Maliko 8
8
Yesu akuwenk'ha ndiya want'hu elufu nne
Matayo 15:32,39
1Mui siku izo, uyama mkulu wa want'hu wakafikana kaidi hamwenga na wakala wabule ndiya. Yesu akawatanga wanahina wake, akalonga, 2“Huwaonela ubazi want'hu wano kwa vila wakala na nie kwa siku nt'hatu wabule ndiya. 3Nikawaleka waite ukaya kuno wana nzala wakudaha kuzehuka mui nzila kwa vila wamwenga wakulawa kutali.”
4Wanahina wake wakamuuza, “Hano haichiwala nachipatehi ndia ya kuwenk'ha want'hu wose wano?”
5Yesu akawauza, “Muna migate mingahi?”
Wakamulongela, “Saba.”
6Ivo, Yesu akawalongela want'hu wakale hasi. Akaisola ila migate saba, akamshukulu Mulungu, akaimegula ila migate na akawenk'ha wanahina wake wawenk'he wala want'hu nao wakawenk'ha. 7Vilavila wakala na somba wadodo. Yesu akamshukulu Mulungu kamala akawalongela wanahina wake wawenk'he want'hu ivila. 8Want'hu wakadya na kwiguta. Kamala wanahina wake wakadondola vibenzu visigale va migate na kumemeza visege saba. 9Want'hu wadile na kwiguta wakala gesa elufu nne. Kamala ndo Yesu akawalaga want'hu waite kumwawe, 10ahoaho Yesu hamwenga na wanahina wake wakakwela mdidalu na kwita kuna dibululu dya Dalumanuta.
Mafalisayo wakulonda vilagiso
Matayo 12:38,42; 16:1,4
11Mafalisayo wakeza kulonga na Yesu. Kwa kumgeza na wakamulonda atende vilagiso vikulonda kumulagisa kuwa katumigwa na Mulungu. 12Ivo, Yesu akalumila mumoyo wake na akalonga, “Hangi uweleko uno ukulonda vilagiso? Kweli huwalongeleni, uweleko uno sekewank'higwe vilagiso vovote.”
13Ivo, Yesu akawaleka Mafalisayo, na akakwela kaidi mdidalu na wanahina wake, akandusa nt'hambo ya kwita mwambo mwa mto.
Hamila ya Mafalisayo na ya Helode
Matayo 16:5,12
14Wanahina wake wakala wazimiza kusola migate ya kuwafaya ivo mdidalu wakala na mgate umwe muhala. 15Ivo, Yesu akawalongela, “Loleni nk'hani! Inegeni na hamila ya Mafalisayo na ya Helode.”
16Wanahina wakaandusa kulongelana wenyewe wakalonga, “Akulonga vino kwa vila chibule migate.”
17Nae Yesu akayamanya yala wakalile wakuyagesa ivo akawauza, “Hangi mkukizana kwa vila mubule migate? Vino, munk'hali hamkumanya, wala hamkuelewa kwa vila umanyi wenu unk'hali mdala kumanya? 18Muna meso mbali hamkuona na muna magutwi mbali hamkuhulika na mzimiza kale, 19vila niimegule ila migate mitano na kuwenk'ha want'hu elufu tano? Mduganya visege vingahi vimemile vibenzu va migate isigale?”
Wakamulongela, “Visege kumi na vidi.”
20Kamala Yesu akawauza, “Vino mduganya visege vingahi vimemile vibenzu va migate visigale vila nimegile migate saba kuwalisa want'hu elufu nne?”
Wakamulongela, “Visege saba.”
21Kamala Yesu akawauza, “Vino na mweye mnk'hali hamkumanya?”
Yesu akumuhonya chipofu uko Betisaida
22Yesu hamwenga na wanahina wake wakeingila kuna dibululu dya Betisaida. Uko wakamgalila mnt'hu chipofu, wakamulomba nk'hani amdose. 23Yesu akamtoza mkono ila chipofu, akalawa nae kunze ya bululu na akamtemela mate mmeso na kumwikila mikono na kumuuza, “Ukuona kint'hu chochote?” 24Ila mnt'hu akalola kuchanya na kulonga, “Ena huwaona want'hu wakuoneka gesa miti ikugenda.”
25Kamala Yesu akamwikila kaidi mikono mmeso yake, chipindi chino akawa akudaha kuona goya, udahi wake wakuona ukambwelela na vint'hu vose akawa akuviona goya. 26Yesu akamulongela aite ukaya na akumulemesa asekubwela kuna dibululu dila.
Petulo akumtogola Yesu ndo Kilisito
Matayo 16:13,20; Luka 9:18,21
27Kamala Yesu hamwenga na wanahina wake wakaita kuna vibululu va Kaisalia Filipu. Ivo wakalile muinzila, Yesu akawauza wanahina wake, “Nilongeleni want'hu wakulonga nie niyani?”
28Wakamulongela, “Wamwenga wakulonga weye ni Yohana Mbatizi na wamwenga wakulonga weye ni mulotezi Elia na wamwenga wakulonga weye ni imwe wa walotezi wa Mulungu.”
29Yesu akawauza, “Vili na mweye mkulonga nie niyani?”
Petulo akamulongela, “Weye ni Kilisito.”
30Kamala Yesu akawalemesa wasekumulongela mnt'hu yoyote kuwa nie ndo Kilisito.
Yesu akulonga ivo akulonda kuhenyezwa na kudanganika kwake na kubwela mna ugima
Matayo 16:21,28; Luka 9:22,27
31Kamala Yesu akandusa kuwafunza wanahina wake akawalongela, “Mwana wa Mnt'hu akulondigwa kuhenyezwa na kulemwa na walala vilongozi na wakulu wa walava nt'hambiko na wafunza malagilizo ya Musa na naakomigwe na siku ya nt'hatu nabwele mna ugima.” 32Yesu akawalongela mbuli iyo bila kufisa. Aho Petulo akamsola Yesu na kwita nae kunk'handa akandusa kumbwakila. 33Mbali Yesu akabiduka na akawalola wanahina wake na kumbwakila Petulo akamulongela, “Bwela kunyuma yangu mwenembago weye, kwa vila hukugesa mbuli za Mulungu mbali ukugesa mbuli za want'hu.”
34Kamala Yesu akautanga uyama wa want'hu hamwenga na wanahina wake, akawalongela, “Mnt'hu yoyote akulonda kunikola akulondigwa kuilema mwenyewe na atogole kuhenyezwa na hadi kudanganika ndo anikole.” 35Kwa vila mnt'hu akalonda kuukombola ugima wake mwenyewe naauwaze, mbali mnt'hu akulonda kwaza ugima wake kwa ajili yangu nie na kwa ajili ya Mbuli Zidamane naaukombole. 36Vino, mnt'hu naapate chibwani hata isi yose ikawa yake na kuno kawaza ugima wake? 37Habule mnt'hu akudaha kulava ili apate ugima kaidi. 38Ivo mnt'hu yoyote akanionela chinyala nie na Mbuli zangu, mna ueleko uno wa zambi, Mwana wa Mnt'hu naamuleme akeza mna ukulu wa Tati yake hamwenga na wa wasank'hani wa kuulanga kwa Mulungu.
Currently Selected:
Maliko 8: DBV
Highlight
Share
Copy
Want to have your highlights saved across all your devices? Sign up or sign in
The New Testament in Dowe @The Word for The World International and Dowe Language translation. All rights reserved.
Maliko 8
8
Yesu akuwenk'ha ndiya want'hu elufu nne
Matayo 15:32,39
1Mui siku izo, uyama mkulu wa want'hu wakafikana kaidi hamwenga na wakala wabule ndiya. Yesu akawatanga wanahina wake, akalonga, 2“Huwaonela ubazi want'hu wano kwa vila wakala na nie kwa siku nt'hatu wabule ndiya. 3Nikawaleka waite ukaya kuno wana nzala wakudaha kuzehuka mui nzila kwa vila wamwenga wakulawa kutali.”
4Wanahina wake wakamuuza, “Hano haichiwala nachipatehi ndia ya kuwenk'ha want'hu wose wano?”
5Yesu akawauza, “Muna migate mingahi?”
Wakamulongela, “Saba.”
6Ivo, Yesu akawalongela want'hu wakale hasi. Akaisola ila migate saba, akamshukulu Mulungu, akaimegula ila migate na akawenk'ha wanahina wake wawenk'he wala want'hu nao wakawenk'ha. 7Vilavila wakala na somba wadodo. Yesu akamshukulu Mulungu kamala akawalongela wanahina wake wawenk'he want'hu ivila. 8Want'hu wakadya na kwiguta. Kamala wanahina wake wakadondola vibenzu visigale va migate na kumemeza visege saba. 9Want'hu wadile na kwiguta wakala gesa elufu nne. Kamala ndo Yesu akawalaga want'hu waite kumwawe, 10ahoaho Yesu hamwenga na wanahina wake wakakwela mdidalu na kwita kuna dibululu dya Dalumanuta.
Mafalisayo wakulonda vilagiso
Matayo 12:38,42; 16:1,4
11Mafalisayo wakeza kulonga na Yesu. Kwa kumgeza na wakamulonda atende vilagiso vikulonda kumulagisa kuwa katumigwa na Mulungu. 12Ivo, Yesu akalumila mumoyo wake na akalonga, “Hangi uweleko uno ukulonda vilagiso? Kweli huwalongeleni, uweleko uno sekewank'higwe vilagiso vovote.”
13Ivo, Yesu akawaleka Mafalisayo, na akakwela kaidi mdidalu na wanahina wake, akandusa nt'hambo ya kwita mwambo mwa mto.
Hamila ya Mafalisayo na ya Helode
Matayo 16:5,12
14Wanahina wake wakala wazimiza kusola migate ya kuwafaya ivo mdidalu wakala na mgate umwe muhala. 15Ivo, Yesu akawalongela, “Loleni nk'hani! Inegeni na hamila ya Mafalisayo na ya Helode.”
16Wanahina wakaandusa kulongelana wenyewe wakalonga, “Akulonga vino kwa vila chibule migate.”
17Nae Yesu akayamanya yala wakalile wakuyagesa ivo akawauza, “Hangi mkukizana kwa vila mubule migate? Vino, munk'hali hamkumanya, wala hamkuelewa kwa vila umanyi wenu unk'hali mdala kumanya? 18Muna meso mbali hamkuona na muna magutwi mbali hamkuhulika na mzimiza kale, 19vila niimegule ila migate mitano na kuwenk'ha want'hu elufu tano? Mduganya visege vingahi vimemile vibenzu va migate isigale?”
Wakamulongela, “Visege kumi na vidi.”
20Kamala Yesu akawauza, “Vino mduganya visege vingahi vimemile vibenzu va migate visigale vila nimegile migate saba kuwalisa want'hu elufu nne?”
Wakamulongela, “Visege saba.”
21Kamala Yesu akawauza, “Vino na mweye mnk'hali hamkumanya?”
Yesu akumuhonya chipofu uko Betisaida
22Yesu hamwenga na wanahina wake wakeingila kuna dibululu dya Betisaida. Uko wakamgalila mnt'hu chipofu, wakamulomba nk'hani amdose. 23Yesu akamtoza mkono ila chipofu, akalawa nae kunze ya bululu na akamtemela mate mmeso na kumwikila mikono na kumuuza, “Ukuona kint'hu chochote?” 24Ila mnt'hu akalola kuchanya na kulonga, “Ena huwaona want'hu wakuoneka gesa miti ikugenda.”
25Kamala Yesu akamwikila kaidi mikono mmeso yake, chipindi chino akawa akudaha kuona goya, udahi wake wakuona ukambwelela na vint'hu vose akawa akuviona goya. 26Yesu akamulongela aite ukaya na akumulemesa asekubwela kuna dibululu dila.
Petulo akumtogola Yesu ndo Kilisito
Matayo 16:13,20; Luka 9:18,21
27Kamala Yesu hamwenga na wanahina wake wakaita kuna vibululu va Kaisalia Filipu. Ivo wakalile muinzila, Yesu akawauza wanahina wake, “Nilongeleni want'hu wakulonga nie niyani?”
28Wakamulongela, “Wamwenga wakulonga weye ni Yohana Mbatizi na wamwenga wakulonga weye ni mulotezi Elia na wamwenga wakulonga weye ni imwe wa walotezi wa Mulungu.”
29Yesu akawauza, “Vili na mweye mkulonga nie niyani?”
Petulo akamulongela, “Weye ni Kilisito.”
30Kamala Yesu akawalemesa wasekumulongela mnt'hu yoyote kuwa nie ndo Kilisito.
Yesu akulonga ivo akulonda kuhenyezwa na kudanganika kwake na kubwela mna ugima
Matayo 16:21,28; Luka 9:22,27
31Kamala Yesu akandusa kuwafunza wanahina wake akawalongela, “Mwana wa Mnt'hu akulondigwa kuhenyezwa na kulemwa na walala vilongozi na wakulu wa walava nt'hambiko na wafunza malagilizo ya Musa na naakomigwe na siku ya nt'hatu nabwele mna ugima.” 32Yesu akawalongela mbuli iyo bila kufisa. Aho Petulo akamsola Yesu na kwita nae kunk'handa akandusa kumbwakila. 33Mbali Yesu akabiduka na akawalola wanahina wake na kumbwakila Petulo akamulongela, “Bwela kunyuma yangu mwenembago weye, kwa vila hukugesa mbuli za Mulungu mbali ukugesa mbuli za want'hu.”
34Kamala Yesu akautanga uyama wa want'hu hamwenga na wanahina wake, akawalongela, “Mnt'hu yoyote akulonda kunikola akulondigwa kuilema mwenyewe na atogole kuhenyezwa na hadi kudanganika ndo anikole.” 35Kwa vila mnt'hu akalonda kuukombola ugima wake mwenyewe naauwaze, mbali mnt'hu akulonda kwaza ugima wake kwa ajili yangu nie na kwa ajili ya Mbuli Zidamane naaukombole. 36Vino, mnt'hu naapate chibwani hata isi yose ikawa yake na kuno kawaza ugima wake? 37Habule mnt'hu akudaha kulava ili apate ugima kaidi. 38Ivo mnt'hu yoyote akanionela chinyala nie na Mbuli zangu, mna ueleko uno wa zambi, Mwana wa Mnt'hu naamuleme akeza mna ukulu wa Tati yake hamwenga na wa wasank'hani wa kuulanga kwa Mulungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Dowe @The Word for The World International and Dowe Language translation. All rights reserved.