Gene 24
24
enjef n isHaq
1yekber ibrahiym yuwser egget ibarxes rebbi g kul cey. 2yen ibrahiym yeccaf n ixeddemnes elli yelhayes s kul cey: «HuT efusex s eddu elfexδiyw. 3teθjulleδ s rebbi, erreb n esme delqeεεeθ elli etteγec y memmi temeTTuwθ seg tifrax n ikenεaniyyen elli eddere uggemmesensen. 4emme berre y temurθiyw dmidniyw, taγeδ temeTTuwθ y memmi isHaq.» 5yennes exeddemes: «umax etqeliyc temeTTuwθ eθeddes iyδi y elqeεεeθ, eδuwle s memmiyx y elqeεεeθ elli tuseδeδ essis?» 6y er felles ibrahiym: «er elbalex eθeδwleδ s memmi eldiyn, 7rebbi, erreb n esme, elli yiwiyiyδ seg elHuwc n dadde delqeεεeθ n midniyw, yuθleyiyδ yedjul, <yidreriyx δeθuwce elqeεεeθe.>, δeyezen elmlexes ezzeθex bac e θaγeδ temeTTuwθ y memmi esyiyn. 8iδekan temeTTuwtdiyn elteqqiylc exθeθbeε, elweqθes eθkuwneδ makec melzuwm s weθjulliyw wahen, emme memmi er elbalex eθeδwleδ essis eldiyn.» 9iHuT elεebδ efuses seddu elfexδ n siydiys ibrahiym yeθjul f elHkeyettin.
10usiyn yiwi εecre δileγman yεebbaθen s elxiyraθ elkul s γer siydiys, yekker yemreq yeram ennehriyn y temuwreθ ennaHuwr enjenjwes n ibrahiym. 11yesgeεmez ileγmenes elberre n temuwreθ yetwali elεiyn n wamen tisemsiyn, elweqθ n waseδ n elwacun bac e θuwreδneθ. 12yen: «ya rebbi, erreb n siydiy ibrahiym, wefqiyδ asse tegeδ elli tεahδeδ essis siydiy ibrahiym. 13tay neč y etwali elεiyn n wamen utifrax n leεbaδ n temuwreθ effeγneθ δeθuwreδneθ, 14δenne y icθ essisneθ, <eg elmziyyeθ HuT teqliltem bac e swe.> max eθer felle, <esw! tay δesseswe ileγmenex.> tediyn elli texθaret y elεebδex isHaq usahen esne elli θegiyδ elli tuεeδeδ essis siydiy.»
15qebl eykemmel eθzalliθes yezre tefruwxθ jayye uteqliltes f elkeθfes, tkan tebhe egget, weltuwc eltuγiyc. eθkan δrifqeh yelliys n betuwYiyl memmis n milkeh liwec ennaHuwr enjes n ibrahiym. 16teggez y elεiyn tεebbe teqliltes tali. 17yezzel elεebδ y etweliys yennes: «eg elmziyyeθ esseswiyδ qiqqi n wamen seg teqliltem.» 18ter felles: «esw siydiy.» tessuggez teqliltes liyhliyh tesseswi. 19max i yeswe tennayes: «δesseswe ileγmenex zade.» 20texDem ettezzel tenγel teqliltes g eθyenjuwrθ n wamen tezzel y wanu teγref y ileγmenes elkul. 21yeqqiym eryazdiyn ireqqeb δiys unette yesger yetxemmem iδekan rebbi yweffeqθ ziyγ la.
22max i rwan ileγman yenzeγ eryazdiyn texzemt twedzen ezyen n ecciykel (εuddi sette gram) dsen δeswaraθ n uwreγ wedznen εecre ciykel (εuddi miyye uεicriyn gram). 23yenceδt: «enniyδ δyelliys n wiyn cem? elyelliyc elfDe g elHuwc n daddem enenεes δiys?» 24ter felles: «neč δyelliys n betuwYiyl memmis n milkeh elli tiruθ y naHuwr, 25γenne egget eluwm delεelfeθ dwemxan eθenεsem δiys.» 26y esjeδ eryaz y rebbi yeHmedθi. 27yen: «tbark erreb n siydiy ibrahiym elli yege elli yuεeδ essis siydiy. emme neč yehδayiyδ rebbi y webriδ n elHuwc n emmaθen n siydiy.»
28tezzel tefruwxtdiyn y elHuwc tennes y yemmes elli ySar. 29-30rifqeh ykan γers enjes esmiθes laban, yezre texzemt deswaraθ g wafus n weltmas yesl edwiys f weryaz, yezzel y weryaz y etwali elεiyn n wamen, yafi ibed ezzaθ n ileγman y etwali elεiyn. 31y en: «heyye, iyδi y elHuwc eyemebruwx seg erreb. ecbiyk eθbeddeδ elberre? HeDre elHuwc dwemxan y ileγman.» 32yaδef eryaz y elHuwc yennasen laban eHuTTen f ileγman ucnasen eluwm delεelfeθ. yeγδes amen bac e ysiyreδ ikreεnes dikraεen n elli iyδes. 33usiyn HuTTnes eče. yaxi yen exeddam: «eltette kan enne elli yelzem eθenne.» yennes laban: «uθlay.»
34yen: «neč δexeddam n ibrahiym. 35urebbi yucayes elxiyr elkul yeδwel δemuγni, yucayes esεi difunasen delfeTTeθ duwreγ dixeddamen etxeddamin dileγman diγyal, 36taru sarreh liwec n siydiy beεεeδ i θuser efruwx δeyuwreθ lefluses elkul. 37yesθeHlfiyδ siydiy esetteγac y memmis tefruwxθ seg tifrax n ikenεaniyyen elli iεemmer g elqeεθensen 38emme exemme y elHuwc n daddes dmidnes eγe tefruwxθ essisen y memmis, 39enγes y siydiy, <balek etqeliyc eyθeθbeε y elqeεεeθe.> 40yer felle, <enniyθiyw diyme essefraHe δiys δeyazen iyδex elmlexes δexiweffeq g webriδex usiyn δeθeγeδ tefruwxθ ymemmi seg midniyw delHuwc n dadde. 41umax eθewDeδ y etwali midniyw usiyn etqeliync exuwcen tefruwxθ elweqθes makec melzuwm s elyminiyw.>
42esδe asse y etwali elεiyn enne, <ya rebbi, erreb n siydiy ibrahiym eg elmziyyeθ wefqiyδ g elli f elxeĎres egiyγ erreHleθe.> 43tay neč bedde f wanu n wamen, tefruwxθ elli eθeddes δeθuwreδ welli esenne eyθessesw qiqqi n wamen s teqliltes. 44usiyn eyθen, <cex esw uneč esseswe ileγmenex zade, ennetteθ δeθkuwn ettefruwxθ elli yexθariθ rebbi y memmis n siydiy.> 45elluciyγ elkemlexc edwiyw, tay rifqeh tuseδ tqam teqliylt f elkeθfes teggez y elεiyn tuwreδ enγes, <esseswiyδ eθegeδ elmziyyeθ.> 46eθHuT teqliltes liyhliyh tenniyδ, <esw! utay δesseswe ileγmenex zade.> eswe tessesw ileγman zade. 47usiyn encδat, <δyelliys n wiyn cem?> ter felle, <δyelliys n betuwYiyl ben naHuwr elli tirwasθ milkeh.> egγes texzemt g elxecmes deswaraθ g ifesnes, 48usiyn sjeδe eHemde rebbi erreb n siydiy ibrahiym elli y ehδayiyδ y webriδ uSHiyH bac e δaγe y elliys enjenjwes n siydiy y memmis. 49uture iδekan etεezzem belHeq siydiy eqbleθ ziyγ enniyδ bac e sne mat ege.»
50erren felles laban dbetuwYiyl: «wahen elkul s γer rebbi unečin engeddec exnen wa ziyγ la. 51tay rifqeh ezzeθex, ewiyt temerqeδ. netteθ y memmis n siydiyx emmax i yenne rebbi.» 52max i yesle exeddam n ibrahiym edwiynsen y esjeδ f elqeεεeθ y rebbi. 53yenzeγ elfeTTeθ duwreγ dedbac yuwcin y rifqeh y uwc zade elhδaye eγlaneθ y enjenjwes dyemmes. 54usiyn yeč yesw nette diryeznes. ubeεδ ensen iDensen diyn ekren talji yenneyasen: «seyyebmiyδ bac e δuwle y siydiy.» 55ziyγ erren felles enjenjwes dyemmes: «edj tefruwxθ eθeqqiym iyδne εelleqel εecre eyyam xlaf, usiyn eθemreq.» 56yennasen: «eyeθεeTlemc εlexaTer rebbi yweffeq erreHlθiyw. edj eδuwle y siydiy.» 57erren felles: «ennabe tefruwxθ nencet.» 58naben rifqeh encδenteθ: «texseδ eθemerqeδ dweryaze ture.» ter fellasen: «emerqe.» 59seyben rifqeh weltmansen ettmeTTuwθ elli tessesfiyθ duxeddam n ibrahiym diryeznes, 60barxen y rifqeh ennanes: «cem δweltmeθne, aru egget teδwleδ δelaluwf egget widreriym eθurθen timuwre n ihelli enγiycenc.» 61tekker rifqeh etxeddemines erkebneθ f ileγman bac e θbeεneθ iryazen. elweqθes exeddam yawi rifqeh yemreq uggebriδes.»
62elweqθes isHaq elli ykan iεemmer g elqeεεeθ eltebεiδc f biyr leHeyruYi g enneqeb. 63tisemsiyn yeffeγ yetHewwes g ujiymi, yqam tiTTewines, tay yezer ileγman jayyiyn, 64rifqeh tqam zade tiTTewines tezri, teggez seg elγem, 65tenceδ exeddam: «δ wiyn eryaz elli yegguwr g ujiymi ujay etwelinne?» yer exeddam: «δsiydiy.» tqam elxmar tiyreδ imenes. 66ubeεδ yeHke exeddam yisHaq elli yegi elkul. 67yessuwδef isHaq rifqeh ytexyamt n yemmes sarreh, yaγiθ yexsiθ. elweqθes yeθεezzat isHaq beεεeδ ejafi n yemmes.
Currently Selected:
Gene 24: IGSJ
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
Gene 24
24
enjef n isHaq
1yekber ibrahiym yuwser egget ibarxes rebbi g kul cey. 2yen ibrahiym yeccaf n ixeddemnes elli yelhayes s kul cey: «HuT efusex s eddu elfexδiyw. 3teθjulleδ s rebbi, erreb n esme delqeεεeθ elli etteγec y memmi temeTTuwθ seg tifrax n ikenεaniyyen elli eddere uggemmesensen. 4emme berre y temurθiyw dmidniyw, taγeδ temeTTuwθ y memmi isHaq.» 5yennes exeddemes: «umax etqeliyc temeTTuwθ eθeddes iyδi y elqeεεeθ, eδuwle s memmiyx y elqeεεeθ elli tuseδeδ essis?» 6y er felles ibrahiym: «er elbalex eθeδwleδ s memmi eldiyn, 7rebbi, erreb n esme, elli yiwiyiyδ seg elHuwc n dadde delqeεεeθ n midniyw, yuθleyiyδ yedjul, <yidreriyx δeθuwce elqeεεeθe.>, δeyezen elmlexes ezzeθex bac e θaγeδ temeTTuwθ y memmi esyiyn. 8iδekan temeTTuwtdiyn elteqqiylc exθeθbeε, elweqθes eθkuwneδ makec melzuwm s weθjulliyw wahen, emme memmi er elbalex eθeδwleδ essis eldiyn.» 9iHuT elεebδ efuses seddu elfexδ n siydiys ibrahiym yeθjul f elHkeyettin.
10usiyn yiwi εecre δileγman yεebbaθen s elxiyraθ elkul s γer siydiys, yekker yemreq yeram ennehriyn y temuwreθ ennaHuwr enjenjwes n ibrahiym. 11yesgeεmez ileγmenes elberre n temuwreθ yetwali elεiyn n wamen tisemsiyn, elweqθ n waseδ n elwacun bac e θuwreδneθ. 12yen: «ya rebbi, erreb n siydiy ibrahiym, wefqiyδ asse tegeδ elli tεahδeδ essis siydiy ibrahiym. 13tay neč y etwali elεiyn n wamen utifrax n leεbaδ n temuwreθ effeγneθ δeθuwreδneθ, 14δenne y icθ essisneθ, <eg elmziyyeθ HuT teqliltem bac e swe.> max eθer felle, <esw! tay δesseswe ileγmenex.> tediyn elli texθaret y elεebδex isHaq usahen esne elli θegiyδ elli tuεeδeδ essis siydiy.»
15qebl eykemmel eθzalliθes yezre tefruwxθ jayye uteqliltes f elkeθfes, tkan tebhe egget, weltuwc eltuγiyc. eθkan δrifqeh yelliys n betuwYiyl memmis n milkeh liwec ennaHuwr enjes n ibrahiym. 16teggez y elεiyn tεebbe teqliltes tali. 17yezzel elεebδ y etweliys yennes: «eg elmziyyeθ esseswiyδ qiqqi n wamen seg teqliltem.» 18ter felles: «esw siydiy.» tessuggez teqliltes liyhliyh tesseswi. 19max i yeswe tennayes: «δesseswe ileγmenex zade.» 20texDem ettezzel tenγel teqliltes g eθyenjuwrθ n wamen tezzel y wanu teγref y ileγmenes elkul. 21yeqqiym eryazdiyn ireqqeb δiys unette yesger yetxemmem iδekan rebbi yweffeqθ ziyγ la.
22max i rwan ileγman yenzeγ eryazdiyn texzemt twedzen ezyen n ecciykel (εuddi sette gram) dsen δeswaraθ n uwreγ wedznen εecre ciykel (εuddi miyye uεicriyn gram). 23yenceδt: «enniyδ δyelliys n wiyn cem? elyelliyc elfDe g elHuwc n daddem enenεes δiys?» 24ter felles: «neč δyelliys n betuwYiyl memmis n milkeh elli tiruθ y naHuwr, 25γenne egget eluwm delεelfeθ dwemxan eθenεsem δiys.» 26y esjeδ eryaz y rebbi yeHmedθi. 27yen: «tbark erreb n siydiy ibrahiym elli yege elli yuεeδ essis siydiy. emme neč yehδayiyδ rebbi y webriδ n elHuwc n emmaθen n siydiy.»
28tezzel tefruwxtdiyn y elHuwc tennes y yemmes elli ySar. 29-30rifqeh ykan γers enjes esmiθes laban, yezre texzemt deswaraθ g wafus n weltmas yesl edwiys f weryaz, yezzel y weryaz y etwali elεiyn n wamen, yafi ibed ezzaθ n ileγman y etwali elεiyn. 31y en: «heyye, iyδi y elHuwc eyemebruwx seg erreb. ecbiyk eθbeddeδ elberre? HeDre elHuwc dwemxan y ileγman.» 32yaδef eryaz y elHuwc yennasen laban eHuTTen f ileγman ucnasen eluwm delεelfeθ. yeγδes amen bac e ysiyreδ ikreεnes dikraεen n elli iyδes. 33usiyn HuTTnes eče. yaxi yen exeddam: «eltette kan enne elli yelzem eθenne.» yennes laban: «uθlay.»
34yen: «neč δexeddam n ibrahiym. 35urebbi yucayes elxiyr elkul yeδwel δemuγni, yucayes esεi difunasen delfeTTeθ duwreγ dixeddamen etxeddamin dileγman diγyal, 36taru sarreh liwec n siydiy beεεeδ i θuser efruwx δeyuwreθ lefluses elkul. 37yesθeHlfiyδ siydiy esetteγac y memmis tefruwxθ seg tifrax n ikenεaniyyen elli iεemmer g elqeεθensen 38emme exemme y elHuwc n daddes dmidnes eγe tefruwxθ essisen y memmis, 39enγes y siydiy, <balek etqeliyc eyθeθbeε y elqeεεeθe.> 40yer felle, <enniyθiyw diyme essefraHe δiys δeyazen iyδex elmlexes δexiweffeq g webriδex usiyn δeθeγeδ tefruwxθ ymemmi seg midniyw delHuwc n dadde. 41umax eθewDeδ y etwali midniyw usiyn etqeliync exuwcen tefruwxθ elweqθes makec melzuwm s elyminiyw.>
42esδe asse y etwali elεiyn enne, <ya rebbi, erreb n siydiy ibrahiym eg elmziyyeθ wefqiyδ g elli f elxeĎres egiyγ erreHleθe.> 43tay neč bedde f wanu n wamen, tefruwxθ elli eθeddes δeθuwreδ welli esenne eyθessesw qiqqi n wamen s teqliltes. 44usiyn eyθen, <cex esw uneč esseswe ileγmenex zade, ennetteθ δeθkuwn ettefruwxθ elli yexθariθ rebbi y memmis n siydiy.> 45elluciyγ elkemlexc edwiyw, tay rifqeh tuseδ tqam teqliylt f elkeθfes teggez y elεiyn tuwreδ enγes, <esseswiyδ eθegeδ elmziyyeθ.> 46eθHuT teqliltes liyhliyh tenniyδ, <esw! utay δesseswe ileγmenex zade.> eswe tessesw ileγman zade. 47usiyn encδat, <δyelliys n wiyn cem?> ter felle, <δyelliys n betuwYiyl ben naHuwr elli tirwasθ milkeh.> egγes texzemt g elxecmes deswaraθ g ifesnes, 48usiyn sjeδe eHemde rebbi erreb n siydiy ibrahiym elli y ehδayiyδ y webriδ uSHiyH bac e δaγe y elliys enjenjwes n siydiy y memmis. 49uture iδekan etεezzem belHeq siydiy eqbleθ ziyγ enniyδ bac e sne mat ege.»
50erren felles laban dbetuwYiyl: «wahen elkul s γer rebbi unečin engeddec exnen wa ziyγ la. 51tay rifqeh ezzeθex, ewiyt temerqeδ. netteθ y memmis n siydiyx emmax i yenne rebbi.» 52max i yesle exeddam n ibrahiym edwiynsen y esjeδ f elqeεεeθ y rebbi. 53yenzeγ elfeTTeθ duwreγ dedbac yuwcin y rifqeh y uwc zade elhδaye eγlaneθ y enjenjwes dyemmes. 54usiyn yeč yesw nette diryeznes. ubeεδ ensen iDensen diyn ekren talji yenneyasen: «seyyebmiyδ bac e δuwle y siydiy.» 55ziyγ erren felles enjenjwes dyemmes: «edj tefruwxθ eθeqqiym iyδne εelleqel εecre eyyam xlaf, usiyn eθemreq.» 56yennasen: «eyeθεeTlemc εlexaTer rebbi yweffeq erreHlθiyw. edj eδuwle y siydiy.» 57erren felles: «ennabe tefruwxθ nencet.» 58naben rifqeh encδenteθ: «texseδ eθemerqeδ dweryaze ture.» ter fellasen: «emerqe.» 59seyben rifqeh weltmansen ettmeTTuwθ elli tessesfiyθ duxeddam n ibrahiym diryeznes, 60barxen y rifqeh ennanes: «cem δweltmeθne, aru egget teδwleδ δelaluwf egget widreriym eθurθen timuwre n ihelli enγiycenc.» 61tekker rifqeh etxeddemines erkebneθ f ileγman bac e θbeεneθ iryazen. elweqθes exeddam yawi rifqeh yemreq uggebriδes.»
62elweqθes isHaq elli ykan iεemmer g elqeεεeθ eltebεiδc f biyr leHeyruYi g enneqeb. 63tisemsiyn yeffeγ yetHewwes g ujiymi, yqam tiTTewines, tay yezer ileγman jayyiyn, 64rifqeh tqam zade tiTTewines tezri, teggez seg elγem, 65tenceδ exeddam: «δ wiyn eryaz elli yegguwr g ujiymi ujay etwelinne?» yer exeddam: «δsiydiy.» tqam elxmar tiyreδ imenes. 66ubeεδ yeHke exeddam yisHaq elli yegi elkul. 67yessuwδef isHaq rifqeh ytexyamt n yemmes sarreh, yaγiθ yexsiθ. elweqθes yeθεezzat isHaq beεεeδ ejafi n yemmes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).