Ichedendik 23
23
Obo ọttạra ẹnnọhnga ch'Sara
1Wa Sara urukhu icho arạbh asajạnẹ ukuma isenọfa. 2Ope k'Kiriyat-Arba, kw'abẹ abạra ayeri Hẹbrọn, k'ẹkhạma ch'Kenaan. Wa Abraham ọtạk okpe, utima nkwuna s'ikwanạng kwẹ Sara.
3Ma wọ Abraham ubin urik apfhura p'ikwanạng kwẹ, ọta okhebha aHet, oben bẹ bẹ́, 4“Amma nde ukhikhennạng ma kabạnga k'ofhon. Akpe-m isisek s'm'ntima nsi innọhng-apfhura, ọfha osenga ma, nnọhnga upfhura kwaam.”
5Ma wọ, aHet apọhn Abraham bẹ́, 6“Attitte, khọhmọ mạna itọhng. Ọma ade ọvaar-nwa kwididen ma kamạna k'ofhon. Tekha epekwur chidede ch'ẹdaakh-ọ ma k'apekwur pamạna nọhnga ikwanạng kwọ. Ọnạng wạnọ-wạnọ ma kòde kw'mọrạm-ọ ibyi s'm'annọhnga ikwanạng kwọ.”
7Ma wọ, Abraham ubin, utwunga echo k'ikpukpobha, usima anạng p'Het. 8Oben bẹ bẹ́, “De kk'bạnga ọdaakha bẹ, nnọhnga ikwanạng kwaam ma kabạnga k'isisek, tte mphyem bạnga udik gwạnọ. Atotokhạn, aphyem Ẹphrọn, kw'ode nnwa kw'Zoha k'akhaam k'echo, 9bẹ, okpe-m ẹtakpa-pe ch'ining k'Makpẹla, k'ọkpicho kw'owonu kwẹ. Aben-ẹ bẹ, okpe-m k'akpokha p'ẹbaan, ọfha ntima chẹ nsi innọhng-apfhura ma kabạnga k'ofhon.”
10Masẹ Abraham n'ọkpaak udik ngwọ, ẹma Ẹphrọn kw'ubin Het uning ẹyạr ma anạng pẹ abẹ. Ọnạngẹ Abraham ẹpọhna k'oche kw'anạng p'Het phyibh p'akwu ma ẹbaakhamma ch'ofhon, abhaang. 11Ẹphrọn wa ọpọhn-ẹ bẹ́, “Mma e, aro kwaam, khọhm-m itọhng; tạkha isisek nnọ, ọttạra ọtakpamma kw'ọttạr ma. Ntte ọbọhk nnạng-ọ ma ititikha s'anạng paam. Nọhnga upfhura kwọ mạma.”
12Ma wọ, Abraham ọbạra utwunga echo k'ikpukpobha k'ititikha s'anạng p'ofhon ngwọ. 13N'obeni Ẹphrọn k'ititikha s'anạng mbọ bẹ́, “Totokhạn, khọhm-m itọhng. Amma m'ndebh isisek nnọ odebh e. Tạkha akpokha p'nnạng-ọ ma isek nna, ọfha nnọhnga upfhura kwaam mạma.”
14Ma wọ Ẹphrọn n'ubhin Abraham bẹ́, 15“Aro kwaam, khọhm-m itọhng. Isisek nna ipe ashẹkẹl ẹnọhna p'silva, okhenka, apyẹ ẹgba mbạng k'ẹgbạkha ch'amma ọma abẹ o? Nọhnga upfhura kwọ ọ.”
16Wa Abraham ocher oche kw'Ẹphrọn obeni, ọnạng Ẹphrọn okpokhabhik ma ititikha s'anạng p'Het otor k'ẹphya ch'ọkpaakhẹ. Wa ọnạng-ẹ ashẹkẹl ẹnọhna p'silva otor k'okpokhabhik kw'okpe ngwọ.
17Ma wọ, Ẹphrọn ọtạk isisek nnọ s'ining k'Makpẹla ọbaanga Mamrẹ, ọttạra ẹtakpa-pe ch'ẹttạr mạma, ọttạra k'nchi phyi-phyibh s'ibe ma ibyi nnọ okpe, 18ọnạng Abraham masẹ isisek sẹ, k'ititikha s'anạng p'Het phyibh p'aning k'ẹbaakhamma ch'ofhon ngwọ. 19Masẹ nttọhna s'isisek nnọ kk'isa o, Abraham ọta ọnnọhnga ikwanạng kwẹ, Sara, k'ẹtakpa-pe ch'ining k'Makpẹla, ọbaanga Mamrẹ kw'ode Hẹbrọn, k'ẹkhạma ch'Kenaan. 20Ma wọ, anạng p'Het atạk isisek nnọ, ọttạra ẹtakpa-pe njọ akpe anạng Abraham, utima usi innọhng-apfhura sẹ.
Currently Selected:
Ichedendik 23: mfn-x-os
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission
Ichedendik 23
23
Obo ọttạra ẹnnọhnga ch'Sara
1Wa Sara urukhu icho arạbh asajạnẹ ukuma isenọfa. 2Ope k'Kiriyat-Arba, kw'abẹ abạra ayeri Hẹbrọn, k'ẹkhạma ch'Kenaan. Wa Abraham ọtạk okpe, utima nkwuna s'ikwanạng kwẹ Sara.
3Ma wọ Abraham ubin urik apfhura p'ikwanạng kwẹ, ọta okhebha aHet, oben bẹ bẹ́, 4“Amma nde ukhikhennạng ma kabạnga k'ofhon. Akpe-m isisek s'm'ntima nsi innọhng-apfhura, ọfha osenga ma, nnọhnga upfhura kwaam.”
5Ma wọ, aHet apọhn Abraham bẹ́, 6“Attitte, khọhmọ mạna itọhng. Ọma ade ọvaar-nwa kwididen ma kamạna k'ofhon. Tekha epekwur chidede ch'ẹdaakh-ọ ma k'apekwur pamạna nọhnga ikwanạng kwọ. Ọnạng wạnọ-wạnọ ma kòde kw'mọrạm-ọ ibyi s'm'annọhnga ikwanạng kwọ.”
7Ma wọ, Abraham ubin, utwunga echo k'ikpukpobha, usima anạng p'Het. 8Oben bẹ bẹ́, “De kk'bạnga ọdaakha bẹ, nnọhnga ikwanạng kwaam ma kabạnga k'isisek, tte mphyem bạnga udik gwạnọ. Atotokhạn, aphyem Ẹphrọn, kw'ode nnwa kw'Zoha k'akhaam k'echo, 9bẹ, okpe-m ẹtakpa-pe ch'ining k'Makpẹla, k'ọkpicho kw'owonu kwẹ. Aben-ẹ bẹ, okpe-m k'akpokha p'ẹbaan, ọfha ntima chẹ nsi innọhng-apfhura ma kabạnga k'ofhon.”
10Masẹ Abraham n'ọkpaak udik ngwọ, ẹma Ẹphrọn kw'ubin Het uning ẹyạr ma anạng pẹ abẹ. Ọnạngẹ Abraham ẹpọhna k'oche kw'anạng p'Het phyibh p'akwu ma ẹbaakhamma ch'ofhon, abhaang. 11Ẹphrọn wa ọpọhn-ẹ bẹ́, “Mma e, aro kwaam, khọhm-m itọhng; tạkha isisek nnọ, ọttạra ọtakpamma kw'ọttạr ma. Ntte ọbọhk nnạng-ọ ma ititikha s'anạng paam. Nọhnga upfhura kwọ mạma.”
12Ma wọ, Abraham ọbạra utwunga echo k'ikpukpobha k'ititikha s'anạng p'ofhon ngwọ. 13N'obeni Ẹphrọn k'ititikha s'anạng mbọ bẹ́, “Totokhạn, khọhm-m itọhng. Amma m'ndebh isisek nnọ odebh e. Tạkha akpokha p'nnạng-ọ ma isek nna, ọfha nnọhnga upfhura kwaam mạma.”
14Ma wọ Ẹphrọn n'ubhin Abraham bẹ́, 15“Aro kwaam, khọhm-m itọhng. Isisek nna ipe ashẹkẹl ẹnọhna p'silva, okhenka, apyẹ ẹgba mbạng k'ẹgbạkha ch'amma ọma abẹ o? Nọhnga upfhura kwọ ọ.”
16Wa Abraham ocher oche kw'Ẹphrọn obeni, ọnạng Ẹphrọn okpokhabhik ma ititikha s'anạng p'Het otor k'ẹphya ch'ọkpaakhẹ. Wa ọnạng-ẹ ashẹkẹl ẹnọhna p'silva otor k'okpokhabhik kw'okpe ngwọ.
17Ma wọ, Ẹphrọn ọtạk isisek nnọ s'ining k'Makpẹla ọbaanga Mamrẹ, ọttạra ẹtakpa-pe ch'ẹttạr mạma, ọttạra k'nchi phyi-phyibh s'ibe ma ibyi nnọ okpe, 18ọnạng Abraham masẹ isisek sẹ, k'ititikha s'anạng p'Het phyibh p'aning k'ẹbaakhamma ch'ofhon ngwọ. 19Masẹ nttọhna s'isisek nnọ kk'isa o, Abraham ọta ọnnọhnga ikwanạng kwẹ, Sara, k'ẹtakpa-pe ch'ining k'Makpẹla, ọbaanga Mamrẹ kw'ode Hẹbrọn, k'ẹkhạma ch'Kenaan. 20Ma wọ, anạng p'Het atạk isisek nnọ, ọttạra ẹtakpa-pe njọ akpe anạng Abraham, utima usi innọhng-apfhura sẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission