Matiyu 14
14
A la Yohana batizimazhniyi kpe tukwo
1Dna nsayi, əsu Hiridusu wa wo Yeisu anabagyi, 2wa gna əwo atnutnuyi, “Yohana Batizimazhniyi nu gnyi, wo la laka nu ń əfyi! Cenuzhni ikwo aɓəwowoi nya ɓai zhni tnutnu n wo.”
3Nsayii Hiridusu ɓəə la Yohana wna waa wo dna ń zhalu ntu n Hiriduya ɓo, əwodo Fyilibwus nyikwo, 4ntuge Yohana ɓə zhni woi gna wo: “Kwo to dnalo ń owa əfye ha la wo m.” 5Hiridusu ɓə ncei pma wa wu Yohana, ama wo ɓə zhni woi wo aza ədna ntuge aza ɓə n Yohanai la ge wo zhni sheɓəgwognayi nu.
6N Hiridusu mama əye shegwnudo awyefna əwyii, Hiriduya nyigwnu wa nyanya ń azhiɓeyi abye kwa kwu Hiridusu dagbma n mwa, 7kwa zhni wo waa ɓəgbeshi shi n nyasíi nge wo ɓə ga wo nyahonyahoii n wa nyaɓo.
8Əwo əya wa wu wo ənya n wo ɓa nyaɓo, wa gna, “Ga mi tu ń fnyitala Yohana Batizimazhniyi tukwo.” 9Bwugba kwaa əsu wnuya, ama ntu n əwo nyasí ɓo ɓədo n əwo wyeshenyagyi azhiɓeyii, wa ga əgbe nge a la ənya ga Hiriduya nyigwnu n wa nyaɓo tu n kwo nyi, 10nlonu a lo zhalu a kpe Yohana tukwo, a ɓe ncei. 11A loɓe n əwo tukwoi tu n fnyitala, aa kwo ga əɓyinyikwoi yi, wa la wa lo əwo əya ncei. 12Yohana amwutuyi ɓa ɓe ɓa la əwo nayi ɓaa kwo byi. Nlonu ɓa lo ɓa gna Yeisu.
Yeisu ga aza dugwu-atnu nyagyi
13She Yeisu ɓə wo əɓo n kwo kwu zhni nyi, wa laka ń əya nuwnanyaí əwo gbmanyi wa lo aba ń kwo ɓə gnyi pyipyipyi. Shi adeeji ɓə wo lonu ɓa kwnu n azhimi n apitai ɓa vyi wo lo. 14She Yeisu ɓə gbmishi wa gye deeji yaakwo, wa gye ɓa snusnu wa ka anyasnayi gna.
15Shi wyeshe ɓə ya she, amwutuyi ɓa ɓe da wo ɓa gna, “Zhabwi nu gnyi n ya, wyeshe la ya kwoi she, gna deeji ami, ɓa lo azhigba ɓəə si nyagyi ga əɓahni.”
16Yeisu wa dnaɓəgbe, “Ɓa to gwo ɓa lo ɓwaho m. Fye ga ɓa nyaho ɓa gyi.”
17Ɓa dnaɓəgbe, “Yi n biledii n ɓwashi lo n ya ngwnu-atnu nu n abmyai ngwnu-aba.”
18Wa gna, “Fye ɓe mi n ɓai ń ya.” 19Wa ga aza əgbe nge ɓa kwu sase zhi n agbegbe. Shi wo ɓə gwo biledi aknana ngwnu-atnu n abmyai ngwnu-aba yii, wa kpe awye wu n əshe, wa sa Shekwoyi ami, jesnu wa sa biledi aknana yii ya. Nlonu wa ga əwo amwutuyi, ɓa gnaya ga aza. 20Əɓa vnyanya ɓa gyi jesnu nubwo kwa kwu ɓa fwu, amwutuyi ɓa kwu awyiwoi n ɓa ɓə ce nyí, ɓa kwu nu acekwnu ngwnu-awoceaba. 21Aza bəgyé n ɓa ɓə gyi nyagyi yi nyi, ɓa ɓə nyi ngye azanugbai adugwu-atnu nu gbowo n anyikwozai n aɓyii.
Yeisu znazna tu n nuwna.
22Nsayisayii Yeisu wa zhni əwo amwutuyi ɓa lofyi ń əya nuwnanya, ɓa piya kpe n əkpma dəyi n gyilo n əwo abye, wo ɓəye cegnyi woi gna deeji ami. 23Woi kwu ɓa gnami, wa gwnulo əpe, əwo gbmanyi, woo zhniaduwa; dna n sukwo yi waa tu n ɓo, əwo gbmanyi. 24Njesnu əya nuwnanya kwoi la lu tagnyi n kpaai n əkpmai, anuwnadokwo ɓa ɓe ɓai sheknyi kwo, ntuge əse ɓə ci ɓe n awyei ce n əya nuwnanya nu.
25N fyegyi ɓwai Yeisu wa gbmi lo da ɓa woi znazna tu ń nuwna-znudna. 26She amwutuyi ɓə gye wo woi znazna tu ń nuwna-znudna, ədna kwa wo ɓa, ɓa fyiakwu. Ɓa gna, “Gye nyasnuɓwui nu.”
27Ama Yeisu nsayisayii wa gna ɓa: “Fye kwu agwumyizhi! Əmi nu. Ədna to wo fye m.”
28Byitusu wa dnaɓəgbe, “Dagayi ngye əho nu, gna mi ge mi ɓe da ho tu n nuwna.”
29Wa gna, “Ɓe.”
Nlonu Byitusu wa gbmi ń əya nunwanya, wa znazna tu ń nuwna woi lo da Yeisu. 30Ama shi wo ɓə gye əse, ədna kwa wo wo, jesnu shi wo ɓə ya woi shni, wa gbmi əɓwi ya, “Dagayi, gnyi mi!”
31Nsayisayii Yeisu wa ta əwo əɓwa ya, wa wna wo. Wa gna, “Əho gaiciyaganunui gbagbaida, knyiyi nu naa zhni hoi bmabwugba ya?”
32She ɓa ɓə lofyi n əya nuwnanya, əse kwaa cepyi. 33Nlonu aza yi n ɓa ɓə fyi n əya nuwnanya nyi, ɓa ga wo mwamwa, ɓa gna, “Ɓəhnihni ho zhni Shekwoyi Nugwnu nu.”
34She ɓa ɓə la piya, ɓa kwnukpe n Genezareti əknyi. 35She aza ń ɓa ɓə fyi n əzhi yi nyi ɓə kwu kpe nge Yeisu nu, ɓa fyi atnutnu lo azhi ń ɓa shegwnu ɓa vnyanya nyi. Aza ɓa ɓe wo n əɓa anyasnayii vnyanya, 36ɓa ɓa wo nge wo fa anyasnayi ɓa ɓwa əwo əjegbe əɓwa nu to, jesnu aza vnyanya n ɓa ɓə la kwo toɓwa nyi, ɓa kwu kágna ɓwa.
Currently Selected:
Matiyu 14: OGNB
Highlight
Share
Copy
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Matiyu 14
14
A la Yohana batizimazhniyi kpe tukwo
1Dna nsayi, əsu Hiridusu wa wo Yeisu anabagyi, 2wa gna əwo atnutnuyi, “Yohana Batizimazhniyi nu gnyi, wo la laka nu ń əfyi! Cenuzhni ikwo aɓəwowoi nya ɓai zhni tnutnu n wo.”
3Nsayii Hiridusu ɓəə la Yohana wna waa wo dna ń zhalu ntu n Hiriduya ɓo, əwodo Fyilibwus nyikwo, 4ntuge Yohana ɓə zhni woi gna wo: “Kwo to dnalo ń owa əfye ha la wo m.” 5Hiridusu ɓə ncei pma wa wu Yohana, ama wo ɓə zhni woi wo aza ədna ntuge aza ɓə n Yohanai la ge wo zhni sheɓəgwognayi nu.
6N Hiridusu mama əye shegwnudo awyefna əwyii, Hiriduya nyigwnu wa nyanya ń azhiɓeyi abye kwa kwu Hiridusu dagbma n mwa, 7kwa zhni wo waa ɓəgbeshi shi n nyasíi nge wo ɓə ga wo nyahonyahoii n wa nyaɓo.
8Əwo əya wa wu wo ənya n wo ɓa nyaɓo, wa gna, “Ga mi tu ń fnyitala Yohana Batizimazhniyi tukwo.” 9Bwugba kwaa əsu wnuya, ama ntu n əwo nyasí ɓo ɓədo n əwo wyeshenyagyi azhiɓeyii, wa ga əgbe nge a la ənya ga Hiriduya nyigwnu n wa nyaɓo tu n kwo nyi, 10nlonu a lo zhalu a kpe Yohana tukwo, a ɓe ncei. 11A loɓe n əwo tukwoi tu n fnyitala, aa kwo ga əɓyinyikwoi yi, wa la wa lo əwo əya ncei. 12Yohana amwutuyi ɓa ɓe ɓa la əwo nayi ɓaa kwo byi. Nlonu ɓa lo ɓa gna Yeisu.
Yeisu ga aza dugwu-atnu nyagyi
13She Yeisu ɓə wo əɓo n kwo kwu zhni nyi, wa laka ń əya nuwnanyaí əwo gbmanyi wa lo aba ń kwo ɓə gnyi pyipyipyi. Shi adeeji ɓə wo lonu ɓa kwnu n azhimi n apitai ɓa vyi wo lo. 14She Yeisu ɓə gbmishi wa gye deeji yaakwo, wa gye ɓa snusnu wa ka anyasnayi gna.
15Shi wyeshe ɓə ya she, amwutuyi ɓa ɓe da wo ɓa gna, “Zhabwi nu gnyi n ya, wyeshe la ya kwoi she, gna deeji ami, ɓa lo azhigba ɓəə si nyagyi ga əɓahni.”
16Yeisu wa dnaɓəgbe, “Ɓa to gwo ɓa lo ɓwaho m. Fye ga ɓa nyaho ɓa gyi.”
17Ɓa dnaɓəgbe, “Yi n biledii n ɓwashi lo n ya ngwnu-atnu nu n abmyai ngwnu-aba.”
18Wa gna, “Fye ɓe mi n ɓai ń ya.” 19Wa ga aza əgbe nge ɓa kwu sase zhi n agbegbe. Shi wo ɓə gwo biledi aknana ngwnu-atnu n abmyai ngwnu-aba yii, wa kpe awye wu n əshe, wa sa Shekwoyi ami, jesnu wa sa biledi aknana yii ya. Nlonu wa ga əwo amwutuyi, ɓa gnaya ga aza. 20Əɓa vnyanya ɓa gyi jesnu nubwo kwa kwu ɓa fwu, amwutuyi ɓa kwu awyiwoi n ɓa ɓə ce nyí, ɓa kwu nu acekwnu ngwnu-awoceaba. 21Aza bəgyé n ɓa ɓə gyi nyagyi yi nyi, ɓa ɓə nyi ngye azanugbai adugwu-atnu nu gbowo n anyikwozai n aɓyii.
Yeisu znazna tu n nuwna.
22Nsayisayii Yeisu wa zhni əwo amwutuyi ɓa lofyi ń əya nuwnanya, ɓa piya kpe n əkpma dəyi n gyilo n əwo abye, wo ɓəye cegnyi woi gna deeji ami. 23Woi kwu ɓa gnami, wa gwnulo əpe, əwo gbmanyi, woo zhniaduwa; dna n sukwo yi waa tu n ɓo, əwo gbmanyi. 24Njesnu əya nuwnanya kwoi la lu tagnyi n kpaai n əkpmai, anuwnadokwo ɓa ɓe ɓai sheknyi kwo, ntuge əse ɓə ci ɓe n awyei ce n əya nuwnanya nu.
25N fyegyi ɓwai Yeisu wa gbmi lo da ɓa woi znazna tu ń nuwna-znudna. 26She amwutuyi ɓə gye wo woi znazna tu ń nuwna-znudna, ədna kwa wo ɓa, ɓa fyiakwu. Ɓa gna, “Gye nyasnuɓwui nu.”
27Ama Yeisu nsayisayii wa gna ɓa: “Fye kwu agwumyizhi! Əmi nu. Ədna to wo fye m.”
28Byitusu wa dnaɓəgbe, “Dagayi ngye əho nu, gna mi ge mi ɓe da ho tu n nuwna.”
29Wa gna, “Ɓe.”
Nlonu Byitusu wa gbmi ń əya nunwanya, wa znazna tu ń nuwna woi lo da Yeisu. 30Ama shi wo ɓə gye əse, ədna kwa wo wo, jesnu shi wo ɓə ya woi shni, wa gbmi əɓwi ya, “Dagayi, gnyi mi!”
31Nsayisayii Yeisu wa ta əwo əɓwa ya, wa wna wo. Wa gna, “Əho gaiciyaganunui gbagbaida, knyiyi nu naa zhni hoi bmabwugba ya?”
32She ɓa ɓə lofyi n əya nuwnanya, əse kwaa cepyi. 33Nlonu aza yi n ɓa ɓə fyi n əya nuwnanya nyi, ɓa ga wo mwamwa, ɓa gna, “Ɓəhnihni ho zhni Shekwoyi Nugwnu nu.”
34She ɓa ɓə la piya, ɓa kwnukpe n Genezareti əknyi. 35She aza ń ɓa ɓə fyi n əzhi yi nyi ɓə kwu kpe nge Yeisu nu, ɓa fyi atnutnu lo azhi ń ɓa shegwnu ɓa vnyanya nyi. Aza ɓa ɓe wo n əɓa anyasnayii vnyanya, 36ɓa ɓa wo nge wo fa anyasnayi ɓa ɓwa əwo əjegbe əɓwa nu to, jesnu aza vnyanya n ɓa ɓə la kwo toɓwa nyi, ɓa kwu kágna ɓwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.