प्रेरित 1
1
1ए ठियोफिलस, येसुये जो-जो ये:नरं डोने सोनो जो-जो रो:रं पैने सुरु ओडोव हो स्यान्टै रो:लो ओबारेलं ङा:डेङा ङाकितापटं सर्डेङानै। 2येसुये ओल ओरुजिव प्रेरितरंलाई चोखो आत्माङाम आग्या याडे ओल स्वर्गडे छेन्सिडे ओलाङसिव डिन समंका स्यान्टै रो: नो कितापटं सर्सिवले। 3येसु ओल उसिव छिन्डे बनै भ्या पक्का प्रमानरं याडे उसिसराई याङा:कं ज्युङडा ओसर:नसिव। चालिस डिन समं येसु नोराई यालेवकं भ्या पाला ओसर:नसिव, होकाम परमेस्वरलो ओराज्यलो ओबारेला रो: नोरंलाई हैओडोवरं। 4नोरासं ज़्याव ज़्याने चुङडे उलिज़्याकं येसुये नोरंलाई एटाव आग्या ओयोवरं, “जे यरुसलेमकाम कान्डेज़ टानाच्यो, बुरु बाबुये ओडोव कबललाई केन्च्यो। ङा हैङावारो आव रो: जे जेठोयोज़ले।#लुका १:१-४ 5कडालेकं युहन्नाये के रि:ये बप्तिस्मा ओयोव, हैनि पनि आकाम जामा डिनका जे चोखो आत्मालं बप्तिस्मा टानेजेले।”#मत्ती ३:११
येसु स्वर्गडे ओछेन्सिव
6हैजैडे प्रेरितरं याडुप्सिव बेलाकं नोराई येसुलाई यापजोयो, “ए प्रभु, होकाम नङ इस्राएल राज्यालाई फरि टखेप नझैडोरो?”
7येसुये नोरंलाई हैओडोवरं, “बाबुये ओअढिकारये उटुकिव बेला सोनो समयलो ओबारेलं सन्ने जे जेये:न माङ्क ची। 8बुरु जे चोखो आत्मा जेडोयो छिन्डे सक्ति डैनेजेले, होकाम जे यरुसलेमलं, स्यान्टै यहुडियालं, सामरियालं सोनो प्रिठीबीलो ओछ्यो समं ङासाची टानेजेले।”
9येसुये आवरो: हैओवारो पान्त्रा, नोराई याङा:काम येसु नमडे ओछेनसिव, होकाम नोराई यार:ङज़्याकं-यार:ज़्याकंज़ बाडलये नोराई यामिलो ओङा:काम ओकपो।#भजनरं ४७:५; भजनरं ४७:९ 10नोराई येसु नमडे ओनाज़्याव र:ङडेज़ यानैज़्याव, होकाम पलाङो क्वा क्वाइसिव नेबऱ्याङ मीनि अम्ल्याङसानि नोराई याछ्योकं नेच्याङसिरिव। 11होकाम होनि हैनेवारो, “गालीलला मीरं, जे च्याङसिडे नमडे कडि जेर:ङज़्याव? आव येसु, जो जेलेवकाम परमेस्वरये नमडे ओलाङो, आर्क जोझैडे येसुलाई स्वर्गडे ओनाज़्याव जेर:ङज़्या हैजैडेज़ फरि पनि रानेले।”
यहुडालो ओपोलं मतियास ओरुजिसिव
12होकाम नोरं जैतुन याडोज़्याव डान्डाटाम वोल्डे यरुसलेमलं याराव। यरुसलेमलाम आव डान्डा टकिलो मिटरया#1:12 सबाठ डिन छ्याम आडा किलोमिटरकाम टकिलोमिटर समंयाज़ यहुडीर बारंये हाढङङं ले। 13नोरं सहरलं नाडे ज़ी:मलो ओतर्टा टालटं या यालिज़्याव कोठालं यानाव। नोरं पत्रुस, युहन्ना, याकुब, अन्ड्रियास, फिलिप, ठोमा, बारठोलोमाइ, मत्ती, अल्फयसलो ओज़ा याकुब, डेसभक्ति सिमोन सोनो याकुबलो ओज़ा यहुडा लेवर। 14प्रेरितर, येसुलो ओभाइरं, वामा मरियम सोनो भ्या मेमारं टोबोकं डुप्सिडे नोरं स्यान्टै टोबो युङ्का टाडे एकसप्ड्या प्रार्ठना डोरंये।
15होबेलाकं टछा ठोकै, टसै बीस जनाया बिस्वासी डाज्यु भाइराई याखार्लाम पत्रुसये च्याङसिडे हैओवारो, 16“डाज्युरं सोनो भाइरं, चोखो सास्त्रटा बचन पुरा टानेलेव, जो बचन येसुलाई क्यो:नेराई याअगवा यहुडालो ओबारेलं चोखो आत्माये डाउडलो ओया:लाम ङाडेज़ ओपाङो ची। 17कडालेकं नो गेसज़ गनिसिव लेव। होकाम गेसज़ सेवा डोने भाग डैडे ओनैज़्याव।”
18नो मीये बनै माचाव ये:न डोडे ओकमोयो पैसाये टोबो ये:ङ ओलो:ङो, होकाम ओङै:नि ओटे:व, होकाम उफु पाडे स्यान्टै ओटा उभुन्डि उपुलुव। 19आव रो: यरुसलेमला स्यान्टै मीराई ठा यासोनो। नो जगालो उमिन नोराई यापाङनि आखेल्डामा यानोयो, नोलो ओमाने झीलो ये:ङ टाये।
20पत्रुसये हैओवारो, “कडालेकं भजनलो उकितापटं एटाव सर्सिवले#भजनरं ६९:२५; १०९:८,
नो उलिज़्याव पोलं बन जङ्गल कडिज़ टाटाकं,
होकाम नलं बास डोनेरं काङ्का पनि टाटारंकं,
होकाम नोये ओडोज़्याव ये:नलो जिम्मा छुटंये ओरोयोकं।
21हैजैडे गेसं लिज़्यावरंकाम टोबो एटाव मीलाई रुजिने ची, जो मी प्रभु येसु गेसं ओलेव समं एक्सप्ड्या गेसंज़ ओटाकं, 22हो सोनो एटाव मी, जो युहन्नाये बप्तिस्मा ओयोज़्यावकाम रैडे येसु गेङा:काम स्वर्गडे ओनाव डिन समं गेसं लेव ओटाकं। नो मी गेस बोलोङ लेव सोनो येसु फरि ज्युङडा ओटाव रो:लो ओसाची टाव परिये।”
23हैजैडे नोराई नेबऱ्याङनि निमिन हैयावारो, बारसाबास वार्ने योसेफ, नोलाई युस्तस पनि हैडोरंये, होसोनो मतियास। 24नोराई ऐ वार्डे प्रार्ठना याडोव, “स्यान्टै मीराई यायुङला रो: सन्ने प्रभु, आव नो नेबऱ्याङनिलाम जोलाई नरुजि हो मी गेलाई सटन्ड्यासि, 25होकाम नोये राडे आव सेवा सोनो प्रेरित ये:न गोडोवकं, जो सेवा डोने ये:न रा:डे यहुडा ओल ओजगालं नाडे उसिव।” 26हैजैडे नोराई नो नेबऱ्याङनि नेखार्ल गोला याझाव, होकाम मतियासलो उमिन उपुलुव, होकाम नो एघारजना प्रेरितरासं ओगनिसिव।
Currently Selected:
प्रेरित 1: NTWMK25
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
प्रेरित 1
1
1ए ठियोफिलस, येसुये जो-जो ये:नरं डोने सोनो जो-जो रो:रं पैने सुरु ओडोव हो स्यान्टै रो:लो ओबारेलं ङा:डेङा ङाकितापटं सर्डेङानै। 2येसुये ओल ओरुजिव प्रेरितरंलाई चोखो आत्माङाम आग्या याडे ओल स्वर्गडे छेन्सिडे ओलाङसिव डिन समंका स्यान्टै रो: नो कितापटं सर्सिवले। 3येसु ओल उसिव छिन्डे बनै भ्या पक्का प्रमानरं याडे उसिसराई याङा:कं ज्युङडा ओसर:नसिव। चालिस डिन समं येसु नोराई यालेवकं भ्या पाला ओसर:नसिव, होकाम परमेस्वरलो ओराज्यलो ओबारेला रो: नोरंलाई हैओडोवरं। 4नोरासं ज़्याव ज़्याने चुङडे उलिज़्याकं येसुये नोरंलाई एटाव आग्या ओयोवरं, “जे यरुसलेमकाम कान्डेज़ टानाच्यो, बुरु बाबुये ओडोव कबललाई केन्च्यो। ङा हैङावारो आव रो: जे जेठोयोज़ले।#लुका १:१-४ 5कडालेकं युहन्नाये के रि:ये बप्तिस्मा ओयोव, हैनि पनि आकाम जामा डिनका जे चोखो आत्मालं बप्तिस्मा टानेजेले।”#मत्ती ३:११
येसु स्वर्गडे ओछेन्सिव
6हैजैडे प्रेरितरं याडुप्सिव बेलाकं नोराई येसुलाई यापजोयो, “ए प्रभु, होकाम नङ इस्राएल राज्यालाई फरि टखेप नझैडोरो?”
7येसुये नोरंलाई हैओडोवरं, “बाबुये ओअढिकारये उटुकिव बेला सोनो समयलो ओबारेलं सन्ने जे जेये:न माङ्क ची। 8बुरु जे चोखो आत्मा जेडोयो छिन्डे सक्ति डैनेजेले, होकाम जे यरुसलेमलं, स्यान्टै यहुडियालं, सामरियालं सोनो प्रिठीबीलो ओछ्यो समं ङासाची टानेजेले।”
9येसुये आवरो: हैओवारो पान्त्रा, नोराई याङा:काम येसु नमडे ओछेनसिव, होकाम नोराई यार:ङज़्याकं-यार:ज़्याकंज़ बाडलये नोराई यामिलो ओङा:काम ओकपो।#भजनरं ४७:५; भजनरं ४७:९ 10नोराई येसु नमडे ओनाज़्याव र:ङडेज़ यानैज़्याव, होकाम पलाङो क्वा क्वाइसिव नेबऱ्याङ मीनि अम्ल्याङसानि नोराई याछ्योकं नेच्याङसिरिव। 11होकाम होनि हैनेवारो, “गालीलला मीरं, जे च्याङसिडे नमडे कडि जेर:ङज़्याव? आव येसु, जो जेलेवकाम परमेस्वरये नमडे ओलाङो, आर्क जोझैडे येसुलाई स्वर्गडे ओनाज़्याव जेर:ङज़्या हैजैडेज़ फरि पनि रानेले।”
यहुडालो ओपोलं मतियास ओरुजिसिव
12होकाम नोरं जैतुन याडोज़्याव डान्डाटाम वोल्डे यरुसलेमलं याराव। यरुसलेमलाम आव डान्डा टकिलो मिटरया#1:12 सबाठ डिन छ्याम आडा किलोमिटरकाम टकिलोमिटर समंयाज़ यहुडीर बारंये हाढङङं ले। 13नोरं सहरलं नाडे ज़ी:मलो ओतर्टा टालटं या यालिज़्याव कोठालं यानाव। नोरं पत्रुस, युहन्ना, याकुब, अन्ड्रियास, फिलिप, ठोमा, बारठोलोमाइ, मत्ती, अल्फयसलो ओज़ा याकुब, डेसभक्ति सिमोन सोनो याकुबलो ओज़ा यहुडा लेवर। 14प्रेरितर, येसुलो ओभाइरं, वामा मरियम सोनो भ्या मेमारं टोबोकं डुप्सिडे नोरं स्यान्टै टोबो युङ्का टाडे एकसप्ड्या प्रार्ठना डोरंये।
15होबेलाकं टछा ठोकै, टसै बीस जनाया बिस्वासी डाज्यु भाइराई याखार्लाम पत्रुसये च्याङसिडे हैओवारो, 16“डाज्युरं सोनो भाइरं, चोखो सास्त्रटा बचन पुरा टानेलेव, जो बचन येसुलाई क्यो:नेराई याअगवा यहुडालो ओबारेलं चोखो आत्माये डाउडलो ओया:लाम ङाडेज़ ओपाङो ची। 17कडालेकं नो गेसज़ गनिसिव लेव। होकाम गेसज़ सेवा डोने भाग डैडे ओनैज़्याव।”
18नो मीये बनै माचाव ये:न डोडे ओकमोयो पैसाये टोबो ये:ङ ओलो:ङो, होकाम ओङै:नि ओटे:व, होकाम उफु पाडे स्यान्टै ओटा उभुन्डि उपुलुव। 19आव रो: यरुसलेमला स्यान्टै मीराई ठा यासोनो। नो जगालो उमिन नोराई यापाङनि आखेल्डामा यानोयो, नोलो ओमाने झीलो ये:ङ टाये।
20पत्रुसये हैओवारो, “कडालेकं भजनलो उकितापटं एटाव सर्सिवले#भजनरं ६९:२५; १०९:८,
नो उलिज़्याव पोलं बन जङ्गल कडिज़ टाटाकं,
होकाम नलं बास डोनेरं काङ्का पनि टाटारंकं,
होकाम नोये ओडोज़्याव ये:नलो जिम्मा छुटंये ओरोयोकं।
21हैजैडे गेसं लिज़्यावरंकाम टोबो एटाव मीलाई रुजिने ची, जो मी प्रभु येसु गेसं ओलेव समं एक्सप्ड्या गेसंज़ ओटाकं, 22हो सोनो एटाव मी, जो युहन्नाये बप्तिस्मा ओयोज़्यावकाम रैडे येसु गेङा:काम स्वर्गडे ओनाव डिन समं गेसं लेव ओटाकं। नो मी गेस बोलोङ लेव सोनो येसु फरि ज्युङडा ओटाव रो:लो ओसाची टाव परिये।”
23हैजैडे नोराई नेबऱ्याङनि निमिन हैयावारो, बारसाबास वार्ने योसेफ, नोलाई युस्तस पनि हैडोरंये, होसोनो मतियास। 24नोराई ऐ वार्डे प्रार्ठना याडोव, “स्यान्टै मीराई यायुङला रो: सन्ने प्रभु, आव नो नेबऱ्याङनिलाम जोलाई नरुजि हो मी गेलाई सटन्ड्यासि, 25होकाम नोये राडे आव सेवा सोनो प्रेरित ये:न गोडोवकं, जो सेवा डोने ये:न रा:डे यहुडा ओल ओजगालं नाडे उसिव।” 26हैजैडे नोराई नो नेबऱ्याङनि नेखार्ल गोला याझाव, होकाम मतियासलो उमिन उपुलुव, होकाम नो एघारजना प्रेरितरासं ओगनिसिव।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025