Melélíe 21
21
Guɛ́d guá Póle gibéyi giá Yelusalɛ́m
1Dimaámádándúgan nɔɔ́nɔb, idiayumɛn uguá sitíme gá guɛ́d Kós ta gual síge, méembélénye idieneg Lódɛs, gugɔ́lɛ́n agányɛ idieneg Patalá. 2Idiegégie sitíme hɔ́ wiídan uguá gibéyi giá guísi giá Fenisí, idiayumɛn guɔ́ gá dɔ́mb. 3Dimaágányɛ mɔdɔg na síplɛ, idiídɛ́n uguá adág guá ilua ihigányɛ gá guɛ́d ɔmbɔ́g huá gibéyi giá guísi giá Silí. Idiedélímin Tíl, gá bídɔ́n binɔ́h ibímabá uguá sitíme. 4Haná dímegégie beédébi hɔ́, idiabídímɛn nɔɔ́nɔb mɔɔ́sɛ mátíndádɔ nomue. Gileénde igíédídígen bɔ́ gá guɔyidɛn Póle áneé udibúlɛ́ɛg Yelusalɛ́m. 5Egélém gá mɔɔ́sɛ mátíndádɔ nomue, idiadigɛn gá dɔ́mb. Beédébi gidigid, na bagándɔ bɔ́b na baán bɔ́b ebédíelie gá díhémie uguá tísɔna. Idiegunsigin dunúnú agá ŋŋɛnd ya máŋ idiobísógólonye. 6Egélém gá guédébenyinye, basuá idiayumɛn uguá sitíme, bámuanyɛ obónd uguɔ́b guá duhiá. 7Idiaman uŋand huásɔ uguá maŋ, guanadígɛ́n Tíl gueneg Potlemayís, idiébígélígelie bágásɔ beédébi bá Klístus abámabá hɔ́, idiédúmbie buɔ́sɛ búmomi nɔɔ́nɔb. 8Gúu meémbélényi, idiadigɛn gá guɛ́d Sesalé, idiebíŋín uguá giansɛ giá Fílibe, oŋoyi Ginɔ́g giá Nsɔ́m giá Uhaluá, idiabídímɛn hɔ́. Umabá uguá ɔlɔŋ huá bandɔ bátíndádɔ nomue ɔbɔɔ́ bémeyíd Yelusalɛ́m. 9Umabianan mpúge na mmeŋe siég íníhi isímabá bebunebúné. 10Haná dímagíga hɔ́ giod giá mɔɔ́sɛ, ebunebúné omodi ɔhɛ́n áneé Agabús uwonoólín uguá gibéyi giá guísi giá Yudé. 11Uwoól uwesidígégíe, uwɔgɔ́l kandá wa Póle, uwabígɔ́d na dugɔ́nd na imbɔ́g, uwɔyɛd áneé: «Buand ubuɔ́ Gileénde giá Budányɛ gíɔ́yɔnɔ́, búbúényé: mɔndɔ unyaá na kandá uyɔ, ana bayúdɛn banágúdanɔ́ yɔ́ Yelusalɛ́m, bédídíginin bindiádába. » 12Dimɔɔ́mɔ́ɔb nugálɔ unugányɛ, naánasɔ na beliméen basɔ́ abánya agá tísɔna, idiobísógólonye Póle áneé udibúlɛ́ɛg Yelusalɛ́m. 13Uwodíondinye gɔg áneé: «Giagɛ igiɛ́ núbaŋanɔ́ nuond nunsúmbinsumbie manɔ́ŋ? Yaŋuá mmásúguádáab pɛ́ŋ mágúda gɔgaá, mmádáab gugué gá busió buá Ɔhɛ́n huá Ɔgúná Yésuse Yelusalɛ́m. » 14Haná dímobísógólonye yɔ́ uwedíéndie, idianihɛn yɔ́, idiɔyɛd áneé: «Ánaá guɔyɛd guá Ɔgúná gubíhónye.»
15Dimaámáman gubíaŋanan gá uŋand uguá baán bá mɔɔ́sɛ ɔbɔɔ́ dímal, idiabúlɛ́ɛg Yelusalɛ́m. 16Bebinene bá Sesalé bámiídan súsɔ́n ɔlɔŋ naánasɔ. Dimeéméneg, abɛ́d naánasɔ agá mɔndɔ omodi wa Síplɛ ɔhɛ́n áneé Manasɔ́ŋ, umabá uganyɛ eŋédébi feké.
Guádán guá Póle na Sák Yelusalɛ́m
17Dimeéméneg Yelusalɛ́m, beliméen básɔ abádígíndígɛn na ibal. 18Méembélényi, Póle uwɛɛ́d naánasɔ agá nihiá niá Sák, idiegégie bogógi bá Gimbi giá beédébi bá Klístus gidigid abábígúsígán hɔ́ súsɔ́n. 19Umeémébígélídie bɔ́, uwɛɛ́d gá guɔyɔn bɔ́ haná Uhaluá úmalá bimué biá muand uguá buóli ubuɔ́ úmuanyɛ úmalá na bindiádába. 20Bamaámáman gubídɔ́lígɔnɔn yɔ́, abɛ́d gá búlúgenye Uhaluá. Ɔbɔ́yidɛn gɔg Póle áneé: «Ndiméen, aáguánan aga Yelusalɛ́m, haná duɔns hana duɔns duá bayúdɛn dúélimenyeé Ɔgúná Yésuse. Bámuanyɛ gidigid bégimbe gigodi na bugaga. 21Henyé, bɔ́yidɛ́n bɔ́ áneé: nuhuínyihuínyi nuáhɔ nuénédídígen bayúdɛn gidigid ɔbɔ́sɔ́dɔnaá ɔlɔŋ na bindiádába áneé bánihɛn gibídína giá Mɔ́sɛsa, bádiandúguansa baán bɔ́b, bédibinén bilɔŋ biá bayúdɛn. 22Naánanyá dígalanɔ́? Ɛɛ́ɛ, bágalɛns áneé esemenesieg. 23Al gɔg ubuɔ́ dígɔ́guɔyidinaá. Digódi bandɔ béníhi abámadánɛ́n Uhaluá. 24Gɔ́l bɔ́ gɔg ɔlɔŋ naánahɔ gá giség giá gisuguna, ond anaman ubúóhoneé gɔ́b gá gimua. Agányɛ, bandɔ gidigid bágánánɔ́ áneé ubuɔ́ bɔ́yɔnaá bɔ́ gáhɔ gá busió búnyɛ bibán. Gɔgaá, bágán áneé aŋuá súsɔ́n aáguanda haná gibídína giá Mɔ́sɛsa gíɔ́yɔnɔ́. 25Mmába hana gá busió buá bindiádába ibíáyɛ beédébi, diádúmɛ́n bɔ́ mbɔba gá guɔyidɛn bɔ́ ubuɔ́ diágúda: Bádinyá bulɔ́g ubúólonineé gá nusámb nuá bindiádába, bádinyá manɔ́ŋ má bunyam, bádinyá manyam eméguéneé mpiífi, bábígɛ́ŋ gá bidáŋa. » 26Gúmeémébélie, Póle uwɔgɔ́l bandɔ bébéníhi abagányɛ uwɛɛ́d nɔɔ́nɔb gá giség giá gisuguna. Uwebíŋín nɔɔ́nɔb uguá idúl, gá guɔyɛd ginɛŋ igiɛ́ mɔɔ́sɛ má gisuguna mánámanaá, bónodóŋinye nusámb nuá sig mɔndɔ.
Gigimbine giá Póle agá idúl
27Buɔ́sɛ buá gátíndádɔ nomue buá gibugine búmaágányɛ áneé búég, bayúdɛn guonoól uguá gibéyi giá guísi giá Así, abán Póle uguá idúl. Ebébúlúmundie giíŋ gidigid idɛ́m ebégimbin yɔ́. 28Ebéhéhenye, bɔ́ya áneé: «Bandɔ bá Íslayɛ́l, ógúnónónu nuesidígígín ɔmbɔ́g! Ndénu mɔndɔ unuananaá na buán buásɔ, na gigodi giásɔ, na idúl hiásɔ uguég guá nuhuínyihuínyi unuɔ́ údógonyinyeé mɔndɔ gidigid hɔɔ́m gidigid! Weébíŋínye bandɔ abádiabá bayúdɛn uguá idúl, woónd uwaág gidányɛdányɛ giá hɔɔ́m igiɛ biíle. » 29Bámabá bámán gɔg Tolofíme wa tísɔna wa Efɛ́s ɔlɔŋ na Póle, buand buáguɔ́ bémegedenye áneé úmuanyɛ úmeébíŋínye yɔ́ uguá idúl. 30Tísɔna gidigid uwayuŋkumɛd, buán gidigid ubúósihón, ebégimbin Póle, ebéhémie yɔ́ uguá idúl, ebédúmbie gubugen embíŋínín. 31Bámabá báganyɛ gá guamba guɔ́n Póle, nsɔ́m iyesiegín ɔgúnɔ́gɔ́n wa ndíd siá nsénsi nuɔns áneé gindɔmdɔm gísagua Yelusalɛ́m. 32Ɔgúnɔ́gɔ́n ugányɛ uwedúmbie gudɔ́ŋɛ́ɛn bɔgúnɔ́gɔ́n bá nsénsi edín átánɔɔ na nsénsi símodi, uwadɔ́m bɔ́ agaá gindɔmdɔm gímabá. Bamaámáan ɔgúnɔ́gɔ́n wa ndíd siá nsénsi nuɔns na nsénsi, abánihɛn gunúbe Póle. 33Ɔgúnɔ́gɔ́n wa nsénsi ugányɛ uwakilɛn Póle, uweéŋin bandɔ bég bugaga buá gugimbin yɔ́, abágɔ́d yɔ́ na duoli duá duayɛ dúandɛ. Uwoóhún áneé: «Uyɔ únyaá ányá? Úmal giagɛ? » 34Gɔgaá, uguá giíŋ igigányɛ ta guhám ugelu. Bandɔ bómodi béhéhenye bɔ́ya ana, bódodi bénehéhénye enéné bɔ́ya ana. Ɔgúnɔ́gɔ́n wa nsénsi ta guɔ́b buand buá béseé na héhenye guɔ́b. Uwodóŋínye bugaga buá guɛ́d na Póle uguɔ́b guá ɔmɛnd. 35Póle umeégéneg mɔdɔg na buyal, nsénsi isíásamb yɔ́ gá giagiá giíŋ gímedídígen bɔ́ na bugaga. 36Haná gímabá gíbinen yɔ́ gíhéhenye áneé: «Ɔ́nɔ́nɔ́n yɔ́!»
Póle wɔɔ́bíhɔgɔnɔhɔgɔn agá eŋís ya bayúdɛn
37Bámaágídan na Póle gá bíŋínye yɔ́ uguá ɔmɛnd, uwɔyidɛn ɔgúnɔ́gɔ́n wa ndíd siá nsénsi nuɔns áneé: «Nnyɛ wa guɔyidɛn buand a? » Ɔgúnɔ́gɔ́n ugányɛ uwoóhún gég áneé: «Aágálgal nuglɛ́k a? 38Búdibá aŋuá gɔg anyaá maná bá Egíbt uweégégígínyé ogund uguá mɔɔ́sɛ amádɔ́mb, uwagúsígan binsiliŋaŋ biá bandɔ duɔns dúníhi gá guɛ́d nɔɔ́nɔb uguá guísi guá gɔ́dɔgɔ́dɔ a? » 39Póle uwondinye yɔ́ áneé: «Yaŋuá nnyɛ maná bayúdɛn, uguá tísɔna wa Táls, uguá gibéyi giá guísi giá Silisí, nnyɛ mbíénye ya gigúmén giá tísɔna. Síkoli, mpuá bugaga buá gálɛ́ɛd na buán. » 40Ebéŋin yɔ́ bugaga. Uwedélímin uguá ŋŋɛgɛl ya buyal uwehédenye bandɔ na ɔmbɔ́g, bandɔ abáhádan. Uwɛɛ́d gá gálgal nɔɔ́nɔb na nubelé.
Currently Selected:
Melélíe 21: EKM
Highlight
Share
Copy
Want to have your highlights saved across all your devices? Sign up or sign in
Melélíe 21
21
Guɛ́d guá Póle gibéyi giá Yelusalɛ́m
1Dimaámádándúgan nɔɔ́nɔb, idiayumɛn uguá sitíme gá guɛ́d Kós ta gual síge, méembélénye idieneg Lódɛs, gugɔ́lɛ́n agányɛ idieneg Patalá. 2Idiegégie sitíme hɔ́ wiídan uguá gibéyi giá guísi giá Fenisí, idiayumɛn guɔ́ gá dɔ́mb. 3Dimaágányɛ mɔdɔg na síplɛ, idiídɛ́n uguá adág guá ilua ihigányɛ gá guɛ́d ɔmbɔ́g huá gibéyi giá guísi giá Silí. Idiedélímin Tíl, gá bídɔ́n binɔ́h ibímabá uguá sitíme. 4Haná dímegégie beédébi hɔ́, idiabídímɛn nɔɔ́nɔb mɔɔ́sɛ mátíndádɔ nomue. Gileénde igíédídígen bɔ́ gá guɔyidɛn Póle áneé udibúlɛ́ɛg Yelusalɛ́m. 5Egélém gá mɔɔ́sɛ mátíndádɔ nomue, idiadigɛn gá dɔ́mb. Beédébi gidigid, na bagándɔ bɔ́b na baán bɔ́b ebédíelie gá díhémie uguá tísɔna. Idiegunsigin dunúnú agá ŋŋɛnd ya máŋ idiobísógólonye. 6Egélém gá guédébenyinye, basuá idiayumɛn uguá sitíme, bámuanyɛ obónd uguɔ́b guá duhiá. 7Idiaman uŋand huásɔ uguá maŋ, guanadígɛ́n Tíl gueneg Potlemayís, idiébígélígelie bágásɔ beédébi bá Klístus abámabá hɔ́, idiédúmbie buɔ́sɛ búmomi nɔɔ́nɔb. 8Gúu meémbélényi, idiadigɛn gá guɛ́d Sesalé, idiebíŋín uguá giansɛ giá Fílibe, oŋoyi Ginɔ́g giá Nsɔ́m giá Uhaluá, idiabídímɛn hɔ́. Umabá uguá ɔlɔŋ huá bandɔ bátíndádɔ nomue ɔbɔɔ́ bémeyíd Yelusalɛ́m. 9Umabianan mpúge na mmeŋe siég íníhi isímabá bebunebúné. 10Haná dímagíga hɔ́ giod giá mɔɔ́sɛ, ebunebúné omodi ɔhɛ́n áneé Agabús uwonoólín uguá gibéyi giá guísi giá Yudé. 11Uwoól uwesidígégíe, uwɔgɔ́l kandá wa Póle, uwabígɔ́d na dugɔ́nd na imbɔ́g, uwɔyɛd áneé: «Buand ubuɔ́ Gileénde giá Budányɛ gíɔ́yɔnɔ́, búbúényé: mɔndɔ unyaá na kandá uyɔ, ana bayúdɛn banágúdanɔ́ yɔ́ Yelusalɛ́m, bédídíginin bindiádába. » 12Dimɔɔ́mɔ́ɔb nugálɔ unugányɛ, naánasɔ na beliméen basɔ́ abánya agá tísɔna, idiobísógólonye Póle áneé udibúlɛ́ɛg Yelusalɛ́m. 13Uwodíondinye gɔg áneé: «Giagɛ igiɛ́ núbaŋanɔ́ nuond nunsúmbinsumbie manɔ́ŋ? Yaŋuá mmásúguádáab pɛ́ŋ mágúda gɔgaá, mmádáab gugué gá busió buá Ɔhɛ́n huá Ɔgúná Yésuse Yelusalɛ́m. » 14Haná dímobísógólonye yɔ́ uwedíéndie, idianihɛn yɔ́, idiɔyɛd áneé: «Ánaá guɔyɛd guá Ɔgúná gubíhónye.»
15Dimaámáman gubíaŋanan gá uŋand uguá baán bá mɔɔ́sɛ ɔbɔɔ́ dímal, idiabúlɛ́ɛg Yelusalɛ́m. 16Bebinene bá Sesalé bámiídan súsɔ́n ɔlɔŋ naánasɔ. Dimeéméneg, abɛ́d naánasɔ agá mɔndɔ omodi wa Síplɛ ɔhɛ́n áneé Manasɔ́ŋ, umabá uganyɛ eŋédébi feké.
Guádán guá Póle na Sák Yelusalɛ́m
17Dimeéméneg Yelusalɛ́m, beliméen básɔ abádígíndígɛn na ibal. 18Méembélényi, Póle uwɛɛ́d naánasɔ agá nihiá niá Sák, idiegégie bogógi bá Gimbi giá beédébi bá Klístus gidigid abábígúsígán hɔ́ súsɔ́n. 19Umeémébígélídie bɔ́, uwɛɛ́d gá guɔyɔn bɔ́ haná Uhaluá úmalá bimué biá muand uguá buóli ubuɔ́ úmuanyɛ úmalá na bindiádába. 20Bamaámáman gubídɔ́lígɔnɔn yɔ́, abɛ́d gá búlúgenye Uhaluá. Ɔbɔ́yidɛn gɔg Póle áneé: «Ndiméen, aáguánan aga Yelusalɛ́m, haná duɔns hana duɔns duá bayúdɛn dúélimenyeé Ɔgúná Yésuse. Bámuanyɛ gidigid bégimbe gigodi na bugaga. 21Henyé, bɔ́yidɛ́n bɔ́ áneé: nuhuínyihuínyi nuáhɔ nuénédídígen bayúdɛn gidigid ɔbɔ́sɔ́dɔnaá ɔlɔŋ na bindiádába áneé bánihɛn gibídína giá Mɔ́sɛsa, bádiandúguansa baán bɔ́b, bédibinén bilɔŋ biá bayúdɛn. 22Naánanyá dígalanɔ́? Ɛɛ́ɛ, bágalɛns áneé esemenesieg. 23Al gɔg ubuɔ́ dígɔ́guɔyidinaá. Digódi bandɔ béníhi abámadánɛ́n Uhaluá. 24Gɔ́l bɔ́ gɔg ɔlɔŋ naánahɔ gá giség giá gisuguna, ond anaman ubúóhoneé gɔ́b gá gimua. Agányɛ, bandɔ gidigid bágánánɔ́ áneé ubuɔ́ bɔ́yɔnaá bɔ́ gáhɔ gá busió búnyɛ bibán. Gɔgaá, bágán áneé aŋuá súsɔ́n aáguanda haná gibídína giá Mɔ́sɛsa gíɔ́yɔnɔ́. 25Mmába hana gá busió buá bindiádába ibíáyɛ beédébi, diádúmɛ́n bɔ́ mbɔba gá guɔyidɛn bɔ́ ubuɔ́ diágúda: Bádinyá bulɔ́g ubúólonineé gá nusámb nuá bindiádába, bádinyá manɔ́ŋ má bunyam, bádinyá manyam eméguéneé mpiífi, bábígɛ́ŋ gá bidáŋa. » 26Gúmeémébélie, Póle uwɔgɔ́l bandɔ bébéníhi abagányɛ uwɛɛ́d nɔɔ́nɔb gá giség giá gisuguna. Uwebíŋín nɔɔ́nɔb uguá idúl, gá guɔyɛd ginɛŋ igiɛ́ mɔɔ́sɛ má gisuguna mánámanaá, bónodóŋinye nusámb nuá sig mɔndɔ.
Gigimbine giá Póle agá idúl
27Buɔ́sɛ buá gátíndádɔ nomue buá gibugine búmaágányɛ áneé búég, bayúdɛn guonoól uguá gibéyi giá guísi giá Así, abán Póle uguá idúl. Ebébúlúmundie giíŋ gidigid idɛ́m ebégimbin yɔ́. 28Ebéhéhenye, bɔ́ya áneé: «Bandɔ bá Íslayɛ́l, ógúnónónu nuesidígígín ɔmbɔ́g! Ndénu mɔndɔ unuananaá na buán buásɔ, na gigodi giásɔ, na idúl hiásɔ uguég guá nuhuínyihuínyi unuɔ́ údógonyinyeé mɔndɔ gidigid hɔɔ́m gidigid! Weébíŋínye bandɔ abádiabá bayúdɛn uguá idúl, woónd uwaág gidányɛdányɛ giá hɔɔ́m igiɛ biíle. » 29Bámabá bámán gɔg Tolofíme wa tísɔna wa Efɛ́s ɔlɔŋ na Póle, buand buáguɔ́ bémegedenye áneé úmuanyɛ úmeébíŋínye yɔ́ uguá idúl. 30Tísɔna gidigid uwayuŋkumɛd, buán gidigid ubúósihón, ebégimbin Póle, ebéhémie yɔ́ uguá idúl, ebédúmbie gubugen embíŋínín. 31Bámabá báganyɛ gá guamba guɔ́n Póle, nsɔ́m iyesiegín ɔgúnɔ́gɔ́n wa ndíd siá nsénsi nuɔns áneé gindɔmdɔm gísagua Yelusalɛ́m. 32Ɔgúnɔ́gɔ́n ugányɛ uwedúmbie gudɔ́ŋɛ́ɛn bɔgúnɔ́gɔ́n bá nsénsi edín átánɔɔ na nsénsi símodi, uwadɔ́m bɔ́ agaá gindɔmdɔm gímabá. Bamaámáan ɔgúnɔ́gɔ́n wa ndíd siá nsénsi nuɔns na nsénsi, abánihɛn gunúbe Póle. 33Ɔgúnɔ́gɔ́n wa nsénsi ugányɛ uwakilɛn Póle, uweéŋin bandɔ bég bugaga buá gugimbin yɔ́, abágɔ́d yɔ́ na duoli duá duayɛ dúandɛ. Uwoóhún áneé: «Uyɔ únyaá ányá? Úmal giagɛ? » 34Gɔgaá, uguá giíŋ igigányɛ ta guhám ugelu. Bandɔ bómodi béhéhenye bɔ́ya ana, bódodi bénehéhénye enéné bɔ́ya ana. Ɔgúnɔ́gɔ́n wa nsénsi ta guɔ́b buand buá béseé na héhenye guɔ́b. Uwodóŋínye bugaga buá guɛ́d na Póle uguɔ́b guá ɔmɛnd. 35Póle umeégéneg mɔdɔg na buyal, nsénsi isíásamb yɔ́ gá giagiá giíŋ gímedídígen bɔ́ na bugaga. 36Haná gímabá gíbinen yɔ́ gíhéhenye áneé: «Ɔ́nɔ́nɔ́n yɔ́!»
Póle wɔɔ́bíhɔgɔnɔhɔgɔn agá eŋís ya bayúdɛn
37Bámaágídan na Póle gá bíŋínye yɔ́ uguá ɔmɛnd, uwɔyidɛn ɔgúnɔ́gɔ́n wa ndíd siá nsénsi nuɔns áneé: «Nnyɛ wa guɔyidɛn buand a? » Ɔgúnɔ́gɔ́n ugányɛ uwoóhún gég áneé: «Aágálgal nuglɛ́k a? 38Búdibá aŋuá gɔg anyaá maná bá Egíbt uweégégígínyé ogund uguá mɔɔ́sɛ amádɔ́mb, uwagúsígan binsiliŋaŋ biá bandɔ duɔns dúníhi gá guɛ́d nɔɔ́nɔb uguá guísi guá gɔ́dɔgɔ́dɔ a? » 39Póle uwondinye yɔ́ áneé: «Yaŋuá nnyɛ maná bayúdɛn, uguá tísɔna wa Táls, uguá gibéyi giá guísi giá Silisí, nnyɛ mbíénye ya gigúmén giá tísɔna. Síkoli, mpuá bugaga buá gálɛ́ɛd na buán. » 40Ebéŋin yɔ́ bugaga. Uwedélímin uguá ŋŋɛgɛl ya buyal uwehédenye bandɔ na ɔmbɔ́g, bandɔ abáhádan. Uwɛɛ́d gá gálgal nɔɔ́nɔb na nubelé.
Currently Selected:
:
Highlight
Share
Copy
Want to have your highlights saved across all your devices? Sign up or sign in