Nnwẹr s'Osenga 38
38
Ijabyi s'nnạnga ikkạmasẹ
1Wa abẹ atim mkpaakha s'akasiya asi ijabyi s'ẹnạnga ẹkkạmachẹ. Adum pẹ ade ntwạkhọ nsenọfa ọmaana akhaana asajạnẹ, ẹkpa ede ntwạkhọ nsenọfa ọmaana akhaana asajạnẹ, ebe ede ntwạkhọ nnebung ọmaana akhaana asajạnẹ. Wa ijabyi nnọ ikhaam nnwyạnga nnebung. 2Wa abẹ asi abhik k'nnwyạnga nnọ. Abẹ atima mkpaakha nnọ rạnẹ asi abhik mbọ annebung attạra ma ijabyi nnọ. Abẹ atim brons afhạrọ ijabyi nnọ phyi-phyibh. 3Abẹ abạra atima brons asi ekpo pyẹ phyibh masẹ ọsọhkha, ọttạra asọvẹl, ọttạra agbangbaang, ọttạra agbumu p'akhaam asa attaan, ọttạra nsengakpa. 4Abẹ ayok itegba s'ijabyi nnọ, abẹ atima brons ayok ibunu, achok k'isekhisek kw'itegba nnọ, ma ibhaang-ifa s'ijabyi nnọ. 5Abẹ atim brons adwuk ariringi annebung py'avạk nsemachi s'nnwyạnga nnọ nnebung, s'itergba nnọ s'brons. 6Abẹ atim mkpaakha s'akasiya agwa nsemachi, abẹ atima brons afhạrọ sẹ phyibh. 7Wa abẹ anọhm nsemachi nnọ m'ariringi mbọ, ọfha asẹ ininga k'akhaan-ọkhaan p'ijabyi nnọ, ọfha abẹ n'avạkha ma adira. Abẹ asi ijabyi nnọ itto eje k'ottemkwẹ masẹ ikwukwur.
Ọgbangbang kw'mbọhk ọttạra ntwạkhọ kpukpobhu
8Wa, abẹ atim abaakhubh p'ipanạng p'n'asi ọtọhm k'ẹchọhmma ch'ukkira kw'etobha, atima asi ẹgbangbangdim ch'opo, ọttạra ẹnạna chẹ.
Eterttem
9Wa, abẹ abạra asi eterttem. Ukhubha kw'ẹrạkh-ẹrạkha ode ntwạkhọ arạbh asenọfa ukuma jobh k'adum, ọbạra ọkhaama ọvạra f'ẹchọhmma f'abẹ atim ndikhi ikkasẹ ayok, 10ọttạra ntumu ẹrạbh, ọttạra nnạna sabẹ atim brons asi, ẹrạbh, ọttạra ọbanna p'silva, ọttạra mvạrakpa s'mkpakha s'ẹtọhmma. 11Ukhubha kw'ibir-ibira, ọbạra ode ntwạkhọ arạbh asenọfa ukuma jobh k'adum, ọbạra ọkhaama mkpọmmachi ẹrạbh, ọttạra nnạna sabẹ atim brons asi, ẹrạbh, ọttạra mkpạkha s'silva, ọttạra mvạrakpa s'mkpọmmachi. 12Ukhubha kw'ẹchọkha-dudon, adum pẹ m'ede ntwạkhọ arạbh-attaan ukuma chi k'ẹkpa, ọkhaam ọvạra f'ẹchọhmma, ọttạra mkpọmmachi jobh, ọttạra nnạna jobh p'brons ọttạra mkpạkha s'silva, ọttạra mvạrakpa s'mkpakha s'ẹtọhmma. 13Ukhubha kw'okpebhadudon n'uyin, adum pẹ ede ntwạkhọ arạbh-attaan ukuma chi k'ẹkpa. 14Wa, ọvạra f'ẹchọhmma f'ode ntwạkhọ ẹrạbh ọmaana ibhaakha k'adum, ining k'ukhubha gwạnọ kw'ẹchọhmma, ọttạra mkpọmmachi nttaan, ọttạra nnạna attaan. 15Ọvạra f'ẹchọhmma f'ode ntwạkhọ ẹrạbh ọmaana ibhaakha k'adum, igba ininga k'ukhubha ngwọkha kw'ẹchọhmma ch'eterttem, ibạra ẹkhama mkpọmmachi nttaan, ọttạra nnạna attaan.
16Wa, abẹ atim ndikhi ikkasẹ sabẹ ayokh-oyok, asi ọvạra f'nchọhmma phyi-phyibh abaabha eterttem. 17Wa abẹ atim brons asi nnạna p'mkpọmmachi nnọ. Abẹ abạra atima silva asi mkpạkha, ọttạra mvạrakpa s'mkpommachi. Abẹ atima silva asi afhạrọ pabẹ, ma wọ, mkpọmmachi nnọ phyibh s'eterttem n'ikhaam mvạrakpa s'silva. 18Wa, ivạra s'ẹchọhmma s'eterttem njọ ide blu-blu, ọttạra okhor-ichicho, ọttạra okhor-isisẹ, ọttạra ndikhi ikkasẹ sabẹ ayokh-ayok, f'ode ọbọhktọhm f'odokh-ọvạra. Wa, asẹ ide ntwạkhọ ẹrạbh ukuma jobh k'adum, masẹ ivạra s'ẹchọhmma s'eterttem s'ide ntwạkhọ nsenọfa ọmaana ibhakha k'ebe, 19ọttạra mkpọmmachi nnebung, ọttạra nnạna annebung p'brons. Abẹ atim silva asi mkpạkha, ọttạra mvạrakpa sabẹ, abẹ atima silva afhạrọ acho pabẹ. 20Wa abẹ atim brons asi abhing p'ukkira nnọ s'ibyirukhasẹ, ọttạra eterttem phyi-phyibh.
Ẹtọhmkpo
21Ma wọ ode ubhik kw'ekpo py'abẹ atim asi ibyirukhasẹ, ikwukwur nnọ s'inyina ining, k'oche kw'uwa Mosẹs obeni anạng p'Lẹvi, p'uwa aning k'isekhisek kw'ẹfa ch'Itamar bẹ, abẹ akkẹr. Itamar wa, ode ujunungnwa kw'Aarọn, kw'ode ọfọhnẹja. 22Bẹzalẹl kw'ode ujunungnwa kw'Uri, Uri kw'ode ujunungnwa kw'Hur, Hur kw'ubin k'ẹkhạma ch'Juda, usi oche kw'Ọvaar Ubinọkpaabyi kk'Mosẹs ọtọhna bẹ, usi. 23Ọnạng ọdwak-ọdwạk kw'uwa ọttạr ma, ode Oholiyab, kw'ode nnwa kw'Ahisamak kw'ubin k'ẹkhạma ch'Dan. Oholiyab nwọ, wa ode ommenkkanạng, ọttạra odokh-ekpo, ọttạra odokh-ọvạra pf'abẹ atim ndikhi ikkasẹ sabẹ ayokh-oyok, ibạra ikkẹr ukhira kw'ode blu-blu, ọttạra ukhira kw'okhoru ichicho, ọttạra p'akhoru isisẹ. 24Nnạnga s'gol s'uwa abẹ atim asi ọtọhm f'ibyirukhasẹ s'Ubinọkpaabyi, phyi-pyibh wa ide atalẹn arạbh sọnajobh, ọttạra ashẹkẹl ẹnọhna ukuma arạbh chi-kawạnọ ukuma jobh ator k'ibyirukhasẹ s'awurada. 25Silva p'uwa abẹ atạk k'ofhon k'okpe kw'anạng bhibhạk, ade atalẹn arạbh asen, ọttạra ashẹkẹl nnọna nnebung ukuma arạbh asen ukuma arạbh asenọnttaan ukuma chi, otor k'ochọhm kw'awurada kw'Ubinọkpaabyi. 26Wa ode bẹka wạnọ, kw'ode shẹkẹl ibhakha k'ọnạng-k'ọnạng, otor k'shẹkẹl kw'ọchọhm kw'awurada. Wa ọnạng kwidede kw'ọttạr k'ubhik f'anạng mbọ, kw'abẹ kk'abhikha phyibh, tạma k'icho ẹrạbh usukuma, wa anạng phyibh pa kk'abenga bẹ, abẹ age ache pabẹ k'nnwẹr ade ajunung nnọhna arạbh asenọfa usukuma. 27Wa, abẹ atim atalen arạbh asen p'silva asi nnọna s'ibyirukhasẹ, abẹ arena ivạra s'ẹchọhmma, abẹ atim atalẹn arạbh asen asi nnạna arạbh asen, ẹnạna chidede ichi talen wạnọ. 28Wa, abẹ atim ashẹkẹl nnọna arạbh jobh ukuma arạbh attaan ukuma asen atima asi ọbaana s'ntumu nnọ. 29Brons p'uwa abẹ atạbhẹ ikpir atalẹn bhik arạbh attaan ukuma jobh ọmaana ashẹkẹl nnọhna nsajạnẹ. 30Wa, abẹ atim apo mbọ asi nnạna s'ẹchọhmma kw'ukkira kw'etobha kw'Ubinọkpaabyi, abẹ abạra atima pyẹ asi ijabyi nnọ sabẹ atim apo afhạrọ, ọttạra achikhuma, ọttạra ẹtọhmkpo pyidede p'ijabyi, 31ọttạra arin p'eterttem, ọttạra ẹchọhmma chẹ, ọttạra abhing p'ukkira k'ibyirukhasẹ, ọttạra p'eterttem.
Currently Selected:
Nnwẹr s'Osenga 38: mfn-x-os
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission
Nnwẹr s'Osenga 38
38
Ijabyi s'nnạnga ikkạmasẹ
1Wa abẹ atim mkpaakha s'akasiya asi ijabyi s'ẹnạnga ẹkkạmachẹ. Adum pẹ ade ntwạkhọ nsenọfa ọmaana akhaana asajạnẹ, ẹkpa ede ntwạkhọ nsenọfa ọmaana akhaana asajạnẹ, ebe ede ntwạkhọ nnebung ọmaana akhaana asajạnẹ. Wa ijabyi nnọ ikhaam nnwyạnga nnebung. 2Wa abẹ asi abhik k'nnwyạnga nnọ. Abẹ atima mkpaakha nnọ rạnẹ asi abhik mbọ annebung attạra ma ijabyi nnọ. Abẹ atim brons afhạrọ ijabyi nnọ phyi-phyibh. 3Abẹ abạra atima brons asi ekpo pyẹ phyibh masẹ ọsọhkha, ọttạra asọvẹl, ọttạra agbangbaang, ọttạra agbumu p'akhaam asa attaan, ọttạra nsengakpa. 4Abẹ ayok itegba s'ijabyi nnọ, abẹ atima brons ayok ibunu, achok k'isekhisek kw'itegba nnọ, ma ibhaang-ifa s'ijabyi nnọ. 5Abẹ atim brons adwuk ariringi annebung py'avạk nsemachi s'nnwyạnga nnọ nnebung, s'itergba nnọ s'brons. 6Abẹ atim mkpaakha s'akasiya agwa nsemachi, abẹ atima brons afhạrọ sẹ phyibh. 7Wa abẹ anọhm nsemachi nnọ m'ariringi mbọ, ọfha asẹ ininga k'akhaan-ọkhaan p'ijabyi nnọ, ọfha abẹ n'avạkha ma adira. Abẹ asi ijabyi nnọ itto eje k'ottemkwẹ masẹ ikwukwur.
Ọgbangbang kw'mbọhk ọttạra ntwạkhọ kpukpobhu
8Wa, abẹ atim abaakhubh p'ipanạng p'n'asi ọtọhm k'ẹchọhmma ch'ukkira kw'etobha, atima asi ẹgbangbangdim ch'opo, ọttạra ẹnạna chẹ.
Eterttem
9Wa, abẹ abạra asi eterttem. Ukhubha kw'ẹrạkh-ẹrạkha ode ntwạkhọ arạbh asenọfa ukuma jobh k'adum, ọbạra ọkhaama ọvạra f'ẹchọhmma f'abẹ atim ndikhi ikkasẹ ayok, 10ọttạra ntumu ẹrạbh, ọttạra nnạna sabẹ atim brons asi, ẹrạbh, ọttạra ọbanna p'silva, ọttạra mvạrakpa s'mkpakha s'ẹtọhmma. 11Ukhubha kw'ibir-ibira, ọbạra ode ntwạkhọ arạbh asenọfa ukuma jobh k'adum, ọbạra ọkhaama mkpọmmachi ẹrạbh, ọttạra nnạna sabẹ atim brons asi, ẹrạbh, ọttạra mkpạkha s'silva, ọttạra mvạrakpa s'mkpọmmachi. 12Ukhubha kw'ẹchọkha-dudon, adum pẹ m'ede ntwạkhọ arạbh-attaan ukuma chi k'ẹkpa, ọkhaam ọvạra f'ẹchọhmma, ọttạra mkpọmmachi jobh, ọttạra nnạna jobh p'brons ọttạra mkpạkha s'silva, ọttạra mvạrakpa s'mkpakha s'ẹtọhmma. 13Ukhubha kw'okpebhadudon n'uyin, adum pẹ ede ntwạkhọ arạbh-attaan ukuma chi k'ẹkpa. 14Wa, ọvạra f'ẹchọhmma f'ode ntwạkhọ ẹrạbh ọmaana ibhaakha k'adum, ining k'ukhubha gwạnọ kw'ẹchọhmma, ọttạra mkpọmmachi nttaan, ọttạra nnạna attaan. 15Ọvạra f'ẹchọhmma f'ode ntwạkhọ ẹrạbh ọmaana ibhaakha k'adum, igba ininga k'ukhubha ngwọkha kw'ẹchọhmma ch'eterttem, ibạra ẹkhama mkpọmmachi nttaan, ọttạra nnạna attaan.
16Wa, abẹ atim ndikhi ikkasẹ sabẹ ayokh-oyok, asi ọvạra f'nchọhmma phyi-phyibh abaabha eterttem. 17Wa abẹ atim brons asi nnạna p'mkpọmmachi nnọ. Abẹ abạra atima silva asi mkpạkha, ọttạra mvạrakpa s'mkpommachi. Abẹ atima silva asi afhạrọ pabẹ, ma wọ, mkpọmmachi nnọ phyibh s'eterttem n'ikhaam mvạrakpa s'silva. 18Wa, ivạra s'ẹchọhmma s'eterttem njọ ide blu-blu, ọttạra okhor-ichicho, ọttạra okhor-isisẹ, ọttạra ndikhi ikkasẹ sabẹ ayokh-ayok, f'ode ọbọhktọhm f'odokh-ọvạra. Wa, asẹ ide ntwạkhọ ẹrạbh ukuma jobh k'adum, masẹ ivạra s'ẹchọhmma s'eterttem s'ide ntwạkhọ nsenọfa ọmaana ibhakha k'ebe, 19ọttạra mkpọmmachi nnebung, ọttạra nnạna annebung p'brons. Abẹ atim silva asi mkpạkha, ọttạra mvạrakpa sabẹ, abẹ atima silva afhạrọ acho pabẹ. 20Wa abẹ atim brons asi abhing p'ukkira nnọ s'ibyirukhasẹ, ọttạra eterttem phyi-phyibh.
Ẹtọhmkpo
21Ma wọ ode ubhik kw'ekpo py'abẹ atim asi ibyirukhasẹ, ikwukwur nnọ s'inyina ining, k'oche kw'uwa Mosẹs obeni anạng p'Lẹvi, p'uwa aning k'isekhisek kw'ẹfa ch'Itamar bẹ, abẹ akkẹr. Itamar wa, ode ujunungnwa kw'Aarọn, kw'ode ọfọhnẹja. 22Bẹzalẹl kw'ode ujunungnwa kw'Uri, Uri kw'ode ujunungnwa kw'Hur, Hur kw'ubin k'ẹkhạma ch'Juda, usi oche kw'Ọvaar Ubinọkpaabyi kk'Mosẹs ọtọhna bẹ, usi. 23Ọnạng ọdwak-ọdwạk kw'uwa ọttạr ma, ode Oholiyab, kw'ode nnwa kw'Ahisamak kw'ubin k'ẹkhạma ch'Dan. Oholiyab nwọ, wa ode ommenkkanạng, ọttạra odokh-ekpo, ọttạra odokh-ọvạra pf'abẹ atim ndikhi ikkasẹ sabẹ ayokh-oyok, ibạra ikkẹr ukhira kw'ode blu-blu, ọttạra ukhira kw'okhoru ichicho, ọttạra p'akhoru isisẹ. 24Nnạnga s'gol s'uwa abẹ atim asi ọtọhm f'ibyirukhasẹ s'Ubinọkpaabyi, phyi-pyibh wa ide atalẹn arạbh sọnajobh, ọttạra ashẹkẹl ẹnọhna ukuma arạbh chi-kawạnọ ukuma jobh ator k'ibyirukhasẹ s'awurada. 25Silva p'uwa abẹ atạk k'ofhon k'okpe kw'anạng bhibhạk, ade atalẹn arạbh asen, ọttạra ashẹkẹl nnọna nnebung ukuma arạbh asen ukuma arạbh asenọnttaan ukuma chi, otor k'ochọhm kw'awurada kw'Ubinọkpaabyi. 26Wa ode bẹka wạnọ, kw'ode shẹkẹl ibhakha k'ọnạng-k'ọnạng, otor k'shẹkẹl kw'ọchọhm kw'awurada. Wa ọnạng kwidede kw'ọttạr k'ubhik f'anạng mbọ, kw'abẹ kk'abhikha phyibh, tạma k'icho ẹrạbh usukuma, wa anạng phyibh pa kk'abenga bẹ, abẹ age ache pabẹ k'nnwẹr ade ajunung nnọhna arạbh asenọfa usukuma. 27Wa, abẹ atim atalen arạbh asen p'silva asi nnọna s'ibyirukhasẹ, abẹ arena ivạra s'ẹchọhmma, abẹ atim atalẹn arạbh asen asi nnạna arạbh asen, ẹnạna chidede ichi talen wạnọ. 28Wa, abẹ atim ashẹkẹl nnọna arạbh jobh ukuma arạbh attaan ukuma asen atima asi ọbaana s'ntumu nnọ. 29Brons p'uwa abẹ atạbhẹ ikpir atalẹn bhik arạbh attaan ukuma jobh ọmaana ashẹkẹl nnọhna nsajạnẹ. 30Wa, abẹ atim apo mbọ asi nnạna s'ẹchọhmma kw'ukkira kw'etobha kw'Ubinọkpaabyi, abẹ abạra atima pyẹ asi ijabyi nnọ sabẹ atim apo afhạrọ, ọttạra achikhuma, ọttạra ẹtọhmkpo pyidede p'ijabyi, 31ọttạra arin p'eterttem, ọttạra ẹchọhmma chẹ, ọttạra abhing p'ukkira k'ibyirukhasẹ, ọttạra p'eterttem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission