यहुन्ना 2
2
काना सहरल ब्याहा
1तिस्रा दिन छिम्क गालील प्रदेसला काना#2:1 ईका लगभग १५ मायिल तिबेरियाल उत्तर पछिमदेए सनर ६ मायिल नासरतलं उत्तर पुर्ब देए तोलोअ इङन्या ठक्क बजार लेऊ। सहरल तोलोअ ब्याहा लेऊ। येशुल आअमा मरियम ओलं लिज्याऔ। 2येशु सनर आसिइयाङजन बै ब्याहाल रांखुल्वाङ। 3अङ्गुरल रस आखेमौ छिन्ट, येशुल आअमाले ओलजन ऐआढोव, “नकाङ ल्योङ अङ्गुरल रस खेम्दा#2:3 अङ्गुर नुम्सिन्या माल्दी ईका थाह माल्दी कि मरियमले दानाङ येशुजन ऐआढोव। इकाल मतलब ईका प्रमानित ताहा कि ओलजन बिस्वास लेऊ कि येशु अभाबल परिपुर्न जाएन्या सक्छेम लेऊ।।” 4येशुले आअमाजन ऐआढोव, “औ स्त्री, ङा नै ढान्याताहौ ङाजन ऐताढाङ। ङा बेला#2:4 इकाल मतलब अचम्मला काम ढान्या बेला माराऔ माङडी, कि रुयाङ री ओइन्या बेलाक अचम्मला काम रङन्या सनर बिस्वास ढान्या बेला माराऔ हो। अझै मारांडी।” 5ओलं आअमाले काम ढान्याङजन ऐआढोवाङ, “जे नकाले आपरिमन्या अनुसार ढोचिते।” 6आब यहूदीयाङल चोखाइन्या चलन अनुसार नल छ्योअ त सय लितर सुनन्या लुङल छ गोटा घारीयाङ नाएसिन्या लेऊ।
7येशुले नोक्करयाङजन ऐआढोवाङ, “घारीयाङ री ले आयां समन फाङजाएचिते।” नकाङै घारील आयां समन रीले फाङ रांजाटौ। 8येशुले नकाङजन ऐआढोवाङ, “तचिठक्क री वापस्यु ब्याहाला मुख्या सेर ल्योङ लाङस्योचिते।” नकाङै ना रा:लाङस्यौ। 9ब्याहाला सेरले ना री आदारौ, जो आब अङ्गुर रस ताइस्यु लेऊ। ना, काङन राहोनौ नाजन थाहै माताइदा, तर री रेंपन्याङजन याएज थाह लेऊ। तर ब्याहाला मुख्या सेरले दुलाहाजन खुल्स्यु ऐआढोव। 10“ख्वाए रुयाङै हादेए चान्या अङ्गुर नुम्सिन्या पारिरा ओटन रुयाङै तबर रांओव छिन्ट माचान्या अङ्गुर नुम्सिन्या योंरा। नङ ता अझ समन चान्याई अङ्गुरल रस नुम्सिन्या नाएस्यु नल्नुरैस।” 11ओले अचम्मला कामयाङ ङन ईका पहेला अचम्मला कामयाङ येशुले गालील प्रदेसला काना सहरल आढोव। ऐलेस्यु ओले आमहिमा आथनौ, ओटन आसिइयाङै ओजन बिस्वास रांढोव। 12ओलं छिन्ट येशु, आअमा, आभाईयाङ सनर आसिइयाङसं कफर्नहुमलं हिन्वाङ, ओटन तचिइ दिन समन नलै चुङवाङ।#मत्ती ४:१३
येशु यरुशलेम मन्दिरलं हिनौ
मत्ती २१:१२-१३; मर्कुस ११:१५-१७; लूका १९:४५,४६
13यहूदीयाङल निस्तार#2:13 इस्राएलीयाङ मिस्र देसलन रापलिहौ छिम्क रांमानिन्या पर्ब=निस्तार चाड-पर्ब नेराक रा:स्यु लेऊ, ओटन येशु यरुशलेम मन्दिरलं हिनौ।#प्रस्थान १२:१-२७ 14येशुले मन्दिरलं यीङयाङ, शान्ढाङ सनर कचिकुरयाङ लङन्या यएन्याङ सनर रुप्या फिरिन्याङजन राचुङज्यान्या आडोएवाङ। 15ओटन तोलोअ छिङल कोर्ला जाएस्यु येशुले यीङयाङ, शान्ढाङ, सोगलैजन मन्दिरलन आचाहारवाङ, ओटन नकाङल देस्क पल्ताइस्यु बागस फलुपस्यास्यु रुप्या फिरिन्याङल रुप्या आग्वाएस्योवाङ। 16परेवा यएन्याङजन येशुले ऐआढोवाङ, “इलन ईका सोगलै लाङस्यु हिन्चिते। ङा बौल झिमजन बैपारल झिम ताजाएच्यो।” 17नवाए बेला आसिइयाङै पबित्रशास्त्रलं सरसिन्या छेन यांका रांढोव, “औ परमेस्वर नझिमल नाल्ट जोशले ङाजन हिप्जिया।”#भजनसङ्ग्रह ६९:९ 18यहूदी अढिकारीयाङै ऐलेस्यु रांगिनौ, “नङजन ईका काम ढान्या नै अढिकार लेऊ, नैति नङ अचम्मला काम ढाऔ नढुदुनु?” 19येशुले ओयाङजन जबाक आयोवाङ, “ईका मन्दिरजन थाएचिते, ओटन ङा तिन दिनक इकाजन सच्यान्ङा।”#मत्ती २६:६१; २७:४०; मर्कुस १४:५८; १५:२९ 20तब यहूदीयाङै ऐराढोव, “ईका मन्दिर निब्जाइन्याता छेयालिस बर्स लागिऊ, ओटन ओक्या नङ ईका तिन दिनक ऐयाङ सच्यानौ ढुदुना का?” 21तर जो मन्दिरलं बारेल येशुले आपानौ, ना आबुलल बाए हो। 22जब येशुले सिस्यु जिङदा ताइस्यु सोङा लेस्यु आपानन्या छेन आ सिइयाङ यांका रांढोव, तब नकाङै पबित्रशास्त्रलं यर्त सनर येशुले आछ्योङन्या बचनत बिस्वास रांढोव।
येशुले रुल यिङ सन्वा
23जब येशु निस्तार-पर्बल भोसलं बेला यरुशलेम सहरल लिज्याऔ, तब ओले आढान्या अचम्मला काम रङस्यु तबरले आ मिनङन बिस्वास रांढोव। 24तर येशुले नकाङल भर मामानिदा, दानाङभन्या ओलं सोगलैजन सहौरा। 25रु नैति ऐलेस्यु, येशुजन रुल बारेङन काङ्काईले बयन यांन्या आबस्यक माल्दी, दानाङभन्या रुल यिङल नैति लेऊ, ना येशुले ओलजै सन्वा।
Currently Selected:
यहुन्ना 2: NTSKm25
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
यहुन्ना 2
2
काना सहरल ब्याहा
1तिस्रा दिन छिम्क गालील प्रदेसला काना#2:1 ईका लगभग १५ मायिल तिबेरियाल उत्तर पछिमदेए सनर ६ मायिल नासरतलं उत्तर पुर्ब देए तोलोअ इङन्या ठक्क बजार लेऊ। सहरल तोलोअ ब्याहा लेऊ। येशुल आअमा मरियम ओलं लिज्याऔ। 2येशु सनर आसिइयाङजन बै ब्याहाल रांखुल्वाङ। 3अङ्गुरल रस आखेमौ छिन्ट, येशुल आअमाले ओलजन ऐआढोव, “नकाङ ल्योङ अङ्गुरल रस खेम्दा#2:3 अङ्गुर नुम्सिन्या माल्दी ईका थाह माल्दी कि मरियमले दानाङ येशुजन ऐआढोव। इकाल मतलब ईका प्रमानित ताहा कि ओलजन बिस्वास लेऊ कि येशु अभाबल परिपुर्न जाएन्या सक्छेम लेऊ।।” 4येशुले आअमाजन ऐआढोव, “औ स्त्री, ङा नै ढान्याताहौ ङाजन ऐताढाङ। ङा बेला#2:4 इकाल मतलब अचम्मला काम ढान्या बेला माराऔ माङडी, कि रुयाङ री ओइन्या बेलाक अचम्मला काम रङन्या सनर बिस्वास ढान्या बेला माराऔ हो। अझै मारांडी।” 5ओलं आअमाले काम ढान्याङजन ऐआढोवाङ, “जे नकाले आपरिमन्या अनुसार ढोचिते।” 6आब यहूदीयाङल चोखाइन्या चलन अनुसार नल छ्योअ त सय लितर सुनन्या लुङल छ गोटा घारीयाङ नाएसिन्या लेऊ।
7येशुले नोक्करयाङजन ऐआढोवाङ, “घारीयाङ री ले आयां समन फाङजाएचिते।” नकाङै घारील आयां समन रीले फाङ रांजाटौ। 8येशुले नकाङजन ऐआढोवाङ, “तचिठक्क री वापस्यु ब्याहाला मुख्या सेर ल्योङ लाङस्योचिते।” नकाङै ना रा:लाङस्यौ। 9ब्याहाला सेरले ना री आदारौ, जो आब अङ्गुर रस ताइस्यु लेऊ। ना, काङन राहोनौ नाजन थाहै माताइदा, तर री रेंपन्याङजन याएज थाह लेऊ। तर ब्याहाला मुख्या सेरले दुलाहाजन खुल्स्यु ऐआढोव। 10“ख्वाए रुयाङै हादेए चान्या अङ्गुर नुम्सिन्या पारिरा ओटन रुयाङै तबर रांओव छिन्ट माचान्या अङ्गुर नुम्सिन्या योंरा। नङ ता अझ समन चान्याई अङ्गुरल रस नुम्सिन्या नाएस्यु नल्नुरैस।” 11ओले अचम्मला कामयाङ ङन ईका पहेला अचम्मला कामयाङ येशुले गालील प्रदेसला काना सहरल आढोव। ऐलेस्यु ओले आमहिमा आथनौ, ओटन आसिइयाङै ओजन बिस्वास रांढोव। 12ओलं छिन्ट येशु, आअमा, आभाईयाङ सनर आसिइयाङसं कफर्नहुमलं हिन्वाङ, ओटन तचिइ दिन समन नलै चुङवाङ।#मत्ती ४:१३
येशु यरुशलेम मन्दिरलं हिनौ
मत्ती २१:१२-१३; मर्कुस ११:१५-१७; लूका १९:४५,४६
13यहूदीयाङल निस्तार#2:13 इस्राएलीयाङ मिस्र देसलन रापलिहौ छिम्क रांमानिन्या पर्ब=निस्तार चाड-पर्ब नेराक रा:स्यु लेऊ, ओटन येशु यरुशलेम मन्दिरलं हिनौ।#प्रस्थान १२:१-२७ 14येशुले मन्दिरलं यीङयाङ, शान्ढाङ सनर कचिकुरयाङ लङन्या यएन्याङ सनर रुप्या फिरिन्याङजन राचुङज्यान्या आडोएवाङ। 15ओटन तोलोअ छिङल कोर्ला जाएस्यु येशुले यीङयाङ, शान्ढाङ, सोगलैजन मन्दिरलन आचाहारवाङ, ओटन नकाङल देस्क पल्ताइस्यु बागस फलुपस्यास्यु रुप्या फिरिन्याङल रुप्या आग्वाएस्योवाङ। 16परेवा यएन्याङजन येशुले ऐआढोवाङ, “इलन ईका सोगलै लाङस्यु हिन्चिते। ङा बौल झिमजन बैपारल झिम ताजाएच्यो।” 17नवाए बेला आसिइयाङै पबित्रशास्त्रलं सरसिन्या छेन यांका रांढोव, “औ परमेस्वर नझिमल नाल्ट जोशले ङाजन हिप्जिया।”#भजनसङ्ग्रह ६९:९ 18यहूदी अढिकारीयाङै ऐलेस्यु रांगिनौ, “नङजन ईका काम ढान्या नै अढिकार लेऊ, नैति नङ अचम्मला काम ढाऔ नढुदुनु?” 19येशुले ओयाङजन जबाक आयोवाङ, “ईका मन्दिरजन थाएचिते, ओटन ङा तिन दिनक इकाजन सच्यान्ङा।”#मत्ती २६:६१; २७:४०; मर्कुस १४:५८; १५:२९ 20तब यहूदीयाङै ऐराढोव, “ईका मन्दिर निब्जाइन्याता छेयालिस बर्स लागिऊ, ओटन ओक्या नङ ईका तिन दिनक ऐयाङ सच्यानौ ढुदुना का?” 21तर जो मन्दिरलं बारेल येशुले आपानौ, ना आबुलल बाए हो। 22जब येशुले सिस्यु जिङदा ताइस्यु सोङा लेस्यु आपानन्या छेन आ सिइयाङ यांका रांढोव, तब नकाङै पबित्रशास्त्रलं यर्त सनर येशुले आछ्योङन्या बचनत बिस्वास रांढोव।
येशुले रुल यिङ सन्वा
23जब येशु निस्तार-पर्बल भोसलं बेला यरुशलेम सहरल लिज्याऔ, तब ओले आढान्या अचम्मला काम रङस्यु तबरले आ मिनङन बिस्वास रांढोव। 24तर येशुले नकाङल भर मामानिदा, दानाङभन्या ओलं सोगलैजन सहौरा। 25रु नैति ऐलेस्यु, येशुजन रुल बारेङन काङ्काईले बयन यांन्या आबस्यक माल्दी, दानाङभन्या रुल यिङल नैति लेऊ, ना येशुले ओलजै सन्वा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025