Akpaar-aponga 8
8
Zeba ọttạra Zalmuna
1Wa anạng p'Ephraim abạbhọ Gideọn bẹ́, “Asi yạn asi mạna oche ngwa? Ode yạn kw'nạn mạna náyera antwạn abọ anta annima anạng p'Midiyan abẹ?” Akwẹ ọdwạkhọ bẹ k'idaam oyeni, otena abẹ.
2Okhenkha ubhina bẹ bẹ́, “Mbạng vọ f'amma kk'nsia f'obeng k'mvọ f'abạnga kk'asia? Ubibini kw'abạnga adibhi k'iwonu s'agrep p'Ephraim, nújibha ọyọhnga iphya kubungu s'abạnga asi k'owonu kw'agrep p'Abiezer o? 3Ubinọkpaabyi kk'Oreb, ọttạra Zeeb p'ade adecho p'anạng p'Midiyan ọvạkha oge bạnga k'mbọhk. Mbạng vọ f'amma nsia mama f'ọbạrẹ ọyọhnga f'ọma asi o?” Ukwuru ibhina ch'ọnạngẹ bẹ́, idwạdwạkhọ s'abẹ akhaam abẹ o, isạkha.
4Chibhi s'Gideọn ọttạra ajunung pẹ arạbh chi ọkhọhnọ bẹ, abẹ afon ororo akhubh anạng p'Midiyan tạrr, akpira Jọrdan, abạra ajekha ọraanga ukhubha. 5Wa obeni ajunung p'Sukọt bẹ́, “Abạnga anạng arim-ekpong paam brẹd; khiri okwo kk'bẹ ọkhaama, amma m'nfona ororo nkhubh Zeba ọttạra Zalmuna, p'ade avaar p'Midiyan.”
6Okhenkha, ikhaana s'Sukot ibeni bẹ́, “Ukwuru yạn kw'm'annạng arim-ekpong pọ brẹd, s'nạn Zeba ọttạra Zalmuna tạm návạkha?”
7Osenga ma, Gideọn ubhina bẹ́, “Mase n'ode oche ngwọ, k'okpe kw'Ọvaar Ubinọkpaabyi kk'aam Zeba ọttạra Zalmuna ugia k'mbọhk, amma m'ntima nsidima ọttạra akkaangẹ p'ameni k'ibyi s'anạng n'nárua, nnyaakhẹ bạnga atennạng k'ayaara-k'ayaara.”
8Ubina ma ofona kha Pẹniyẹl, ọta ophyem bẹ udik ngwọ gwạnọ. Okhenkha, ajunung p'ofhon kw'Pẹniyẹl abạra anạng-ẹ ibhina njọ jạnẹ ch'ajunung p'Sukot anạng-ẹ. 9Osenga ma, oben ajunung p'Pẹniyẹl bẹ́, “ De nkwun ekhema achẹ, m'nkhibhi itọhrọ nna s'atikh-ofhon n'aninga atik ofhon.”
10Wa Zeba ọttạra Zalmuna aning kha Karkọr ọttạra arim-ekpong p'akpir ajunung nnọhna ẹrạbh ukuma chikhamfa ukuma arạbh jobh. Wa arim-ekpong phyi-phyibh p'arikhi k'nkhạma s'okpebha-dudon ẹbọ mạma; s'arim-ekpong nnọhna arạbh chi p'atim akkangkkang-kkro kk'apua. 11Wa Gideọn osengi k'ọkkaden kw'akker-itirakpo p'arukhu k'ukhubha kw'okpebha-dudon kha Noba, ọttạra Jogbeha, ọta urima arim-ekpong mbọ abẹ, k'okpe kw'abẹ nạn ichen náchokha. 12Ma wọ Zeba ọttạra Zalmuna p'ade avaar afa p'Midiyan arạbhọ. Okhenkha, Gideọn ukhubhu bẹ ma tạrr, ọvạkha bẹ, ọbạra oge arim-ekpong p'anạng mbọ phyibh k'ojora.
13Wa Gideọn kw'ode nnwa kw'Joash ubin k'ekpong, ukwu k'ọkkaden kw'Heres ukwuna. 14Ọvạkha udikkobh wạnọ kw'ubin Sukọt, ọdwạn-ẹ, udikkobh nwọ o, n'ọkkẹrẹ ache p'ikhaana s'Sukọt anạng-nạbh attaan ukuma chikhamfa, p'ade adennạng p'ofhon ngwọ, ọnạng-ẹ. 15Ma wọ Gideọn ofon ọta okhebha ajunung p'Sukọt oben bẹ bẹ́, “Abạnga akkeri Zeba ọttạra Zalmuna mama, p'abạnga aseng abẹ anukh-m, aben bẹ́, ‘Zeba ọttạra Zalmuna khẹ mbạn o? M'ansi yạn annạng ajunung pọ p'kk'bẹ ọkhọhna brẹd?’ ” 16Utim adennạng p'ofhon ngwọ okpebhi ajunung p'Sukọt esonga, s'utim nsidima ọttạra akkaangẹ p'ameni k'ibyi s'anạng nạn árukha ọnạng bẹ irem. 17Wa ọbạra ọvọhkhọ ittọhrọ s'atikh-ofhon n'aninga atik ofhon kw'Pẹniyẹl, ọbạra ọfhọ ajunung p'ofhon ngwọ.
18Ma wọ ọbạbhọ Zeba ọttạra Zalmuna bẹ́, “Bạng ajunung demapẹ bọ p'abạnga afhọ k'Tabọr?”
Ajunung mbọ abhina bẹ́, “Ajunung masẹ akhọ e, kwidede ọkhaam efhora ch'ọvaar-nwa.”
19Gideọn ubhina bẹ́, “Ajunung mbọ ade ivọkka paam e, abẹ ade ajunungva p'ọkka kwaam. K'oche ngwa kw'Ọvaar Ubinọkpaabyi urukhu akpen, de wạra abạnga atte bẹ ọbọhk abẹ aruk akpen, amma wạra bạnga mámfhọ.” 20Ọbhạkhẹ okkeri Jeter, kw'ode ocheden-nwa kwẹ, oben-ẹ bẹ́, “Fhọ bẹ́!” Okhenkha, Jeter ọkkangkkang-kkro kwẹ nọ́twạra, s'utim ode udikkobh-nwa, ọbạra ojor-ẹ ojora.
21Ma wọ Zeba ọttạra Zalmuna n'aben-ẹ bẹ́, “Ọma oyeni, senga k'akhọ k'ifor si udik ngwa. Ujunung abẹ n'asong-ẹ k'oche kw'ẹfa chẹ ede e.” Oche ngwọ wọ kw'Gideọn oseng ofora bẹ k'ititikha, ọfhọ bẹ, ọtạkha enya-kpo py'abẹ atim afhạrọ akamẹl pabẹ k'ẹdwạngọ.
Ẹphọd kw'Gideọn
22Wa anạng p'Israẹl abeni Gideọn bẹ́, “Dạbh mạna; ọma ọttạra ujunungnwa kwọ, ọttạra nnwa mfona kwọ kw'ujunung, ukwuru bẹ́, ọma kk'mạna akkaana arạbha mạna k'mbọhk s'anạng p'Midiyan.”
23Okhenkha, Gideọn ubhin bẹ bẹ́, “Amma bạnga mạ́ndạbh, nnwa kwaam bạnga mọ́bạra ọdạbh. Ọvaar Ubinọkpaabyi wọ m'ọdạbh bạnga.” 24Ọbạra oben bẹ bẹ́, “Amma nkhaam ephyema jạnẹ, nnoru bẹ́, ọnạng-ọnạng, ọnạng-m ọkkra kwẹ kw'itọhng k'okhebh pfẹ f'uchi k'ekpong.” (Wa ode ẹmmaana ch'anạng p'Ishmayẹl bẹ́, abẹ n'age akkra p'gol k'itọhng.)
25Abẹ abhin-ẹ bẹ́, “Ettem erebhi mạna bẹ́, annạng-ọ pyẹ.” Ma wọ abẹ atạk ẹnọhmakpa ammaama ajẹ, ọnạng-ọnạng ọrạbha ọkkra kwẹ kw'ufum k'ekpong ọbhạrẹ ma. 26Wa adọhbh py'ekpo mbyọ py'gol py'ọbạbhọ bẹ, ikpir adọhbh py'ashẹkẹl nnọhna nnebung ukuma arạbh asen. Wa abẹ arạbh ubhik f'adọhbh p'ẹnya-kpo, ọttạra adọhbh py'ekpo py'ọmaan f'ẹdwạngọ, ọttạra ch'nwuru s'avaarnạng p'Midiyan n'age, akwu attạra k'adọhbh p'mgbakkọhbhọ p'abẹ n'akpạna akamẹl pabẹ k'ẹdwạngọ. 27Wa Gideọn utim gol usi ẹphọd, kw'ọtạk ochok k'Ọphra, kw'ode ofhon kwẹ. Wa anạng p'Israẹl phyibh akpa-nnạm avạra Ubinọkpaabyi, n'asi isaasa-dik atima akpobha ẹphọd nwọ, udik ngwọ n'ode ọkpaak-k'ẹdwạngọ ọnạng Gideọn ọttạra ẹchọhmfạr chẹ.
Obo kw'Gideọn
28Ma wọ wa anạng p'Midiyan aning k'isekhisek kw'anạng p'Israẹl, abẹ efa jạnẹ-jạnẹ dạk nákhaama. Anạng p'Israẹl arukhu k'ẹmẹm k'icho arạbh afa, k'okpe kw'Gideọn urukhu akpen phyibh.
29Wa Jerub-Baal kw'ode nnwa kw'Joash ọkpa nnạm ọtta uruk k'akhẹ k'ofhon. 30Ẹma oyeni wa, ofhonu ajunungva arạbh attaan ukuma jobh, ukwuru bẹ́ ọkhaam ipanạng k'ọsaabh. 31Oyok kwẹ kw'ikwaanạng kw'urukhu k'Shẹkẹm ọbạra ọmmaan-ẹ nnwa kw'ujunung, kw'okpen Abimẹlẹk. 32Wa Gideọn kw'ode nnwa kw'Joash ope s'kkọhtạmma, abẹ anọhng-ẹ k'epewur ch'otte Joash k'Ọphra k'ofhon kw'Abiez.
33Masẹ Gideọn ku'pua, anạng p'Israẹl abạra atta asi asaasa kpen akpobha ikha s'Baal. Abẹ atta asi ọkha f'okpen Baal-Bẹrit akpobha, 34anạng p'Israẹl akpa nnạm avạra Ọvaar Ubinọkpaabyi, kw'ode Ubinọkpaabyi kwabẹ kw'kk'bẹ ọkkaana k'mbọhk s'awawunanạng pabẹ phyibh p'abaabha bẹ. 35Ma wọ, wa abẹ ijibha n'asia anạng ẹchọmfạr ch'Jeru-Baal (kw'okpen Gideọn) k'idik jibha s'kkusia ọnạng anạng p'Israẹl.
Currently Selected:
Akpaar-aponga 8: mfn-x-os
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission
Akpaar-aponga 8
8
Zeba ọttạra Zalmuna
1Wa anạng p'Ephraim abạbhọ Gideọn bẹ́, “Asi yạn asi mạna oche ngwa? Ode yạn kw'nạn mạna náyera antwạn abọ anta annima anạng p'Midiyan abẹ?” Akwẹ ọdwạkhọ bẹ k'idaam oyeni, otena abẹ.
2Okhenkha ubhina bẹ bẹ́, “Mbạng vọ f'amma kk'nsia f'obeng k'mvọ f'abạnga kk'asia? Ubibini kw'abạnga adibhi k'iwonu s'agrep p'Ephraim, nújibha ọyọhnga iphya kubungu s'abạnga asi k'owonu kw'agrep p'Abiezer o? 3Ubinọkpaabyi kk'Oreb, ọttạra Zeeb p'ade adecho p'anạng p'Midiyan ọvạkha oge bạnga k'mbọhk. Mbạng vọ f'amma nsia mama f'ọbạrẹ ọyọhnga f'ọma asi o?” Ukwuru ibhina ch'ọnạngẹ bẹ́, idwạdwạkhọ s'abẹ akhaam abẹ o, isạkha.
4Chibhi s'Gideọn ọttạra ajunung pẹ arạbh chi ọkhọhnọ bẹ, abẹ afon ororo akhubh anạng p'Midiyan tạrr, akpira Jọrdan, abạra ajekha ọraanga ukhubha. 5Wa obeni ajunung p'Sukọt bẹ́, “Abạnga anạng arim-ekpong paam brẹd; khiri okwo kk'bẹ ọkhaama, amma m'nfona ororo nkhubh Zeba ọttạra Zalmuna, p'ade avaar p'Midiyan.”
6Okhenkha, ikhaana s'Sukot ibeni bẹ́, “Ukwuru yạn kw'm'annạng arim-ekpong pọ brẹd, s'nạn Zeba ọttạra Zalmuna tạm návạkha?”
7Osenga ma, Gideọn ubhina bẹ́, “Mase n'ode oche ngwọ, k'okpe kw'Ọvaar Ubinọkpaabyi kk'aam Zeba ọttạra Zalmuna ugia k'mbọhk, amma m'ntima nsidima ọttạra akkaangẹ p'ameni k'ibyi s'anạng n'nárua, nnyaakhẹ bạnga atennạng k'ayaara-k'ayaara.”
8Ubina ma ofona kha Pẹniyẹl, ọta ophyem bẹ udik ngwọ gwạnọ. Okhenkha, ajunung p'ofhon kw'Pẹniyẹl abạra anạng-ẹ ibhina njọ jạnẹ ch'ajunung p'Sukot anạng-ẹ. 9Osenga ma, oben ajunung p'Pẹniyẹl bẹ́, “ De nkwun ekhema achẹ, m'nkhibhi itọhrọ nna s'atikh-ofhon n'aninga atik ofhon.”
10Wa Zeba ọttạra Zalmuna aning kha Karkọr ọttạra arim-ekpong p'akpir ajunung nnọhna ẹrạbh ukuma chikhamfa ukuma arạbh jobh. Wa arim-ekpong phyi-phyibh p'arikhi k'nkhạma s'okpebha-dudon ẹbọ mạma; s'arim-ekpong nnọhna arạbh chi p'atim akkangkkang-kkro kk'apua. 11Wa Gideọn osengi k'ọkkaden kw'akker-itirakpo p'arukhu k'ukhubha kw'okpebha-dudon kha Noba, ọttạra Jogbeha, ọta urima arim-ekpong mbọ abẹ, k'okpe kw'abẹ nạn ichen náchokha. 12Ma wọ Zeba ọttạra Zalmuna p'ade avaar afa p'Midiyan arạbhọ. Okhenkha, Gideọn ukhubhu bẹ ma tạrr, ọvạkha bẹ, ọbạra oge arim-ekpong p'anạng mbọ phyibh k'ojora.
13Wa Gideọn kw'ode nnwa kw'Joash ubin k'ekpong, ukwu k'ọkkaden kw'Heres ukwuna. 14Ọvạkha udikkobh wạnọ kw'ubin Sukọt, ọdwạn-ẹ, udikkobh nwọ o, n'ọkkẹrẹ ache p'ikhaana s'Sukọt anạng-nạbh attaan ukuma chikhamfa, p'ade adennạng p'ofhon ngwọ, ọnạng-ẹ. 15Ma wọ Gideọn ofon ọta okhebha ajunung p'Sukọt oben bẹ bẹ́, “Abạnga akkeri Zeba ọttạra Zalmuna mama, p'abạnga aseng abẹ anukh-m, aben bẹ́, ‘Zeba ọttạra Zalmuna khẹ mbạn o? M'ansi yạn annạng ajunung pọ p'kk'bẹ ọkhọhna brẹd?’ ” 16Utim adennạng p'ofhon ngwọ okpebhi ajunung p'Sukọt esonga, s'utim nsidima ọttạra akkaangẹ p'ameni k'ibyi s'anạng nạn árukha ọnạng bẹ irem. 17Wa ọbạra ọvọhkhọ ittọhrọ s'atikh-ofhon n'aninga atik ofhon kw'Pẹniyẹl, ọbạra ọfhọ ajunung p'ofhon ngwọ.
18Ma wọ ọbạbhọ Zeba ọttạra Zalmuna bẹ́, “Bạng ajunung demapẹ bọ p'abạnga afhọ k'Tabọr?”
Ajunung mbọ abhina bẹ́, “Ajunung masẹ akhọ e, kwidede ọkhaam efhora ch'ọvaar-nwa.”
19Gideọn ubhina bẹ́, “Ajunung mbọ ade ivọkka paam e, abẹ ade ajunungva p'ọkka kwaam. K'oche ngwa kw'Ọvaar Ubinọkpaabyi urukhu akpen, de wạra abạnga atte bẹ ọbọhk abẹ aruk akpen, amma wạra bạnga mámfhọ.” 20Ọbhạkhẹ okkeri Jeter, kw'ode ocheden-nwa kwẹ, oben-ẹ bẹ́, “Fhọ bẹ́!” Okhenkha, Jeter ọkkangkkang-kkro kwẹ nọ́twạra, s'utim ode udikkobh-nwa, ọbạra ojor-ẹ ojora.
21Ma wọ Zeba ọttạra Zalmuna n'aben-ẹ bẹ́, “Ọma oyeni, senga k'akhọ k'ifor si udik ngwa. Ujunung abẹ n'asong-ẹ k'oche kw'ẹfa chẹ ede e.” Oche ngwọ wọ kw'Gideọn oseng ofora bẹ k'ititikha, ọfhọ bẹ, ọtạkha enya-kpo py'abẹ atim afhạrọ akamẹl pabẹ k'ẹdwạngọ.
Ẹphọd kw'Gideọn
22Wa anạng p'Israẹl abeni Gideọn bẹ́, “Dạbh mạna; ọma ọttạra ujunungnwa kwọ, ọttạra nnwa mfona kwọ kw'ujunung, ukwuru bẹ́, ọma kk'mạna akkaana arạbha mạna k'mbọhk s'anạng p'Midiyan.”
23Okhenkha, Gideọn ubhin bẹ bẹ́, “Amma bạnga mạ́ndạbh, nnwa kwaam bạnga mọ́bạra ọdạbh. Ọvaar Ubinọkpaabyi wọ m'ọdạbh bạnga.” 24Ọbạra oben bẹ bẹ́, “Amma nkhaam ephyema jạnẹ, nnoru bẹ́, ọnạng-ọnạng, ọnạng-m ọkkra kwẹ kw'itọhng k'okhebh pfẹ f'uchi k'ekpong.” (Wa ode ẹmmaana ch'anạng p'Ishmayẹl bẹ́, abẹ n'age akkra p'gol k'itọhng.)
25Abẹ abhin-ẹ bẹ́, “Ettem erebhi mạna bẹ́, annạng-ọ pyẹ.” Ma wọ abẹ atạk ẹnọhmakpa ammaama ajẹ, ọnạng-ọnạng ọrạbha ọkkra kwẹ kw'ufum k'ekpong ọbhạrẹ ma. 26Wa adọhbh py'ekpo mbyọ py'gol py'ọbạbhọ bẹ, ikpir adọhbh py'ashẹkẹl nnọhna nnebung ukuma arạbh asen. Wa abẹ arạbh ubhik f'adọhbh p'ẹnya-kpo, ọttạra adọhbh py'ekpo py'ọmaan f'ẹdwạngọ, ọttạra ch'nwuru s'avaarnạng p'Midiyan n'age, akwu attạra k'adọhbh p'mgbakkọhbhọ p'abẹ n'akpạna akamẹl pabẹ k'ẹdwạngọ. 27Wa Gideọn utim gol usi ẹphọd, kw'ọtạk ochok k'Ọphra, kw'ode ofhon kwẹ. Wa anạng p'Israẹl phyibh akpa-nnạm avạra Ubinọkpaabyi, n'asi isaasa-dik atima akpobha ẹphọd nwọ, udik ngwọ n'ode ọkpaak-k'ẹdwạngọ ọnạng Gideọn ọttạra ẹchọhmfạr chẹ.
Obo kw'Gideọn
28Ma wọ wa anạng p'Midiyan aning k'isekhisek kw'anạng p'Israẹl, abẹ efa jạnẹ-jạnẹ dạk nákhaama. Anạng p'Israẹl arukhu k'ẹmẹm k'icho arạbh afa, k'okpe kw'Gideọn urukhu akpen phyibh.
29Wa Jerub-Baal kw'ode nnwa kw'Joash ọkpa nnạm ọtta uruk k'akhẹ k'ofhon. 30Ẹma oyeni wa, ofhonu ajunungva arạbh attaan ukuma jobh, ukwuru bẹ́ ọkhaam ipanạng k'ọsaabh. 31Oyok kwẹ kw'ikwaanạng kw'urukhu k'Shẹkẹm ọbạra ọmmaan-ẹ nnwa kw'ujunung, kw'okpen Abimẹlẹk. 32Wa Gideọn kw'ode nnwa kw'Joash ope s'kkọhtạmma, abẹ anọhng-ẹ k'epewur ch'otte Joash k'Ọphra k'ofhon kw'Abiez.
33Masẹ Gideọn ku'pua, anạng p'Israẹl abạra atta asi asaasa kpen akpobha ikha s'Baal. Abẹ atta asi ọkha f'okpen Baal-Bẹrit akpobha, 34anạng p'Israẹl akpa nnạm avạra Ọvaar Ubinọkpaabyi, kw'ode Ubinọkpaabyi kwabẹ kw'kk'bẹ ọkkaana k'mbọhk s'awawunanạng pabẹ phyibh p'abaabha bẹ. 35Ma wọ, wa abẹ ijibha n'asia anạng ẹchọmfạr ch'Jeru-Baal (kw'okpen Gideọn) k'idik jibha s'kkusia ọnạng anạng p'Israẹl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission