मत्ती 20
20
अङ्गुर ये:ङलं ये:न डोने मीराई यासात्रो
1स्वर्गटा राज्या टोबो ये:ङलो ओर्गे स्यानाव ची, होये छकाल्ने ग-ग ज्यालालं ये:न डाने मीरंलाई अङ्गुर ये:ङलं लाङने लागिटं पुलुये। 2ये:न डानेरंलाई टछाका ज्याला चान्डीलो टोबो ढ्याक टुकिडे होये ये:न डानेरंलाई अङ्गुर ये:ङलं उपरि:ङोर। 3“होकाम हो मी नौ बजेयालं पाखाडे उपुलुव बेलाकं यहुडीरंकाम उरुका मीरंलाई बिना ये:न बजारलं च्याङसिडे यालिज़्याव ओरो:ङोरं, 4होकाम हो साहुये होरंलाई हैओडोवरं, ‘जे पनि अङ्गुर ये:ङलं गनाच्योके, होकाम ङा जेलाई जेडैने ज्याला ङायाच्योके।’” 5होकाम होरं यानाव, फरि हो ये:ङ साहु बारं बजेयालं सोनो तीन बजेयालं पाखाडे पुलुडे हैज़ ओलेव। 6साहु पाँस बजेयाल पाखाडे उपुलुज़्याव बेलाकं उरु मीरंलाई पनि च्याङसिडे यालिज़्याव ओरो:ङोरं, होकाम हो मीरंलाई हैओडोवरं, जे कडा ला भरि बिना ये:न च्याङसिडे जिलिज़्याव? 7“नो मीराई हो ये:ङ साहुलाई है याडोव, ‘गेलाई काङ्काये पनि ये:न मायासिरंये।’ साहुये होरंलाई पनि अङ्गुर ये:ङलं गनाच्योके ओडोवरं।” 8“होकाम री:मडे ओटाकं अङ्गुर ये:ङला साहुये ये:न डोनेराई यासे:रलाई हैओडोव, ये:ङला ये:न डोनेरंलाई खुल्डे छिन्ङा सोनो ङा:डेङा स्यान्टैलाई याज्याला योरं।” 9पाँस बजे ये:नलं रावरं पनि याराव, होकाम स्यान्टैराईज़ पुरा ज्याला टोबो-टोबो चान्डीलो ढ्याक याडोयो। 10होकामटानि ङा:डे ये:नलं रावरं राडे, गेके भ्या गेडै वार्डे बिचार याडोव, हैनि पनि स्यान्टैराईज़ टोबोनास्याव चान्डीलो ढ्याक ज्याला याडोयो। 11ज्याला याडोयो पानाज़ ङा:डे ये:नलं रावरं ये:ङ साहुलो उबिरोडलं यापाङो। 12नोरं ऐ यावारो, नङ नो बाभा टघन्टा ये:न डानेरंलाई सोनो गे लाभरि गुर घुर्डे पट्याङ-पट्याङ घामलं ये:न डोने रासं समं समं नोझोयो। 13होकाम ये:ङ साहुये होरंलाम टोबोलाई खुल्डे हैओडोव, “ङानै ङा नङलाई कडि अनियाज़ ङाम्डानये नङ टछाका ज्याला चान्डीलो ढ्याकलं ये:नलो कबल नडोव माङ्करो?” 14नज्याला लाङडे गराङन्के। आव छिन्का ये:न डानेरंलाई पनि नङलाई हाढङज़ याने ङायुङ लिज़्या। 15ङासं जो हाढङ ले, हो ङायुङजानि झोयो ङाम्डैडोरो? ङा चाव ये:न ङाडोकं नङ कडाने नरिसिज़्याव? 16“ऐझैडेज़ छिन्ङारं ङा:ङ टानेलेरं ङा:डेङारं छिन्ङ टानेलेरं।”
उसिने बारेलं येसुलो सोङ्खेपका भबिस्याबानी
मर्कुस 10:32-34; लुका 18:31-34
17येसु यरुसलेमडे ओनाज़्याकं बारं जना उसिसरंलाई येमटं याबाठङ झैरंडे ऐ ओडोवरं, 18“आव ठैच्यो, गे यरुसलेमडे गेनाज़्या। आबो मानवालो ओज़ा मुख्या सेवा डोनेराई सोनो न्याम पैनेराई याकुईटं सुम्पीसिनेले, होकाम होराई मानवालो ओज़ालाई सै:ने डन्डलो डोसि ठहरैने लेरं। 19होलाई गिल्लैने, कोर्राये पो:ने सोनो क्रुसटं टाङ्गिने वार्डे होलाई यहुडीरंकाम उरुका मीराई याकुईटं सुम्पीसिनेले, होकाम सोङलाका हो ज्युङडा टानेले।”
टोबो आमालो उइछ्या
मर्कुस 10:35-45
20जब्डियालो ओज़ानिलाई नेमाये ओल्स लाङनिडे येसुलो ओङा:कं उघुन्डा टिकिसिडे बिन्ती ओडोव। 21येसुये हो मेमालाई ओपजोयो, “नइच्छ्या कडि लिज़्या?” हो मेमाये येसुलाई हैओडोव, “कबल गोडोके, नराज्यालं नेबऱ्याङ ङाज़ानीलाई टोबो वो:र्डे टोबो डाबऱ्याडे चुङो गडैनिकं।” 22येसुये होरंलाई हैओडोवरं, “जे कडि जिनि:ज़्या हो जेमसनये। जो डुखंला कचौरा ङा ङाओँरिज़्या हो जे जेओँडु?” होनि हैनेवारो “जेओँडु।” 23येसुये हैओडोवर, “ङाखुरिलाम जे जेओँडु, हैनि पनि ङाकाम वो:र्डे सोनो डाबऱ्याडे चुङने रो: ङाकुईटं माले। आव पो होराईज़ जोलो ओलागिटं बाबुये तयार झैडे खेम्डेनोयो।” 24आव रो: ठैडे डस जना उसिसरं नो नेबऱ्याङनिसं यारिसिव। 25होकाम येसुये होरंलाई ओललेवकं खुल्डे हैओडोवरं, “जेलाई ठाज़ले, यहुडीरंकाम उरुका मीराई याअगवाराई नोराई याटर्ट सासंन चलैरंये, होकाम घ्यो-घ्योव मीराई नो अगंवाराई याटर्ट अढिकार चलैरंये। 26जे जेखार्ल ऐटाव टाटाकं, बुरु जेकाम काङ्का घ्योव टाने उयुङ डोव हो स्यान्टैराई यासेवा डोने टाव परिये। 27जेभरिलाम काङ्का से:र टाने उयुङ ले हो स्यानटैराई याकमाया टाव परीये। 28हैजैडे मानवालो ओज़ा पनि सेवा डैने माङ्क सेवा याने सोनो भ्यारंलाई छुटैनेलो लागिटं ओझो फोने वार्डे उज्यु याने ओराव।”
नेबऱ्याङ अन्डला मीनी
मर्कुस 10:46-52; लुका 18:35-43
29येसु सोनो उसिसरं यरीहोलाम यानाज़्याक, भ्या मीरं नोराई याछिन्ट याराव। 30येम छ्योका नेबऱ्याङ अन्डला मीनि येसु आव येम राज़्या ऐ यावारो ठैडे ऐ लेडे निकि:व, “ए प्रभु डाउडलो ओसन्तान गिनलाई डया डासि।” 31माहुले मीराई नोनिलाई गाइगुइ टावार्चिन वार्डे याहक्लोयोरं, होकाम होनि झनज़, “ए प्रभु डाउडलो ओसन्तान गिनलाई डया डासि” वार्डे निकि:व। 32होकाम येसु अडिडे होनिलाई हैओडोवनि, “जिन कडि जिखिम्ज़्याव?” ङा जेलागिटं कडि झैड्याने? 33होनि येसुलाई हैनेडोव, “ए प्रभु गिमिलङ ओर:नकं।” 34येसुये उयुङ नाडे होनि निमिलङ छुडे ओयोवनि, होपानाज़ होनि निमिलङ ओरो:नो होकाम होनि येसुलो उझिन्ट नेनाव।
Currently Selected:
मत्ती 20: NTWMK25
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
मत्ती 20
20
अङ्गुर ये:ङलं ये:न डोने मीराई यासात्रो
1स्वर्गटा राज्या टोबो ये:ङलो ओर्गे स्यानाव ची, होये छकाल्ने ग-ग ज्यालालं ये:न डाने मीरंलाई अङ्गुर ये:ङलं लाङने लागिटं पुलुये। 2ये:न डानेरंलाई टछाका ज्याला चान्डीलो टोबो ढ्याक टुकिडे होये ये:न डानेरंलाई अङ्गुर ये:ङलं उपरि:ङोर। 3“होकाम हो मी नौ बजेयालं पाखाडे उपुलुव बेलाकं यहुडीरंकाम उरुका मीरंलाई बिना ये:न बजारलं च्याङसिडे यालिज़्याव ओरो:ङोरं, 4होकाम हो साहुये होरंलाई हैओडोवरं, ‘जे पनि अङ्गुर ये:ङलं गनाच्योके, होकाम ङा जेलाई जेडैने ज्याला ङायाच्योके।’” 5होकाम होरं यानाव, फरि हो ये:ङ साहु बारं बजेयालं सोनो तीन बजेयालं पाखाडे पुलुडे हैज़ ओलेव। 6साहु पाँस बजेयाल पाखाडे उपुलुज़्याव बेलाकं उरु मीरंलाई पनि च्याङसिडे यालिज़्याव ओरो:ङोरं, होकाम हो मीरंलाई हैओडोवरं, जे कडा ला भरि बिना ये:न च्याङसिडे जिलिज़्याव? 7“नो मीराई हो ये:ङ साहुलाई है याडोव, ‘गेलाई काङ्काये पनि ये:न मायासिरंये।’ साहुये होरंलाई पनि अङ्गुर ये:ङलं गनाच्योके ओडोवरं।” 8“होकाम री:मडे ओटाकं अङ्गुर ये:ङला साहुये ये:न डोनेराई यासे:रलाई हैओडोव, ये:ङला ये:न डोनेरंलाई खुल्डे छिन्ङा सोनो ङा:डेङा स्यान्टैलाई याज्याला योरं।” 9पाँस बजे ये:नलं रावरं पनि याराव, होकाम स्यान्टैराईज़ पुरा ज्याला टोबो-टोबो चान्डीलो ढ्याक याडोयो। 10होकामटानि ङा:डे ये:नलं रावरं राडे, गेके भ्या गेडै वार्डे बिचार याडोव, हैनि पनि स्यान्टैराईज़ टोबोनास्याव चान्डीलो ढ्याक ज्याला याडोयो। 11ज्याला याडोयो पानाज़ ङा:डे ये:नलं रावरं ये:ङ साहुलो उबिरोडलं यापाङो। 12नोरं ऐ यावारो, नङ नो बाभा टघन्टा ये:न डानेरंलाई सोनो गे लाभरि गुर घुर्डे पट्याङ-पट्याङ घामलं ये:न डोने रासं समं समं नोझोयो। 13होकाम ये:ङ साहुये होरंलाम टोबोलाई खुल्डे हैओडोव, “ङानै ङा नङलाई कडि अनियाज़ ङाम्डानये नङ टछाका ज्याला चान्डीलो ढ्याकलं ये:नलो कबल नडोव माङ्करो?” 14नज्याला लाङडे गराङन्के। आव छिन्का ये:न डानेरंलाई पनि नङलाई हाढङज़ याने ङायुङ लिज़्या। 15ङासं जो हाढङ ले, हो ङायुङजानि झोयो ङाम्डैडोरो? ङा चाव ये:न ङाडोकं नङ कडाने नरिसिज़्याव? 16“ऐझैडेज़ छिन्ङारं ङा:ङ टानेलेरं ङा:डेङारं छिन्ङ टानेलेरं।”
उसिने बारेलं येसुलो सोङ्खेपका भबिस्याबानी
मर्कुस 10:32-34; लुका 18:31-34
17येसु यरुसलेमडे ओनाज़्याकं बारं जना उसिसरंलाई येमटं याबाठङ झैरंडे ऐ ओडोवरं, 18“आव ठैच्यो, गे यरुसलेमडे गेनाज़्या। आबो मानवालो ओज़ा मुख्या सेवा डोनेराई सोनो न्याम पैनेराई याकुईटं सुम्पीसिनेले, होकाम होराई मानवालो ओज़ालाई सै:ने डन्डलो डोसि ठहरैने लेरं। 19होलाई गिल्लैने, कोर्राये पो:ने सोनो क्रुसटं टाङ्गिने वार्डे होलाई यहुडीरंकाम उरुका मीराई याकुईटं सुम्पीसिनेले, होकाम सोङलाका हो ज्युङडा टानेले।”
टोबो आमालो उइछ्या
मर्कुस 10:35-45
20जब्डियालो ओज़ानिलाई नेमाये ओल्स लाङनिडे येसुलो ओङा:कं उघुन्डा टिकिसिडे बिन्ती ओडोव। 21येसुये हो मेमालाई ओपजोयो, “नइच्छ्या कडि लिज़्या?” हो मेमाये येसुलाई हैओडोव, “कबल गोडोके, नराज्यालं नेबऱ्याङ ङाज़ानीलाई टोबो वो:र्डे टोबो डाबऱ्याडे चुङो गडैनिकं।” 22येसुये होरंलाई हैओडोवरं, “जे कडि जिनि:ज़्या हो जेमसनये। जो डुखंला कचौरा ङा ङाओँरिज़्या हो जे जेओँडु?” होनि हैनेवारो “जेओँडु।” 23येसुये हैओडोवर, “ङाखुरिलाम जे जेओँडु, हैनि पनि ङाकाम वो:र्डे सोनो डाबऱ्याडे चुङने रो: ङाकुईटं माले। आव पो होराईज़ जोलो ओलागिटं बाबुये तयार झैडे खेम्डेनोयो।” 24आव रो: ठैडे डस जना उसिसरं नो नेबऱ्याङनिसं यारिसिव। 25होकाम येसुये होरंलाई ओललेवकं खुल्डे हैओडोवरं, “जेलाई ठाज़ले, यहुडीरंकाम उरुका मीराई याअगवाराई नोराई याटर्ट सासंन चलैरंये, होकाम घ्यो-घ्योव मीराई नो अगंवाराई याटर्ट अढिकार चलैरंये। 26जे जेखार्ल ऐटाव टाटाकं, बुरु जेकाम काङ्का घ्योव टाने उयुङ डोव हो स्यान्टैराई यासेवा डोने टाव परिये। 27जेभरिलाम काङ्का से:र टाने उयुङ ले हो स्यानटैराई याकमाया टाव परीये। 28हैजैडे मानवालो ओज़ा पनि सेवा डैने माङ्क सेवा याने सोनो भ्यारंलाई छुटैनेलो लागिटं ओझो फोने वार्डे उज्यु याने ओराव।”
नेबऱ्याङ अन्डला मीनी
मर्कुस 10:46-52; लुका 18:35-43
29येसु सोनो उसिसरं यरीहोलाम यानाज़्याक, भ्या मीरं नोराई याछिन्ट याराव। 30येम छ्योका नेबऱ्याङ अन्डला मीनि येसु आव येम राज़्या ऐ यावारो ठैडे ऐ लेडे निकि:व, “ए प्रभु डाउडलो ओसन्तान गिनलाई डया डासि।” 31माहुले मीराई नोनिलाई गाइगुइ टावार्चिन वार्डे याहक्लोयोरं, होकाम होनि झनज़, “ए प्रभु डाउडलो ओसन्तान गिनलाई डया डासि” वार्डे निकि:व। 32होकाम येसु अडिडे होनिलाई हैओडोवनि, “जिन कडि जिखिम्ज़्याव?” ङा जेलागिटं कडि झैड्याने? 33होनि येसुलाई हैनेडोव, “ए प्रभु गिमिलङ ओर:नकं।” 34येसुये उयुङ नाडे होनि निमिलङ छुडे ओयोवनि, होपानाज़ होनि निमिलङ ओरो:नो होकाम होनि येसुलो उझिन्ट नेनाव।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025