Makətūbə̄ kə́ ta kəga dɔ ń Pol ndang adə̄ Tesalonik gə̄ ní 5
5
1Ngákó̰ó̰jí gə̄, najə̄ kə́ dɔ ndɔ̄ tə́, aláa kum mbangən ń Kɔ́ɔ̄ɓē a reēń tə́ ní, majə kadə̄ deē ndang adə̄sí to̰ alé, 2tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē#5.2 K. 2: Á̰a̰ī Mat 24.43; Luk 12.39-40. 3Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé. 4Ba sḭḭ̄, ngákó̰ó̰ḿ gə̄, sḭḭ̄ i kum til tə́ alé. Adə̄ ndɔ̄ ní a əhɔsí dɔ jīsí tə́ tītə̄ nge ɓogə beé alé. 5Tām̄ sḭḭ̄ malang i ngáń kə́ kum loo kə́ unjə̄ kow tə́ gə̄ ō, ngáń kə́ kadaá gə̄ ō. Jḭḭ̄ i de kə́ ndɔ̄ɔ́ gə̄ aĺ ō, kə́ tilií gə̄ aĺ ō. 6I beé ní, jə-lōōī ɓīī tītə̄ yā gotə de gə̄. Banī jə-ndiī kanjə̄ kənī ɓīī kumjí tə́ ō, j-əhɔī rɔ̄jí dɔ yá̰á̰ tə́ ō. 7Tɔdɔ̄ ngé ɓīī gə̄ a ɓīīn̄ i ndɔ̄ɔ́ ō, ngé kasə rāā gə̄ kasə a rāādə́ i ndɔ̄ɔ́ ō. 8Banī jḭḭ̄ ń i de kə́ kadaá gə̄ ní, ādə̄ j-əhɔī rɔ̄jí dɔ yá̰á̰ tə́. J-əlaī kūbə̄ gində̄ ń i taā kem ō, tár ō ní rɔ̄jí tə́ ō, jākā kəndā kem dɔ kajə tə́ dɔjí tə́ ō. 9Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju *Kərist ń 10oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé. 11I beé ní, ə́laī go̰ kem naā tə́ ō, ī-mbūsī naā ō, tītə̄ ń ī-rāāīneé ɓá ní.
Kɔjə̄ gə̄ ō, lápə́ya gə̄ ō kə́ ta tɔ̄l̄ ta tə́
12Ngákó̰ó̰jí gə̄, jə-dəjesí kadə̄ ī-ɓōlíī ndíl de kə́ dɔ dáńsí tə́ gə̄ ń ɔrən̄ sesí ō, Kɔ́ɔ̄ɓē əndādə́ dɔsí tə́ ō, a tāān̄sí ō ní. 13Ī-rɔyīdə́ ngá̰ý kə tárá tām̄ kəla ń nin̄-rāān̄ tə́ ní. Ī-ndiī kə naá kə kem sɔl̄ lɔmɔɔ́.
14Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō. 15Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.
16Ī-ndiī kə rɔ̄nelēé kə ndɔ̄ gə̄. 17Ī-lōōī gír ndɔ̄yɔ̄ɔ́ alé. 18Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə *Kərist Jeju ní n noó.
19Ɔ̄gī Ndíl rāā yá̰a̰ alé. 20Ī-lōōī kídə̄ najə̄ ń Nə́ɓā əndā ta *ngé koō ta gə̄ tə́ ní. 21Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄. 22Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.
23Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju *Kərist tə́ anī, najə̄ gətóo dɔsí tə́. 24Nge ń ɓāŕsí ní a rāā tītə̄ ń noō, tɔdɔ̄ ni i nge ra dɔ ndūn tə́.
25Ngákó̰ó̰jí gə̄, ī-ndɔ̄yī tām̄ yājí tə́ ō.
26Ī-ɓirī naā kə̄ rɔ̄sí tə́ ī-rāāīneé naā lápə́ya kə́ loo ngákó̰o̰ naā gə̄ tə́.
27m̄-rāāsí ɓɔ́ kə rī Kɔ́ɔ̄ɓēé, ī-tə́daī makətūbə̄ ń toō ādī ngákó̰ó̰jí gə̄ malang.
28Ādə̄ Kɔ́ɔ̄ɓē yājí Jeju *Kərist rāā kem majə sesí.
Currently Selected:
Makətūbə̄ kə́ ta kəga dɔ ń Pol ndang adə̄ Tesalonik gə̄ ní 5: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Makətūbə̄ kə́ ta kəga dɔ ń Pol ndang adə̄ Tesalonik gə̄ ní 5
5
1Ngákó̰ó̰jí gə̄, najə̄ kə́ dɔ ndɔ̄ tə́, aláa kum mbangən ń Kɔ́ɔ̄ɓē a reēń tə́ ní, majə kadə̄ deē ndang adə̄sí to̰ alé, 2tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē#5.2 K. 2: Á̰a̰ī Mat 24.43; Luk 12.39-40. 3Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé. 4Ba sḭḭ̄, ngákó̰ó̰ḿ gə̄, sḭḭ̄ i kum til tə́ alé. Adə̄ ndɔ̄ ní a əhɔsí dɔ jīsí tə́ tītə̄ nge ɓogə beé alé. 5Tām̄ sḭḭ̄ malang i ngáń kə́ kum loo kə́ unjə̄ kow tə́ gə̄ ō, ngáń kə́ kadaá gə̄ ō. Jḭḭ̄ i de kə́ ndɔ̄ɔ́ gə̄ aĺ ō, kə́ tilií gə̄ aĺ ō. 6I beé ní, jə-lōōī ɓīī tītə̄ yā gotə de gə̄. Banī jə-ndiī kanjə̄ kənī ɓīī kumjí tə́ ō, j-əhɔī rɔ̄jí dɔ yá̰á̰ tə́ ō. 7Tɔdɔ̄ ngé ɓīī gə̄ a ɓīīn̄ i ndɔ̄ɔ́ ō, ngé kasə rāā gə̄ kasə a rāādə́ i ndɔ̄ɔ́ ō. 8Banī jḭḭ̄ ń i de kə́ kadaá gə̄ ní, ādə̄ j-əhɔī rɔ̄jí dɔ yá̰á̰ tə́. J-əlaī kūbə̄ gində̄ ń i taā kem ō, tár ō ní rɔ̄jí tə́ ō, jākā kəndā kem dɔ kajə tə́ dɔjí tə́ ō. 9Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju *Kərist ń 10oy tām̄ yājí tə́ ní. Yā kadə̄ ká ré jə-ndiī kə kumjí, aké jə-ɓīī i mbée gə̄gē anī, jḭḭ̄ i naā tə́ seneé. 11I beé ní, ə́laī go̰ kem naā tə́ ō, ī-mbūsī naā ō, tītə̄ ń ī-rāāīneé ɓá ní.
Kɔjə̄ gə̄ ō, lápə́ya gə̄ ō kə́ ta tɔ̄l̄ ta tə́
12Ngákó̰ó̰jí gə̄, jə-dəjesí kadə̄ ī-ɓōlíī ndíl de kə́ dɔ dáńsí tə́ gə̄ ń ɔrən̄ sesí ō, Kɔ́ɔ̄ɓē əndādə́ dɔsí tə́ ō, a tāān̄sí ō ní. 13Ī-rɔyīdə́ ngá̰ý kə tárá tām̄ kəla ń nin̄-rāān̄ tə́ ní. Ī-ndiī kə naá kə kem sɔl̄ lɔmɔɔ́.
14Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō. 15Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.
16Ī-ndiī kə rɔ̄nelēé kə ndɔ̄ gə̄. 17Ī-lōōī gír ndɔ̄yɔ̄ɔ́ alé. 18Ī-ndadī Nə́ɓā dan yá̰a̰ gə̄ tə́ malang, tɔdɔ̄ yá̰á̰ ń Nə́ɓā sāā rɔ̄sí tə́ dan ń ī-ɓooī naā kə *Kərist Jeju ní n noó.
19Ɔ̄gī Ndíl rāā yá̰a̰ alé. 20Ī-lōōī kídə̄ najə̄ ń Nə́ɓā əndā ta *ngé koō ta gə̄ tə́ ní. 21Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄. 22Ɔ̄rī rɔ̄sí kɔ̄ɔ́ tū yá̰á̰ kə́ majaĺ gə̄ tə́ malang.
23Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju *Kərist tə́ anī, najə̄ gətóo dɔsí tə́. 24Nge ń ɓāŕsí ní a rāā tītə̄ ń noō, tɔdɔ̄ ni i nge ra dɔ ndūn tə́.
25Ngákó̰ó̰jí gə̄, ī-ndɔ̄yī tām̄ yājí tə́ ō.
26Ī-ɓirī naā kə̄ rɔ̄sí tə́ ī-rāāīneé naā lápə́ya kə́ loo ngákó̰o̰ naā gə̄ tə́.
27m̄-rāāsí ɓɔ́ kə rī Kɔ́ɔ̄ɓēé, ī-tə́daī makətūbə̄ ń toō ādī ngákó̰ó̰jí gə̄ malang.
28Ādə̄ Kɔ́ɔ̄ɓē yājí Jeju *Kərist rāā kem majə sesí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad