1 Kɔlɛŋɛtiɛ́ŋ 1
1
Mbígélíd
1Yaŋuá Póle, uyɔɔ́ Uhaluá úmɔdɔ́ŋɛ́ɛn gég gá guɔyɛd áneé mbá medenyi má Yésuse Klístus, nnyɛ na ndiméen wasɔ Sostɛ́n, 2Yɔɔ́guɔ́ŋɔn Gimbi giá Beédébi bá Uhaluá igínya agá tísɔna wa Kolɛ́ŋt ɔbɔɔ́ Uhaluá úmeélígíe gá giagiá bányɛ ɔlɔŋ na Klístus naá obómoneé ɔhɛ́n huég hɔɔ́m gidigid. Únyaá Ɔgúná wasɔ nɔɔ́nɔb súsɔ́n. 3Ánaá Uhaluá Síe wasɔ na Ɔgúná wasɔ Yésuse Klístus bánúsayɛ bónd bánúhuá bumbénu. 4Ndiɔ́dɔgɔn guéŋén Uhaluá wamɛ giod giá mbíyigie gá magɔg ɔmɔɔ́ úmenúsúgún uguá Yésuse Klístus. 5Gá giagiá, uguég béménúsúgún bunɛ́m gidigid ubúbíyiganaá na dugálɔ na nulinsa. 6Guɔya guá buónyi buá Yésuse Klístus guámánálua iŋaŋ uguánɔ. 7Nudiáyɛ́n mpuán ya magɔg, banuá nugígánaá Yésuse Klístus uguá ginɛŋ igiɛ́ wénébídíyenu. 8Úmuányɛ wenénúgúnínie gueneg agá nsúgie, gá gueleé nubá kanda biíle uguá buɔ́sɛ buá guól buá Yésuse Klístus. 9Uhaluá úmɔɔ́núdɔ́ŋɛ́ɛn gá bá ɔlɔŋ na Muɔ́n weg Yésuse Klístus Ɔgúná wasɔ, udigódi bilɛ́mb bíandɛ.
Nsala uguá Gimbi giá beédébi bá Klístus
10Beliméen, yeénúgínyiginye gɔg uguá ɔhɛ́n huá Yésuse Klístus Ɔgúná wasɔ áneé nubá niíd nímomi, nudibianán nsala uguánɔ guá ɔlɔŋ, nubianan na nubídágídɛ́n na nugedie númomi, 11ɛɛ́ɛ, beliméen, bandɔ bá niíd niá giansɛ giá Klowé bɔ́ŋɔyɔ́n áneé nudiɔ́guɔ́bɔ́nɛn. 12Yaáguamba gunúɔyidɛn áneé: Uguánɔ guá ɔlɔŋ sig mɔndɔ wɔɔ́guɔya áneé: «Yaŋuá nnyɛ uguélém guá Póle.» Uyɔ wɔsiɔyɛd áneé: «Yaŋuá nnyɛ uguélém guá Apolós.» Unó wɔnɔyɛd áneé: «Yaŋuá nnyɛ uguélém guá Piéle.» Omodi wɔnɔya egéné áneé: «Yaŋuá nnyɛ uguélém guá Klístus.» 13Klístus unyɛ adándúnán a? Póle bɔ́mɔ́ndɔn uguá nuag gánɔ gá busió a? Ugúnya ana bémenúyúményé uguá ɔhɛ́n huá Póle a? 14Yeéguéŋen Uhaluá mbíyigie haná mméséyuminye ta mɔndɔ uguánɔ guá ɔlɔŋ uguɔ́g, pɛ́ŋ na Klispús na Gayús. 15Gá gueleé mɔndɔ udiɔsiɔ́yɛ́d áneé numebíyúmínyé uguámɛ guá ɔhɛ́n. 16Ɛɛ́ɛ, mmébídúmúdényé! Mmeyúmínyé súsɔ́n niíd niá giansɛ niá Stefanás. Uguá bandɔ obólbóndeé, ndiényi mmába mméndéyuminye omodi. 17Gá giagiá Klístus umasándɔ́m gá yumenye, gɔgaá umandɔ́m gá sesenye Ginɔ́g giá Nsɔ́m kanda nugedie nuá bunyɛ bandɔ gá gueleé nuag nuég núdisɔl.
Na nugedie na buegu
18Ɛɛ́ɛ, guɔya guá nsɔ́m ya nuag, búnyɛ buegu gá busió buá bandɔ abámafɔm. Gásɔ gɔg dinyaá uguá ŋŋil ya gisódie, búnyɛ buŋaŋa buá Uhaluá. 19Búnyɛ ubúɔ́ŋɔ́n áneé: «Yanágad nugedie nuá begedigédi, nníŋísid nulinsa nuá belinsi.»#1.19 Esa 29.14 20Egedigédi unyɛ hanyɛ? Elinsibigodi unyɛ hanyɛ? Egéli wa hínen unyɛ hanyɛ? Uhaluá umesulié nugedie nuá bandɔ bá guísi.#1.20 Esa 19.12 21Hana bandɔ bá guísi bámasábádilɛns nugedie nuá Uhaluá uguɔ́b guá nugedie, buand buáguɔ́ Uhaluá úmosódíe abámadáab buegu buá guɔya nugálɔ nuá nuag. 22Bayúdɛn bóguóhón biseyi, baglɛ́k bámba nugedie. 23Mmába hana gásɔ gɔg, diésesenye Klístus uyɔɔ́ bɔ́mɔ́ndɔ́n uguá nuag. Bundialá gá bayúdɛn, buegu gá bindiadába. 24Búnyɛ gɔg Klístus unyá buŋaŋa buá Uhaluá na nugedie nuég gá busió buá ɔbɔɔ́ úmɔdɔ́ŋɛ́ɛn, ta anyɛ wa bayúdɛn ta anyɛ wa baglɛ́k. 25Gá giagiá, buegu buá Uhaluá búgódi nugedie gudɔ́mb bandɔ. Bilɔŋ bímomi, bugué buá Uhaluá búnyɛ bugaga gudɔ́mb bandɔ.
Na nugedie na buegu agá magunsa
26Beliméen, ndénu, uguánɔ guá ɔlɔŋ huá ɔbɔɔ́ Uhaluá úmɔdɔ́ŋɛ́ɛn, begedigédi bádibá guɔ́ giod, ta ŋŋaŋa, ta nnuɛ́m gá guɔyɛd guá bunyɛ bandɔ, 27henyé gɔg áneé Uhaluá uméyíd muand muá buegu muá guísi gá guág begedigédi ɔduá gunɔ́h, uwond uweyid muá bugué gá guág bigaga ɔduá gunɔ́h. 28Uwond uweyid muand muá guísi muá kanda ndúme umuɔ́ dísíŋanɔ́ naá muá gudɔɔ́ gá sulie úmunya. 29Gá gueleé ta giaŋana gímomi gídibígídíd gisasɔ agá busió buá Uhaluá. 30Búnyɛ uguég banuá nunyaá uguá Yésuse Klístus, umaásiáyɛ nugedie nuá Uhaluá gásɔ gá busió, Únyaá, gindényé, budányɛ na gisódie. 31Gá gueleé haná búnya ubúɔ́ŋɔ́n: «Ubígidenú gisasɔ, ánaá ubígide uguá Ɔgúná.» #1.31 Yel 9.23
Currently Selected:
1 Kɔlɛŋɛtiɛ́ŋ 1: EKM
Highlight
Share
Copy
Want to have your highlights saved across all your devices? Sign up or sign in
1 Kɔlɛŋɛtiɛ́ŋ 1
1
Mbígélíd
1Yaŋuá Póle, uyɔɔ́ Uhaluá úmɔdɔ́ŋɛ́ɛn gég gá guɔyɛd áneé mbá medenyi má Yésuse Klístus, nnyɛ na ndiméen wasɔ Sostɛ́n, 2Yɔɔ́guɔ́ŋɔn Gimbi giá Beédébi bá Uhaluá igínya agá tísɔna wa Kolɛ́ŋt ɔbɔɔ́ Uhaluá úmeélígíe gá giagiá bányɛ ɔlɔŋ na Klístus naá obómoneé ɔhɛ́n huég hɔɔ́m gidigid. Únyaá Ɔgúná wasɔ nɔɔ́nɔb súsɔ́n. 3Ánaá Uhaluá Síe wasɔ na Ɔgúná wasɔ Yésuse Klístus bánúsayɛ bónd bánúhuá bumbénu. 4Ndiɔ́dɔgɔn guéŋén Uhaluá wamɛ giod giá mbíyigie gá magɔg ɔmɔɔ́ úmenúsúgún uguá Yésuse Klístus. 5Gá giagiá, uguég béménúsúgún bunɛ́m gidigid ubúbíyiganaá na dugálɔ na nulinsa. 6Guɔya guá buónyi buá Yésuse Klístus guámánálua iŋaŋ uguánɔ. 7Nudiáyɛ́n mpuán ya magɔg, banuá nugígánaá Yésuse Klístus uguá ginɛŋ igiɛ́ wénébídíyenu. 8Úmuányɛ wenénúgúnínie gueneg agá nsúgie, gá gueleé nubá kanda biíle uguá buɔ́sɛ buá guól buá Yésuse Klístus. 9Uhaluá úmɔɔ́núdɔ́ŋɛ́ɛn gá bá ɔlɔŋ na Muɔ́n weg Yésuse Klístus Ɔgúná wasɔ, udigódi bilɛ́mb bíandɛ.
Nsala uguá Gimbi giá beédébi bá Klístus
10Beliméen, yeénúgínyiginye gɔg uguá ɔhɛ́n huá Yésuse Klístus Ɔgúná wasɔ áneé nubá niíd nímomi, nudibianán nsala uguánɔ guá ɔlɔŋ, nubianan na nubídágídɛ́n na nugedie númomi, 11ɛɛ́ɛ, beliméen, bandɔ bá niíd niá giansɛ giá Klowé bɔ́ŋɔyɔ́n áneé nudiɔ́guɔ́bɔ́nɛn. 12Yaáguamba gunúɔyidɛn áneé: Uguánɔ guá ɔlɔŋ sig mɔndɔ wɔɔ́guɔya áneé: «Yaŋuá nnyɛ uguélém guá Póle.» Uyɔ wɔsiɔyɛd áneé: «Yaŋuá nnyɛ uguélém guá Apolós.» Unó wɔnɔyɛd áneé: «Yaŋuá nnyɛ uguélém guá Piéle.» Omodi wɔnɔya egéné áneé: «Yaŋuá nnyɛ uguélém guá Klístus.» 13Klístus unyɛ adándúnán a? Póle bɔ́mɔ́ndɔn uguá nuag gánɔ gá busió a? Ugúnya ana bémenúyúményé uguá ɔhɛ́n huá Póle a? 14Yeéguéŋen Uhaluá mbíyigie haná mméséyuminye ta mɔndɔ uguánɔ guá ɔlɔŋ uguɔ́g, pɛ́ŋ na Klispús na Gayús. 15Gá gueleé mɔndɔ udiɔsiɔ́yɛ́d áneé numebíyúmínyé uguámɛ guá ɔhɛ́n. 16Ɛɛ́ɛ, mmébídúmúdényé! Mmeyúmínyé súsɔ́n niíd niá giansɛ niá Stefanás. Uguá bandɔ obólbóndeé, ndiényi mmába mméndéyuminye omodi. 17Gá giagiá Klístus umasándɔ́m gá yumenye, gɔgaá umandɔ́m gá sesenye Ginɔ́g giá Nsɔ́m kanda nugedie nuá bunyɛ bandɔ gá gueleé nuag nuég núdisɔl.
Na nugedie na buegu
18Ɛɛ́ɛ, guɔya guá nsɔ́m ya nuag, búnyɛ buegu gá busió buá bandɔ abámafɔm. Gásɔ gɔg dinyaá uguá ŋŋil ya gisódie, búnyɛ buŋaŋa buá Uhaluá. 19Búnyɛ ubúɔ́ŋɔ́n áneé: «Yanágad nugedie nuá begedigédi, nníŋísid nulinsa nuá belinsi.»#1.19 Esa 29.14 20Egedigédi unyɛ hanyɛ? Elinsibigodi unyɛ hanyɛ? Egéli wa hínen unyɛ hanyɛ? Uhaluá umesulié nugedie nuá bandɔ bá guísi.#1.20 Esa 19.12 21Hana bandɔ bá guísi bámasábádilɛns nugedie nuá Uhaluá uguɔ́b guá nugedie, buand buáguɔ́ Uhaluá úmosódíe abámadáab buegu buá guɔya nugálɔ nuá nuag. 22Bayúdɛn bóguóhón biseyi, baglɛ́k bámba nugedie. 23Mmába hana gásɔ gɔg, diésesenye Klístus uyɔɔ́ bɔ́mɔ́ndɔ́n uguá nuag. Bundialá gá bayúdɛn, buegu gá bindiadába. 24Búnyɛ gɔg Klístus unyá buŋaŋa buá Uhaluá na nugedie nuég gá busió buá ɔbɔɔ́ úmɔdɔ́ŋɛ́ɛn, ta anyɛ wa bayúdɛn ta anyɛ wa baglɛ́k. 25Gá giagiá, buegu buá Uhaluá búgódi nugedie gudɔ́mb bandɔ. Bilɔŋ bímomi, bugué buá Uhaluá búnyɛ bugaga gudɔ́mb bandɔ.
Na nugedie na buegu agá magunsa
26Beliméen, ndénu, uguánɔ guá ɔlɔŋ huá ɔbɔɔ́ Uhaluá úmɔdɔ́ŋɛ́ɛn, begedigédi bádibá guɔ́ giod, ta ŋŋaŋa, ta nnuɛ́m gá guɔyɛd guá bunyɛ bandɔ, 27henyé gɔg áneé Uhaluá uméyíd muand muá buegu muá guísi gá guág begedigédi ɔduá gunɔ́h, uwond uweyid muá bugué gá guág bigaga ɔduá gunɔ́h. 28Uwond uweyid muand muá guísi muá kanda ndúme umuɔ́ dísíŋanɔ́ naá muá gudɔɔ́ gá sulie úmunya. 29Gá gueleé ta giaŋana gímomi gídibígídíd gisasɔ agá busió buá Uhaluá. 30Búnyɛ uguég banuá nunyaá uguá Yésuse Klístus, umaásiáyɛ nugedie nuá Uhaluá gásɔ gá busió, Únyaá, gindényé, budányɛ na gisódie. 31Gá gueleé haná búnya ubúɔ́ŋɔ́n: «Ubígidenú gisasɔ, ánaá ubígide uguá Ɔgúná.» #1.31 Yel 9.23
Currently Selected:
:
Highlight
Share
Copy
Want to have your highlights saved across all your devices? Sign up or sign in