Matiyu 19
19
Mwulawu
1She Yeisu ɓə la pwo aɓəda ye da ɓo, wa fa Gəlili jesnu wa lo Yahudiya əknyi n Urudu əkpma dəyi. 2Deeji yaakwo kwa vyi wo, jesnu wa ga ɓa kágna zhi n abaayi.
3Afarisiyi ho ɓa ɓe da Yeisu nabai ɓa tu wo mwi. Ɓa nyaɓo, “Owa ncei ye lo nge zanugbai wo wu mwula n əwo nyikwoi ntu n nyahonyahoi kwo n ɓəhoɓəhoi ɓo o?”
4Wa dnaɓəgbe, “Fye too ba nge ń ayayaba Shekwoyi ɓə zhni ɓa ‘zanugbai n nyikwozai nu m?’ 5Njesnu wa gna, ‘Ntu dəye ɓo, zanugbai ɓa fa əwo dada n əwo əyai, waa nyima əwo nyikwo, jesnu əɓa ngwnu-aba ɓa ɓə kwu zè nayi gbmanyi.’ 6Ntulonu, ɓa to ye zhni ngwnu-aba nu m, ama nayi gbmanyi. Ntucenu ənya ń Shekwoyi wo la kwo cigyido, zahozahoyi to gna kwo ajeya m.”
7Ɓa nyaɓo, “Knyiyi nu ɓə zhni Mwusa wa ga əgbetu nge əza wo ga əwo nyikwo nyakaɓəgbmi mwulawu nya, jesnu wa wo ya a?”
8Yeisu wa dnaɓəgbe, “Mwusa ɓə ga fye əgbe nge fye wu mwula n əfye anyikwoi ntu n əfye adu akalákpe ɓo nu. Ama kwo to ɓə nyi lonu nu ń ayayaba m. 9Mi gna fye nge zahozahoyi n wa wu mwula n əwo nyikwoi, akpəge ntu asisiɓozhni ɓo; waa la nyikwo ədo, wo kwu anagbái zhni.”
10Amwutuyi ɓa gna, “Ngye kwo lo nlonu n əza aba n əwo nyikwoi, a gye kwo bmyalo to əza wa la nyikwo m.”
11Yeisu wa dnaɓəgbe, “Zahozahoyi nu taa gwo ɓədagbma ye m, ama kwo ɓwasnu lo n aza aba nu n a la kwo ga ɓa. 12Ntuge azaka lo n a ɓə ma ɓa n wu lo nu, jesnu aza lo n a ɓə zè ɓa azaka, jesnu azaho lo n ɓa kwu ɓahni zè azaka ntu n əshebemi ɓo. Əza n wo ɓa gwo ɓəda ye, wa gwo.”
Aɓyi anawyii n Yeisui
13Nlonu, aza ɓa ɓe n aɓyi anawyii n Yeisu aba nabai wa kpe ɓa əwo aɓwa jesnu wa zhniaduwa ga ɓa. Ama amwutuyi ɓa gnaknyi ɓa.
14Yeisu wa gna, “Fye fa aɓyi anawyii ɓa ɓe da mi, fye to nya ɓa ya m, ntuge əshebemi zhni əɓa pya nya nu.” 15She wo ɓə kwu əwo aɓwa kpe ń əɓa atukwo, wa laka n abaayi.
Gyiwyeda n Shekwoyi əbemii
16N ɓwasnu nsayii, əzaho wa ɓe da Yeisu wa nyaɓo, “Nyawuyi manai, knyi əɓo manai nu zhni ɓəshishi n mi ɓa zhni ma ɓwa wyewyeyi nyalonyalo nya a?”
17Yeisu wa dnaɓəgbe, “Knyiyi nu zhni hoi yi mi nge əza manai a? Əza manai to lo m, akpəge Shekwoyi. Ń ho ye lo ha lodna n wyewyeyi, shi aɓəgbetu ɓwa.”
18Wa nyaɓo, “Aknyidoi nu a?”
Yeisu wa dnaɓəgbe, “ ‘Ho taa wu əza m, ho taa zhni anagbái m, ho taa wyivyi m, ho taa gbmi əɓo katá nya m, 19ga əho dada mwamwa n əho əyai,’ jesnu ‘wu əho kwnuzhiyi yeye ngye əhohni.’ ”
20Əɓyikasa yi wa gna, “Aɓo ye vnyanya mi n ɓai shiɓwa lo. Knyiyi nu ye n mii celo a?”
21Yeisu wa dnaɓəgbe, “Ngye ho ncei pmalo haa zè əza nunui, lo, ho kwu əho nyaɓwa kwnu vnyanya jesnu ha kwu ga awyekwoyi, ho ɓə ɓwa nyaɓwayezhi n əshemi. Nlonu hoi ɓe, ha vyi mi.”
22She əɓyikasa yi ɓə wo dəye, wa laka lo n bwugbawnui, ntuge wo ɓəi n nyaɓwai n mwa kwokwo.
23Nlonu Yeisu wa gna əwo amwutuyi, “Ɓəhnihni mi gna fye, kwo dnaɓo lo gyiwyeda woi lodna n əshebemi. 24Njesnu mi gna fye, kwo gna wo lo faafa lakwnumi kwa du n acibwa a fa əza n wo n nyaɓwai lo woi lodna n Shekwoyi əbemi.”
25She amwutuyi ɓə wo dəye, ca wo ɓa n mwa jesnu ɓa nyaɓo, “To, nyika nu ɓə pwo a?”
26Yeisu wa shi ɓa awye wa gna, “N zanyikwoci aba, dəye taa yezhni m, ama aɓo vnyanya ɓa yezhni n Shekwoyii.”
27Byitusu wa dna wo ɓəgbe, “Yi kwu nyahonyahoi fa vnyanya nabai ya vyi ho! Knyiyi nu shilo ntu əyi ɓo a?”
28Yeisu wa gna ɓa, “Ɓəhnihni mi gna fye, n aɓo doshna sa vnyanya, əsa n Əza Nugwnu ɓə sasetu n əwo shnikpegye latuyi, əfye ń fye vyi mi nyi, fye ɓə sase kpe ce n abeshnikpegye awoceaba, fyei da Israila abye awoceaba owa. 29Jesnu zahozahoyi n wo la əwo pwuwa fa, kwo əwo azaje kwo mapwii kwo əda kwo əya kwo nyikwo kwo aɓyi kwo afwa ntu əmi ɓo, wo ɓə gwo gyiba n mwa aɓwa tagyi jesnu wo ɓə ɓwa wyewyeyi nyalonyalo nya. 30Ama aza bəgyé ń ɓa nu zhni akpmisnuyi, ɓa ɓə kwu zè akpmaknayi, jesnu aza bəgyé ń ɓa nu zhni akpmaknayi, ɓa ɓə kwu zè akpmisnuyi.
Currently Selected:
Matiyu 19: OGNB
Highlight
Share
Copy
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Matiyu 19
19
Mwulawu
1She Yeisu ɓə la pwo aɓəda ye da ɓo, wa fa Gəlili jesnu wa lo Yahudiya əknyi n Urudu əkpma dəyi. 2Deeji yaakwo kwa vyi wo, jesnu wa ga ɓa kágna zhi n abaayi.
3Afarisiyi ho ɓa ɓe da Yeisu nabai ɓa tu wo mwi. Ɓa nyaɓo, “Owa ncei ye lo nge zanugbai wo wu mwula n əwo nyikwoi ntu n nyahonyahoi kwo n ɓəhoɓəhoi ɓo o?”
4Wa dnaɓəgbe, “Fye too ba nge ń ayayaba Shekwoyi ɓə zhni ɓa ‘zanugbai n nyikwozai nu m?’ 5Njesnu wa gna, ‘Ntu dəye ɓo, zanugbai ɓa fa əwo dada n əwo əyai, waa nyima əwo nyikwo, jesnu əɓa ngwnu-aba ɓa ɓə kwu zè nayi gbmanyi.’ 6Ntulonu, ɓa to ye zhni ngwnu-aba nu m, ama nayi gbmanyi. Ntucenu ənya ń Shekwoyi wo la kwo cigyido, zahozahoyi to gna kwo ajeya m.”
7Ɓa nyaɓo, “Knyiyi nu ɓə zhni Mwusa wa ga əgbetu nge əza wo ga əwo nyikwo nyakaɓəgbmi mwulawu nya, jesnu wa wo ya a?”
8Yeisu wa dnaɓəgbe, “Mwusa ɓə ga fye əgbe nge fye wu mwula n əfye anyikwoi ntu n əfye adu akalákpe ɓo nu. Ama kwo to ɓə nyi lonu nu ń ayayaba m. 9Mi gna fye nge zahozahoyi n wa wu mwula n əwo nyikwoi, akpəge ntu asisiɓozhni ɓo; waa la nyikwo ədo, wo kwu anagbái zhni.”
10Amwutuyi ɓa gna, “Ngye kwo lo nlonu n əza aba n əwo nyikwoi, a gye kwo bmyalo to əza wa la nyikwo m.”
11Yeisu wa dnaɓəgbe, “Zahozahoyi nu taa gwo ɓədagbma ye m, ama kwo ɓwasnu lo n aza aba nu n a la kwo ga ɓa. 12Ntuge azaka lo n a ɓə ma ɓa n wu lo nu, jesnu aza lo n a ɓə zè ɓa azaka, jesnu azaho lo n ɓa kwu ɓahni zè azaka ntu n əshebemi ɓo. Əza n wo ɓa gwo ɓəda ye, wa gwo.”
Aɓyi anawyii n Yeisui
13Nlonu, aza ɓa ɓe n aɓyi anawyii n Yeisu aba nabai wa kpe ɓa əwo aɓwa jesnu wa zhniaduwa ga ɓa. Ama amwutuyi ɓa gnaknyi ɓa.
14Yeisu wa gna, “Fye fa aɓyi anawyii ɓa ɓe da mi, fye to nya ɓa ya m, ntuge əshebemi zhni əɓa pya nya nu.” 15She wo ɓə kwu əwo aɓwa kpe ń əɓa atukwo, wa laka n abaayi.
Gyiwyeda n Shekwoyi əbemii
16N ɓwasnu nsayii, əzaho wa ɓe da Yeisu wa nyaɓo, “Nyawuyi manai, knyi əɓo manai nu zhni ɓəshishi n mi ɓa zhni ma ɓwa wyewyeyi nyalonyalo nya a?”
17Yeisu wa dnaɓəgbe, “Knyiyi nu zhni hoi yi mi nge əza manai a? Əza manai to lo m, akpəge Shekwoyi. Ń ho ye lo ha lodna n wyewyeyi, shi aɓəgbetu ɓwa.”
18Wa nyaɓo, “Aknyidoi nu a?”
Yeisu wa dnaɓəgbe, “ ‘Ho taa wu əza m, ho taa zhni anagbái m, ho taa wyivyi m, ho taa gbmi əɓo katá nya m, 19ga əho dada mwamwa n əho əyai,’ jesnu ‘wu əho kwnuzhiyi yeye ngye əhohni.’ ”
20Əɓyikasa yi wa gna, “Aɓo ye vnyanya mi n ɓai shiɓwa lo. Knyiyi nu ye n mii celo a?”
21Yeisu wa dnaɓəgbe, “Ngye ho ncei pmalo haa zè əza nunui, lo, ho kwu əho nyaɓwa kwnu vnyanya jesnu ha kwu ga awyekwoyi, ho ɓə ɓwa nyaɓwayezhi n əshemi. Nlonu hoi ɓe, ha vyi mi.”
22She əɓyikasa yi ɓə wo dəye, wa laka lo n bwugbawnui, ntuge wo ɓəi n nyaɓwai n mwa kwokwo.
23Nlonu Yeisu wa gna əwo amwutuyi, “Ɓəhnihni mi gna fye, kwo dnaɓo lo gyiwyeda woi lodna n əshebemi. 24Njesnu mi gna fye, kwo gna wo lo faafa lakwnumi kwa du n acibwa a fa əza n wo n nyaɓwai lo woi lodna n Shekwoyi əbemi.”
25She amwutuyi ɓə wo dəye, ca wo ɓa n mwa jesnu ɓa nyaɓo, “To, nyika nu ɓə pwo a?”
26Yeisu wa shi ɓa awye wa gna, “N zanyikwoci aba, dəye taa yezhni m, ama aɓo vnyanya ɓa yezhni n Shekwoyii.”
27Byitusu wa dna wo ɓəgbe, “Yi kwu nyahonyahoi fa vnyanya nabai ya vyi ho! Knyiyi nu shilo ntu əyi ɓo a?”
28Yeisu wa gna ɓa, “Ɓəhnihni mi gna fye, n aɓo doshna sa vnyanya, əsa n Əza Nugwnu ɓə sasetu n əwo shnikpegye latuyi, əfye ń fye vyi mi nyi, fye ɓə sase kpe ce n abeshnikpegye awoceaba, fyei da Israila abye awoceaba owa. 29Jesnu zahozahoyi n wo la əwo pwuwa fa, kwo əwo azaje kwo mapwii kwo əda kwo əya kwo nyikwo kwo aɓyi kwo afwa ntu əmi ɓo, wo ɓə gwo gyiba n mwa aɓwa tagyi jesnu wo ɓə ɓwa wyewyeyi nyalonyalo nya. 30Ama aza bəgyé ń ɓa nu zhni akpmisnuyi, ɓa ɓə kwu zè akpmaknayi, jesnu aza bəgyé ń ɓa nu zhni akpmaknayi, ɓa ɓə kwu zè akpmisnuyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.