹ ayokinọng ọmaana nten, ọmaana ekpo maphyir py'ezeng m'izek, ọttara ọnọhn f'iwokọ, okurọ bẹ́, ọmma-m z'ettem bẹ́, wa kaam kk'bẹ nsa.”
8Okenaka, wa Noa ofu Ọvaar Ibinọkpaabyi k'ichen.
Odik kw'ọmaan Noa
9Ma wọ ode odik kw'ọmaan Noa.
Wa Noa ode ọnọng kw'otor-otor, epinẹ koyen mach'anọng p'arukọ ny'ogbe kwẹ, obir ọgbaka ifor ọmaana Ibinọkpaabyi. 10Wa Noa obhonọ ajinọngva attaan, p'ade Shẹm, ọmaana Ham, ọttara Japhẹt.
11Ny'ogbe nwo, Ibinọkpaabyi oze bẹ́, iyagbin maphyir kk'ikibha, ibir ide ẹkọhr-ẹkọhr. 12Ibinọkpaabyi oze bẹ́, iyagbin kk'ikibha okurọ bẹ́, ayokinọng maphyir p'aning m'iyagbin nkk'akibha. 13Minna kw'Ibinọkpaabyi oben Noa bẹ́, “M'ndimẹ ayokinọng maphyir, kirẹ, iyagbin nide ẹkọhr-ẹkọhr okurọ itama s'ayokinọng. K'odik ọkkọkka, kaam m'ndimẹ bẹ ọttara iyagbin. 14Nya o, tima agbaaka p'agaang-ọgaangẹ, kọma ọkpaar kwiden kw'ikọ k'ifor, asi odongọ z'ẹtaanga kwẹ, afoka ana p'apyi bẹ́ kkang mabang-ọbanga, z'ẹtaanga ọmaana k'iyaan. 15Minna wọ kw'im'akọma ọkpaar nwo: adum pẹ mm'ade ntọkọ ẹnọhna okwuma arọbh afa okwuma ijobh, ẹkpa chẹ m'ede ntọkọ arọbh attaan okwuma ichi, agoriji pẹ m'ade ntọkọ arọbh afa okwuma nchen. 16M'amin mgbodo kw'im'atima abubha ọkpaar nwo. Tọma z'akpaar-bem pyirẹ ny'mgbodo, sok obhokọ kw'im'ode ẹtọkọ kibungọ ọmaana igboka. Sok ọmma k'ẹbhaakẹ danẹ ch'ọkpaar nwo, abir asi agbaarẹ ny'izek-izek, wanẹ ny'njeka, nwoza z'ẹrọng. 17Kirẹ, kaam m'ntima ẹnwanwa nchi iyagbin maphyir. Ẹnwanwa ndo m'ekibhẹ ọttọhk kpenamkpen f'ọgwọkọ iwọhng f'oning nya. Ọttọhk kpenamkpen f'oning m'iyagbin m'ope. 18Ṉ́nòde kọ, kaam m'nsi Echekẹ mmaan-ọ. Kọ m'adim ny'ọkpaar nwo, kọ ọmaana ajinọngva pọ, ọmaana kwanọng kwọ, ọttara panọng p'ajinọngva pọ. 19Ekpo maphyir py'eruk akpen, k'ejinọng ọttara k'ẹpanọng, byẹ py'matima ẹfa-ẹfa adim ny'ọkpaar nwo, mfha eruk akpen ẹmaan-ọ. 20Odimkwẹ, ọmaana ikwakwẹ kw'ọnọhnkira kpenamkpen, ọmaana kw'otenkira kpenamkpen, ọmaana kw'ọttọhkkira kpenamkpen f'ozeng m'izek, m'etor-ọ madim nya, mfha eninga akpen. 21M'atima ọttọhkkira kpenamkpen f'ẹcha, f'im'aye mach'ọchattọhk f'ikọ ọttara bẹ, mm'achi.”
22Noa osi ọttọhk kpenamkpen mbengana k'ose kw'Ibinọkpaabyi ọtọhn-ẹ.
Currently Selected:
Ichedendik 6: mfn-x-ad
Highlight
Share
Copy

Want to have your highlights saved across all your devices? Sign up or sign in
©️2025 West Africa Christian Mission
Ichedendik 6
6
Nkwurọ s'ayokinọng
1K'ogbe kw'uwa ayokinọng nkk'atọma osisaabh m'iyagbin, panọngva mabir ammaana. 2Iva p'Ibinọkpaabyi maze bẹ́, panọngva p'ayokinọng ajibh-ojibh. Ofona nya o, matéka okpenamkpen kw'ọdaakẹ bẹ maba. 3Nya o, Ọvaar Ibinọkpaabyi oben bẹ́, “Egwugwuma chaam ọdọk oyokinọng mèkpo eninga ẹmaana ttattampe; okurọ bẹ́, oyokinọng ode ọkpakpa. Kẹ akpen mòruk ọkpaan icho arọbh achadanẹ.”
4Ny'ogbe nwo, wa aNephilim aning m'iyagbin. Nya ch'ogbe nwo kk'obir ọkpana, iva p'Ibinọkpaabyi mad-ayima panọngva p'ayokinọng ábẹ̀, mabhon iva. Bẹ bọ iwa made akem-akpa p'ẹtama, mabir ade ajinọng p'ayinẹ eche.
5Ọvaar Ibinọkpaabyi oze ose kw'itama s'oyokinọng ikk'ilora m'iyagbin, ọmaana bẹ́, achibhẹ p'ettem chẹ made itama k'ogbe kpenamkpen. 6Ifor ipyibh Ọvaar Ibinọkpaabyi, obir ọmmẹ-ẹ z'ettem bẹ́, kk'oyokinọng ọsa osok m'iyagbin. 7Ofona nya o, Ọvaar Ibinọkpaabyi oben bẹ́, “Kaam m'ndimẹ ayokinọng maphyir p'ikk'nsa m'iyagbin. M'ndimẹ ayokinọng ọmaana nten, ọmaana ekpo maphyir py'ezeng m'izek, ọttara ọnọhn f'iwokọ, okurọ bẹ́, ọmma-m z'ettem bẹ́, wa kaam kk'bẹ nsa.”
8Okenaka, wa Noa ofu Ọvaar Ibinọkpaabyi k'ichen.
Odik kw'ọmaan Noa
9Ma wọ ode odik kw'ọmaan Noa.
Wa Noa ode ọnọng kw'otor-otor, epinẹ koyen mach'anọng p'arukọ ny'ogbe kwẹ, obir ọgbaka ifor ọmaana Ibinọkpaabyi. 10Wa Noa obhonọ ajinọngva attaan, p'ade Shẹm, ọmaana Ham, ọttara Japhẹt.
11Ny'ogbe nwo, Ibinọkpaabyi oze bẹ́, iyagbin maphyir kk'ikibha, ibir ide ẹkọhr-ẹkọhr. 12Ibinọkpaabyi oze bẹ́, iyagbin kk'ikibha okurọ bẹ́, ayokinọng maphyir p'aning m'iyagbin nkk'akibha. 13Minna kw'Ibinọkpaabyi oben Noa bẹ́, “M'ndimẹ ayokinọng maphyir, kirẹ, iyagbin nide ẹkọhr-ẹkọhr okurọ itama s'ayokinọng. K'odik ọkkọkka, kaam m'ndimẹ bẹ ọttara iyagbin. 14Nya o, tima agbaaka p'agaang-ọgaangẹ, kọma ọkpaar kwiden kw'ikọ k'ifor, asi odongọ z'ẹtaanga kwẹ, afoka ana p'apyi bẹ́ kkang mabang-ọbanga, z'ẹtaanga ọmaana k'iyaan. 15Minna wọ kw'im'akọma ọkpaar nwo: adum pẹ mm'ade ntọkọ ẹnọhna okwuma arọbh afa okwuma ijobh, ẹkpa chẹ m'ede ntọkọ arọbh attaan okwuma ichi, agoriji pẹ m'ade ntọkọ arọbh afa okwuma nchen. 16M'amin mgbodo kw'im'atima abubha ọkpaar nwo. Tọma z'akpaar-bem pyirẹ ny'mgbodo, sok obhokọ kw'im'ode ẹtọkọ kibungọ ọmaana igboka. Sok ọmma k'ẹbhaakẹ danẹ ch'ọkpaar nwo, abir asi agbaarẹ ny'izek-izek, wanẹ ny'njeka, nwoza z'ẹrọng. 17Kirẹ, kaam m'ntima ẹnwanwa nchi iyagbin maphyir. Ẹnwanwa ndo m'ekibhẹ ọttọhk kpenamkpen f'ọgwọkọ iwọhng f'oning nya. Ọttọhk kpenamkpen f'oning m'iyagbin m'ope. 18Ṉ́nòde kọ, kaam m'nsi Echekẹ mmaan-ọ. Kọ m'adim ny'ọkpaar nwo, kọ ọmaana ajinọngva pọ, ọmaana kwanọng kwọ, ọttara panọng p'ajinọngva pọ. 19Ekpo maphyir py'eruk akpen, k'ejinọng ọttara k'ẹpanọng, byẹ py'matima ẹfa-ẹfa adim ny'ọkpaar nwo, mfha eruk akpen ẹmaan-ọ. 20Odimkwẹ, ọmaana ikwakwẹ kw'ọnọhnkira kpenamkpen, ọmaana kw'otenkira kpenamkpen, ọmaana kw'ọttọhkkira kpenamkpen f'ozeng m'izek, m'etor-ọ madim nya, mfha eninga akpen. 21M'atima ọttọhkkira kpenamkpen f'ẹcha, f'im'aye mach'ọchattọhk f'ikọ ọttara bẹ, mm'achi.”
22Noa osi ọttọhk kpenamkpen mbengana k'ose kw'Ibinọkpaabyi ọtọhn-ẹ.
Currently Selected:
:
Highlight
Share
Copy

Want to have your highlights saved across all your devices? Sign up or sign in
©️2025 West Africa Christian Mission