Mateo 23
23
Yesu akhovalanga vahemba vakwe viyangalele
Maluko 12:38-39; Luka 11:43,46; 20:45,46
1Apenee Yesu alewelaa eloo idale la vantu palomwi ne vahemba vakwe. 2“Valaangi va njaanga ja Musa ne Mafalisayo vapelagwa olaala wa khodadamola njaanga ja Musa. 3Gechoo mokhopogiwa khovategeela no khovaamba mpola jensi jenaa vakhovaweela, ila mokhalonde manoji gawe, kho nguno mpola jenaa vakhopaala nkha ajenee vakhonoja. 4Valaala ewa vakhonogelelya njaanga ntembu no khovakepolya onywenywe mo mavega genyu, ila evenee vakhosiita khogoloola ninga lojala vapate khovaalya onywenywe. 5Evenee vakhonoja manoji gawe gensi ili khwilageela khwa vantu. Vakholyala kento kenaa chanogelelagwa khwa ntila, ne mokhate yakhwe epwale talatasi yenaa yandekhwaga njaanga ja Musa, kho osho jawe no kho mekhono jawe. Khanke vakholyaala nkanju ja vegundo vetale khokela nkanju ja vaange no khongelelya vegundo kho myenda jawe. 6Nsiko ja wenga vakhotogwa khwikhala kho vegoda vya vantu valaala. Ninga kho nyoomba ja khwitangela Vayahudi vatogilwe khwikhala kho vegoda vya olongolo khwa valaala. 7Khanke vatogilwe modugo vantu vavalamoche khwa khokoliwaa, ne vakhotogwa vantu vavaete ‘Valaangi kho lwande ja magolyo.’ 8Ila onywenywe mokhagombe khwetwa, ‘Molaangi’, kho nguno motite Molaangi yomwii topo, nanyu vensi mole vadogo. 9Khanke, mokhamwete muntu yeyensi ‘Daada epa paliwelelo’, kho nguno motite Daada yomwii topo yunaa apwale khochanya. 10Khanke, mokhagombe khwetwa, ‘Molaala’, kho nguno motite Molaala yomwii topo, nanoyo a Kilisto. 11Muntu yeyensi yunaa akhopogwa awee molaala movamoonga venyu, akhopogiwa awee motomami wenyu. 12Muntu yeyensi yunaa khwitantya pachanya khokela vaange, Matuunda alamotelemola panse. Ila muntu yeyensi yunaa khwitelemola panse, Matuunda alamotantya pachanya.
Yesu akholegeta on'ya wawe
Maluko 12:40; Luka 11:39-42,44,52; 20:47
13“Molakewona onywenywe valaangi va njaanga ja Musa nanyu Mafalisayo, vanaa mole van'ya, kho nguno mokhogilya vantu vaange khwingela kho wami wa khochanya khwa Matuunda khwa malaangi genyu. Onywenywe venee akhamokhwingela omoo, khanke mokhovagilya ne vaange vanaa vakhopooga khwingela. 14Khanke, molekewona onywenywe valaangi va njaanga ja Musa ne Mafalisayo vanaa mokhovasukha vasimbe vento vyawe vyensi, oko mokhwinoja mole vantu vasoga khwa kholoomba maloombi matale khwa vantu. Kho nguno eye Matuunda alavatengemekha vikhamu.
15“Molakewona onywenywe valaangi va njaanga ja Musa ne Mafalisayo. Onywee van'ya, kho nguno mokhopilima kho nse yensi ne kholowokha ikhwa, ili khomopooga muntu yomwii yunaa alalonda njela jenyu. Ila panaa mokhomopata mokhomonoja awee mobe mala jewele khokela onywenywe, no khomonoja apete kho moto gonaa gokhalimaga mala jewele khokela onywenywe.
16“Molakewona onywenywe valaala vatulu, kho nguno mokholiga, ‘Mbe muntu akholapa khwa Nyoomba ya Matuunda, kelapo echoo nkha kento. Ila mbe alalapa khwa zahabu yenaa ipwale khwa Nyoomba ya Matuunda, muntu oyoo akhopogiwa anojee kete venaa alealapa.’ 17Oywenywe vatulu valeele. A kento kee kenaa kekolo, zahabu ao Nyoomba ya Matuunda, yenaa ekhoenoja zahabu igombwee? 18Khanke mokhovaliga vantu kete, ‘Mbe muntu akholapa kho lwande ja khopumelyaa itambekho nkha kento, ila mbe muntu alalapa khwa itambekho lenaa letolilwe pachanya ya meja ya khopumelya matambekho, muntu oyoo akhopogiwa anojee kete venaa alealapaa.’ 19Onywee vatulu, a kento kee kenaa kekolo, eloo itambekho ao pa meja ya khopumelya matambekho, yenaa ekhonoja itambekho eloo egoombwe no Matuunda? 20Gechoo, mbe muntu akholapa kho meja ya khopumelya matambekho, muntu oyoo khowaa alapagaa pa meja ejoo ja khopumelya itambekho ne khwa vento vyensi venaa vepwale pachanya yakwe. 21Khanke, mbe muntu akholapa khwa Nyoomba ya Matuunda, khowaa alapagaa kho eyoo Nyoomba ya Matuunda, no khwa Matuunda yunaa khwikhalaa omoo. 22Nanoyo yunaa akholapa khwa khochanya pa Matuunda, khowaa alapaga khwa kegoda cha kewami cha Matuunda, no khwa Matuunda mwenee yunaa khwikhalaa kho kegoda echoo.
23“Molakewona onywenywe valaangi va njaanga ja Musa ne Mafalisayo, onywee van'ya. Kho nguno mokhopumyaa lwande ya ikomi khwa Matuunda, vento vya mpia nndo, kete ntetele, matiti ganaa gakhotukelela, veloongo no onsambya. Ila mokhosiita mpola nkolo khokela njaanga ja Musa, kete mpola jenaa jekhogombekha khwa Matuunda, losongo no khogoomba, egoo agenee mokhopogiwa moganojele gensi makolo ne mado palomwi. 24Onywee valaala vatulu, mokhopumyaa ngingii mo keng'weela, ila mokhomela mbogo.
25“Molakewona onywenywe valaangi va njaanga ja Musa ne Mafalisayo, vanaa mole van'ya. Mopwale kete vantu vanaa vakhosiinga vekhombe ne ibakuli panji topo, ila mokhate vijolajaa vento venaa mwavipatile khwa njela ja wiwi no wimi. 26Onywenywe Mafalisayo vatulu, singagi taali kekhombe panji, apenee kelaawa chelopaga panji.
27“Molakewona onywenywe valaangi va njaanga ja Musa ne Mafalisayo, vanaa mokhwinoja vasoga. Kho nguno mopwale kete makhabuli ganaa gapakilwe echokaa. Panji gakhowa ganogelaga, ila mokhate gijolaga makupa ga vachi ne ochafu mwinki. 28Gechoo, ninga nanyu mokhwigela khwa vantu khwa panji kete a vasoga, ila mokhate mwijolaga kete vanaa vakhwinoja vasoga no obe.
Yesu akhopalela itengemekho lawe
Luka 11:47-51
29“Molakewona onywenywe valaangi va njaanga ja Musa ne Mafalisayo, vanaa mokhwinoja vasoga. Kho nguno mokhojeenga visoga makhabuli ga valooti va Matuunda no khonogelelya visoga makhabuli ga vantu vasoga. 30Nanyu mokhopaala, ‘Mbe angakhowee khopwale khwi ituungo lenaa vakoko visu angile vapanga, anga khotopo khokhowole khwiyalya nanevo khovawolaga valooti va Matuunda.’ 31Khanke, khwa khopaala gechoo, mokholageela kete nanyu mole valelwa va makoko jenyu vanaa valevawolaga valooti va Matuunda. 32Gechoo, petagi modugamye molemo gonaa makoko jenyu valevagwandya. 33Onywee vanaa mopwale kete njokha ne vana va njokha, molakhowola mbi khobegokha itengemekho la khosombelwa kho moto gonaa gokhalimaga nsiko jensi patokhola odugo? 34Kho nguno eyoo, onene nkhovatoma khwenyu valooti va Matuunda ne vantu va masala ne valaangi. Ila vamoonga vawe, molavawolaga no khovapagekha pachanya pamosalaba, ne vaange molavakowa ne menyepo ja ntila kho nyoomba jenyu ja khwitangela Vayahudi, ne vaange molavapoga ihala khwa ihala ili khovagayanja. 35Gechoo, Matuunda alavatengemekha onywenywe, kho nguno ya khovawolaga vensi vanaa vakhogoombwa nanoyo. Khopuma khowolagwa khwa Abeli yunaa angile atokhola ibe lelensi, ninga khopikela ncha ya Zakalia mwana wa Balakia, yunaa vakoko venyu valevamowolaga pakhate ya Nyoomba ya Matuunda ne meja ya khopumelya matambekho. 36Nkhovaweela khapanga, vantu va olelwa owo, valatengemekhwa no Matuunda kho nguno ya mabe ega gensi.
Yesu avatogilwe vantu va Yelusalemu
Luka 13:34,35
37“Apenee Yesu apalaa, “Onywee vantu va Yelusalemu, Onywee vantu va Yelusalemu, vanaa mokhovawolaga valooti va Matuunda no khovakowa mabwee vantu vanaa Matuunda angile valagelelajwaa khwenyu. Ituungo lensi nkhogema khovakungan'ya onywenywe kete venaa nkoko khotokongan'ya tupiiya twakwe kho mapapa gakwe, ila onywenywe alemokhapoga. 38Avivyoo, no Matuunda alalekha Nyoomba yenyu yenaa mokhomokumbekela ipagala no opeena. 39Gechoo, nkhovaweela, khotopo mombone khanke mpakha ituungo lenaa molapala kete, ‘Afunyelwee yunaa ijilee khwa olaala wa Mwene.’ ”
Currently Selected:
Mateo 23: NTKIBL2025
Highlight
Share
Copy
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.
Mateo 23
23
Yesu akhovalanga vahemba vakwe viyangalele
Maluko 12:38-39; Luka 11:43,46; 20:45,46
1Apenee Yesu alewelaa eloo idale la vantu palomwi ne vahemba vakwe. 2“Valaangi va njaanga ja Musa ne Mafalisayo vapelagwa olaala wa khodadamola njaanga ja Musa. 3Gechoo mokhopogiwa khovategeela no khovaamba mpola jensi jenaa vakhovaweela, ila mokhalonde manoji gawe, kho nguno mpola jenaa vakhopaala nkha ajenee vakhonoja. 4Valaala ewa vakhonogelelya njaanga ntembu no khovakepolya onywenywe mo mavega genyu, ila evenee vakhosiita khogoloola ninga lojala vapate khovaalya onywenywe. 5Evenee vakhonoja manoji gawe gensi ili khwilageela khwa vantu. Vakholyala kento kenaa chanogelelagwa khwa ntila, ne mokhate yakhwe epwale talatasi yenaa yandekhwaga njaanga ja Musa, kho osho jawe no kho mekhono jawe. Khanke vakholyaala nkanju ja vegundo vetale khokela nkanju ja vaange no khongelelya vegundo kho myenda jawe. 6Nsiko ja wenga vakhotogwa khwikhala kho vegoda vya vantu valaala. Ninga kho nyoomba ja khwitangela Vayahudi vatogilwe khwikhala kho vegoda vya olongolo khwa valaala. 7Khanke vatogilwe modugo vantu vavalamoche khwa khokoliwaa, ne vakhotogwa vantu vavaete ‘Valaangi kho lwande ja magolyo.’ 8Ila onywenywe mokhagombe khwetwa, ‘Molaangi’, kho nguno motite Molaangi yomwii topo, nanyu vensi mole vadogo. 9Khanke, mokhamwete muntu yeyensi ‘Daada epa paliwelelo’, kho nguno motite Daada yomwii topo yunaa apwale khochanya. 10Khanke, mokhagombe khwetwa, ‘Molaala’, kho nguno motite Molaala yomwii topo, nanoyo a Kilisto. 11Muntu yeyensi yunaa akhopogwa awee molaala movamoonga venyu, akhopogiwa awee motomami wenyu. 12Muntu yeyensi yunaa khwitantya pachanya khokela vaange, Matuunda alamotelemola panse. Ila muntu yeyensi yunaa khwitelemola panse, Matuunda alamotantya pachanya.
Yesu akholegeta on'ya wawe
Maluko 12:40; Luka 11:39-42,44,52; 20:47
13“Molakewona onywenywe valaangi va njaanga ja Musa nanyu Mafalisayo, vanaa mole van'ya, kho nguno mokhogilya vantu vaange khwingela kho wami wa khochanya khwa Matuunda khwa malaangi genyu. Onywenywe venee akhamokhwingela omoo, khanke mokhovagilya ne vaange vanaa vakhopooga khwingela. 14Khanke, molekewona onywenywe valaangi va njaanga ja Musa ne Mafalisayo vanaa mokhovasukha vasimbe vento vyawe vyensi, oko mokhwinoja mole vantu vasoga khwa kholoomba maloombi matale khwa vantu. Kho nguno eye Matuunda alavatengemekha vikhamu.
15“Molakewona onywenywe valaangi va njaanga ja Musa ne Mafalisayo. Onywee van'ya, kho nguno mokhopilima kho nse yensi ne kholowokha ikhwa, ili khomopooga muntu yomwii yunaa alalonda njela jenyu. Ila panaa mokhomopata mokhomonoja awee mobe mala jewele khokela onywenywe, no khomonoja apete kho moto gonaa gokhalimaga mala jewele khokela onywenywe.
16“Molakewona onywenywe valaala vatulu, kho nguno mokholiga, ‘Mbe muntu akholapa khwa Nyoomba ya Matuunda, kelapo echoo nkha kento. Ila mbe alalapa khwa zahabu yenaa ipwale khwa Nyoomba ya Matuunda, muntu oyoo akhopogiwa anojee kete venaa alealapa.’ 17Oywenywe vatulu valeele. A kento kee kenaa kekolo, zahabu ao Nyoomba ya Matuunda, yenaa ekhoenoja zahabu igombwee? 18Khanke mokhovaliga vantu kete, ‘Mbe muntu akholapa kho lwande ja khopumelyaa itambekho nkha kento, ila mbe muntu alalapa khwa itambekho lenaa letolilwe pachanya ya meja ya khopumelya matambekho, muntu oyoo akhopogiwa anojee kete venaa alealapaa.’ 19Onywee vatulu, a kento kee kenaa kekolo, eloo itambekho ao pa meja ya khopumelya matambekho, yenaa ekhonoja itambekho eloo egoombwe no Matuunda? 20Gechoo, mbe muntu akholapa kho meja ya khopumelya matambekho, muntu oyoo khowaa alapagaa pa meja ejoo ja khopumelya itambekho ne khwa vento vyensi venaa vepwale pachanya yakwe. 21Khanke, mbe muntu akholapa khwa Nyoomba ya Matuunda, khowaa alapagaa kho eyoo Nyoomba ya Matuunda, no khwa Matuunda yunaa khwikhalaa omoo. 22Nanoyo yunaa akholapa khwa khochanya pa Matuunda, khowaa alapaga khwa kegoda cha kewami cha Matuunda, no khwa Matuunda mwenee yunaa khwikhalaa kho kegoda echoo.
23“Molakewona onywenywe valaangi va njaanga ja Musa ne Mafalisayo, onywee van'ya. Kho nguno mokhopumyaa lwande ya ikomi khwa Matuunda, vento vya mpia nndo, kete ntetele, matiti ganaa gakhotukelela, veloongo no onsambya. Ila mokhosiita mpola nkolo khokela njaanga ja Musa, kete mpola jenaa jekhogombekha khwa Matuunda, losongo no khogoomba, egoo agenee mokhopogiwa moganojele gensi makolo ne mado palomwi. 24Onywee valaala vatulu, mokhopumyaa ngingii mo keng'weela, ila mokhomela mbogo.
25“Molakewona onywenywe valaangi va njaanga ja Musa ne Mafalisayo, vanaa mole van'ya. Mopwale kete vantu vanaa vakhosiinga vekhombe ne ibakuli panji topo, ila mokhate vijolajaa vento venaa mwavipatile khwa njela ja wiwi no wimi. 26Onywenywe Mafalisayo vatulu, singagi taali kekhombe panji, apenee kelaawa chelopaga panji.
27“Molakewona onywenywe valaangi va njaanga ja Musa ne Mafalisayo, vanaa mokhwinoja vasoga. Kho nguno mopwale kete makhabuli ganaa gapakilwe echokaa. Panji gakhowa ganogelaga, ila mokhate gijolaga makupa ga vachi ne ochafu mwinki. 28Gechoo, ninga nanyu mokhwigela khwa vantu khwa panji kete a vasoga, ila mokhate mwijolaga kete vanaa vakhwinoja vasoga no obe.
Yesu akhopalela itengemekho lawe
Luka 11:47-51
29“Molakewona onywenywe valaangi va njaanga ja Musa ne Mafalisayo, vanaa mokhwinoja vasoga. Kho nguno mokhojeenga visoga makhabuli ga valooti va Matuunda no khonogelelya visoga makhabuli ga vantu vasoga. 30Nanyu mokhopaala, ‘Mbe angakhowee khopwale khwi ituungo lenaa vakoko visu angile vapanga, anga khotopo khokhowole khwiyalya nanevo khovawolaga valooti va Matuunda.’ 31Khanke, khwa khopaala gechoo, mokholageela kete nanyu mole valelwa va makoko jenyu vanaa valevawolaga valooti va Matuunda. 32Gechoo, petagi modugamye molemo gonaa makoko jenyu valevagwandya. 33Onywee vanaa mopwale kete njokha ne vana va njokha, molakhowola mbi khobegokha itengemekho la khosombelwa kho moto gonaa gokhalimaga nsiko jensi patokhola odugo? 34Kho nguno eyoo, onene nkhovatoma khwenyu valooti va Matuunda ne vantu va masala ne valaangi. Ila vamoonga vawe, molavawolaga no khovapagekha pachanya pamosalaba, ne vaange molavakowa ne menyepo ja ntila kho nyoomba jenyu ja khwitangela Vayahudi, ne vaange molavapoga ihala khwa ihala ili khovagayanja. 35Gechoo, Matuunda alavatengemekha onywenywe, kho nguno ya khovawolaga vensi vanaa vakhogoombwa nanoyo. Khopuma khowolagwa khwa Abeli yunaa angile atokhola ibe lelensi, ninga khopikela ncha ya Zakalia mwana wa Balakia, yunaa vakoko venyu valevamowolaga pakhate ya Nyoomba ya Matuunda ne meja ya khopumelya matambekho. 36Nkhovaweela khapanga, vantu va olelwa owo, valatengemekhwa no Matuunda kho nguno ya mabe ega gensi.
Yesu avatogilwe vantu va Yelusalemu
Luka 13:34,35
37“Apenee Yesu apalaa, “Onywee vantu va Yelusalemu, Onywee vantu va Yelusalemu, vanaa mokhovawolaga valooti va Matuunda no khovakowa mabwee vantu vanaa Matuunda angile valagelelajwaa khwenyu. Ituungo lensi nkhogema khovakungan'ya onywenywe kete venaa nkoko khotokongan'ya tupiiya twakwe kho mapapa gakwe, ila onywenywe alemokhapoga. 38Avivyoo, no Matuunda alalekha Nyoomba yenyu yenaa mokhomokumbekela ipagala no opeena. 39Gechoo, nkhovaweela, khotopo mombone khanke mpakha ituungo lenaa molapala kete, ‘Afunyelwee yunaa ijilee khwa olaala wa Mwene.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Kimbu @The Word for The World International and Kimbu Language translation, 2025. All rights reserved.