Efesiɛ́ŋ 4
4
Ánaá Gimbi giá Beédébi bá Klístus gíbá igiladánɔ
1Yeénúgínyiginye gɔg, yaŋuá nnyaá uguá giansɛ giá mbíne gá busió buá buónyi buá Ɔgúná: Sɔ́dɔ́nɔ́nɔ hana búóhoneé uguá ɔdɔ́ŋína uhuɔ́ númadáŋáab. 2Ánaá núbísusenye, nubá yɛbyɛb nuond nubídémbénye. Bísúsényénu uguá ginɔ́nɛ́n banuá na banuá binɛŋ gidigid. 3Bínuánánánɔ gá gimbe nilada iniɛ́ Gileénde giá Budányɛ gínúhuánaá uguá bumbénu, ubúnúladanɔ́ banuá na banuá. 4Nuɔ́l núnyɛ pɛ́ŋ númomi na Gileénde gímomi, hana nubídágídɛ́n núnya pɛ́ŋ númomi, unuɔ́ Uhaluá úmɔnúdɔ́ŋɛ́ɛn gá nuɔ́. 5Ɔgúná unyɛ pɛ́ŋ omoómi, guágɔdɛ́m pɛ́ŋ gúmomi, giyúminye pɛ́ŋ gímomi, 6Uhaluá unyɛ pɛ́ŋ omoómi Síe wa bandɔ gidigid ugilebenú uguá buand gidigid, wɔɔ́yɔgɔn uguá sig mɔndɔ guond waágíga uguá sig mɔndɔ. 7Gá sig mɔndɔ, Klístus umadíhuá binɔ́g biá muand biá magɔg uguá bilɔŋ ibiɛ́ úmɔyɛ́d. 8Ŋŋɔ́ŋɛ yɔɔ́guɔya áneé:
«Uguá ginɛŋ igiɛ́ úmabúlɛ́ɛg, umɛɛ́d na ŋŋóli.
Uwahuán bandɔ muand.»
9Henyé, giagɛ igínya áneé: «Umabúlɛ́ɛg?» Búáguamba guɔyɛd súsɔ́n áneé umaágágusɔs uguá sulúm wa bibéyi biá guísi. 10Mɔndɔ umaásɔ́s, búnyɛ mɔndɔ súsɔ́n úmaábúlɛ́ɛg hádɛ ugumɔn gá gueleé uhónye guɔ́m. 11Mpuán iyɛɛ́ Klístus úmal iyɛ: Bómodi abádáŋáab mpuán ya guáyɛ medenyi, bódodi bebunebúné, ugúnya ana boyi Ginɔ́g giá Nsɔ́m. Bódodi abádáŋáab mpuán ya guendenye buán buá Uhaluá ugúnya ana ya huínyihuinye nugálɔ nuég. 12Uguá mpuán isigányɛ, Klístus umamba áneé uhuínyihuinye ɔbɔ́bɔninaá na Uhaluá. Agányɛ, bányɛ bóhónye buóli buɔ́b búabá eŋédébi gá nuhág nuá nuɔ́l nuá Klístus. 13Uguá bilɔŋ ibigányɛ diénegenú uguá nilada uguá guágɔdɛ́m na lɛns guá Muɔ́n wa Uhaluá. Ɔlɔŋ, dianágúnɛ́n diond díeg uguá udényi huá Klístus uguá bá níŋíláníŋílá. 14Didianándabá gɔg biayɔ, ibiɛ́ ombógónyé ugúnya ana usánána húédedienú na duhuínyihuínyi gidigid. Biayɔ ibiɛ́ bandɔ bɔ́nɔ́nɔŋɔnɔ́, báluŋa bibán na dudádɛ duɔ́b gá gusinye bɔ́. 15Gɔgaá, guɔya guá hómohómue uguá ginɔ́nɛ́n, dianáguman uguá buá gidigid gá guɛ́d uguá Klístus unyaá ɔduá. 16Búnyɛ úmuanyɛ úwalanɔ́ áneé nuɔ́l gidigid nubá unulúndánɔ, unuladánɔ na biladɛ́n gidigd ibiɛ́ núgódionu. Sig gibéyi giá nuɔ́l gímala buóli buég, nuɔ́l unugányɛ núánáguman uguá ginɔ́nɛ́n.
Na nsúa na dabdab
17Ndé ubuɔ́ nnúɔyɔnaá gɔg na gindenye uguá ɔhɛ́n huá Ɔgúná: Nudiɔndɔ́sɔ́dɔn hana bindiadába ibiɛ́ dugedie duɔ́b dúgɔ́gɔnɔ́ agá gudɔɔ́. 18Dugedie duɔ́b dúnyɛ uguá mbíne, guond bódigódi ndáŋa ya nusɔ́da unuɔ́ Uhaluá údóŋonyeé. Ɛɛ́ɛ, bádiálinsan, guond idɛ́m siɔ́b sínyɛ isíbugénu. 19Bádiándalinsan gusaluna naá buá beseé naá buá gilɔga, bɔ́bígɔ́lɔn ta naánanyá. Bóbídóŋonye gá buendéndi uguɔ́b guá niída, kɔndɔguɔ́b ɔduá gunɔ́h. 20Gánɔ gɔg, búdibá anagányɛ númahɔ́nhɔ́n gulinsan Klístus. 21Mmába gɔg búnyɛ úmuanyɛ númɔɔ́bɔ́n bómon, mmába úmuanyɛ bémenúhuínyihuínyé hana hómohómue unyaá uguá Yésuse wɔ́yɔnɔ́, 22nugódi áneé nunihɛn melélíe mánɔ má nsuá, nunúgie bumɔndɔ ubuɔ́ númabá nsuá gá giagiá, niída niég niá mɔnɔŋɔna níánúgada. 23Núgodi áneé nuɔ́bɔn muand uguá bilɔŋ ibigɔ́sɛ, uguá guɔyɛd guá Gileénde giá Uhaluá. 24Hana gisɔn igigɔ́sɛ, áyɛ mɔndɔ ɔgɔ́sɛ. Mɔndɔ ɔgɔ́sɛ waáguɔ́ unyɛ aluŋánɔ hana Uhaluá wɔ́yɔnɔ́: Hómohómue woóguondonye yɔ́ gindényé na gisamb.
25Níhínánánɔ bibán, ánaá sig mɔndɔ wɔyɔn sɔ́gá weg muand uguá gindényé, gá giagiá dinyɛ maláŋ má nuɔ́l nuáguɔ́ númomi. 26Mmába nuseliŋ, nudiguɛ́n uguá gilɔga, ɔhɛ́nyɛ húdiénéhué kandabá áneé numésúsie ɔdɛ́m. 27Nudiduɛ́n abɛlɛ́bɛl giásɛ gá gueleé unúbíŋínín. 28Mɔndɔ uwaábá weében, ánaá únihɛn buébi, gɔgaá ánaá úgɔ́l gidɔga gá guala buóli na imbɔ́g siég uguá gindényé, gá gueleé ubia súsɔ́n buá gígenin bɔsɔ́gá obódiógódie ɔmbɔ́g. 29Gilɔg giá nugálɔ gídihámɛ́n uguánɔ guá niíd, gɔgaá núhémenye pɛ́ŋ binɔ́g biá dugálɔ ibígumenyeé sɔ́gá uguɔ́b guá nsan bíond bíála ɔbɔ́bídɔ́lígɔnɔ́naá beseé. 30Nudigényigénye Gileénde giá Budányɛ giá Uhaluá, gínyɛ gilɛns igiɛ́ úmanúág gá díye áneé buɔ́sɛ búóguólon, ubuɔ́ Uhaluá wónónúsódiónú gá búmbúm. 31Ágánánɔ ɔdɛ́m, guŋídánánɔ́ ubúálanɔ́ áneé niíd niánɔ níbá gunua, nudisásánɛ́n, nudilúndébé, nudísáŋá, nudisigánɛ́n, nunihɛn bilɔg biá ninam biá melélíe gidigid. 32Ánaá núbianan ginɔ́g giá ɔdɛ́m banuá na banuá, nubianan ɔdɛ́m huá yɛbyɛb, nuyibinanɛn hana Uhaluá úmanúyíbínɛ́n uguá Klístus.
Currently Selected:
Efesiɛ́ŋ 4: EKM
Highlight
Share
Copy
Want to have your highlights saved across all your devices? Sign up or sign in
Efesiɛ́ŋ 4
4
Ánaá Gimbi giá Beédébi bá Klístus gíbá igiladánɔ
1Yeénúgínyiginye gɔg, yaŋuá nnyaá uguá giansɛ giá mbíne gá busió buá buónyi buá Ɔgúná: Sɔ́dɔ́nɔ́nɔ hana búóhoneé uguá ɔdɔ́ŋína uhuɔ́ númadáŋáab. 2Ánaá núbísusenye, nubá yɛbyɛb nuond nubídémbénye. Bísúsényénu uguá ginɔ́nɛ́n banuá na banuá binɛŋ gidigid. 3Bínuánánánɔ gá gimbe nilada iniɛ́ Gileénde giá Budányɛ gínúhuánaá uguá bumbénu, ubúnúladanɔ́ banuá na banuá. 4Nuɔ́l núnyɛ pɛ́ŋ númomi na Gileénde gímomi, hana nubídágídɛ́n núnya pɛ́ŋ númomi, unuɔ́ Uhaluá úmɔnúdɔ́ŋɛ́ɛn gá nuɔ́. 5Ɔgúná unyɛ pɛ́ŋ omoómi, guágɔdɛ́m pɛ́ŋ gúmomi, giyúminye pɛ́ŋ gímomi, 6Uhaluá unyɛ pɛ́ŋ omoómi Síe wa bandɔ gidigid ugilebenú uguá buand gidigid, wɔɔ́yɔgɔn uguá sig mɔndɔ guond waágíga uguá sig mɔndɔ. 7Gá sig mɔndɔ, Klístus umadíhuá binɔ́g biá muand biá magɔg uguá bilɔŋ ibiɛ́ úmɔyɛ́d. 8Ŋŋɔ́ŋɛ yɔɔ́guɔya áneé:
«Uguá ginɛŋ igiɛ́ úmabúlɛ́ɛg, umɛɛ́d na ŋŋóli.
Uwahuán bandɔ muand.»
9Henyé, giagɛ igínya áneé: «Umabúlɛ́ɛg?» Búáguamba guɔyɛd súsɔ́n áneé umaágágusɔs uguá sulúm wa bibéyi biá guísi. 10Mɔndɔ umaásɔ́s, búnyɛ mɔndɔ súsɔ́n úmaábúlɛ́ɛg hádɛ ugumɔn gá gueleé uhónye guɔ́m. 11Mpuán iyɛɛ́ Klístus úmal iyɛ: Bómodi abádáŋáab mpuán ya guáyɛ medenyi, bódodi bebunebúné, ugúnya ana boyi Ginɔ́g giá Nsɔ́m. Bódodi abádáŋáab mpuán ya guendenye buán buá Uhaluá ugúnya ana ya huínyihuinye nugálɔ nuég. 12Uguá mpuán isigányɛ, Klístus umamba áneé uhuínyihuinye ɔbɔ́bɔninaá na Uhaluá. Agányɛ, bányɛ bóhónye buóli buɔ́b búabá eŋédébi gá nuhág nuá nuɔ́l nuá Klístus. 13Uguá bilɔŋ ibigányɛ diénegenú uguá nilada uguá guágɔdɛ́m na lɛns guá Muɔ́n wa Uhaluá. Ɔlɔŋ, dianágúnɛ́n diond díeg uguá udényi huá Klístus uguá bá níŋíláníŋílá. 14Didianándabá gɔg biayɔ, ibiɛ́ ombógónyé ugúnya ana usánána húédedienú na duhuínyihuínyi gidigid. Biayɔ ibiɛ́ bandɔ bɔ́nɔ́nɔŋɔnɔ́, báluŋa bibán na dudádɛ duɔ́b gá gusinye bɔ́. 15Gɔgaá, guɔya guá hómohómue uguá ginɔ́nɛ́n, dianáguman uguá buá gidigid gá guɛ́d uguá Klístus unyaá ɔduá. 16Búnyɛ úmuanyɛ úwalanɔ́ áneé nuɔ́l gidigid nubá unulúndánɔ, unuladánɔ na biladɛ́n gidigd ibiɛ́ núgódionu. Sig gibéyi giá nuɔ́l gímala buóli buég, nuɔ́l unugányɛ núánáguman uguá ginɔ́nɛ́n.
Na nsúa na dabdab
17Ndé ubuɔ́ nnúɔyɔnaá gɔg na gindenye uguá ɔhɛ́n huá Ɔgúná: Nudiɔndɔ́sɔ́dɔn hana bindiadába ibiɛ́ dugedie duɔ́b dúgɔ́gɔnɔ́ agá gudɔɔ́. 18Dugedie duɔ́b dúnyɛ uguá mbíne, guond bódigódi ndáŋa ya nusɔ́da unuɔ́ Uhaluá údóŋonyeé. Ɛɛ́ɛ, bádiálinsan, guond idɛ́m siɔ́b sínyɛ isíbugénu. 19Bádiándalinsan gusaluna naá buá beseé naá buá gilɔga, bɔ́bígɔ́lɔn ta naánanyá. Bóbídóŋonye gá buendéndi uguɔ́b guá niída, kɔndɔguɔ́b ɔduá gunɔ́h. 20Gánɔ gɔg, búdibá anagányɛ númahɔ́nhɔ́n gulinsan Klístus. 21Mmába gɔg búnyɛ úmuanyɛ númɔɔ́bɔ́n bómon, mmába úmuanyɛ bémenúhuínyihuínyé hana hómohómue unyaá uguá Yésuse wɔ́yɔnɔ́, 22nugódi áneé nunihɛn melélíe mánɔ má nsuá, nunúgie bumɔndɔ ubuɔ́ númabá nsuá gá giagiá, niída niég niá mɔnɔŋɔna níánúgada. 23Núgodi áneé nuɔ́bɔn muand uguá bilɔŋ ibigɔ́sɛ, uguá guɔyɛd guá Gileénde giá Uhaluá. 24Hana gisɔn igigɔ́sɛ, áyɛ mɔndɔ ɔgɔ́sɛ. Mɔndɔ ɔgɔ́sɛ waáguɔ́ unyɛ aluŋánɔ hana Uhaluá wɔ́yɔnɔ́: Hómohómue woóguondonye yɔ́ gindényé na gisamb.
25Níhínánánɔ bibán, ánaá sig mɔndɔ wɔyɔn sɔ́gá weg muand uguá gindényé, gá giagiá dinyɛ maláŋ má nuɔ́l nuáguɔ́ númomi. 26Mmába nuseliŋ, nudiguɛ́n uguá gilɔga, ɔhɛ́nyɛ húdiénéhué kandabá áneé numésúsie ɔdɛ́m. 27Nudiduɛ́n abɛlɛ́bɛl giásɛ gá gueleé unúbíŋínín. 28Mɔndɔ uwaábá weében, ánaá únihɛn buébi, gɔgaá ánaá úgɔ́l gidɔga gá guala buóli na imbɔ́g siég uguá gindényé, gá gueleé ubia súsɔ́n buá gígenin bɔsɔ́gá obódiógódie ɔmbɔ́g. 29Gilɔg giá nugálɔ gídihámɛ́n uguánɔ guá niíd, gɔgaá núhémenye pɛ́ŋ binɔ́g biá dugálɔ ibígumenyeé sɔ́gá uguɔ́b guá nsan bíond bíála ɔbɔ́bídɔ́lígɔnɔ́naá beseé. 30Nudigényigénye Gileénde giá Budányɛ giá Uhaluá, gínyɛ gilɛns igiɛ́ úmanúág gá díye áneé buɔ́sɛ búóguólon, ubuɔ́ Uhaluá wónónúsódiónú gá búmbúm. 31Ágánánɔ ɔdɛ́m, guŋídánánɔ́ ubúálanɔ́ áneé niíd niánɔ níbá gunua, nudisásánɛ́n, nudilúndébé, nudísáŋá, nudisigánɛ́n, nunihɛn bilɔg biá ninam biá melélíe gidigid. 32Ánaá núbianan ginɔ́g giá ɔdɛ́m banuá na banuá, nubianan ɔdɛ́m huá yɛbyɛb, nuyibinanɛn hana Uhaluá úmanúyíbínɛ́n uguá Klístus.
Currently Selected:
:
Highlight
Share
Copy
Want to have your highlights saved across all your devices? Sign up or sign in