Exod 30
30
mkan n ubexxer
1we aggeḏ seg isγaren n ssenṭ mkan n ubexxer. 2yexs aydel d imrebbeƹ ṭṭulis am lƹerḍis dereƹ, aḏ lƹulwis sen leḏruƹ, aḏ leqrunis lṣeqqen diyes. 3we atγelfeḏ lkul s wureγ ṣbiḥ; seṭeḥtis aḏ lejnabis aḏ leqrunis, we asteggeḏ lḥacit n wureγ. 4aḏ adug lḥacit yexs aggeḏ sen tḥelqeṯin g kul jneb bac aḏeḏfen disneṯ igeḍman n uqami 5lliy yexs ateneggeḏ seg isγaren n ssenṭ we atenγelfeḏ s wureγ. 6yexs aserseḏ mkan n ubexxer g leqbeleṯ n star lliy zzaṯ ttebuwt n luwṣayaṯ. aḏ g leqbeleṯ n ddan n ttebuwt mani tafleqiγ af lƹerc n rreḥmeṯ.
7yexs aybexxer haruwn kul tajji almiy taysendef nnir, 8aḏ temeddiṯ almiy tayessiγ nnir zada. aḏ yexs ayeqqim ayuh n lebxuwr yesseγa diyma azzaṯ rebbiy. ayuh d lwajeb fellewem ljiyl beƹd ljiyl. 9wiḥerreqc af ayuh n mkan n ubexxer aγrib naγ teγrest n ḥreq naγ ṣṣedqeṯ n tiγwaw naγ ṣṣedqeṯ n nγal. 10we ayruc haruwn af leqrunis seg iḏemmen n teγrest d tekuffert tijekkelt ijeṯ g usuggas bac atyqedes. ayuh d lwajeb seg ljiyl al ljiyl afelxaḍert netta d lquds n leqdas y rebbiy.
tekuffert n teḵrumt
11yuwa lliy diyma yella y muwsa: 12«almiy taƹuddeḏ aṯ israyil, yexs kul yjen sisen alyeḏfeƹ tekuffert af imanis bac wisendyettic lwaf g lweqt n uƹuddu. 13qa matta yexs alucen lliy ḥuḍḍen y uƹuddu; 6 d legremaṯ n lfejreṯ afelḥesab n almiyzan n ccaqel meqdus. 14kul yjen iḥuḍ y uƹuddu seg indin lliy γarsen 20 d isuggasen naγ iṭer yexs alyuc tekuffert n teḵrumtis. 15we aḏefƹen midden lkul kifkif; la ayerni lliy labas ƹlih, la aysenqez lliy wiγrec afelxaḍert nettaṯ d tekuffert n tḵermin y neči. 16aḏ ayuh n lfejreṯ lliy tatleymeḏ seg uƹuddu yexs atetṣerfeḏ af lƹecceṯ n umlaqi bac adesmitan aṯ israyil tekuffert n tḵerminesen zzaṯiw.»
fedja n uzizdi
17yuwa lliy diyma yella y muwsa: 18«agg fedja n nḥas. teserset jar lƹecceṯ n umlaqi aḏ mkan n teγrest. tečaret s aman 19bac asirden haruwn aḏ ṭarwas ifesnesen aḏ idernesen siyes. 20yexs asirden leḍrefesen almiy taḏeḏfen al lƹecceṯ n umlaqi naγ taḏucen teγrest n ḥreq af mkan n teγrest bac witmetinc. 21rahiy yexs asirden idernesen aḏ ifesnesen bac witmetinc. we aydel ayuh d lwajeb diyma af haruwn aḏ ṭarwas ljiyl beƹd ljiyl.»
igga n uḏi meqdus
22yuwa lliy diyma yella y muwsa: 23«aγed ifuḥan ṣbiḥen; 6 kilu n lmur ṣbiḥ lliy d ṣerṣur, aḏ 3 kilu n lqerfeṯ, aḏ 3 kilu seg tqeṣbeyin n leqṭenyeṯ lliy fewḥa, 24aḏ 6 kilu seg leqmari afelḥesab n almiyzan n ccaqel meqdus, aḏ 6 litrat n uḏi n uzemmur ṣbiḥ. 25teggeḏ siyes uḏi meqdus yuqedes aḏ faweḥ aḏ d ṣbiḥ mammeḵ yetquddu atyeg lliy d lfeleḥ g uxelleḍ n lebxuwr bac aydel d uḏi meqdus yuqedes. 26we adehneḏ siyes lƹecceṯ n umlaqi aḏ ttebuwt n luwṣayaṯ, 27aḏ ṭṭewleṯ aḏ reγeltis, aḏ nnir aḏ reγeltis, aḏ mkan n ubexxer, 28aḏ mkan n teγrest aḏ reγeltis, aḏ ufedja aḏ tqeƹetis. 29atenqedseḏ we aḏulen d lquds n leqdas. aḏ kul ḥaja ateṭṭef disen ateḏwel temeqdust.
30we adehneḏ haruwn aḏ ṭarwas we atenqedseḏ bac aḏulen d lkuhhaniw. 31we amleḏ y aṯ israyil: < rahiy ayuh n uḏi y rebbiy d uḏi d meqdus yuqedes ljiyl beƹd ljiyl. > 32wienneγlec siyes af ḥed iḍen aḏ witteggec s leqyeseṯis uḏi am netta. rahiy netta d meqdus. aḏ yexs adesmitim diyma lliy netta d meqdus. 33rahiy kul yjen ayeg am ayuh n uḏi naγ ayeḏhen siyes yjen muc seg lkuhhan ayemmuxdef seg middenis.»
mammeḵ yexs aggen lebxuwr
34yuwa lliy diyma yella y muwsa: «aγed seg ayuh n leƹqaqer deqqes n beƹeḍhum; almiyƹeṯ, aḏ nnad, aḏ lqinneṯ lliy fewḥa, aḏ lluban ṣbiḥ. 35aḏ xeldin s tisent we aggeḏ sisen lbxur d ṣbiḥ aḏ d meqdus, mammeḵ iteg lliy d lfeleḥ g uxelleḍ n lebxuwr. 36we azdeḏ fercu siyes we ateggeḏ zzaṯ ttebuwt g lƹecceṯ n umlaqi mani tafleqiγ. we aydel d lquds n leqdas γarwem zada. 37aḏ witeg ḥetta d yjen leqyeseṯis g igga n lebxuwr am netta. we aydel γarwem d meqdus y neči weḥdi. 38rahiy kul yjen ayeg lebxuwr am netta bac atycum ayemmukes seg middenis.»
Currently Selected:
Exod 30: IGJ
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).
Exod 30
30
mkan n ubexxer
1we aggeḏ seg isγaren n ssenṭ mkan n ubexxer. 2yexs aydel d imrebbeƹ ṭṭulis am lƹerḍis dereƹ, aḏ lƹulwis sen leḏruƹ, aḏ leqrunis lṣeqqen diyes. 3we atγelfeḏ lkul s wureγ ṣbiḥ; seṭeḥtis aḏ lejnabis aḏ leqrunis, we asteggeḏ lḥacit n wureγ. 4aḏ adug lḥacit yexs aggeḏ sen tḥelqeṯin g kul jneb bac aḏeḏfen disneṯ igeḍman n uqami 5lliy yexs ateneggeḏ seg isγaren n ssenṭ we atenγelfeḏ s wureγ. 6yexs aserseḏ mkan n ubexxer g leqbeleṯ n star lliy zzaṯ ttebuwt n luwṣayaṯ. aḏ g leqbeleṯ n ddan n ttebuwt mani tafleqiγ af lƹerc n rreḥmeṯ.
7yexs aybexxer haruwn kul tajji almiy taysendef nnir, 8aḏ temeddiṯ almiy tayessiγ nnir zada. aḏ yexs ayeqqim ayuh n lebxuwr yesseγa diyma azzaṯ rebbiy. ayuh d lwajeb fellewem ljiyl beƹd ljiyl. 9wiḥerreqc af ayuh n mkan n ubexxer aγrib naγ teγrest n ḥreq naγ ṣṣedqeṯ n tiγwaw naγ ṣṣedqeṯ n nγal. 10we ayruc haruwn af leqrunis seg iḏemmen n teγrest d tekuffert tijekkelt ijeṯ g usuggas bac atyqedes. ayuh d lwajeb seg ljiyl al ljiyl afelxaḍert netta d lquds n leqdas y rebbiy.
tekuffert n teḵrumt
11yuwa lliy diyma yella y muwsa: 12«almiy taƹuddeḏ aṯ israyil, yexs kul yjen sisen alyeḏfeƹ tekuffert af imanis bac wisendyettic lwaf g lweqt n uƹuddu. 13qa matta yexs alucen lliy ḥuḍḍen y uƹuddu; 6 d legremaṯ n lfejreṯ afelḥesab n almiyzan n ccaqel meqdus. 14kul yjen iḥuḍ y uƹuddu seg indin lliy γarsen 20 d isuggasen naγ iṭer yexs alyuc tekuffert n teḵrumtis. 15we aḏefƹen midden lkul kifkif; la ayerni lliy labas ƹlih, la aysenqez lliy wiγrec afelxaḍert nettaṯ d tekuffert n tḵermin y neči. 16aḏ ayuh n lfejreṯ lliy tatleymeḏ seg uƹuddu yexs atetṣerfeḏ af lƹecceṯ n umlaqi bac adesmitan aṯ israyil tekuffert n tḵerminesen zzaṯiw.»
fedja n uzizdi
17yuwa lliy diyma yella y muwsa: 18«agg fedja n nḥas. teserset jar lƹecceṯ n umlaqi aḏ mkan n teγrest. tečaret s aman 19bac asirden haruwn aḏ ṭarwas ifesnesen aḏ idernesen siyes. 20yexs asirden leḍrefesen almiy taḏeḏfen al lƹecceṯ n umlaqi naγ taḏucen teγrest n ḥreq af mkan n teγrest bac witmetinc. 21rahiy yexs asirden idernesen aḏ ifesnesen bac witmetinc. we aydel ayuh d lwajeb diyma af haruwn aḏ ṭarwas ljiyl beƹd ljiyl.»
igga n uḏi meqdus
22yuwa lliy diyma yella y muwsa: 23«aγed ifuḥan ṣbiḥen; 6 kilu n lmur ṣbiḥ lliy d ṣerṣur, aḏ 3 kilu n lqerfeṯ, aḏ 3 kilu seg tqeṣbeyin n leqṭenyeṯ lliy fewḥa, 24aḏ 6 kilu seg leqmari afelḥesab n almiyzan n ccaqel meqdus, aḏ 6 litrat n uḏi n uzemmur ṣbiḥ. 25teggeḏ siyes uḏi meqdus yuqedes aḏ faweḥ aḏ d ṣbiḥ mammeḵ yetquddu atyeg lliy d lfeleḥ g uxelleḍ n lebxuwr bac aydel d uḏi meqdus yuqedes. 26we adehneḏ siyes lƹecceṯ n umlaqi aḏ ttebuwt n luwṣayaṯ, 27aḏ ṭṭewleṯ aḏ reγeltis, aḏ nnir aḏ reγeltis, aḏ mkan n ubexxer, 28aḏ mkan n teγrest aḏ reγeltis, aḏ ufedja aḏ tqeƹetis. 29atenqedseḏ we aḏulen d lquds n leqdas. aḏ kul ḥaja ateṭṭef disen ateḏwel temeqdust.
30we adehneḏ haruwn aḏ ṭarwas we atenqedseḏ bac aḏulen d lkuhhaniw. 31we amleḏ y aṯ israyil: < rahiy ayuh n uḏi y rebbiy d uḏi d meqdus yuqedes ljiyl beƹd ljiyl. > 32wienneγlec siyes af ḥed iḍen aḏ witteggec s leqyeseṯis uḏi am netta. rahiy netta d meqdus. aḏ yexs adesmitim diyma lliy netta d meqdus. 33rahiy kul yjen ayeg am ayuh n uḏi naγ ayeḏhen siyes yjen muc seg lkuhhan ayemmuxdef seg middenis.»
mammeḵ yexs aggen lebxuwr
34yuwa lliy diyma yella y muwsa: «aγed seg ayuh n leƹqaqer deqqes n beƹeḍhum; almiyƹeṯ, aḏ nnad, aḏ lqinneṯ lliy fewḥa, aḏ lluban ṣbiḥ. 35aḏ xeldin s tisent we aggeḏ sisen lbxur d ṣbiḥ aḏ d meqdus, mammeḵ iteg lliy d lfeleḥ g uxelleḍ n lebxuwr. 36we azdeḏ fercu siyes we ateggeḏ zzaṯ ttebuwt g lƹecceṯ n umlaqi mani tafleqiγ. we aydel d lquds n leqdas γarwem zada. 37aḏ witeg ḥetta d yjen leqyeseṯis g igga n lebxuwr am netta. we aydel γarwem d meqdus y neči weḥdi. 38rahiy kul yjen ayeg lebxuwr am netta bac atycum ayemmukes seg middenis.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).