Nnwẹr s'Osenga 33
33
1Ma wọ, Ọvaar Ubinọkpaabyi obeni Mosẹs bẹ́, “Ọma ọttạra anạng p'atim abina k'Ijip, abina arik isisek nna. Abạnga afona k'isisek s'ntim ọyọhng kwaam nchekhi nnạng Abraham, ọttara Isaak, ọttạra Jekọb mben bẹ́, ‘Amma m'nnạng iva p'iva pabạnga isisek nna.’ 2Amma m'ntọhm itọhmọ saam ichi bạnga eden, abạnga akhubh aKenaan, ọttạra Amọr, ọttạra aHet, ọttạra aPẹriz, ọttạra aHiv, ọmaana aJẹbus. 3Asọhng k'isisek nnọ s'abasi ọttạra ọkhọhn asaabh-ọsaabh. Okhenka, amma bạnga abẹ mạ́ntwạn, ukwuru bẹ́, abạnga ade anạng p'asi idik-abhaang, nạngẹ bạnga nkwu mfhọ k'eden.”
4Masẹ anạng mbọ abhaang ẹkkaabha-pyibha njọ, abẹ n'aning k'ikwosi, ọnạng kw'okke adạkhẹ ẹfanganẹ-kpo gạge kòde. 5N'ode s'Ọvaar Ubinọkpaabyi kk'Mosẹs obena bẹ́, “Kpaak anạng p'Israẹl bẹ́, ‘Abạnga asi idik-abhaang aseng eden. De wạra ntwạnọ bạnga abẹ mfona k'okpe nwa sạsạkhẹ, wạra kk'bạnga mfha. Awạra ọmaan f'abạnga, ọfha nsonga ọttọhk f'm'nsi ọttạra bạngama.’ ” 6Mạ nna, anạng p'Israẹl awạra ẹphyanganẹ-kpo pyabẹ k'okpecho kw'Horẹb.
Ukkira kw'etobha
7K'ibyibhingasẹ sidede s'anạng p'Israẹl, wa Mosẹs n'uttima ukkira k'ororo kw'ibyibhingasẹ nnọ, oyeri sẹ bẹ́, “Ukkira kw'etobha.” Ọnạng kwidede kw'ororu bẹ́, ọbạbh Ọvaar Ubinọkpaabyi udik, m'ofona k'ukkira kw'etobha kw'uning k'iyaan-iyaan kw'ibyibhingasẹ. 8Okpe kwidede kw'Mosẹs ofon k'ukkira nwọ, anạng phyibh m'abina abe k'nnạmma k'ukkira kwabẹ, n'akkeri Mosẹs tạrr ọnwa k'ukkira nwọ ẹtaanga. 9Masẹ Mosẹs ọnwa k'ukkira ẹtaanga, ebona m'ẹsạkha ebe udumudum, ikwu ininga ma ẹchọhmma s'Ọvaar Ubinọkpaabyi n'ọkpaak udik ọttạra Mosẹs. 10Okpe kwidede kw'anạng mbọ ase s'ebona ebe k'ẹchọhmma ch'ukkira nwọ, abẹma mbọ phyibh m'abina abe k'ikpukpobha, ọnạng-ọnạng k'ẹchọhmma ch'ukkira kwẹ. 11Wa Ọvaar Ubinọkpaabyi n'ọkpaak udik ọnạng Mosẹs ititikha ọttạra ititikha, masẹ ọnạng ọkpaakhẹ udik oyok-ikhaana kwẹ abẹ. Ma wọ, Mosẹs ọkpa nnạm ofona k'ibyibhingasẹ. Okhenka, Joshua, kw'ode udikkobh kw'n'ọtwạn abẹ, kw'ọbạra ode nnwa kw'Nun, uning ma s'uning ma k'ukkira.
Mosẹs abạrada p'Ọvaar Ubinọkpaabyi
12Mosẹs obeni Ọvaar Ubinọkpaabyi bẹ́, “Ọma oyeni, n'aben-m bẹ́, ntima anạng mba eden. Okhenka, khaam ọnạng tạm nátibha kw'm'ọtwạn abamẹ. Ọma kk'abena bẹ́, ‘Amma nsong eche mạma, ọma kk'ọphyaam pfaam atạkha.’ 13De amma kk'ọphyaam ntạkha k'ititikha sọ, tibh-m nden sọ, ọfha nsong-ọ, mbạra nfona ororo ntạkha ọphyaam pfọ. Jima bẹ́, ẹkhạma nja ede anạng pọ.”
14Ọvaar Ubinọkpaabyi ubhin-ẹ bẹ́, “Amma oyeni m'ntwạn abọ amfona, mbạra nnạng-ọ ẹyọhngkwokha.”
15Ma wọ Mosẹs ubhin-ẹ bẹ́, “De ọma oyeni nạn mạna abẹ mátwạn amfona, mạna ọbọhk kátte ambina ma ibyi nna. 16Ọnạng m'usi yạn osonga bẹ́, ettem erebh-ọ kha etena amma abẹ, ọttạra anạng pọ, de nạn mạna abẹ nátwạna? Bạng ọttọhk vọ m'ọkhọhkha bẹ́, amma ọttạra anạng pọ ankạmọ k'anạng mbọkha p'ọyagbin?”
17Ọvaar Ubinọkpaabyi ubhin Mosẹs bẹ́, “Amma m'nsi mvọ f'kk'aphyema, ukwuru bẹ́, ettem khaam erebha etena abọ, mbạra nsong-ọ k'eche.”
18Ma o, Mosẹs ọbẹ́, “N'akhọhkh-m abạrada pọ khẹ.”
19Ọvaar Ubinọkpaabyi oben bẹ́, “Amma m'nsi ajibhada paam phyi-phyibh achi bạnga eden kabạnga k'ititikha, amma m'mbạra nsi ẹyaakha ch'eche chaam, ch'ede Ọvaar Ubinọkpaabyi, nnạng-ọ. Amma m'nkhaama ikwosi ntena ọnạng kw'ọdaakh-m bẹ́, nse-ẹ ikwosi, mbạra nsi ijibha nnạng ọnạng kw'ọdaakh-m bẹ́, nsi ijibha nnạng-ẹ. 20Okhenka, ọma ititikha saam mákke ase, ukwuru bẹ́, ọnạng kw'm'ose-m ọbạra uruk akpen kòde.”
21Ma wọ, Ọvaar Ubinọkpaabyi obeni bẹ́, “Ọkhaam ibyi rạnẹ s'ibaang-m s'm'abe k'ẹtakpa. 22Okpe kw'abạrada paam m'aseng, m'ntạkh-ọ nge k'ẹtakpa-mma, mbạra ntima ọbọhk kwaam mbubh-ọ tạrr nseng. 23Masẹ m'ndira ọbọhk kwaam, m'ase nnạm saam mạnkkeni, okhenka, ititikha saam máse.”
Currently Selected:
Nnwẹr s'Osenga 33: mfn-x-os
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission
Nnwẹr s'Osenga 33
33
1Ma wọ, Ọvaar Ubinọkpaabyi obeni Mosẹs bẹ́, “Ọma ọttạra anạng p'atim abina k'Ijip, abina arik isisek nna. Abạnga afona k'isisek s'ntim ọyọhng kwaam nchekhi nnạng Abraham, ọttara Isaak, ọttạra Jekọb mben bẹ́, ‘Amma m'nnạng iva p'iva pabạnga isisek nna.’ 2Amma m'ntọhm itọhmọ saam ichi bạnga eden, abạnga akhubh aKenaan, ọttạra Amọr, ọttạra aHet, ọttạra aPẹriz, ọttạra aHiv, ọmaana aJẹbus. 3Asọhng k'isisek nnọ s'abasi ọttạra ọkhọhn asaabh-ọsaabh. Okhenka, amma bạnga abẹ mạ́ntwạn, ukwuru bẹ́, abạnga ade anạng p'asi idik-abhaang, nạngẹ bạnga nkwu mfhọ k'eden.”
4Masẹ anạng mbọ abhaang ẹkkaabha-pyibha njọ, abẹ n'aning k'ikwosi, ọnạng kw'okke adạkhẹ ẹfanganẹ-kpo gạge kòde. 5N'ode s'Ọvaar Ubinọkpaabyi kk'Mosẹs obena bẹ́, “Kpaak anạng p'Israẹl bẹ́, ‘Abạnga asi idik-abhaang aseng eden. De wạra ntwạnọ bạnga abẹ mfona k'okpe nwa sạsạkhẹ, wạra kk'bạnga mfha. Awạra ọmaan f'abạnga, ọfha nsonga ọttọhk f'm'nsi ọttạra bạngama.’ ” 6Mạ nna, anạng p'Israẹl awạra ẹphyanganẹ-kpo pyabẹ k'okpecho kw'Horẹb.
Ukkira kw'etobha
7K'ibyibhingasẹ sidede s'anạng p'Israẹl, wa Mosẹs n'uttima ukkira k'ororo kw'ibyibhingasẹ nnọ, oyeri sẹ bẹ́, “Ukkira kw'etobha.” Ọnạng kwidede kw'ororu bẹ́, ọbạbh Ọvaar Ubinọkpaabyi udik, m'ofona k'ukkira kw'etobha kw'uning k'iyaan-iyaan kw'ibyibhingasẹ. 8Okpe kwidede kw'Mosẹs ofon k'ukkira nwọ, anạng phyibh m'abina abe k'nnạmma k'ukkira kwabẹ, n'akkeri Mosẹs tạrr ọnwa k'ukkira nwọ ẹtaanga. 9Masẹ Mosẹs ọnwa k'ukkira ẹtaanga, ebona m'ẹsạkha ebe udumudum, ikwu ininga ma ẹchọhmma s'Ọvaar Ubinọkpaabyi n'ọkpaak udik ọttạra Mosẹs. 10Okpe kwidede kw'anạng mbọ ase s'ebona ebe k'ẹchọhmma ch'ukkira nwọ, abẹma mbọ phyibh m'abina abe k'ikpukpobha, ọnạng-ọnạng k'ẹchọhmma ch'ukkira kwẹ. 11Wa Ọvaar Ubinọkpaabyi n'ọkpaak udik ọnạng Mosẹs ititikha ọttạra ititikha, masẹ ọnạng ọkpaakhẹ udik oyok-ikhaana kwẹ abẹ. Ma wọ, Mosẹs ọkpa nnạm ofona k'ibyibhingasẹ. Okhenka, Joshua, kw'ode udikkobh kw'n'ọtwạn abẹ, kw'ọbạra ode nnwa kw'Nun, uning ma s'uning ma k'ukkira.
Mosẹs abạrada p'Ọvaar Ubinọkpaabyi
12Mosẹs obeni Ọvaar Ubinọkpaabyi bẹ́, “Ọma oyeni, n'aben-m bẹ́, ntima anạng mba eden. Okhenka, khaam ọnạng tạm nátibha kw'm'ọtwạn abamẹ. Ọma kk'abena bẹ́, ‘Amma nsong eche mạma, ọma kk'ọphyaam pfaam atạkha.’ 13De amma kk'ọphyaam ntạkha k'ititikha sọ, tibh-m nden sọ, ọfha nsong-ọ, mbạra nfona ororo ntạkha ọphyaam pfọ. Jima bẹ́, ẹkhạma nja ede anạng pọ.”
14Ọvaar Ubinọkpaabyi ubhin-ẹ bẹ́, “Amma oyeni m'ntwạn abọ amfona, mbạra nnạng-ọ ẹyọhngkwokha.”
15Ma wọ Mosẹs ubhin-ẹ bẹ́, “De ọma oyeni nạn mạna abẹ mátwạn amfona, mạna ọbọhk kátte ambina ma ibyi nna. 16Ọnạng m'usi yạn osonga bẹ́, ettem erebh-ọ kha etena amma abẹ, ọttạra anạng pọ, de nạn mạna abẹ nátwạna? Bạng ọttọhk vọ m'ọkhọhkha bẹ́, amma ọttạra anạng pọ ankạmọ k'anạng mbọkha p'ọyagbin?”
17Ọvaar Ubinọkpaabyi ubhin Mosẹs bẹ́, “Amma m'nsi mvọ f'kk'aphyema, ukwuru bẹ́, ettem khaam erebha etena abọ, mbạra nsong-ọ k'eche.”
18Ma o, Mosẹs ọbẹ́, “N'akhọhkh-m abạrada pọ khẹ.”
19Ọvaar Ubinọkpaabyi oben bẹ́, “Amma m'nsi ajibhada paam phyi-phyibh achi bạnga eden kabạnga k'ititikha, amma m'mbạra nsi ẹyaakha ch'eche chaam, ch'ede Ọvaar Ubinọkpaabyi, nnạng-ọ. Amma m'nkhaama ikwosi ntena ọnạng kw'ọdaakh-m bẹ́, nse-ẹ ikwosi, mbạra nsi ijibha nnạng ọnạng kw'ọdaakh-m bẹ́, nsi ijibha nnạng-ẹ. 20Okhenka, ọma ititikha saam mákke ase, ukwuru bẹ́, ọnạng kw'm'ose-m ọbạra uruk akpen kòde.”
21Ma wọ, Ọvaar Ubinọkpaabyi obeni bẹ́, “Ọkhaam ibyi rạnẹ s'ibaang-m s'm'abe k'ẹtakpa. 22Okpe kw'abạrada paam m'aseng, m'ntạkh-ọ nge k'ẹtakpa-mma, mbạra ntima ọbọhk kwaam mbubh-ọ tạrr nseng. 23Masẹ m'ndira ọbọhk kwaam, m'ase nnạm saam mạnkkeni, okhenka, ititikha saam máse.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 West Africa Christian Mission