Makətūbə̄ yā Daniel 3
3
Mban̄g əda na kə yā ndɔ̄ȳ yá̰á̰ kə́ to tītə̄ de kə́ rāā kə lɔ́rɔ́
1Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ *Babilon tə́. 2Gō tə́ anī əla de gə̄ ɓāŕ ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ tə́ ō, ngé kadə̄ kɔjə̄ gə̄ tə́ ō, ngé ngɔ̄m̄ nar gə̄ tə́ ō, ngé ger̄ *ndū najə̄ gə̄ tə́ ō, ngé gān̄g sarya gə̄ tə́ ō, ngé rāā kəla yā mban̄g gə̄ malang kə́ ɓē kə́ ndágá gə̄ tə́ ō, kadə̄ reē rāān̄ pétə́ yá̰á̰ kə́ tītə̄ deē ń mban̄g Nabukodonosor udə ní. 3Tā anī ngé rāā kəla kə́ bo bo gə̄ ń noō kánə̄n̄ naā malang, ba aw̄ ndin̄ no yá̰á̰ kə́ rāān̄ adə̄ to tītə̄ deē ń mban̄g Nabukodonosor udə ní tə́ yā rāā pétən.
4Kɔdə̄ mbēr̄ ənī mbēr̄, un ndūn kə̄ dɔɔ́ ədań na:
Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní, 5ré ōōī kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, ɔ́siī nosí nang tə́ ī-rɔyī yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.
6Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.
7Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.
Madə̄ Daniel gə̄ mbātə́n̄ rɔȳ ɓesə̄ yā mban̄g
8Loo ń noō tə́ de kə́ *Babilon gə̄ reē sekə́n̄ *Jipə gə̄. 9Nin̄ ədan̄ mban̄g Nabukodonosor na:
Kɔ́ɔ̄ ɓē gə̄, ādə̄ dɔí ngan̄g májə́ májə́! 10I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní. 11Ba deē ń na a ɔsə non nang tə́ non tə́ aĺ ō, na a rɔȳn aĺ ō anī na a ənīnən̄ kə̄ ta jī tə́ noō kum hor kə́ o̰o bəlim bəlim kə́ tənga ngá̰ý tə́. 12Anī *Jipə gə̄ kə́ ḭ̄ ādə̄də́ kəla ko̰o̰ ɓē gō nang kə́ *Babilon tə́, adə̄ i Sadərak ō Mesak ō, Abed Nego ō, ɓōlíin̄ alé adə̄ rāān̄ kəla adə̄n̄ nə́ɓā yāí gə̄ aĺ ō, rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní aĺ ō.
13Anī wōn̄g rāā mban̄g Nabukodonosor ngá̰ý adə̄ əda kadə̄ reēn̄ kə Sadərak ō, Mesak ō Abed Nego ō. Dan ń reēn̄ sedə́ rɔ̄n tə́ 14anī dəjedə́ na:
Sadərak ō Mesak ō Abed Nego ō, ī-mbātíī rāā kəla kadə̄ nə́ɓā yāḿ gə̄ ō, ī-mbātíī rɔȳ yá̰á̰ kə́ tītə̄ deē ń m-údə́ ní ō rɔ̄kum a? 15Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní? 16Sadərak ō Mesak ō Abed Nego ō tūr̄ ədan̄ mban̄g na:
Kɔ́ɔ̄ ɓē gə̄, yá̰á̰ kə́ kadə̄ j-ədaī dɔ nge ń noō tə́ gətóo. 17Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy. 18Ká ré ni ndigə kajəjí aĺ gə̄gē anī, kɔ́ɔ̄ ɓē gə̄, najə̄ kadə̄ ī-ger̄ majə kadə̄ j-a jə-rāā kəla yā nə́ɓā yāí gə̄ aĺ ō, j-a jə-rɔȳ yá̰á̰ kə́ to tītə̄ de kə́ rāā kə lɔ́rɔ́ ń údə́ ní aĺ ō.
19Loo ń noō tə́ wōn̄g rāā Nabukodonosor ngá̰ý, adə̄ kumən ilən kóróró dɔ Sadərak tə́ ō Mesak tə́ ō Abed Nego tə́ ō. Ni un najə̄ ɔr̄, əda kadə̄ rāān̄ hor kə́ o̰o̰ bəlim bəlim kə́ tənga ngá̰ý ní kadə̄ təngā tɔȳ kə́ kété nja sīrí. 20Gō tə́ anī əda áskar yān kə́ ngan̄g ngan̄g gə̄ kadə̄ tṵ́ṵ̄n̄ Sadərak ō Mesak ō Abed Nego ō kə kəlaá ba kə ɓōkə́n̄də́ kum hor kə́ o̰o̰ bəlim bəlim kə́ təngā ngá̰ý ní tə́.
21Adə̄ tṵ́ṵ̄n̄də́ kə kəlaá kə kūbə̄ gə̄ kə́ rɔ̄də́ tə́ beé, adə̄ i kə njālá yādə́ gēé ō, kə kūbə̄ ngāl̄ yādə́ gēé ō, kə jākā yādə́ gēé ō, kə kūbə̄ yādə́ gə̄ kə́ dɔ madə̄ gə̄ tə́ ō ba ɓōkə́n̄də́ kum hor kə́ o̰o̰ bəlim bəlim kə́ tənga ngá̰ý ní tə́. 22Tītə̄ ń mban̄g ədań ní rāān̄ hor ní adə̄ təngā tɔȳ kə́ kété gə̄, adə̄ ngé ɓōkə́ Sadərak ō Mesak ō Abed Nego ō kum tə́ gə̄ ní, ta ndo̰ hor ní əgadə́ tɔ̄l̄də́. 23Banī de kə́ mətá gə̄ ń i Sadərak ō Mesak ō Abed Nego ō ní tá tə́sōn̄ kum hor tə́ kə́ təngā ngá̰ý tə́, kə kəlā gēé rɔ̄də́ tə́.
Nə́ɓā ajə madə̄ Daniel kə́ mətá gə̄
24Ɔr kum mban̄g Nabukodonosor ngá̰ý adə̄ ḭḭ dɔɔ́ tétə́ ba dejə ngé kadə̄n kɔjə̄ gə̄ na:
De gə̄ i mətá n jə-tó̰ō̰īdə́ kə kəlaá ba jə-ɓōkíīdə́ kum hor tə́ ní aĺ a? Nin̄ tūr̄ ədanən̄ na:
I gōtə́ bang, kɔ́ɔ̄ ɓē gə̄! 25Mban̄g tél ədadə́ na:
Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.
26Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na:
Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́. 27Ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ ō, ngé kadə̄ mban̄g kɔjə̄ gə̄ ō, kánə̄n̄ naā kə̄ dɔdə́ tə́ ba əndān̄ ma̰ȳdə́. Nin̄ a̰a̰n̄ kadə̄ hor o̰o̰ dā̰ rɔ̄də́ aĺ ō, hor rāā n ənge dɔdə́ adə̄ kərē aĺ ō, yá̰a̰ ɔdə rɔ̄ kūbə̄ yādə́ gə̄ kə́ dɔ madə̄ gə̄ tə́ aĺ ō, kūbə̄ gə̄ ní otən̄ hor aĺ ō. 28Nabukodonosor un najə̄ ɔr̄, əda na:
Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄. 29I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo. 30Gō tə́ anī mban̄g əndā Sadərak ō Mesak ō Abed Nego ō loo kə́ bo tɔȳ kə́ kété gə̄ tə́ gō nang kə́ *Babilon tə́.
Nī yā mban̄g kə́ nge ko̰ jōó: Kāgə̄ kə́ bo
31Gír de gə̄ malang ō, nápar de gə̄ malang ō, ngé kɔr̄ ta kə́ tayā tayā gə̄ malang ō kə́ dɔ nang tə́ ní, mban̄g Nabukodonosor ədadə́ najə̄ ń toō:
Ādə̄ kem sɔl̄ yāsí bo kum kə̄ kété kété!
32Yá̰á̰ kə́ ɔr kum gə̄ ō yá̰á̰ kə́ yáā gə̄ ō ń Nə́ɓā kə́ dɔɔ́ rāā tām̄ yāḿ tə́ ní, m-á̰a̰ā̰ ní najə kadə̄ m-ə́da kadə̄ de gə̄ gerə̄n̄.
33Yá̰a̰ yān kə́ ɔr kum gə̄ bon ngá̰ý!
Yá̰á̰ kə́ yáā yān gə̄ i yá̰á̰ kə́ yáā kə́ ngan̄g gə̄!
Ni a o̰o̰ ɓē ngándáńg ō,
tɔ́gə ko̰o̰ ɓē yān a to i kə dɔ ɓāl̄ gə̄, kə dɔ ɓāl̄ gə̄ ō!
Currently Selected:
Makətūbə̄ yā Daniel 3: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ yā Daniel 3
3
Mban̄g əda na kə yā ndɔ̄ȳ yá̰á̰ kə́ to tītə̄ de kə́ rāā kə lɔ́rɔ́
1Mban̄g Nabukodonosor rāā yá̰á̰ kə́ to tītə̄ deē kə lɔ́rɔ́. Ngālən kə́ kə̄ dɔɔ́ i métər kutə mətá ō, bon i métər mətá ō. Udə yá̰á̰ ní i ndágə mbō kə́ Dura tə́, gō nang kə́ *Babilon tə́. 2Gō tə́ anī əla de gə̄ ɓāŕ ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ tə́ ō, ngé kadə̄ kɔjə̄ gə̄ tə́ ō, ngé ngɔ̄m̄ nar gə̄ tə́ ō, ngé ger̄ *ndū najə̄ gə̄ tə́ ō, ngé gān̄g sarya gə̄ tə́ ō, ngé rāā kəla yā mban̄g gə̄ malang kə́ ɓē kə́ ndágá gə̄ tə́ ō, kadə̄ reē rāān̄ pétə́ yá̰á̰ kə́ tītə̄ deē ń mban̄g Nabukodonosor udə ní. 3Tā anī ngé rāā kəla kə́ bo bo gə̄ ń noō kánə̄n̄ naā malang, ba aw̄ ndin̄ no yá̰á̰ kə́ rāān̄ adə̄ to tītə̄ deē ń mban̄g Nabukodonosor udə ní tə́ yā rāā pétən.
4Kɔdə̄ mbēr̄ ənī mbēr̄, un ndūn kə̄ dɔɔ́ ədań na:
Sḭḭ̄ gír de gə̄ malang ō, nápar de gə̄ malang ō, sḭḭ̄ ń gír ta yāsí i dáńg dáńg malang ō ní, 5ré ōōī kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, ɔ́siī nosí nang tə́ ī-rɔyī yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.
6Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.
7Adə̄ dan ń gír de gə̄ malang ō, nápar de gə̄ malang ō, de gə̄ kə́ gír ta yādə́ i tayā tayā gə̄ malang ō oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān tām̄ ō, kəlān i ngá̰ý aĺ ō, kōō yá̰á̰ kə́ ɓāŕ gōsə̄ kə́ ta yā tayā gə̄ malang ō anī, nin̄ malang ɔsən̄ nodə́ nang tə́ ba rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ń mban̄g Nabukodonosor udə ní.
Madə̄ Daniel gə̄ mbātə́n̄ rɔȳ ɓesə̄ yā mban̄g
8Loo ń noō tə́ de kə́ *Babilon gə̄ reē sekə́n̄ *Jipə gə̄. 9Nin̄ ədan̄ mban̄g Nabukodonosor na:
Kɔ́ɔ̄ ɓē gə̄, ādə̄ dɔí ngan̄g májə́ májə́! 10I īkɔ́ n ə́da de gə̄ malang na ré kə oōn̄ kōō tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlā n i ngá̰ý aĺ ō, kōō yá̰á̰ kə́ ɓāŕ gōsə̄ kə́ tayā tayā gə̄ malang ō anī, kə ɔsən̄ nodə́ nang tə́ kə rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní. 11Ba deē ń na a ɔsə non nang tə́ non tə́ aĺ ō, na a rɔȳn aĺ ō anī na a ənīnən̄ kə̄ ta jī tə́ noō kum hor kə́ o̰o bəlim bəlim kə́ tənga ngá̰ý tə́. 12Anī *Jipə gə̄ kə́ ḭ̄ ādə̄də́ kəla ko̰o̰ ɓē gō nang kə́ *Babilon tə́, adə̄ i Sadərak ō Mesak ō, Abed Nego ō, ɓōlíin̄ alé adə̄ rāān̄ kəla adə̄n̄ nə́ɓā yāí gə̄ aĺ ō, rɔȳn̄ yá̰á̰ kə́ to tītə̄ de kə́ rāā kə́ lɔ́rɔ́ ní aĺ ō.
13Anī wōn̄g rāā mban̄g Nabukodonosor ngá̰ý adə̄ əda kadə̄ reēn̄ kə Sadərak ō, Mesak ō Abed Nego ō. Dan ń reēn̄ sedə́ rɔ̄n tə́ 14anī dəjedə́ na:
Sadərak ō Mesak ō Abed Nego ō, ī-mbātíī rāā kəla kadə̄ nə́ɓā yāḿ gə̄ ō, ī-mbātíī rɔȳ yá̰á̰ kə́ tītə̄ deē ń m-údə́ ní ō rɔ̄kum a? 15Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní? 16Sadərak ō Mesak ō Abed Nego ō tūr̄ ədan̄ mban̄g na:
Kɔ́ɔ̄ ɓē gə̄, yá̰á̰ kə́ kadə̄ j-ədaī dɔ nge ń noō tə́ gətóo. 17Ré nə́ɓā kógə̄ḿ kə́ asə kajəjí i noó anī, i Nə́ɓā yājí ń jə-rāā kəla j-adə̄n á ni asə kajəjí ō, asə kɔr̄jí kum hor kə́ o̰o̰ bəlim bəlim kə́ tənga ngá̰ý tə́ ō, asə taājí jīí tə́ kəya̰jí dɔɔ́ ō ní ngóy. 18Ká ré ni ndigə kajəjí aĺ gə̄gē anī, kɔ́ɔ̄ ɓē gə̄, najə̄ kadə̄ ī-ger̄ majə kadə̄ j-a jə-rāā kəla yā nə́ɓā yāí gə̄ aĺ ō, j-a jə-rɔȳ yá̰á̰ kə́ to tītə̄ de kə́ rāā kə lɔ́rɔ́ ń údə́ ní aĺ ō.
19Loo ń noō tə́ wōn̄g rāā Nabukodonosor ngá̰ý, adə̄ kumən ilən kóróró dɔ Sadərak tə́ ō Mesak tə́ ō Abed Nego tə́ ō. Ni un najə̄ ɔr̄, əda kadə̄ rāān̄ hor kə́ o̰o̰ bəlim bəlim kə́ tənga ngá̰ý ní kadə̄ təngā tɔȳ kə́ kété nja sīrí. 20Gō tə́ anī əda áskar yān kə́ ngan̄g ngan̄g gə̄ kadə̄ tṵ́ṵ̄n̄ Sadərak ō Mesak ō Abed Nego ō kə kəlaá ba kə ɓōkə́n̄də́ kum hor kə́ o̰o̰ bəlim bəlim kə́ təngā ngá̰ý ní tə́.
21Adə̄ tṵ́ṵ̄n̄də́ kə kəlaá kə kūbə̄ gə̄ kə́ rɔ̄də́ tə́ beé, adə̄ i kə njālá yādə́ gēé ō, kə kūbə̄ ngāl̄ yādə́ gēé ō, kə jākā yādə́ gēé ō, kə kūbə̄ yādə́ gə̄ kə́ dɔ madə̄ gə̄ tə́ ō ba ɓōkə́n̄də́ kum hor kə́ o̰o̰ bəlim bəlim kə́ tənga ngá̰ý ní tə́. 22Tītə̄ ń mban̄g ədań ní rāān̄ hor ní adə̄ təngā tɔȳ kə́ kété gə̄, adə̄ ngé ɓōkə́ Sadərak ō Mesak ō Abed Nego ō kum tə́ gə̄ ní, ta ndo̰ hor ní əgadə́ tɔ̄l̄də́. 23Banī de kə́ mətá gə̄ ń i Sadərak ō Mesak ō Abed Nego ō ní tá tə́sōn̄ kum hor tə́ kə́ təngā ngá̰ý tə́, kə kəlā gēé rɔ̄də́ tə́.
Nə́ɓā ajə madə̄ Daniel kə́ mətá gə̄
24Ɔr kum mban̄g Nabukodonosor ngá̰ý adə̄ ḭḭ dɔɔ́ tétə́ ba dejə ngé kadə̄n kɔjə̄ gə̄ na:
De gə̄ i mətá n jə-tó̰ō̰īdə́ kə kəlaá ba jə-ɓōkíīdə́ kum hor tə́ ní aĺ a? Nin̄ tūr̄ ədanən̄ na:
I gōtə́ bang, kɔ́ɔ̄ ɓē gə̄! 25Mban̄g tél ədadə́ na:
Ɓá tā ba m-á̰a̰ de gə̄ kə́ tútən̄ kəla rɔ̄də́ tə́ kɔ̄ɔ́ gə̄ i sɔ́ n ra a njə̄rān̄ kum hor tə́ ní. Do kógə̄ḿ gə̄gē gətóo rɔ̄də́ tə́. Tá nge kə́ ko̰ sɔ́ yādə́ ní to tītə̄ ngōn̄ nə́ɓā kógə̄ḿ kə́ dan nə́ɓā gə̄ tə́.
26Nabukodonosor ndɔ́tə̄ kə̄ ta loo ń hor kə́ təngā ngá̰ý i tū tə́ ní tə́, ba un najə̄ ɔr̄, əda na:
Sadərak ō Mesak ō Abed Nego ō, ngé kəla gə̄ yā Nə́ɓā kə́ dɔɔ́ sa̰y ngá̰ý, ī-teēī kə̄ laā! Anī nin̄ mətá mbak teēn̄ kum hor tə́. 27Ngé kɔsə kum gotə mban̄g dɔ ɓē tə́ gə̄ ō, ngé kəndā kumdə́ gíŕ yá̰a̰ gə̄ tə́ ō, ngé ko̰o̰ ɓē gə̄ ō, ngé kadə̄ mban̄g kɔjə̄ gə̄ ō, kánə̄n̄ naā kə̄ dɔdə́ tə́ ba əndān̄ ma̰ȳdə́. Nin̄ a̰a̰n̄ kadə̄ hor o̰o̰ dā̰ rɔ̄də́ aĺ ō, hor rāā n ənge dɔdə́ adə̄ kərē aĺ ō, yá̰a̰ ɔdə rɔ̄ kūbə̄ yādə́ gə̄ kə́ dɔ madə̄ gə̄ tə́ aĺ ō, kūbə̄ gə̄ ní otən̄ hor aĺ ō. 28Nabukodonosor un najə̄ ɔr̄, əda na:
Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄. 29I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo. 30Gō tə́ anī mban̄g əndā Sadərak ō Mesak ō Abed Nego ō loo kə́ bo tɔȳ kə́ kété gə̄ tə́ gō nang kə́ *Babilon tə́.
Nī yā mban̄g kə́ nge ko̰ jōó: Kāgə̄ kə́ bo
31Gír de gə̄ malang ō, nápar de gə̄ malang ō, ngé kɔr̄ ta kə́ tayā tayā gə̄ malang ō kə́ dɔ nang tə́ ní, mban̄g Nabukodonosor ədadə́ najə̄ ń toō:
Ādə̄ kem sɔl̄ yāsí bo kum kə̄ kété kété!
32Yá̰á̰ kə́ ɔr kum gə̄ ō yá̰á̰ kə́ yáā gə̄ ō ń Nə́ɓā kə́ dɔɔ́ rāā tām̄ yāḿ tə́ ní, m-á̰a̰ā̰ ní najə kadə̄ m-ə́da kadə̄ de gə̄ gerə̄n̄.
33Yá̰a̰ yān kə́ ɔr kum gə̄ bon ngá̰ý!
Yá̰á̰ kə́ yáā yān gə̄ i yá̰á̰ kə́ yáā kə́ ngan̄g gə̄!
Ni a o̰o̰ ɓē ngándáńg ō,
tɔ́gə ko̰o̰ ɓē yān a to i kə dɔ ɓāl̄ gə̄, kə dɔ ɓāl̄ gə̄ ō!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad