Makətūbə̄ kə́ nge ko̰ jōó ń Pol ndang adə̄ Tesalonik gə̄ ní 2
2
Nge kem Ndul
1Ngákó̰ó̰jí gə̄, najə̄ kə́ dɔ tél Kɔ́ɔ̄ɓē yājí Jeju *Kərist tə́ ō, kə́ dɔ kán̄jí naā rɔ̄n tə́ ō ní, 2ī-lōōī taā kem kadə̄ na ndɔ̄ yā Kɔ́ɔ̄ɓē na ugə̄ kɔ̄ɔ́. Majanī deē kógə̄ḿ əda najə̄ kə́ Nə́ɓā əndā tan tə́, aláa i najə̄ kə́ ni-əda na i jḭḭ n na j-əda, aláa na i makətūbə̄ kə́ na i jḭḭ n na j-əlań, ngákó̰ó̰jí gə̄, ī-lōōī kadə̄ ndíĺsí a̰ȳ tām̄ najə̄ ń noō tə́ ō, ī-lōōī sōl̄ ō. 3Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá. 4Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.
5Ādī əga kemsí dɔ tə́ na m-ə́dásí yá̰a̰ gə̄ ń toō malang dan ń m̄-ndiń sesí ní. 6Ba yá̰á̰ ń əhɔn gotoó ngɔlaā yā kadə̄ kum de gə̄ teē dɔn tə́ i ndɔ̄ yān tə́ ní, sḭḭ̄ ī-gerī. 7Tɔdɔ̄ yá̰á̰ kə́ to loo mundə̄ tə́ yā nge rāā yá̰a̰ kə gō ń Nə́ɓā ndigə alé ní, a rāā kəla kɔ̄ɔ́. Ba ré nge kɔgə̄n tḭ̄ḭ̄ rɔ̄n ngɔlaā ń toō gətóo kɔ̄ɔ́ pá tá, 8nge mbātə́ *ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō. 9Nge mbātə́ ndū najə̄ ní, a reē i kə tɔ́gə yā *Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō, 10yá̰á̰ kə́ gōtə́ aĺ gə̄ malang kə́ yā góləń ngé kudə kɔ̄ɔ́ gə̄ ō. Tɔdɔ̄ nin̄-gḛyn̄ najə̄ kə́ rɔ̄kum ń kadə̄ ajədə́ ní alé. 11I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō, 12kadə̄ gāngə̄n̄neé sarya dɔ de gə̄ malang ń taān̄ kem najə̄ kə́ rɔ̄kum alé, banī i yá̰á̰ kə́ gōtə́ aĺ tá nel̄də́ ní.
Gə̄rān̄sí i yā kajəsí
13Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō. 14Nə́ɓā ɓāŕsí kadə̄ ájiī i kə ta kūl̄ Najə̄ kə́ Majə ń j-ɔjəsí ní, yā kadə̄ ə́ngeī *kɔsə gɔn yā Kɔ́ɔ̄ɓē yājí Jeju *Kərist. 15Adə̄, ngákó̰ó̰jí gə̄, ə́hɔī rɔ̄sí tɔgə ō, jī bēl̄ loo rāā yá̰a̰ gə̄ ń jə-ndóōsí kə tají, aláa jə-ndang j-adə̄sí ní, ə́hɔī gō ādī ngan̄g ō.
16Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní, 17sɔlə̄n̄ kemsí ō, mbūsə̄n̄sí tū yá̰a̰ malang ń ā ī-rāāī tə́ ní ō, tū najə̄ malang ń ā ə́daī kadə̄ rāā majə kə de gēé tə́ ní ō.
Currently Selected:
Makətūbə̄ kə́ nge ko̰ jōó ń Pol ndang adə̄ Tesalonik gə̄ ní 2: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ kə́ nge ko̰ jōó ń Pol ndang adə̄ Tesalonik gə̄ ní 2
2
Nge kem Ndul
1Ngákó̰ó̰jí gə̄, najə̄ kə́ dɔ tél Kɔ́ɔ̄ɓē yājí Jeju *Kərist tə́ ō, kə́ dɔ kán̄jí naā rɔ̄n tə́ ō ní, 2ī-lōōī taā kem kadə̄ na ndɔ̄ yā Kɔ́ɔ̄ɓē na ugə̄ kɔ̄ɔ́. Majanī deē kógə̄ḿ əda najə̄ kə́ Nə́ɓā əndā tan tə́, aláa i najə̄ kə́ ni-əda na i jḭḭ n na j-əda, aláa na i makətūbə̄ kə́ na i jḭḭ n na j-əlań, ngákó̰ó̰jí gə̄, ī-lōōī kadə̄ ndíĺsí a̰ȳ tām̄ najə̄ ń noō tə́ ō, ī-lōōī sōl̄ ō. 3Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá. 4Ni ń i nge mbātə́ Nə́ɓā ō, i nge kɔsə rɔ̄n kə̄ dɔɔ́ dɔ yá̰a̰ malang ń a ɓārə́n̄ na i nə́ɓā á de gə̄ a rɔȳn̄ ō ní, ni-aw̄ bátə́ ndi kem kújə yā Nə́ɓā tə́, ba əda kə̄ ndágá na ni na i Nə́ɓā.
5Ādī əga kemsí dɔ tə́ na m-ə́dásí yá̰a̰ gə̄ ń toō malang dan ń m̄-ndiń sesí ní. 6Ba yá̰á̰ ń əhɔn gotoó ngɔlaā yā kadə̄ kum de gə̄ teē dɔn tə́ i ndɔ̄ yān tə́ ní, sḭḭ̄ ī-gerī. 7Tɔdɔ̄ yá̰á̰ kə́ to loo mundə̄ tə́ yā nge rāā yá̰a̰ kə gō ń Nə́ɓā ndigə alé ní, a rāā kəla kɔ̄ɔ́. Ba ré nge kɔgə̄n tḭ̄ḭ̄ rɔ̄n ngɔlaā ń toō gətóo kɔ̄ɔ́ pá tá, 8nge mbātə́ *ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō. 9Nge mbātə́ ndū najə̄ ní, a reē i kə tɔ́gə yā *Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō, 10yá̰á̰ kə́ gōtə́ aĺ gə̄ malang kə́ yā góləń ngé kudə kɔ̄ɔ́ gə̄ ō. Tɔdɔ̄ nin̄-gḛyn̄ najə̄ kə́ rɔ̄kum ń kadə̄ ajədə́ ní alé. 11I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō, 12kadə̄ gāngə̄n̄neé sarya dɔ de gə̄ malang ń taān̄ kem najə̄ kə́ rɔ̄kum alé, banī i yá̰á̰ kə́ gōtə́ aĺ tá nel̄də́ ní.
Gə̄rān̄sí i yā kajəsí
13Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō. 14Nə́ɓā ɓāŕsí kadə̄ ájiī i kə ta kūl̄ Najə̄ kə́ Majə ń j-ɔjəsí ní, yā kadə̄ ə́ngeī *kɔsə gɔn yā Kɔ́ɔ̄ɓē yājí Jeju *Kərist. 15Adə̄, ngákó̰ó̰jí gə̄, ə́hɔī rɔ̄sí tɔgə ō, jī bēl̄ loo rāā yá̰a̰ gə̄ ń jə-ndóōsí kə tají, aláa jə-ndang j-adə̄sí ní, ə́hɔī gō ādī ngan̄g ō.
16Ādə̄ nəkɔ́ Kɔ́ɔ̄ɓē yājí Jeju Kərist ō, Bɔbə̄jí Nə́ɓā ń táŕjí ba rāā kem majə sejí á sɔl̄ kemjí ngándáńg ō, rāā adə̄ j-əndāī kemjí dɔ yá̰á̰ kə́ majə tə́ ō ní, 17sɔlə̄n̄ kemsí ō, mbūsə̄n̄sí tū yá̰a̰ malang ń ā ī-rāāī tə́ ní ō, tū najə̄ malang ń ā ə́daī kadə̄ rāā majə kə de gēé tə́ ní ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad