Makətūbə̄ yā Ojee 13
13
Gír deē kógə̄ḿ gə̄ kə́ əsōn̄ wōn̄g ta Nə́ɓā tə́ oyn̄
1Dan ń *Epəraim a ɔrə̄ń najə̄ ní,
ɓōĺ rāā de gə̄ malang adə̄ ndewn̄.
Kété ní, loo yān kə́ *Israel tə́ i loo kə́ bo ngá̰ý.
Banī nəkɔ́ rāā adə̄ sarya əhɔn,
tām̄ ni rāā ɓesə̄ *Baal ō,
oy najə̄n tə́ ō.
2Ba ɓōólaā Epəraim gə̄ na̰yn̄
kə̄ loo rāā yá̰á̰ kə́ majaĺ tə́ ɓáý:
Nin̄ nōōn̄ gində̄ rāān̄ kum gotə yá̰a̰ gə̄ tə́.
Nin̄ rāān̄ nə́ɓā kə́ rɔ̄kum aĺ gə̄
kə gində̄ arjā̰a̰ yādə́ ō,
kə jīī ger̄ yá̰a̰ yādə́ ō.
I kɔdə̄ gə̄ n rāān̄ yá̰a̰ gə̄ ní,
banī nin̄ ədan̄ na:
Ī-ndējīdə́ yá̰á̰ kə́ tun̄ gə̄!
Deē ndul gə̄ əhɔn̄ ngán man̄g gə̄
ɓirə̄n̄də́ dagə kə̄ rɔ̄də́ tə́ wa!
3I tām̄ najə̄ noō tə́ n nin̄ a ton̄
tītə̄ kil̄ man̄ kə́ dəloí ní.
A ton̄ tītə̄ man̄ kə́ tə́sō kok kok
kə́ iī láẃ kɔ̄ɔ́ beē.
A ton̄ tītə̄ mu kə́ nél un loo
kənda kōō gémē tə́
aw̄ń sa̰y kɔ̄ɔ́ beē.
A ton̄ tītə̄ sa hor kə́ teē
ta bəlo kógə̄ḿ tə́ beē.
4Ɓá tā ba *Israel, mā i Kɔ́ɔ̄ɓē Nə́ɓā yāí,
əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní.
Ḭ̄ ī-ger̄ Nə́ɓā kə́ rang alé ba i mā ngóy.
Nge kajə de kə́ rang gətóo ba i mā ngóy.
5Mā m̄-gerī i dəla loo tə́,
dɔ nang kə́ loo tū tə́ i kə́ tutə tə́.
6M-ɔ́riī ta róbə m-āw̄ seí ko̰ó̰ ō,
ə́sá yá̰a̰ adə̄ tɔ̄l̄ ɓōí ō.
Ba dan ń ī-ndān̄ anī, ɔ́jə rɔ̄í ō,
dɔí ndígə̄naləḿ kɔ̄ɔ́ ō.
7Loo ń noō tə́ m̄-tél m̄-to
i tītə̄ ɓɔl beé tām̄ yāsí tə́,
m̄-to i tītə̄ kagə kə́ dɔ róbə́ tə́
kə́ ndi dɔ rɔ̄n tə́ yā kənī rɔ̄ɔ̄ beé.
8m̄-teē dɔsí tə́ i tītə̄ dā̰ úrsə#13.8 Úrsə: Á̰a̰ī 1 Sam. 17.34.
kə́ deē ɔy ngánən gə̄ kɔ̄ɔ́ beē.
m̄-rə́yā̰ ngɔgərɔsí naā tə́.
M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō,
dā̰ kə́ bembeé gə̄ a gángə̄n̄sí naā tə́ bét bét ō.
9Ngɔlaā ní, *Israel,
ḭ̄ i kə́ nujiīn̄ sák sák kɔ̄ɔ́!
Kété ní mə̄kɔ́ kə kérə́ḿ m-ásə dḭḭ̄.
10I beé ní, mban̄g yāí ń kadə̄ ajiī ní ni i rá?
Ba kem ɓē yāí gə̄ tə́ malang ní,
ngār yāí gə̄ i rá?
Kété ní ə́dam̄ na kə
m-ādī mban̄g kógə̄ḿ ō, ngār gə̄ ō.
11Loo ń noō tə́ ní m-ādī mban̄g gə̄,
tɔdɔ̄ wōn̄g rāām̄ seí.
Ba m̄-tél m̄-taādə́ kɔ̄ɔ́,
tām̄ wōn̄g rāām̄ ngá̰ý.
12Yá̰á̰ kə́ ɔjə kadə̄ *Epəraim
rāā yá̰á̰ kə́ gōtə́ aĺ ní,
i kə́ ngɔ̄m̄ majə ō,
nge kə́ ɔjə kadə̄ ni mān̄ dɔ ndū Nə́ɓā ní,
to i loo kə́ yá̰a̰ a ɔdə rɔ̄ tū tə́ aĺ tə́ ō.
13Kə́ tām̄ yān ni tə́ ɓáa,
i kum mbang kə́ tām̄ yā ko̰y
kə́ tītə̄ ko̰y kə́ ndɔ̄ kojə ngōn̄ tə́ beē.
Banī *Epəraim i ngōn̄ kógə̄ḿ
kə́ kum kedə̄ yān gətóo.
Ni-mbātə́ teē kem kó̰o̰n tə́ kɔ̄ɔ́.
14Ba mā Kɔ́ɔ̄ɓē ní, i kadə̄
kə m-ɔ̄rən kɔ̄ɔ́ gíŕ tɔ́gə
yā loo kə́ ɓádá tə́ a?
I kadə̄ kə m-ájən kɔ̄ɔ́ ta yo tə́ a?
Yo, yá̰a̰ rɔ̄ɔ̄ yāí i rá?
Yo, tɔ́gí ń kadə̄ ī-tɔ̄ləń deē ní i rá?
Kumḿ a o̰o̰m̄ tām̄ yā Epəraim tə́ alé.
15Dan ń Epəraim tɔgə
dan ngákó̰o̰n gə̄ tə́ anī,
nél kə́ dūn̄ ɓē tə́ reē,
néĺ ní ḭḭ i dəla loo tə́.
I mā Kɔ́ɔ̄ɓē n m-ə́la seneé ní.
Loo ń noō tə́ ní, loo gə̄ ń man̄ gə̄ a əɓan̄
tū tə́ ní, man̄ kə́ tū tə́ gə̄ gətóon̄ kɔ̄ɔ́ ō,
kem bəlo man̄ gə̄ tutən̄ kɔ̄ɔ́ ō.
Nél un yá̰a̰ kənge aw̄ń kɔ̄ɔ́,
ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.
Currently Selected:
Makətūbə̄ yā Ojee 13: BS
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ yā Ojee 13
13
Gír deē kógə̄ḿ gə̄ kə́ əsōn̄ wōn̄g ta Nə́ɓā tə́ oyn̄
1Dan ń *Epəraim a ɔrə̄ń najə̄ ní,
ɓōĺ rāā de gə̄ malang adə̄ ndewn̄.
Kété ní, loo yān kə́ *Israel tə́ i loo kə́ bo ngá̰ý.
Banī nəkɔ́ rāā adə̄ sarya əhɔn,
tām̄ ni rāā ɓesə̄ *Baal ō,
oy najə̄n tə́ ō.
2Ba ɓōólaā Epəraim gə̄ na̰yn̄
kə̄ loo rāā yá̰á̰ kə́ majaĺ tə́ ɓáý:
Nin̄ nōōn̄ gində̄ rāān̄ kum gotə yá̰a̰ gə̄ tə́.
Nin̄ rāān̄ nə́ɓā kə́ rɔ̄kum aĺ gə̄
kə gində̄ arjā̰a̰ yādə́ ō,
kə jīī ger̄ yá̰a̰ yādə́ ō.
I kɔdə̄ gə̄ n rāān̄ yá̰a̰ gə̄ ní,
banī nin̄ ədan̄ na:
Ī-ndējīdə́ yá̰á̰ kə́ tun̄ gə̄!
Deē ndul gə̄ əhɔn̄ ngán man̄g gə̄
ɓirə̄n̄də́ dagə kə̄ rɔ̄də́ tə́ wa!
3I tām̄ najə̄ noō tə́ n nin̄ a ton̄
tītə̄ kil̄ man̄ kə́ dəloí ní.
A ton̄ tītə̄ man̄ kə́ tə́sō kok kok
kə́ iī láẃ kɔ̄ɔ́ beē.
A ton̄ tītə̄ mu kə́ nél un loo
kənda kōō gémē tə́
aw̄ń sa̰y kɔ̄ɔ́ beē.
A ton̄ tītə̄ sa hor kə́ teē
ta bəlo kógə̄ḿ tə́ beē.
4Ɓá tā ba *Israel, mā i Kɔ́ɔ̄ɓē Nə́ɓā yāí,
əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní.
Ḭ̄ ī-ger̄ Nə́ɓā kə́ rang alé ba i mā ngóy.
Nge kajə de kə́ rang gətóo ba i mā ngóy.
5Mā m̄-gerī i dəla loo tə́,
dɔ nang kə́ loo tū tə́ i kə́ tutə tə́.
6M-ɔ́riī ta róbə m-āw̄ seí ko̰ó̰ ō,
ə́sá yá̰a̰ adə̄ tɔ̄l̄ ɓōí ō.
Ba dan ń ī-ndān̄ anī, ɔ́jə rɔ̄í ō,
dɔí ndígə̄naləḿ kɔ̄ɔ́ ō.
7Loo ń noō tə́ m̄-tél m̄-to
i tītə̄ ɓɔl beé tām̄ yāsí tə́,
m̄-to i tītə̄ kagə kə́ dɔ róbə́ tə́
kə́ ndi dɔ rɔ̄n tə́ yā kənī rɔ̄ɔ̄ beé.
8m̄-teē dɔsí tə́ i tītə̄ dā̰ úrsə#13.8 Úrsə: Á̰a̰ī 1 Sam. 17.34.
kə́ deē ɔy ngánən gə̄ kɔ̄ɔ́ beē.
m̄-rə́yā̰ ngɔgərɔsí naā tə́.
M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō,
dā̰ kə́ bembeé gə̄ a gángə̄n̄sí naā tə́ bét bét ō.
9Ngɔlaā ní, *Israel,
ḭ̄ i kə́ nujiīn̄ sák sák kɔ̄ɔ́!
Kété ní mə̄kɔ́ kə kérə́ḿ m-ásə dḭḭ̄.
10I beé ní, mban̄g yāí ń kadə̄ ajiī ní ni i rá?
Ba kem ɓē yāí gə̄ tə́ malang ní,
ngār yāí gə̄ i rá?
Kété ní ə́dam̄ na kə
m-ādī mban̄g kógə̄ḿ ō, ngār gə̄ ō.
11Loo ń noō tə́ ní m-ādī mban̄g gə̄,
tɔdɔ̄ wōn̄g rāām̄ seí.
Ba m̄-tél m̄-taādə́ kɔ̄ɔ́,
tām̄ wōn̄g rāām̄ ngá̰ý.
12Yá̰á̰ kə́ ɔjə kadə̄ *Epəraim
rāā yá̰á̰ kə́ gōtə́ aĺ ní,
i kə́ ngɔ̄m̄ majə ō,
nge kə́ ɔjə kadə̄ ni mān̄ dɔ ndū Nə́ɓā ní,
to i loo kə́ yá̰a̰ a ɔdə rɔ̄ tū tə́ aĺ tə́ ō.
13Kə́ tām̄ yān ni tə́ ɓáa,
i kum mbang kə́ tām̄ yā ko̰y
kə́ tītə̄ ko̰y kə́ ndɔ̄ kojə ngōn̄ tə́ beē.
Banī *Epəraim i ngōn̄ kógə̄ḿ
kə́ kum kedə̄ yān gətóo.
Ni-mbātə́ teē kem kó̰o̰n tə́ kɔ̄ɔ́.
14Ba mā Kɔ́ɔ̄ɓē ní, i kadə̄
kə m-ɔ̄rən kɔ̄ɔ́ gíŕ tɔ́gə
yā loo kə́ ɓádá tə́ a?
I kadə̄ kə m-ájən kɔ̄ɔ́ ta yo tə́ a?
Yo, yá̰a̰ rɔ̄ɔ̄ yāí i rá?
Yo, tɔ́gí ń kadə̄ ī-tɔ̄ləń deē ní i rá?
Kumḿ a o̰o̰m̄ tām̄ yā Epəraim tə́ alé.
15Dan ń Epəraim tɔgə
dan ngákó̰o̰n gə̄ tə́ anī,
nél kə́ dūn̄ ɓē tə́ reē,
néĺ ní ḭḭ i dəla loo tə́.
I mā Kɔ́ɔ̄ɓē n m-ə́la seneé ní.
Loo ń noō tə́ ní, loo gə̄ ń man̄ gə̄ a əɓan̄
tū tə́ ní, man̄ kə́ tū tə́ gə̄ gətóon̄ kɔ̄ɔ́ ō,
kem bəlo man̄ gə̄ tutən̄ kɔ̄ɔ́ ō.
Nél un yá̰a̰ kənge aw̄ń kɔ̄ɔ́,
ni-ɔy yá̰a̰ malang kə́ gātə̄n i ngá̰ý aw̄ń kɔ̄ɔ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad