मत्ती 24
24
येसु प्रार्ठना डोने ज़ी:म नास टाने बारेल ओपाङो
मर्कुस 13:1-37; लुका 21:5-38
1होकाम येसु प्रार्ठना डोने ज़ी:मलाम पुलुडे ओनारिज़्याकं येसुलाई उसिसराई प्रार्ठना डोने ज़ी:मरं सटन्ड्याने वार्डे ओछ्योकं याराव। 2होकाम येसुये नोरंलाई हैओडोवरं, “जे आव स्यान्टै जेर:ङज्या मारो? ङा जेलाई डस्साज़ हैङाडाच्योज़्या टोबो लुङ टर्ट छुटं लुङ रहिने माले, स्यान्टै टै:डे ख्यानेलेसी।”
डुखं सोनो सहटैने
3येसु जैतुन डान्डाटं उलिज़्याकं काङ्काज़ याम्लेव बेलाकं उसिसरं राडे यापजोयो, “एटाव खर्क टानेले, गेलाई हैगडासिके, नराने डिन सोनो सङसार ओखेमरिकं खैटाव चिन्नरं टानेलेरं?” 4होकाम येसुये नोरंलाई हैओडोवरं, “होस्यार लेच्यो काङ्काराई पनि जेलाई ढोका टायाच्योरंकं। 5कडालेकं ‘ङा ख्रीस्ट ची’ वार्डे ङामिन डाडे बनै भ्या राने लेरं होकाम भ्या मीरंलाई यालेवडे झैने लेरं। 6जे लराई सोनो लराई ओटाव हल्लारं ठैने जेले। हो बेलाकं टाछेच्यो कडालेकं आवरं टावज़ची परिये होकाम नाढङटंज़ स्यान्टै माखेम। 7कडालेकं डेसरं या-याज़ खप्सिने लेरं, होसोनो राज्यारं राज्याराई याबिरोडलं च्याङनेलेरं, होकाम कोइ कोइयालं अनिकाल टाने ले, भुम्चाल नाने ले। 8हैनि पनि आव स्यान्टैके सुर्क्याल्नि याटारिका हुर्ने सुरु ओटाव हाडङ्का याज़ची।” 9होकाम नोराई जेलाई डुखं गडैरंकं वार्डे सुम्पीड्याने लेरं, होकाम जेलाई सै:ने लेरं होसोनो जे ङामीरं जेटाव कारनटं स्यान्टै डेसला मीराई जेलाई घिनैने लेरं। 10होकाम भ्या मीरं बिस्वासटाम याझिन्डे वोल्ने लेरं, टोबोये छुटंलाई ढोका याडे सुम्पीड्याने लेरं होकाम घिनैने पनि लेरं। 11भ्या झुठा अगमबक्तारं टानेलेरं, होकाम भ्या मीरंलाई झुक्कैडे यालेवडे झैने लेरं। 12माचाव ये:न डोने मीरं भ्या याटावये भ्या मीराई यामया खेमडेनानेले। 13होकाम झिन्डे समं टिकिडे लेनेरं जोगैसिने लेरं। 14होकाम राज्याला आव चाव सोर स्यान्टै सङसारलं प्रचार टानेले होकाम स्यान्टै डेसराई यालागिटं गोहाई टानेले होकाम ची खेम्नेले।
छे-छे ङप्सिव डुखं राने बेला
मर्कुस १३:१४-२३; लुका २१:२०-२४
15“हैजैडे जे डानिएल अगमबक्ताये ओपाङो नास झैने घिनैसिव बस्त चोखो पोटं जेर:ङ परि:नेये उबुझिवकं,#डानिएल ९:२७; ११:३१ 16होकाम यहुडियाला लेनेरं पाहारडे ओढोङरंकं। 17पटाहाटा लेवरं याज़ी:मला समान हाइने मेलं टाझरिरंकं। 18ये:ङला लेवरं याक्वा चनरिने टावोलरंकं। 19बनै घ्योव डुखं टानेले नोबेलाका मुऱ्यारं सोनो नुन सोवैने मेमारंलाई। 20हैनि पनि यु:ङडाकं सोनो ना:सिने डिन छ्याम ढोङने टाटाकं वार्डे प्रार्ठना डाच्यो। 21कडालेकं नो बेलाकं ऐटाव घ्योव डुखं टानेले, नेटाव सङसार ओटावकाम आर्क समं ओटाव माले। न फरी खर्क टानेले। 22नो डिनरं ओमघटैसिखिन के काङ्का मी पनि माबान्चिरं, हैजैडे रुजिसिवराई यालागिटं नो डिन घटैसिने ले।” 23जेलाई कोइराई ख्रीस्ट आङं लिज़्या नी होङ लिज़्या याडाच्योरंखे भने बिस्वास टाडाच्यो। 24कडालेकं झुठा ख्रीस्टरं सोनो झुठा अगमबक्तारं टाने लेरं, होकाम याढुव समं रुजिसिवरंलाई भर्कैनेलो लागिटं घ्यो-घ्योव चिन्नरं सोनो अचम्बला ये:नरं सटन्ने लेरं। 25चावसं चेटैच्यो ङा जेलाई ङा:डेकामज़ हैङाडाच्योज़्या। 26नोराई जेलाई येसुके बनलं ची लिज़्या याडाच्योरं भने पाखाडे पलुडे टानाच्यो। होकाम येसुके ज़ी:मलं कोठालंची लिज़्या यावाररंखे भने पनि बिस्वास टाडोच्यो। 27कडालेकं पुर्बङाम गोङज़ा उमिल्किकं, पोछ्योङ समं उज्यालो ओटाव मान्टिज़ मानवालो ओज़ा रानेले। 28सि:नो जोङ ले गिड्डरं पनि होङज़ टारंये।
मानवालो ओज़ा राने डिन
मर्कुस १३:२४-२७; लुका २१:२५-२८
29“नो डुखंला डिन ओराव मान्त्राज़ निमि अन्ड्यारो टानेले, होकाम स्यावैये पनि उज्यालो यानेमाले सोरोर नम्टाम टे:ने लेरं। नम्टा सक्तिरं हल्लिने लेरं 30होकाम मानवालो ओज़ालो उचिन्नरं नम्ट र:न्नेलेरं। होकाम प्रिठीबीला स्यान्टै मीरं वाँ:-वाँ: कि:डे घर्नेलेरं, होकाम नोराई मानवालो ओज़ालाई नम्टा बाडंलटं सक्तिसं सोनो घ्योव महिमासं ओराज़्याव र:ङनेलेरं। 31नोये ओकटंवालरंलाई भोङ्करलो घ्योव ओगासं परि:ङनेले, होकाम नोराई नमटं टोबो ओछ्योङाम छुटं ओछ्यो समं चार कोनाङामज़ उरुजिवरंलाई टोबोकं डुप्नेरंले।”
डीलो उसिङटाम पैसिने रो:
मर्कुस १३:२८-३१; लुका २१:२९-३३
32“डीलो उसिङटाम टोबो सिछ्या पैसिच्यो, नोलो ओखाररं नाहुर-नाहुरो टारं होकाम सिङये ओपलाव ख्यावये, होकाम उभ्यालि ओटाव लेव वार्डे जे ठा जेसन। 33हैजैडेज़ जे पनि आव स्यान्टै ओटाव र:ङनेजेले होकाम येसु नजिकज़ झलायेम्कज़ लिज़्या वार्डे सन्च्यो। 34ङा जेलाई डस्साज़ हैङाडाच्योज़्या, आव स्यान्टै ओम्टाया समं आव पुस्ता खेम्ने माले। 35स्वर्ग सोनो प्रिठीबी खेम्डे नानेले हैनि पनि ङाबचंनरं खेम्ने माले।”
नो डिन सोनो समय काङ्कालाई पनि ठा माले
मर्कुस १३:३२-३७; लुका १७:२६-३०,३४-३६
36“हैनि पनि नो डिन सोनो नो बेला बाबुये भन्डा उरुराई ठा मासनरं, न स्वर्गटा कटंवालराई न ओज़ाये। 37मानवालो ओज़ा ओराकं नोआलो ओबेलाका मान्टि टानेले। 38कडालेकं नोबेलाकं नमं वाडे भलं राने भन्डा ङा:डे, नोआ डोङ्गाटं पुलुने छ्याम समं मीरं ज़्यावग्यान, ओँवग्यान, याबिहेँ डोवग्यान याडोज़्याव, 39होकाम नमं वाडे भलं राडे स्यान्टै बुडैडे स्यान्टैलाई बगैडे ओमलाङया समं नोराई ठाज़ मासनरंये। मानवालो ओज़ा ओराकं पनि नेटावज़ टाने ले। 40नोबेलाकं नेबऱ्याङनि ये:ङलं टानेलेनी टोबोलाई लाङडे छुटंलाई ख्यानैनेले।” 41नेबऱ्याङ मेमानि रान्ठै हेवग्यान नेडोज़्याकं टोबोलाई लाङडे छुटंलाई ख्यानैनेले। 42“हैजैडे जागा लेच्यो, कडालेकं कडि छ्याम जेप्रभु राने ले, नो रो: जे जेम्सन। 43हैनि पनि आव रो: सन्च्यो, ज़ी:मलो ओर्गेये चोर रिलं खाबला रा वार्डे ओसन्खिन के, नो जागा टानेलेव, होकाम उज़ी:म चोररंलाई पाव मायोरंखे हो। 44हैजैडे जे पनि तयार लेच्यो, कडालेकं मानवालो ओज़ा जे जेम्चेटोयो बेलाकं रानेले।”
बिस्वास डोने सोनो बिस्वास माडोने नौकर
लुका १२:४१-४८
45“बिस्वासी सोनो बुड्यालो नौकर काङ्का? जोलाई ओसाहुये ओल्सका ये:न डानेरंलाई याकरेने बेलाकं ज़्याव योने नोयोये। 46नो नौकरके चाव ची, जोलाई ओसाहु ओराकं नैजैडेज़ ओये:न ओडोज़्याव डैरिनेले। 47ङा जेलाई डस्साज़ हैङाडाच्योज़्या, ओसाहुये नोलाई स्यान्टै ओसम्पति नोलो उजिम्मालं रा:ड्याने ले। 48होकाम नो माचाव नौकरये ङासाहु जामा कुबुला झोयो वार्डे उयुङलं सुन्चिवये, 49ओल्स ये:नडाने नौकररंलाई पो:डे मड्डये मोङोरासं ज़्याने ओँने याडोवखे भने, 50नो नौकरलो ओसाहु नोये उमसुन्चीव छ्याम सोनो ओम्सोनो बेलाकं केरिनेले 51होकाम ओसाहुये नोलाई बनै घ्योव डन्ड यानेले, होकाम नोलाई कैफटिराई याखार्ल ख्यानेले, नलं मीरं याहा कैये-कैये घर्नेलेरं।”
Currently Selected:
मत्ती 24: NTWMK25
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 24
24
येसु प्रार्ठना डोने ज़ी:म नास टाने बारेल ओपाङो
मर्कुस 13:1-37; लुका 21:5-38
1होकाम येसु प्रार्ठना डोने ज़ी:मलाम पुलुडे ओनारिज़्याकं येसुलाई उसिसराई प्रार्ठना डोने ज़ी:मरं सटन्ड्याने वार्डे ओछ्योकं याराव। 2होकाम येसुये नोरंलाई हैओडोवरं, “जे आव स्यान्टै जेर:ङज्या मारो? ङा जेलाई डस्साज़ हैङाडाच्योज़्या टोबो लुङ टर्ट छुटं लुङ रहिने माले, स्यान्टै टै:डे ख्यानेलेसी।”
डुखं सोनो सहटैने
3येसु जैतुन डान्डाटं उलिज़्याकं काङ्काज़ याम्लेव बेलाकं उसिसरं राडे यापजोयो, “एटाव खर्क टानेले, गेलाई हैगडासिके, नराने डिन सोनो सङसार ओखेमरिकं खैटाव चिन्नरं टानेलेरं?” 4होकाम येसुये नोरंलाई हैओडोवरं, “होस्यार लेच्यो काङ्काराई पनि जेलाई ढोका टायाच्योरंकं। 5कडालेकं ‘ङा ख्रीस्ट ची’ वार्डे ङामिन डाडे बनै भ्या राने लेरं होकाम भ्या मीरंलाई यालेवडे झैने लेरं। 6जे लराई सोनो लराई ओटाव हल्लारं ठैने जेले। हो बेलाकं टाछेच्यो कडालेकं आवरं टावज़ची परिये होकाम नाढङटंज़ स्यान्टै माखेम। 7कडालेकं डेसरं या-याज़ खप्सिने लेरं, होसोनो राज्यारं राज्याराई याबिरोडलं च्याङनेलेरं, होकाम कोइ कोइयालं अनिकाल टाने ले, भुम्चाल नाने ले। 8हैनि पनि आव स्यान्टैके सुर्क्याल्नि याटारिका हुर्ने सुरु ओटाव हाडङ्का याज़ची।” 9होकाम नोराई जेलाई डुखं गडैरंकं वार्डे सुम्पीड्याने लेरं, होकाम जेलाई सै:ने लेरं होसोनो जे ङामीरं जेटाव कारनटं स्यान्टै डेसला मीराई जेलाई घिनैने लेरं। 10होकाम भ्या मीरं बिस्वासटाम याझिन्डे वोल्ने लेरं, टोबोये छुटंलाई ढोका याडे सुम्पीड्याने लेरं होकाम घिनैने पनि लेरं। 11भ्या झुठा अगमबक्तारं टानेलेरं, होकाम भ्या मीरंलाई झुक्कैडे यालेवडे झैने लेरं। 12माचाव ये:न डोने मीरं भ्या याटावये भ्या मीराई यामया खेमडेनानेले। 13होकाम झिन्डे समं टिकिडे लेनेरं जोगैसिने लेरं। 14होकाम राज्याला आव चाव सोर स्यान्टै सङसारलं प्रचार टानेले होकाम स्यान्टै डेसराई यालागिटं गोहाई टानेले होकाम ची खेम्नेले।
छे-छे ङप्सिव डुखं राने बेला
मर्कुस १३:१४-२३; लुका २१:२०-२४
15“हैजैडे जे डानिएल अगमबक्ताये ओपाङो नास झैने घिनैसिव बस्त चोखो पोटं जेर:ङ परि:नेये उबुझिवकं,#डानिएल ९:२७; ११:३१ 16होकाम यहुडियाला लेनेरं पाहारडे ओढोङरंकं। 17पटाहाटा लेवरं याज़ी:मला समान हाइने मेलं टाझरिरंकं। 18ये:ङला लेवरं याक्वा चनरिने टावोलरंकं। 19बनै घ्योव डुखं टानेले नोबेलाका मुऱ्यारं सोनो नुन सोवैने मेमारंलाई। 20हैनि पनि यु:ङडाकं सोनो ना:सिने डिन छ्याम ढोङने टाटाकं वार्डे प्रार्ठना डाच्यो। 21कडालेकं नो बेलाकं ऐटाव घ्योव डुखं टानेले, नेटाव सङसार ओटावकाम आर्क समं ओटाव माले। न फरी खर्क टानेले। 22नो डिनरं ओमघटैसिखिन के काङ्का मी पनि माबान्चिरं, हैजैडे रुजिसिवराई यालागिटं नो डिन घटैसिने ले।” 23जेलाई कोइराई ख्रीस्ट आङं लिज़्या नी होङ लिज़्या याडाच्योरंखे भने बिस्वास टाडाच्यो। 24कडालेकं झुठा ख्रीस्टरं सोनो झुठा अगमबक्तारं टाने लेरं, होकाम याढुव समं रुजिसिवरंलाई भर्कैनेलो लागिटं घ्यो-घ्योव चिन्नरं सोनो अचम्बला ये:नरं सटन्ने लेरं। 25चावसं चेटैच्यो ङा जेलाई ङा:डेकामज़ हैङाडाच्योज़्या। 26नोराई जेलाई येसुके बनलं ची लिज़्या याडाच्योरं भने पाखाडे पलुडे टानाच्यो। होकाम येसुके ज़ी:मलं कोठालंची लिज़्या यावाररंखे भने पनि बिस्वास टाडोच्यो। 27कडालेकं पुर्बङाम गोङज़ा उमिल्किकं, पोछ्योङ समं उज्यालो ओटाव मान्टिज़ मानवालो ओज़ा रानेले। 28सि:नो जोङ ले गिड्डरं पनि होङज़ टारंये।
मानवालो ओज़ा राने डिन
मर्कुस १३:२४-२७; लुका २१:२५-२८
29“नो डुखंला डिन ओराव मान्त्राज़ निमि अन्ड्यारो टानेले, होकाम स्यावैये पनि उज्यालो यानेमाले सोरोर नम्टाम टे:ने लेरं। नम्टा सक्तिरं हल्लिने लेरं 30होकाम मानवालो ओज़ालो उचिन्नरं नम्ट र:न्नेलेरं। होकाम प्रिठीबीला स्यान्टै मीरं वाँ:-वाँ: कि:डे घर्नेलेरं, होकाम नोराई मानवालो ओज़ालाई नम्टा बाडंलटं सक्तिसं सोनो घ्योव महिमासं ओराज़्याव र:ङनेलेरं। 31नोये ओकटंवालरंलाई भोङ्करलो घ्योव ओगासं परि:ङनेले, होकाम नोराई नमटं टोबो ओछ्योङाम छुटं ओछ्यो समं चार कोनाङामज़ उरुजिवरंलाई टोबोकं डुप्नेरंले।”
डीलो उसिङटाम पैसिने रो:
मर्कुस १३:२८-३१; लुका २१:२९-३३
32“डीलो उसिङटाम टोबो सिछ्या पैसिच्यो, नोलो ओखाररं नाहुर-नाहुरो टारं होकाम सिङये ओपलाव ख्यावये, होकाम उभ्यालि ओटाव लेव वार्डे जे ठा जेसन। 33हैजैडेज़ जे पनि आव स्यान्टै ओटाव र:ङनेजेले होकाम येसु नजिकज़ झलायेम्कज़ लिज़्या वार्डे सन्च्यो। 34ङा जेलाई डस्साज़ हैङाडाच्योज़्या, आव स्यान्टै ओम्टाया समं आव पुस्ता खेम्ने माले। 35स्वर्ग सोनो प्रिठीबी खेम्डे नानेले हैनि पनि ङाबचंनरं खेम्ने माले।”
नो डिन सोनो समय काङ्कालाई पनि ठा माले
मर्कुस १३:३२-३७; लुका १७:२६-३०,३४-३६
36“हैनि पनि नो डिन सोनो नो बेला बाबुये भन्डा उरुराई ठा मासनरं, न स्वर्गटा कटंवालराई न ओज़ाये। 37मानवालो ओज़ा ओराकं नोआलो ओबेलाका मान्टि टानेले। 38कडालेकं नोबेलाकं नमं वाडे भलं राने भन्डा ङा:डे, नोआ डोङ्गाटं पुलुने छ्याम समं मीरं ज़्यावग्यान, ओँवग्यान, याबिहेँ डोवग्यान याडोज़्याव, 39होकाम नमं वाडे भलं राडे स्यान्टै बुडैडे स्यान्टैलाई बगैडे ओमलाङया समं नोराई ठाज़ मासनरंये। मानवालो ओज़ा ओराकं पनि नेटावज़ टाने ले। 40नोबेलाकं नेबऱ्याङनि ये:ङलं टानेलेनी टोबोलाई लाङडे छुटंलाई ख्यानैनेले।” 41नेबऱ्याङ मेमानि रान्ठै हेवग्यान नेडोज़्याकं टोबोलाई लाङडे छुटंलाई ख्यानैनेले। 42“हैजैडे जागा लेच्यो, कडालेकं कडि छ्याम जेप्रभु राने ले, नो रो: जे जेम्सन। 43हैनि पनि आव रो: सन्च्यो, ज़ी:मलो ओर्गेये चोर रिलं खाबला रा वार्डे ओसन्खिन के, नो जागा टानेलेव, होकाम उज़ी:म चोररंलाई पाव मायोरंखे हो। 44हैजैडे जे पनि तयार लेच्यो, कडालेकं मानवालो ओज़ा जे जेम्चेटोयो बेलाकं रानेले।”
बिस्वास डोने सोनो बिस्वास माडोने नौकर
लुका १२:४१-४८
45“बिस्वासी सोनो बुड्यालो नौकर काङ्का? जोलाई ओसाहुये ओल्सका ये:न डानेरंलाई याकरेने बेलाकं ज़्याव योने नोयोये। 46नो नौकरके चाव ची, जोलाई ओसाहु ओराकं नैजैडेज़ ओये:न ओडोज़्याव डैरिनेले। 47ङा जेलाई डस्साज़ हैङाडाच्योज़्या, ओसाहुये नोलाई स्यान्टै ओसम्पति नोलो उजिम्मालं रा:ड्याने ले। 48होकाम नो माचाव नौकरये ङासाहु जामा कुबुला झोयो वार्डे उयुङलं सुन्चिवये, 49ओल्स ये:नडाने नौकररंलाई पो:डे मड्डये मोङोरासं ज़्याने ओँने याडोवखे भने, 50नो नौकरलो ओसाहु नोये उमसुन्चीव छ्याम सोनो ओम्सोनो बेलाकं केरिनेले 51होकाम ओसाहुये नोलाई बनै घ्योव डन्ड यानेले, होकाम नोलाई कैफटिराई याखार्ल ख्यानेले, नलं मीरं याहा कैये-कैये घर्नेलेरं।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025