Makətūbə̄ yā Amos 2
2
(Moab gə̄)
1Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ Moab gə̄ dɔ tə́ i ngá̰ý.
Ni kə́ majaĺ ngá̰ý tɔȳ madə̄ gə̄ i nge ń toō:
Nin̄ róōn̄ kə̄ngā mban̄g
kə́ Edom ba rāān̄ būn.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
2M-ā m-ə́la hor dɔ ɓē kə́ Moab tə́,
adə̄ a o̰o̰ kújə́ kə́ majə gə̄
kə́ kem ɓē kə́ Keriyot tə́ kɔ̄ɔ́.
Moab a oy i dan
kōō yá̰á̰ kə́ ɓār̄ ngá̰ý tə́ ō,
kɔĺ rɔ̄ɔ̄ tə́ ō,
kōō tōw̄ gajə batə̄ kə́ kɔ̄ĺ tə́ ō.
3Mban̄g ń o̰o̰ ɓē dɔn tə́ ní,
m-ā m-ɔ̄rən kɔ̄ɔ́ ō,
m-ā m̄-rāā kadə̄
ngār yān gə̄ oyn̄ seneé ō.
I Kɔ́ɔ̄ɓē n əda najə̄ ń noō ní.
(Juda gə̄)
4Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ *Juda gə̄ dɔ tə́ i ngá̰ý.
Ni kə́ majaĺ ngá̰ý tɔȳ
madə̄ gə̄ i nge ń toō:
Yá̰a̰ gə̄ ń m̄-ndóōdə́ ní,
nin̄ mbātə́n̄ kɔ̄ɔ́.
Yá̰a̰ gə̄ ń m̄-ndang kadə̄ yā rāā ní,
rāān̄ aĺ ō,
gólə̄n̄ rɔ̄də́ tītə̄ yā kaadə́ gə̄ ń
unən̄ gō nə́ɓā kə́ rɔ̄kum aĺ gə̄ ní ō.
Nə́ɓā gə̄ ní ran̄ dɔ tə́ noō gólə̄n̄də́ ō.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
5M-ā m-ə́la hor dɔ ɓē kə́ *Juda tə́,
adə̄ a o̰o̰ kújə́ kə́ majə gə̄
kə́ *Jerusalem kɔ̄ɔ́.
(Israel gə̄)
6Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ *Israel gə̄ dɔ tə́ i ngá̰ý.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
Deē ń najə̄ gətóo dɔn tə́ ní,
nin̄ igən̄ seneé tītə̄ ɓəlo beé
yā kəngeń nar.
Deē ń rɔ̄n tō ndoō ní,
nin̄ igən̄ seneé yā kəngeń sākə̄rā jōó.
7Nin̄ əlan̄ dɔ nge ndoō kum bumbə́rú tə́ ō,
ɓōlə́n̄ gidə yá̰á̰ yā de kə́ dūú gə̄ aĺ ō.
Bɔbə̄ ngōn̄ nin̄ kə ngōnōó
sāān̄ dəyá̰ dɔ naā tə́ ō.
I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.
8Loo malang ń a rāān̄ kəla
tū tə́ a adə̄n̄ Nə́ɓā ní,
nin̄ a ton̄ tū tə́ i dɔ kūbə̄ gə̄ kə́ táān̄
jī ngé ndoō gə̄ tə́ tə́.
Kem kújə yā nə́ɓā yādə́ tə́ ɓáa,
nin̄ a a̰ȳn̄ i kasə *nduú
kə́ táā jī de gə̄ tə́.
9Tá mā m̄-nujə *Amor gə̄ tām̄ yāsí tə́.
De gə̄ ngeé ń noō ní,
ngālə̄n̄ tītə̄ kāgə̄ sedər gə̄ beé ō,
ngangə̄n̄ tītə̄ kāgə̄ sén gə̄ beé ō.
Ba m̄-nujədə́ kɔ̄ɔ́ malang.
10Kété ní, mā m̄-teē sesí kɔ̄ɔ́
kem ɓē kə́ Ejiptə tə́ ō,
m-ɔ́r nosí dəla loo tə́ ɓāl̄ kutə sɔ́
yā kadə̄ ə́ngeīń dɔ nang yā *Amor gə̄ ō.
11Ɓāl̄ ngá̰ý gō tə́ anī,
m̄-ɓāŕ ngáńsí kə́rēý gə̄
kə́ dan ngáńsí gə̄ tə́,
kadə̄ télən̄ *ngé koō ta gə̄.
Ba dan balsáa yāsí gə̄ tə́ ɓáa,
m̄-ɓāŕ ngé kə́rēý gə̄
kadə̄ ənīn̄ ndūdə́ yā kɔrə̄ń kam̄ rɔ̄də́#2.11 Ənīn̄ ndūdə́ yā kɔrə̄ń kam̄: Á̰a̰ī Tə́da 6.1-21 tām̄ yāḿ tə́,
kə ta kūl̄ ndūdə́ kə́ nin̄ ənīn̄.
*Israel gə̄, i najə̄ kə́ rɔ̄kum n noó aĺ a?
I mā Kɔ́ɔ̄ɓē n m-ə́da najə̄ ń noō ní.
12Banī ngé gə̄ ń ənīn̄ ndūdə́
yā ka̰ȳ kasə *nduú aĺ ní,
sḭḭ̄ ī-rāāīdə́ adə̄ a̰ȳn̄ ō,
*ngé koō ta gə̄ ń
mā m-ə̄ndā najə̄ tadə́ tə́ kadə̄ ədan̄ ní,
sḭḭ̄ ɔ̄gīdə́ kɔr̄ najə̄ ō.
13Beé ɓá ní, ngɔlaā m-ā m̄-rējə̄sí
tītə̄ ń púsə́ kə́ yá̰a̰ gātə̄ rosə kem
a rējəń yá̰a̰ malang kə́ dɔ róbən tə́ ní.
14Ngé ka̰ȳ ngɔ̄də̄
tɔȳ madə̄də́ gə̄ gə̄gē,
a asən̄ ka̰ȳ aĺ ō,
ngé gə̄ ń tɔ́gə́də́ tɔȳ yā
madə̄də́ gə̄ ní gə̄gē,
a asən̄ rāā yá̰á̰ kógə̄ḿ aĺ ō,
áskar gə̄ kə́ nin̄ gerə̄n̄ rɔ̄ɔ̄ tɔȳ madə̄də́ gə̄gē,
a asən̄ kajə rɔ̄də́ aĺ ō.
15Nge kur gərā a asə ra dɔɔ́ aĺ ō,
nge ka̰ȳ ngɔ̄də̄ a teē kum tə́ aĺ ō,
ngé kal̄ sə́nda a ajə rɔ̄n aĺ ō.
16Ndɔ̄ ngeé ń noō tə́ ní,
de kə́ nge kəhɔ rɔ̄n tɔgə tɔȳ madə̄n gə̄
a aȳ rɔ̄n karī.
Najə̄ ń Kɔ́ɔ̄ɓē əda ní n noó.
Currently Selected:
Makətūbə̄ yā Amos 2: BS
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ yā Amos 2
2
(Moab gə̄)
1Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ Moab gə̄ dɔ tə́ i ngá̰ý.
Ni kə́ majaĺ ngá̰ý tɔȳ madə̄ gə̄ i nge ń toō:
Nin̄ róōn̄ kə̄ngā mban̄g
kə́ Edom ba rāān̄ būn.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
2M-ā m-ə́la hor dɔ ɓē kə́ Moab tə́,
adə̄ a o̰o̰ kújə́ kə́ majə gə̄
kə́ kem ɓē kə́ Keriyot tə́ kɔ̄ɔ́.
Moab a oy i dan
kōō yá̰á̰ kə́ ɓār̄ ngá̰ý tə́ ō,
kɔĺ rɔ̄ɔ̄ tə́ ō,
kōō tōw̄ gajə batə̄ kə́ kɔ̄ĺ tə́ ō.
3Mban̄g ń o̰o̰ ɓē dɔn tə́ ní,
m-ā m-ɔ̄rən kɔ̄ɔ́ ō,
m-ā m̄-rāā kadə̄
ngār yān gə̄ oyn̄ seneé ō.
I Kɔ́ɔ̄ɓē n əda najə̄ ń noō ní.
(Juda gə̄)
4Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ *Juda gə̄ dɔ tə́ i ngá̰ý.
Ni kə́ majaĺ ngá̰ý tɔȳ
madə̄ gə̄ i nge ń toō:
Yá̰a̰ gə̄ ń m̄-ndóōdə́ ní,
nin̄ mbātə́n̄ kɔ̄ɔ́.
Yá̰a̰ gə̄ ń m̄-ndang kadə̄ yā rāā ní,
rāān̄ aĺ ō,
gólə̄n̄ rɔ̄də́ tītə̄ yā kaadə́ gə̄ ń
unən̄ gō nə́ɓā kə́ rɔ̄kum aĺ gə̄ ní ō.
Nə́ɓā gə̄ ní ran̄ dɔ tə́ noō gólə̄n̄də́ ō.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
5M-ā m-ə́la hor dɔ ɓē kə́ *Juda tə́,
adə̄ a o̰o̰ kújə́ kə́ majə gə̄
kə́ *Jerusalem kɔ̄ɔ́.
(Israel gə̄)
6Najə̄ ń Kɔ́ɔ̄ɓē əda ní n toó:
Yá̰á̰ kə́ majaĺ ngá̰ý gə̄ kə́ kadə̄
m̄-gɔŕyɔ̄ *Israel gə̄ dɔ tə́ i ngá̰ý.
I tām̄ najə̄ ń noō tə́ n
yá̰á̰ ń m̄-gḛy rāā ní,
m-ā m̄-tūr̄ ndūḿ loon tə́ aĺ ní.
Deē ń najə̄ gətóo dɔn tə́ ní,
nin̄ igən̄ seneé tītə̄ ɓəlo beé
yā kəngeń nar.
Deē ń rɔ̄n tō ndoō ní,
nin̄ igən̄ seneé yā kəngeń sākə̄rā jōó.
7Nin̄ əlan̄ dɔ nge ndoō kum bumbə́rú tə́ ō,
ɓōlə́n̄ gidə yá̰á̰ yā de kə́ dūú gə̄ aĺ ō.
Bɔbə̄ ngōn̄ nin̄ kə ngōnōó
sāān̄ dəyá̰ dɔ naā tə́ ō.
I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.
8Loo malang ń a rāān̄ kəla
tū tə́ a adə̄n̄ Nə́ɓā ní,
nin̄ a ton̄ tū tə́ i dɔ kūbə̄ gə̄ kə́ táān̄
jī ngé ndoō gə̄ tə́ tə́.
Kem kújə yā nə́ɓā yādə́ tə́ ɓáa,
nin̄ a a̰ȳn̄ i kasə *nduú
kə́ táā jī de gə̄ tə́.
9Tá mā m̄-nujə *Amor gə̄ tām̄ yāsí tə́.
De gə̄ ngeé ń noō ní,
ngālə̄n̄ tītə̄ kāgə̄ sedər gə̄ beé ō,
ngangə̄n̄ tītə̄ kāgə̄ sén gə̄ beé ō.
Ba m̄-nujədə́ kɔ̄ɔ́ malang.
10Kété ní, mā m̄-teē sesí kɔ̄ɔ́
kem ɓē kə́ Ejiptə tə́ ō,
m-ɔ́r nosí dəla loo tə́ ɓāl̄ kutə sɔ́
yā kadə̄ ə́ngeīń dɔ nang yā *Amor gə̄ ō.
11Ɓāl̄ ngá̰ý gō tə́ anī,
m̄-ɓāŕ ngáńsí kə́rēý gə̄
kə́ dan ngáńsí gə̄ tə́,
kadə̄ télən̄ *ngé koō ta gə̄.
Ba dan balsáa yāsí gə̄ tə́ ɓáa,
m̄-ɓāŕ ngé kə́rēý gə̄
kadə̄ ənīn̄ ndūdə́ yā kɔrə̄ń kam̄ rɔ̄də́#2.11 Ənīn̄ ndūdə́ yā kɔrə̄ń kam̄: Á̰a̰ī Tə́da 6.1-21 tām̄ yāḿ tə́,
kə ta kūl̄ ndūdə́ kə́ nin̄ ənīn̄.
*Israel gə̄, i najə̄ kə́ rɔ̄kum n noó aĺ a?
I mā Kɔ́ɔ̄ɓē n m-ə́da najə̄ ń noō ní.
12Banī ngé gə̄ ń ənīn̄ ndūdə́
yā ka̰ȳ kasə *nduú aĺ ní,
sḭḭ̄ ī-rāāīdə́ adə̄ a̰ȳn̄ ō,
*ngé koō ta gə̄ ń
mā m-ə̄ndā najə̄ tadə́ tə́ kadə̄ ədan̄ ní,
sḭḭ̄ ɔ̄gīdə́ kɔr̄ najə̄ ō.
13Beé ɓá ní, ngɔlaā m-ā m̄-rējə̄sí
tītə̄ ń púsə́ kə́ yá̰a̰ gātə̄ rosə kem
a rējəń yá̰a̰ malang kə́ dɔ róbən tə́ ní.
14Ngé ka̰ȳ ngɔ̄də̄
tɔȳ madə̄də́ gə̄ gə̄gē,
a asən̄ ka̰ȳ aĺ ō,
ngé gə̄ ń tɔ́gə́də́ tɔȳ yā
madə̄də́ gə̄ ní gə̄gē,
a asən̄ rāā yá̰á̰ kógə̄ḿ aĺ ō,
áskar gə̄ kə́ nin̄ gerə̄n̄ rɔ̄ɔ̄ tɔȳ madə̄də́ gə̄gē,
a asən̄ kajə rɔ̄də́ aĺ ō.
15Nge kur gərā a asə ra dɔɔ́ aĺ ō,
nge ka̰ȳ ngɔ̄də̄ a teē kum tə́ aĺ ō,
ngé kal̄ sə́nda a ajə rɔ̄n aĺ ō.
16Ndɔ̄ ngeé ń noō tə́ ní,
de kə́ nge kəhɔ rɔ̄n tɔgə tɔȳ madə̄n gə̄
a aȳ rɔ̄n karī.
Najə̄ ń Kɔ́ɔ̄ɓē əda ní n noó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad