प्रेरित 13
13
बरनाबास सोनो साउलनिलाई रुजिडे यापरि:ङोर
1एन्टिओखियाला मन्डलीलं अगमबक्तारं सोनो सास्त्र पैनेरं लेवरं, नोरं बारनाबास, काला याडोज़्याव सिमोन, कुरेनीला लुकियास, राजा हेरोडसं वु:र्किव मनेन सोनो साउल लेवरं। 2नोराई उपासिडे प्रभुलो ओसेवा याडोज़्याकं चोखो आत्माये हैओडोवरं, “ङालागिटं बारनाबास सोनो साउलनिलाई नो ये:न डोने रुजिच्योरं, जो ये:नलो ओलागिटं ङा नोनिलाई खुल्डेङानैनि।” 3होकाम उपासिडे नोनि नेङै:ट याकुइ नैडे प्रार्ठना डोडे यापरि:ङोर।
साइप्रसलं
4होकाम चोखो आत्माङाम परि:ङसिव टाडे नोनि सिलुकियालं नाडे होलाम डोङ्गा चुङडे साइप्रस याडोज़्याव मनजवा#13:4 समन्डरलो ओमान्जलं लेव सोपो जमिनडे नेनाव। 5सलामिसलं केडे यहुडीराई याडुप्सिने ज़ी:मयाल परमेस्वरलो चाव ओसोर नेसठोयोरं। नोनि नेसेवा डानेलो लागिटं मर्कुस याडोज़्याव युहन्ना पनि नोरासं लेव।
6नोरं मनजवालं स्यान्टैडे नाडे पाफोसलं याराव, होकाम नोराई नलं टोबो झुठा यहुडी अगमबक्ता बारयेसु हैयाडोज़्याव टोबो जाडुडोने मीसं याडैसिव। 7नो जाडु डोने मी साइप्रस मनजवाला घ्योव हाकिम सर्गियस पौलससं लेव। सर्गियस पौलस बनै उबुड्डि लेव मी लेव। होये साउल सोनो बारनाबासनिलाई खुल्डे परमेस्वरलो ओपाङ ठैने युङ ओडोव। 8हैनि पनि एलुमास (कडालेकं ग्रीक पाङङाम नो उमिनलो ओमाने आवज़) जाडु डोने मीये, सर्गियसये पौलसलाई बिस्वासटाम सवोल्ने लागिटं नोनि नेबिरोड डोने ओराव। 9हैनि पनि साउलये, जोलाई पावल पनि हैवार्सिये, होये चोखो आत्माये ब्याल्डे एलुमासटं ओनंजर टिकैडे र:ङडेज़ हैओडोव, 10“नङ सैतानलो ओज़ा, स्यान्टै चाव रो:लो उसुतर, नङ ढुटैने सोनो स्यान्टै माचाव ये:न डोनेयाज़ नयुङलं लेव! प्रभुलो सिडा ओयेमलाई बाङग्याव झैने नबानि नमरा:रो? 11आबो र:ङ, प्रभुये नङलाई उकुइये डन्ड याडेनैसोनो, हैजैडे नङ अन्डलाडे जामा डिन समं निमीलो उज्यालो नमर:ङडु।”
हैओडोव मान्त्राज़ कु:इरं सोनो अन्ड्यारोये ओकोपो, होकाम टोबोयारं ङाकुइटाम चेङडे लाङसङरंसै वार्डे आडे न होडे ओबारिव। 12होकाम आव र:ङडे घ्योव हाकिमये बिस्वास ओडोव, कडालेकं प्रभुलो ओसिछ्या ठैडे नो बनै अचम्ब टाडे उलिज़्याव।
पिसिडियाला एन्टिओखियालं
13पावल सोनो ओनैर पाफोसलाम डोङ्गाटं चुङडे पामफिलियाला पर्गालं याकेव, होकाम युहन्ना नोरासं भासिडे वोल्डे यरुसलेमडे ओनाव। 14हैनि पनि नोरं पर्गालाम पुलुडे पिसिडियाला एन्टिओखियालं याराव, होकाम ना:सिने डिन छ्याम प्रार्ठना डोने ज़ी:मलं नाडे यालेव। 15न्याम सोनो अगमबक्ताराई यापोस्टोकोटा सर्सिव परि:डे कचरि ज़ी:मला से:रराई ऐ वार्डे पोजोयो यापरि:ङोरं, “ए भाइरं, जेसं मीरंलाई जोस याने बचनरं यालेखे भने गेलाई हैडासिच्यो।”
16होकाम पावलये च्याङसिडे उकुइये साहान डोडे हैओवारो, “ए इस्राएलला मीरं सोनो परमेस्वरलो ओछ्या डोनेरं, ठैच्यो, 17इस्राएलिराई यापरमेस्वरये गेबाबु गेपुर्खारंलाई मिस्र डेसलं यालेक रुजिडे घ्योव ओझोयोर, होकाम ओसक्ति लेव उकुइये नोरंलाई हो डेसलाम हाइडे ओरोयोरं। 18कडिज़ मालेव बनल परमेस्वरये होरंलाई चालिस बर्स समं यासंयार ओडोव। 19होकाम परमेस्वरये कनान डेसलं सात गोटा जातिरंलाई नास झैडे नोराई याडेस चार सै पचास बर्स समं इस्राएलिराई याकुइटं ओयोवरं।
20हो बेलाकाम समुएल अगमबक्तालो ओपाला समं परमेस्वरये होरंलाई निया डोने मीरं ओयोवरं।” 21“होकाम झिन्डे नोराई राजा यानि:कं, परमेस्वरये बेन्यामीनलो कुलला किसलो ओज़ा साउललाई चालिस बर्स समं नोराई याराजा ओझोयो। 22परमेस्वरये साउललाई हाइडे डाउडलाई नोराई याराजा ओरुजिव। होलो ओबारेलं परमेस्वरये ऐ वार्डे गोहाई ओयोव, ‘ङा यिसैलो ओज़ा डाउडलाई ङायुङये ओचेटोयो अनंसारला मी ङाडोयो, नोयेज़ स्यान्टै ङायुङला रो: पुरा झैड्यानेले’।”
23“आव मीलो राने ओसन्तानलामज़, परमेस्वरये ओडोव बाचा अनंसार, परमेस्वरये इस्राएललो ओलागिटं टोबो छुट्कारा याने, येसुलाई ओरोयो। 24युहन्नाये येसु ओराने भन्डा ङा:डे इस्राएलला स्यान्टै मीरंलाई पापलाम युङ सवोल्ने बप्तिस्मालो ओलागिटं प्रचार ओडोव। 25युहन्नाये ओये:न डोडे ओखेम्ने बेलाकं हैओवारो, ‘जे कै जेवार, ङा काङका? ङा हो माङ्कची। हैनि पनि ङा भन्डा छिन्डे टोबो रानेले, ङा के होलो ओखङटा ओपनैलो उसुत्रा पलाने हाढंङका पनि ङाम्ले’।”
26“ए, अब्राहामलो ओबङसंला सन्तान, सोनो जे मड्डेलाम परमेस्वरलो ओछ्या डोने भाइरं, गेलागिटं छुट्कारा याने सोर परिङसिव लिज़्या। 27कडालेकं यरुसलेमला मीरं सोनो होराई यामुख्याराई येसुलाई मास:रेडे सोनो यहुडीरं याना:सिने डिन छ्याम अगमबक्ताराई यापरि:ज़्याव बचनरं माबुझिडे येसुलाई डोसैडे हो बचन पुरा याझोयो। 28सो:योज़ परिने कडि ओकारनज़ माडैडे पनि नोराई येसुलाई सो:योज़ परिये वार्डे पिलातससं बिन्ती याडोरं, 29होकाम नोराई येसुलो ओबारेलं सर्सिव स्यान्टै रो: पुरा झैडे येसुलाई क्रुसटाम झारैडे खाडरलं यानोयो। 30हैनि पनि परमेस्वरये होलाई सिवलाम ज्युङडा ओझोयो। 31ओल्स गालीललाम यरुसलेमलं राव मीराई होलाई बनै भ्या डिन समं यारो:ङो, होकाम आर्क होरंज़ मीराई याङा:कं येसुलो ओसाची लिज़्यारं।”
32“परमेस्वरये गेबाबु गेपुर्खारासं ओडोव हो बाचालो चाव ओसोर जेलाई हैगेडाच्योज़्या। 33परमेस्वरये येसुलाई जोझैडे ज्युङडा झैडे सोचैडे नो रो: गे सोनो नोराई यासन्तानराई यालागिटं पुरा ओझैड्यासिव, डोस्रा भजनलं पनि हैटावज़ सर्सिवले,
‘नङ ङाज़ा ची,
आछिम ङा नङलाई जर्मैडे ङानैसंन।’#भजनरं २:७
34परमेस्वरये ख्रीस्टलाई खर्कज़ मासिने झैडे सिवरंलाम ज्युङडा ओझोयो हो रो:लो ओबारेलं ऐ वार्डेले,
‘ङा जेलाई डाउडलाई ङायोव चोखो
सोनो सत्य आसिक ङायाच्यो।’#यसैया ५५:३
35कडालेकं फरि टोबोक पनि एटावज़ हैवार्सिवले,
‘नङ चोखो नमिलो ओक्याङलाई चिव नमयो’।”#भजनरं १६:१०
36“कडालेकं डाउडये ओल ओपुस्तालं परमेस्वरलो उयुङ अनंसारला सेवा डोडे खेम्डे उसिव, होकाम उपुर्खारासं ओगाडिसिव, होकाम ओक्याङ चिडे ओनाव। 37हैनि पनि जोलाई परमेस्वरये सिवलाम ज्युङडा ओझोयो होलो ओक्याङ माचिये।” 38“हैजैडे ए भाइरं, जेलाई ठा ओटाकं, येसुङामज़ पाप छेमा टाये वार्डे जेलाई चाव सोर सठैसिव ले कडा लेकं मोसालो ओन्यामये छुट्कारा मायोडुवये 39जे बिस्वास डोनेरं स्यान्टैये येसुलेवङामज़ स्यान्टै रो:टाम छुट्कारा डैडेजेनै, जो छुट्कारा मोसालो ओन्यामङाम खर्कज़ डैने जेम्लेव। 40हैजैडे होस्यार लेच्यो, मानि अगमबक्ताराई यापोस्टोकोटं सर्सिव आव रो: जेङै:टं रानेले।
41‘ए डोसैनेरं, अचम्ब टाच्यो,
होकाम मल्डे खेम्च्यो,
कडालेकं जे जेबेलाकं ङा टोबो ये:न ङाडो,
एटाव ये:न जोलो ओबारेलं कोइराई जेलाई हैयाडाच्योनि पनि
जे खर्कज़ बिस्वास डोने जेम्ले’।”
42पावल सोनो बारनाबासनि कचरि ज़ी:मलाम नेनारिज़्याकं होला मीराई होनिलाई राज़्याव टोबो यहुडीरं याना:सिने डिन छ्याम पनि आवरो:ज़ सठैचिन वार्डे बिन्ती याडोव। 43प्रार्ठना डाडे खेम्डे यहुडीरं सोनो यहुडी न्याम मानिने उरुका भ्या मीरं जोरं सत्य परमेस्वरलो ओमहिमा याडोज़्याव नोरं पावल सोनो बारनाबासनि निझिन्ट याराव। होकाम होनि नोरासं पाङडे परमेस्वरलो ओआसिकलंज़ लेच्यो वार्डे हैनेडोवरं।
44राज़्याव यहुडीरं याना:सिने डिन छ्याम ठोकै सहरला स्यान्टै मीरंज़ परमेस्वरलो ओपाङ ठैने याराव। 45भ्या मीरंलाई र:ङडे, यहुडीरं खिस याडोव, होकाम पावलये ओपाङो रो:लाई बनै छलफल डोडे नोलो उबिरोड याडोव। 46हैनि पनि पावल सोनो बारनाबासनि बनै हिक्मतसं हैनेवारो, “परमेस्वरलो ओपाङ स्यान्टैराई भन्डा ङा:डे जेलाईज़ सठैने लेव। हैनि पनि जे आवरो:लाई मामानिडे जे खर्कज़ माखेम्ने जीबनलं मानाने बिचार जेडोव पाना गे आबो आवरो: यहुडीरंकाम उरुका मीरंलाई हैगेडोनारं।
47कडालेकं प्रभुये गेलाई एटाव आग्या याडेनैसिव,
‘ङा नङलाई छुट्कारा लाङडे प्रिठीबीलो ओछ्यो समं नाडे
यहुडीरंकाम उरुका मीराई यालागिटं
उज्यालो टानेलो लागिटं रुजिडे ङानैसंन’।”#यसैया ४२:६
48यहुडी काम यहुडीरंकाम उरुका मीराई आवरो:ठैडे, होरं बनै यारेङो, होकाम परमेस्वरलो ओबचनलो ओप्रसन्सा याडोव, खर्कज़ माखेम्ने जीबनलो ओलागिटं रुजिसिवराई स्यान्टैये बिस्वास याडोव।
49प्रभुलो ओबचन स्यान्टै पोयालं उफैलिव। 50हैनि पनि यहुडीराई पावल सोनो बारनाबासनि निबिरोडलं परमेस्वरलो ओमहिमा डोने सोनो यामान लेव मेमारंलाई सोनो सहरला मुख्या मुख्या मीरंलाई भर्कैडे, होनिलाई यापोलाम याखेपोयोरं। 51हैनि पनि नोनि होराई याबिरोडलं नेखङटा ढुइरं ठरैडे, आइकोनियनलं नेराव। 52प्रभुलो उसिसर आनन्ड सोनो चोखो आत्माये याब्यालो।
Currently Selected:
प्रेरित 13: NTWMK25
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
प्रेरित 13
13
बरनाबास सोनो साउलनिलाई रुजिडे यापरि:ङोर
1एन्टिओखियाला मन्डलीलं अगमबक्तारं सोनो सास्त्र पैनेरं लेवरं, नोरं बारनाबास, काला याडोज़्याव सिमोन, कुरेनीला लुकियास, राजा हेरोडसं वु:र्किव मनेन सोनो साउल लेवरं। 2नोराई उपासिडे प्रभुलो ओसेवा याडोज़्याकं चोखो आत्माये हैओडोवरं, “ङालागिटं बारनाबास सोनो साउलनिलाई नो ये:न डोने रुजिच्योरं, जो ये:नलो ओलागिटं ङा नोनिलाई खुल्डेङानैनि।” 3होकाम उपासिडे नोनि नेङै:ट याकुइ नैडे प्रार्ठना डोडे यापरि:ङोर।
साइप्रसलं
4होकाम चोखो आत्माङाम परि:ङसिव टाडे नोनि सिलुकियालं नाडे होलाम डोङ्गा चुङडे साइप्रस याडोज़्याव मनजवा#13:4 समन्डरलो ओमान्जलं लेव सोपो जमिनडे नेनाव। 5सलामिसलं केडे यहुडीराई याडुप्सिने ज़ी:मयाल परमेस्वरलो चाव ओसोर नेसठोयोरं। नोनि नेसेवा डानेलो लागिटं मर्कुस याडोज़्याव युहन्ना पनि नोरासं लेव।
6नोरं मनजवालं स्यान्टैडे नाडे पाफोसलं याराव, होकाम नोराई नलं टोबो झुठा यहुडी अगमबक्ता बारयेसु हैयाडोज़्याव टोबो जाडुडोने मीसं याडैसिव। 7नो जाडु डोने मी साइप्रस मनजवाला घ्योव हाकिम सर्गियस पौलससं लेव। सर्गियस पौलस बनै उबुड्डि लेव मी लेव। होये साउल सोनो बारनाबासनिलाई खुल्डे परमेस्वरलो ओपाङ ठैने युङ ओडोव। 8हैनि पनि एलुमास (कडालेकं ग्रीक पाङङाम नो उमिनलो ओमाने आवज़) जाडु डोने मीये, सर्गियसये पौलसलाई बिस्वासटाम सवोल्ने लागिटं नोनि नेबिरोड डोने ओराव। 9हैनि पनि साउलये, जोलाई पावल पनि हैवार्सिये, होये चोखो आत्माये ब्याल्डे एलुमासटं ओनंजर टिकैडे र:ङडेज़ हैओडोव, 10“नङ सैतानलो ओज़ा, स्यान्टै चाव रो:लो उसुतर, नङ ढुटैने सोनो स्यान्टै माचाव ये:न डोनेयाज़ नयुङलं लेव! प्रभुलो सिडा ओयेमलाई बाङग्याव झैने नबानि नमरा:रो? 11आबो र:ङ, प्रभुये नङलाई उकुइये डन्ड याडेनैसोनो, हैजैडे नङ अन्डलाडे जामा डिन समं निमीलो उज्यालो नमर:ङडु।”
हैओडोव मान्त्राज़ कु:इरं सोनो अन्ड्यारोये ओकोपो, होकाम टोबोयारं ङाकुइटाम चेङडे लाङसङरंसै वार्डे आडे न होडे ओबारिव। 12होकाम आव र:ङडे घ्योव हाकिमये बिस्वास ओडोव, कडालेकं प्रभुलो ओसिछ्या ठैडे नो बनै अचम्ब टाडे उलिज़्याव।
पिसिडियाला एन्टिओखियालं
13पावल सोनो ओनैर पाफोसलाम डोङ्गाटं चुङडे पामफिलियाला पर्गालं याकेव, होकाम युहन्ना नोरासं भासिडे वोल्डे यरुसलेमडे ओनाव। 14हैनि पनि नोरं पर्गालाम पुलुडे पिसिडियाला एन्टिओखियालं याराव, होकाम ना:सिने डिन छ्याम प्रार्ठना डोने ज़ी:मलं नाडे यालेव। 15न्याम सोनो अगमबक्ताराई यापोस्टोकोटा सर्सिव परि:डे कचरि ज़ी:मला से:रराई ऐ वार्डे पोजोयो यापरि:ङोरं, “ए भाइरं, जेसं मीरंलाई जोस याने बचनरं यालेखे भने गेलाई हैडासिच्यो।”
16होकाम पावलये च्याङसिडे उकुइये साहान डोडे हैओवारो, “ए इस्राएलला मीरं सोनो परमेस्वरलो ओछ्या डोनेरं, ठैच्यो, 17इस्राएलिराई यापरमेस्वरये गेबाबु गेपुर्खारंलाई मिस्र डेसलं यालेक रुजिडे घ्योव ओझोयोर, होकाम ओसक्ति लेव उकुइये नोरंलाई हो डेसलाम हाइडे ओरोयोरं। 18कडिज़ मालेव बनल परमेस्वरये होरंलाई चालिस बर्स समं यासंयार ओडोव। 19होकाम परमेस्वरये कनान डेसलं सात गोटा जातिरंलाई नास झैडे नोराई याडेस चार सै पचास बर्स समं इस्राएलिराई याकुइटं ओयोवरं।
20हो बेलाकाम समुएल अगमबक्तालो ओपाला समं परमेस्वरये होरंलाई निया डोने मीरं ओयोवरं।” 21“होकाम झिन्डे नोराई राजा यानि:कं, परमेस्वरये बेन्यामीनलो कुलला किसलो ओज़ा साउललाई चालिस बर्स समं नोराई याराजा ओझोयो। 22परमेस्वरये साउललाई हाइडे डाउडलाई नोराई याराजा ओरुजिव। होलो ओबारेलं परमेस्वरये ऐ वार्डे गोहाई ओयोव, ‘ङा यिसैलो ओज़ा डाउडलाई ङायुङये ओचेटोयो अनंसारला मी ङाडोयो, नोयेज़ स्यान्टै ङायुङला रो: पुरा झैड्यानेले’।”
23“आव मीलो राने ओसन्तानलामज़, परमेस्वरये ओडोव बाचा अनंसार, परमेस्वरये इस्राएललो ओलागिटं टोबो छुट्कारा याने, येसुलाई ओरोयो। 24युहन्नाये येसु ओराने भन्डा ङा:डे इस्राएलला स्यान्टै मीरंलाई पापलाम युङ सवोल्ने बप्तिस्मालो ओलागिटं प्रचार ओडोव। 25युहन्नाये ओये:न डोडे ओखेम्ने बेलाकं हैओवारो, ‘जे कै जेवार, ङा काङका? ङा हो माङ्कची। हैनि पनि ङा भन्डा छिन्डे टोबो रानेले, ङा के होलो ओखङटा ओपनैलो उसुत्रा पलाने हाढंङका पनि ङाम्ले’।”
26“ए, अब्राहामलो ओबङसंला सन्तान, सोनो जे मड्डेलाम परमेस्वरलो ओछ्या डोने भाइरं, गेलागिटं छुट्कारा याने सोर परिङसिव लिज़्या। 27कडालेकं यरुसलेमला मीरं सोनो होराई यामुख्याराई येसुलाई मास:रेडे सोनो यहुडीरं याना:सिने डिन छ्याम अगमबक्ताराई यापरि:ज़्याव बचनरं माबुझिडे येसुलाई डोसैडे हो बचन पुरा याझोयो। 28सो:योज़ परिने कडि ओकारनज़ माडैडे पनि नोराई येसुलाई सो:योज़ परिये वार्डे पिलातससं बिन्ती याडोरं, 29होकाम नोराई येसुलो ओबारेलं सर्सिव स्यान्टै रो: पुरा झैडे येसुलाई क्रुसटाम झारैडे खाडरलं यानोयो। 30हैनि पनि परमेस्वरये होलाई सिवलाम ज्युङडा ओझोयो। 31ओल्स गालीललाम यरुसलेमलं राव मीराई होलाई बनै भ्या डिन समं यारो:ङो, होकाम आर्क होरंज़ मीराई याङा:कं येसुलो ओसाची लिज़्यारं।”
32“परमेस्वरये गेबाबु गेपुर्खारासं ओडोव हो बाचालो चाव ओसोर जेलाई हैगेडाच्योज़्या। 33परमेस्वरये येसुलाई जोझैडे ज्युङडा झैडे सोचैडे नो रो: गे सोनो नोराई यासन्तानराई यालागिटं पुरा ओझैड्यासिव, डोस्रा भजनलं पनि हैटावज़ सर्सिवले,
‘नङ ङाज़ा ची,
आछिम ङा नङलाई जर्मैडे ङानैसंन।’#भजनरं २:७
34परमेस्वरये ख्रीस्टलाई खर्कज़ मासिने झैडे सिवरंलाम ज्युङडा ओझोयो हो रो:लो ओबारेलं ऐ वार्डेले,
‘ङा जेलाई डाउडलाई ङायोव चोखो
सोनो सत्य आसिक ङायाच्यो।’#यसैया ५५:३
35कडालेकं फरि टोबोक पनि एटावज़ हैवार्सिवले,
‘नङ चोखो नमिलो ओक्याङलाई चिव नमयो’।”#भजनरं १६:१०
36“कडालेकं डाउडये ओल ओपुस्तालं परमेस्वरलो उयुङ अनंसारला सेवा डोडे खेम्डे उसिव, होकाम उपुर्खारासं ओगाडिसिव, होकाम ओक्याङ चिडे ओनाव। 37हैनि पनि जोलाई परमेस्वरये सिवलाम ज्युङडा ओझोयो होलो ओक्याङ माचिये।” 38“हैजैडे ए भाइरं, जेलाई ठा ओटाकं, येसुङामज़ पाप छेमा टाये वार्डे जेलाई चाव सोर सठैसिव ले कडा लेकं मोसालो ओन्यामये छुट्कारा मायोडुवये 39जे बिस्वास डोनेरं स्यान्टैये येसुलेवङामज़ स्यान्टै रो:टाम छुट्कारा डैडेजेनै, जो छुट्कारा मोसालो ओन्यामङाम खर्कज़ डैने जेम्लेव। 40हैजैडे होस्यार लेच्यो, मानि अगमबक्ताराई यापोस्टोकोटं सर्सिव आव रो: जेङै:टं रानेले।
41‘ए डोसैनेरं, अचम्ब टाच्यो,
होकाम मल्डे खेम्च्यो,
कडालेकं जे जेबेलाकं ङा टोबो ये:न ङाडो,
एटाव ये:न जोलो ओबारेलं कोइराई जेलाई हैयाडाच्योनि पनि
जे खर्कज़ बिस्वास डोने जेम्ले’।”
42पावल सोनो बारनाबासनि कचरि ज़ी:मलाम नेनारिज़्याकं होला मीराई होनिलाई राज़्याव टोबो यहुडीरं याना:सिने डिन छ्याम पनि आवरो:ज़ सठैचिन वार्डे बिन्ती याडोव। 43प्रार्ठना डाडे खेम्डे यहुडीरं सोनो यहुडी न्याम मानिने उरुका भ्या मीरं जोरं सत्य परमेस्वरलो ओमहिमा याडोज़्याव नोरं पावल सोनो बारनाबासनि निझिन्ट याराव। होकाम होनि नोरासं पाङडे परमेस्वरलो ओआसिकलंज़ लेच्यो वार्डे हैनेडोवरं।
44राज़्याव यहुडीरं याना:सिने डिन छ्याम ठोकै सहरला स्यान्टै मीरंज़ परमेस्वरलो ओपाङ ठैने याराव। 45भ्या मीरंलाई र:ङडे, यहुडीरं खिस याडोव, होकाम पावलये ओपाङो रो:लाई बनै छलफल डोडे नोलो उबिरोड याडोव। 46हैनि पनि पावल सोनो बारनाबासनि बनै हिक्मतसं हैनेवारो, “परमेस्वरलो ओपाङ स्यान्टैराई भन्डा ङा:डे जेलाईज़ सठैने लेव। हैनि पनि जे आवरो:लाई मामानिडे जे खर्कज़ माखेम्ने जीबनलं मानाने बिचार जेडोव पाना गे आबो आवरो: यहुडीरंकाम उरुका मीरंलाई हैगेडोनारं।
47कडालेकं प्रभुये गेलाई एटाव आग्या याडेनैसिव,
‘ङा नङलाई छुट्कारा लाङडे प्रिठीबीलो ओछ्यो समं नाडे
यहुडीरंकाम उरुका मीराई यालागिटं
उज्यालो टानेलो लागिटं रुजिडे ङानैसंन’।”#यसैया ४२:६
48यहुडी काम यहुडीरंकाम उरुका मीराई आवरो:ठैडे, होरं बनै यारेङो, होकाम परमेस्वरलो ओबचनलो ओप्रसन्सा याडोव, खर्कज़ माखेम्ने जीबनलो ओलागिटं रुजिसिवराई स्यान्टैये बिस्वास याडोव।
49प्रभुलो ओबचन स्यान्टै पोयालं उफैलिव। 50हैनि पनि यहुडीराई पावल सोनो बारनाबासनि निबिरोडलं परमेस्वरलो ओमहिमा डोने सोनो यामान लेव मेमारंलाई सोनो सहरला मुख्या मुख्या मीरंलाई भर्कैडे, होनिलाई यापोलाम याखेपोयोरं। 51हैनि पनि नोनि होराई याबिरोडलं नेखङटा ढुइरं ठरैडे, आइकोनियनलं नेराव। 52प्रभुलो उसिसर आनन्ड सोनो चोखो आत्माये याब्यालो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025