Matayi 6
6
Ndongosolo mu kabudila bamputu
1Kebeeno kweno! Bu lukwe hidikanga misamu mikwe tyanga Nzambi, lusangandi bo mu kiyenikisa ha meso ma bantu ko. Nganunu lwaatambula musendo ha ntadisi yi Tata eno wu ku mazulu ko. 2Bu kwe kabilanga bamputu, kamusikanga hungu ha ntadisi aku ko, bonso bukwe sanga bantu ba diisu ku nsye lukaya mu zinzo zi lusambulu zi Bayudayo na mu zinzila, mwanki bantu ba bazitisa. Kedika nina luteela: yawu batambudi musendo awu. 3Kansi bu kwe sadisanga bamputu, kooko kwaku kulumoso ku zabandi ko nki kooko kwaku kulubakala kuna sa. 4Mwanki lusadusu lu wuna haana luba mu mansweki, mboki Tata aku wuna kutala mu mansweki, waakusenda.
Ndongosolo mu dyambu di lusambulu
(Luk 11.2-4)
5Bu lukwe sambilanga, lubandi bonso bantu ba diisu ku nsye lukaya ko, batiidi mu sambila kimantela mu zinzo zi lusambulu zi Bayudayo na mu mahambu ma zibala-bala, mwanki bantu ba batala. Kedika nina luteela: yawu batambudi musendo awu. 6Kansi ngeye, bu wasambila, kota mu kati di kihinga kyaku, zibika mwelo aku, sambila Tata aku wu momo mu mansweki, mboki Tata aku wuna kutala mu mansweki, waakusenda.
7Bu lukwe sambilanga, lutangandi misamu mimingi ko bonso bukwe sanga bantu balembolo ba Bayudayo, bakwe bazanga ti bu bata misamu mimingi mbo batambula mvutu yimbote mu lusambulu lwawu. 8Lusandi bonso yawu ko, mu dyambu ti Tata eno zebi nsatu zeno, tekila lumulomba. 9Ebu lufweti sambidilanga:
«Tata eto wu ku mazulu!
Bika nkumbu aku yiba yilongo,
10bika Kimfumu kyaku kiza,
bika luzolo lwaku luvangama ha butoto bonso mu mazulu.
11Tuhaana, bindya byeto bilumbu ka lumbu,
12Tulemvokila masumu meto,
bonso yeto mpe, tukwe lemvokilanga bakwe tusanga bubi,
13wutukotisandi mu mpukumunu ko
kansi wututanina Munga Mbi.»
[Kadi kimfumu kyaku kidi, na lulendo
na nkembo mimvu ka mimvu. Ameni.]
14Ti lukwe lemvokila bantu mbi awu, Tata eno wu ku mazulu waalulemvokila mpe. 15Tala ti lulemvokidi bantu ko, Tata eno kaalulemvokila mbi eno ko.
Ndongolo mu dyambu diminunu yi nsoki
16Bu lukwe minanga nsoki, lubangandi na kiini ki kyadi ko, bonso bantu ba diisu ku nsye lukaya, luse lwawu lukwe kitukanga lukyadi mu lonka ku bantu ti nsoki kana mina. Kedika nina luteela: yawu batambudi musendo awu. 17Kansi bukwe minanga nsoki, kukusanga mananasi ku mutu aku, mpe sukulanga kiini kyaku, 18mwanki wulembolo lonka ku bantu ti nsoki wuna mina, kansi ku Tata aku wu momo mu mansweki. Mboki, Tata aku wuna kutala mu mansweki, waakusenda.
Kuyonzika bimvwama ku yulu
(Luk 12.33-34)
19Luyonzikangandi bimvwama ha nza beyiyi ko, ha na zinsyedi na mbungi yikwe sanga ti bima biseka, mpe ha na mivi mikwe bulanga bibaka mu yiba. 20Kansi, yonzikangeeno bimvwama ku yulu, kulembolo ba zinsyedi na mbungi yikwe sanga ti bima biseka, mpe kulembolo ba na mivi mikwe bulanga bibaka mu yiba. 21Kedika, honso ha kimvwama kyaku, hahoho mpe ha mutima aku.
Kya ku nitu
(Luk 11.34-36)
22Diisu dyaku ni mwinda wu nitu aku: tala ti dimbote didi, nitu aku yimvimba yaaba mu kya, 23kansi ti dibeela didi, nitu aku yimvimba yaaba mpe mu kati di tombe. Tala ti ku kya ku naaku kufukamani mu tombe, tombe bekyokyo kyaaba na bokoboko!
Kusadila Nzambi hoti mbongo
(Luk 16.13)
24Kunani muntu wulendi sadila mfumu zole ko. Mu dyambu ti, mbo kabela wumosi na waatya wuhiika, hoti mbo kayekama ku wumosi na mbo kanyafuna wuhiika. Lulendi sadila ha kimosi Nzambi na mbongo ko.
Kuba na kiminu mu Nzambi
(Luk 12.22-31)
25Ni hahoho nina luteela ti: Ka lukikwamisandi mu dyambu di luzingu lweno mu bye dya na mu bye nwa, mpe mu dyambu di nitu zeno mu bye lwata. Kedika, luzingu luhyokidi mfunu na bindya, mpe nitu yi hyokidi mfunu na binkutu. 26Taleeno zinuni zi ku yulu: zikwe kunanga ko, zikwe yonzikanga mu bilundulu ko, kansi Tata eno wu ku mazulu kwe ze dikilanga. Kadi yeno luhyokidi zinuni mfunu kwe e? 27Nani mu yeno mu nyongono zandi lenda bwesa fyoti mwa ndambu bilumbu mu luzingu lwandi e?
28Nki lukwe kikwamisinanga mu dyambu di binkutu e? Taleeno bwedi bifulu bimfuba bikwe kudilanga: bikwe salanga ko, bikwe syetanga ko. 29Kansi nina luteela ti: Kaati Solomo mu bimvwama byandi bimvimba, kasala lwaata binkutu bivudidi ntoko bonso kifulu kimosi mu bifulu bebibi ko. 30Tala ti Nzambi bwabobo kakwe lwikilanga bititi bidi bubedidi mu mfuba na mbazi bina tubu ku tiya, bila nki kalembolo lusila bo e? Yeno bantu ba kiminu kifyoti ludi!
31Lukikwamisangandi ko mu ta ti: «Nki twaadya e? Nki twaanwa e? Na nki twaalwata e?» 32Ni bantu balembolo ba Bayudayo, bakwe kwe sosingi bima bimvimba bebyobyo, ntangu zimvimba. Kansi Tata eno wu ku yulu zebi ti bii neeno nsatu. 33Soseeno ntete Kimfumu ki Nzambi na lunungu lwandi, mbo kaluhaana bima bimvimba bihiika bisidi.
34Lukikwamisangandi mu kilumbu ki mbazi, mu dyambu ti kilumbu ki mbazi, kyaaba na misamu myandi. Kadi kilumbu ki na mpasi zandi.
Currently Selected:
Matayi 6: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 6
6
Ndongosolo mu kabudila bamputu
1Kebeeno kweno! Bu lukwe hidikanga misamu mikwe tyanga Nzambi, lusangandi bo mu kiyenikisa ha meso ma bantu ko. Nganunu lwaatambula musendo ha ntadisi yi Tata eno wu ku mazulu ko. 2Bu kwe kabilanga bamputu, kamusikanga hungu ha ntadisi aku ko, bonso bukwe sanga bantu ba diisu ku nsye lukaya mu zinzo zi lusambulu zi Bayudayo na mu zinzila, mwanki bantu ba bazitisa. Kedika nina luteela: yawu batambudi musendo awu. 3Kansi bu kwe sadisanga bamputu, kooko kwaku kulumoso ku zabandi ko nki kooko kwaku kulubakala kuna sa. 4Mwanki lusadusu lu wuna haana luba mu mansweki, mboki Tata aku wuna kutala mu mansweki, waakusenda.
Ndongosolo mu dyambu di lusambulu
(Luk 11.2-4)
5Bu lukwe sambilanga, lubandi bonso bantu ba diisu ku nsye lukaya ko, batiidi mu sambila kimantela mu zinzo zi lusambulu zi Bayudayo na mu mahambu ma zibala-bala, mwanki bantu ba batala. Kedika nina luteela: yawu batambudi musendo awu. 6Kansi ngeye, bu wasambila, kota mu kati di kihinga kyaku, zibika mwelo aku, sambila Tata aku wu momo mu mansweki, mboki Tata aku wuna kutala mu mansweki, waakusenda.
7Bu lukwe sambilanga, lutangandi misamu mimingi ko bonso bukwe sanga bantu balembolo ba Bayudayo, bakwe bazanga ti bu bata misamu mimingi mbo batambula mvutu yimbote mu lusambulu lwawu. 8Lusandi bonso yawu ko, mu dyambu ti Tata eno zebi nsatu zeno, tekila lumulomba. 9Ebu lufweti sambidilanga:
«Tata eto wu ku mazulu!
Bika nkumbu aku yiba yilongo,
10bika Kimfumu kyaku kiza,
bika luzolo lwaku luvangama ha butoto bonso mu mazulu.
11Tuhaana, bindya byeto bilumbu ka lumbu,
12Tulemvokila masumu meto,
bonso yeto mpe, tukwe lemvokilanga bakwe tusanga bubi,
13wutukotisandi mu mpukumunu ko
kansi wututanina Munga Mbi.»
[Kadi kimfumu kyaku kidi, na lulendo
na nkembo mimvu ka mimvu. Ameni.]
14Ti lukwe lemvokila bantu mbi awu, Tata eno wu ku mazulu waalulemvokila mpe. 15Tala ti lulemvokidi bantu ko, Tata eno kaalulemvokila mbi eno ko.
Ndongolo mu dyambu diminunu yi nsoki
16Bu lukwe minanga nsoki, lubangandi na kiini ki kyadi ko, bonso bantu ba diisu ku nsye lukaya, luse lwawu lukwe kitukanga lukyadi mu lonka ku bantu ti nsoki kana mina. Kedika nina luteela: yawu batambudi musendo awu. 17Kansi bukwe minanga nsoki, kukusanga mananasi ku mutu aku, mpe sukulanga kiini kyaku, 18mwanki wulembolo lonka ku bantu ti nsoki wuna mina, kansi ku Tata aku wu momo mu mansweki. Mboki, Tata aku wuna kutala mu mansweki, waakusenda.
Kuyonzika bimvwama ku yulu
(Luk 12.33-34)
19Luyonzikangandi bimvwama ha nza beyiyi ko, ha na zinsyedi na mbungi yikwe sanga ti bima biseka, mpe ha na mivi mikwe bulanga bibaka mu yiba. 20Kansi, yonzikangeeno bimvwama ku yulu, kulembolo ba zinsyedi na mbungi yikwe sanga ti bima biseka, mpe kulembolo ba na mivi mikwe bulanga bibaka mu yiba. 21Kedika, honso ha kimvwama kyaku, hahoho mpe ha mutima aku.
Kya ku nitu
(Luk 11.34-36)
22Diisu dyaku ni mwinda wu nitu aku: tala ti dimbote didi, nitu aku yimvimba yaaba mu kya, 23kansi ti dibeela didi, nitu aku yimvimba yaaba mpe mu kati di tombe. Tala ti ku kya ku naaku kufukamani mu tombe, tombe bekyokyo kyaaba na bokoboko!
Kusadila Nzambi hoti mbongo
(Luk 16.13)
24Kunani muntu wulendi sadila mfumu zole ko. Mu dyambu ti, mbo kabela wumosi na waatya wuhiika, hoti mbo kayekama ku wumosi na mbo kanyafuna wuhiika. Lulendi sadila ha kimosi Nzambi na mbongo ko.
Kuba na kiminu mu Nzambi
(Luk 12.22-31)
25Ni hahoho nina luteela ti: Ka lukikwamisandi mu dyambu di luzingu lweno mu bye dya na mu bye nwa, mpe mu dyambu di nitu zeno mu bye lwata. Kedika, luzingu luhyokidi mfunu na bindya, mpe nitu yi hyokidi mfunu na binkutu. 26Taleeno zinuni zi ku yulu: zikwe kunanga ko, zikwe yonzikanga mu bilundulu ko, kansi Tata eno wu ku mazulu kwe ze dikilanga. Kadi yeno luhyokidi zinuni mfunu kwe e? 27Nani mu yeno mu nyongono zandi lenda bwesa fyoti mwa ndambu bilumbu mu luzingu lwandi e?
28Nki lukwe kikwamisinanga mu dyambu di binkutu e? Taleeno bwedi bifulu bimfuba bikwe kudilanga: bikwe salanga ko, bikwe syetanga ko. 29Kansi nina luteela ti: Kaati Solomo mu bimvwama byandi bimvimba, kasala lwaata binkutu bivudidi ntoko bonso kifulu kimosi mu bifulu bebibi ko. 30Tala ti Nzambi bwabobo kakwe lwikilanga bititi bidi bubedidi mu mfuba na mbazi bina tubu ku tiya, bila nki kalembolo lusila bo e? Yeno bantu ba kiminu kifyoti ludi!
31Lukikwamisangandi ko mu ta ti: «Nki twaadya e? Nki twaanwa e? Na nki twaalwata e?» 32Ni bantu balembolo ba Bayudayo, bakwe kwe sosingi bima bimvimba bebyobyo, ntangu zimvimba. Kansi Tata eno wu ku yulu zebi ti bii neeno nsatu. 33Soseeno ntete Kimfumu ki Nzambi na lunungu lwandi, mbo kaluhaana bima bimvimba bihiika bisidi.
34Lukikwamisangandi mu kilumbu ki mbazi, mu dyambu ti kilumbu ki mbazi, kyaaba na misamu myandi. Kadi kilumbu ki na mpasi zandi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.