यूह 2
2
काना सहरग भ्यान भत्यार
1सुमङीन लाह् गालील प्रदेसन काना सहरग भ्यान भत्यारदी ङ्याह्। येसुन मा स्याह् ङ्याह्। 2येसु रे नुन चेलाव यङ भत्यारग घ्वापा ङ्याह्। 3अङ्गुरन खु ताह्मी येसुन माई नू र्वाबो, “ख्युन ङ्याबो अङ्गुरन खु मह्या।” 4येसुई नू र्वाबो, “हे चिमिचा, ङै तै खेत्वानान ङाः नर्वा। ङन भेला हेँदिरि स्वापा मह्या।” 5नुन माई राङ्पाकाङ्मोः र्वाबो, “नुई र्वापालैम ङेनजै ख्या।”
6ता यहूदीवन छाङ्म राचेन ल्हून भिह्तु स्याह् क्वाईमाल्ला: लितर क्यामदी स्योङ्नान लुङन गेर्जा रु थाम नाम्पा ङ्याह्। 7येसुई राङ्पाकाङ्मोः र्वाबो, “गेर्जाव त्युई काना।” ख्युई त्यु गेर्जान ङुरथालै काङ्बो। 8नुई ख्युकाङ्मोः र्वाबो, “गेर्जा पोङपोङ ङाई त्यु भत्यारन मुखियान स्याह् होरा।” ख्युई अन वप्पो। 9भत्यारन मुखियाजै मन त्यु चाकी खेबो, कन ता अङ्गुरन खु रह्पा ङ्याह्। मन खालै स्वापा जेङ्पा र्वार्वा नू क्युई मह्या, जेङ्नै त्यु काङ्नान्न राङ्पाकाङ्मोः चन क्युई ङ्याह्। ता भत्यारन मुखियाजै मापाः घ्वाघ्वा र्वाबो, 10“सिमि पुरूजै ङू अङ्गुरन खु साङ्क्याङ नान्नान आलै सिमिवजै याम्मा झातामी मात्र अङ्गुरन खु र्योःचाम नान्नान। नुई ता अङ्गुरन खु साङ्क्याङ चोँन बेर ख्योवाख्योवा नाम्पा ङ्याह्।” 11नुन ताईलुवान धोनवन बर्ग अन पहिली हालाईचेन धोन येसुई गालील प्रदेसन काना सहरग खेबो। झामखेखे नुई जेँन महिमा थम्बो, आलै नुन चेलावजै नुन लाह्ः बिस्वास खेबो। 12अन्न ङिक नु जेँन मा, भाइव रे चेलावन ङ्याबो कफर्नहुम होई, रे खजिर्या स्याह् छ्युङ्बो।#मत्ती ४:१३
येसु यरूसलेमन आराधनालयग वैपा
(मत्ती २१:१२-१३; मर्क ११:११-१७; लुक १९:४५-४६)
13यहूदीवन निस्तार-तेवर ङेह्मः ङ्याह्, रे येसु यरूसलेमन आराधनालयग होई।#प्रस १२:१-२७ 14नुई आराधनालयग मिबा, लूपा रे पुरेन र्युत्नानव रे सोङ फिन्नानवजै र्युच्चे खेपाई रह्पा धोबो। 15तब थाःपादीन ताल्च्या दोङदोङ नुई ख्यु पुरूग, नुन लूपाव रे मिबाकाङ्मोः र्वार्वा आराधनालयलै खोलोः ताल्बो, रे सोङ फिन्नानवन सोङ नाम्पान तेबल धिम्बो। 16पुरेन र्युन्नानकाङ्मोः नुई र्वाबो, “स्यीह्लै अन तैस्याङ पुरू होरा। ङन पान यिमग बजारन दोकान नधोवा।” 17नुन चेलाकाङ्मोः पबित्रसास्त्रग सर्पा अन ल्होई ह्याका रह्बो, “हे परमेस्वर, नान यिमन भिह्तु ङन तोप ङनै झिङ मेह्लैम छ्याङ्ङ।”#भजन ६९:९ 18यहूदी आङ खेनान्न सिमिवजै प्रस्नदीन झब बिम्बो, “नाः झाम खेनान्न आङ ङिह्पा र्वार्वा थन्चेन भिह्तु ताईलुवान धोन तै खेतैनान?” 19येसुई ख्युकाङ्मोः झब बिम्बो, “अन आराधनालयग फ्वा, रे ङा सुमङीग अनग दोङ्नान ङ्युँ।”#मत्ती २६:६१; २७:४०; मर्क १४:५८; १५:२९ 20तब यहूदीवजै र्वाबो, “अन आराधनालय दोङ्म ङेथल रै रू परा थ्वाबो, रे तै ना अनग सुमङीग दोङतैनान तै?” 21जेङ्नै कन आराधनालयन भारेः नुई ल्होई र्वापा ङ्याह्, मन नुन ल्हो ङ्याह्। 22जब नु सिह्पालै सम्पु सोल्बो, तब येसुई र्वापान अन ल्होई चेलाकाङ्मोः नावा रह्पा, रे ख्युई पबित्रसास्त्रन लाह्ः रे येसुई र्वापा बचन्न ङ्याः बिस्वास खेबो।
येसु सिमिन सम स्योःनान
23जब येसु निस्तार-तेवरन भत्यारन भेला यरूसलेमग ङ्याह्, तब नुई खेपान ताईलुवान धोनव रङरङ लै सिमिवजै नुन मिह्नग बिस्वास खेबो। 24जेङ्नै येसुई जेँगै ख्युन भरग मख्योवाबो, तैङर्वाङिन सिमि तै जेङ्पा र्वार्वा नु स्योङ। 25नू सिमिन भारेः सुई साँचि मबिनखाईमे मह्या, तैङर्वाङिन सिमिन समग तै राह्नान, अन नुँह् स्योङ।
Currently Selected:
यूह 2: NTKST25
Highlight
Share
Copy
Want to have your highlights saved across all your devices? Sign up or sign in
The New Testament Books in Kaike Language © The Word for the World International and Kaike Translation Project, Nepal, 2025
यूह 2
2
काना सहरग भ्यान भत्यार
1सुमङीन लाह् गालील प्रदेसन काना सहरग भ्यान भत्यारदी ङ्याह्। येसुन मा स्याह् ङ्याह्। 2येसु रे नुन चेलाव यङ भत्यारग घ्वापा ङ्याह्। 3अङ्गुरन खु ताह्मी येसुन माई नू र्वाबो, “ख्युन ङ्याबो अङ्गुरन खु मह्या।” 4येसुई नू र्वाबो, “हे चिमिचा, ङै तै खेत्वानान ङाः नर्वा। ङन भेला हेँदिरि स्वापा मह्या।” 5नुन माई राङ्पाकाङ्मोः र्वाबो, “नुई र्वापालैम ङेनजै ख्या।”
6ता यहूदीवन छाङ्म राचेन ल्हून भिह्तु स्याह् क्वाईमाल्ला: लितर क्यामदी स्योङ्नान लुङन गेर्जा रु थाम नाम्पा ङ्याह्। 7येसुई राङ्पाकाङ्मोः र्वाबो, “गेर्जाव त्युई काना।” ख्युई त्यु गेर्जान ङुरथालै काङ्बो। 8नुई ख्युकाङ्मोः र्वाबो, “गेर्जा पोङपोङ ङाई त्यु भत्यारन मुखियान स्याह् होरा।” ख्युई अन वप्पो। 9भत्यारन मुखियाजै मन त्यु चाकी खेबो, कन ता अङ्गुरन खु रह्पा ङ्याह्। मन खालै स्वापा जेङ्पा र्वार्वा नू क्युई मह्या, जेङ्नै त्यु काङ्नान्न राङ्पाकाङ्मोः चन क्युई ङ्याह्। ता भत्यारन मुखियाजै मापाः घ्वाघ्वा र्वाबो, 10“सिमि पुरूजै ङू अङ्गुरन खु साङ्क्याङ नान्नान आलै सिमिवजै याम्मा झातामी मात्र अङ्गुरन खु र्योःचाम नान्नान। नुई ता अङ्गुरन खु साङ्क्याङ चोँन बेर ख्योवाख्योवा नाम्पा ङ्याह्।” 11नुन ताईलुवान धोनवन बर्ग अन पहिली हालाईचेन धोन येसुई गालील प्रदेसन काना सहरग खेबो। झामखेखे नुई जेँन महिमा थम्बो, आलै नुन चेलावजै नुन लाह्ः बिस्वास खेबो। 12अन्न ङिक नु जेँन मा, भाइव रे चेलावन ङ्याबो कफर्नहुम होई, रे खजिर्या स्याह् छ्युङ्बो।#मत्ती ४:१३
येसु यरूसलेमन आराधनालयग वैपा
(मत्ती २१:१२-१३; मर्क ११:११-१७; लुक १९:४५-४६)
13यहूदीवन निस्तार-तेवर ङेह्मः ङ्याह्, रे येसु यरूसलेमन आराधनालयग होई।#प्रस १२:१-२७ 14नुई आराधनालयग मिबा, लूपा रे पुरेन र्युत्नानव रे सोङ फिन्नानवजै र्युच्चे खेपाई रह्पा धोबो। 15तब थाःपादीन ताल्च्या दोङदोङ नुई ख्यु पुरूग, नुन लूपाव रे मिबाकाङ्मोः र्वार्वा आराधनालयलै खोलोः ताल्बो, रे सोङ फिन्नानवन सोङ नाम्पान तेबल धिम्बो। 16पुरेन र्युन्नानकाङ्मोः नुई र्वाबो, “स्यीह्लै अन तैस्याङ पुरू होरा। ङन पान यिमग बजारन दोकान नधोवा।” 17नुन चेलाकाङ्मोः पबित्रसास्त्रग सर्पा अन ल्होई ह्याका रह्बो, “हे परमेस्वर, नान यिमन भिह्तु ङन तोप ङनै झिङ मेह्लैम छ्याङ्ङ।”#भजन ६९:९ 18यहूदी आङ खेनान्न सिमिवजै प्रस्नदीन झब बिम्बो, “नाः झाम खेनान्न आङ ङिह्पा र्वार्वा थन्चेन भिह्तु ताईलुवान धोन तै खेतैनान?” 19येसुई ख्युकाङ्मोः झब बिम्बो, “अन आराधनालयग फ्वा, रे ङा सुमङीग अनग दोङ्नान ङ्युँ।”#मत्ती २६:६१; २७:४०; मर्क १४:५८; १५:२९ 20तब यहूदीवजै र्वाबो, “अन आराधनालय दोङ्म ङेथल रै रू परा थ्वाबो, रे तै ना अनग सुमङीग दोङतैनान तै?” 21जेङ्नै कन आराधनालयन भारेः नुई ल्होई र्वापा ङ्याह्, मन नुन ल्हो ङ्याह्। 22जब नु सिह्पालै सम्पु सोल्बो, तब येसुई र्वापान अन ल्होई चेलाकाङ्मोः नावा रह्पा, रे ख्युई पबित्रसास्त्रन लाह्ः रे येसुई र्वापा बचन्न ङ्याः बिस्वास खेबो।
येसु सिमिन सम स्योःनान
23जब येसु निस्तार-तेवरन भत्यारन भेला यरूसलेमग ङ्याह्, तब नुई खेपान ताईलुवान धोनव रङरङ लै सिमिवजै नुन मिह्नग बिस्वास खेबो। 24जेङ्नै येसुई जेँगै ख्युन भरग मख्योवाबो, तैङर्वाङिन सिमि तै जेङ्पा र्वार्वा नु स्योङ। 25नू सिमिन भारेः सुई साँचि मबिनखाईमे मह्या, तैङर्वाङिन सिमिन समग तै राह्नान, अन नुँह् स्योङ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Kaike Language © The Word for the World International and Kaike Translation Project, Nepal, 2025