Matayi 4
4
Nkadyampempa wutonta Yesu ku nsi yinkatu
(Mlk 1.12-13; Luk 4.1-13)
1Mboki, Mpeve Yilongo yinata Yesu ku nsi yinkatu, mwanki nkadyampemba ka mutonta. 2Ku manima, Yesu wumina nsoki mu bilumbu makumaya (40), mpimpa na mwini. Nsatu ni yi mubaka. 3Nkadyampemba wufinama na wumuteela ti: «Tala ti ngeye Mwana Nzambi wudi, tuma matadi bemama ma kituka mampa.» 4Yesu wumuvutudila ti: «Basonika: “Luzingu lu muntu luu kaka mu dimpa ko, kansi mu mpova zimvimba zikwe duukanga ha munwa wu Nzambi.”»
5Nkadyampemba wumunata ku Yelusalemi, mbanza yi longo, wumutuula ha nsongi yi nzo-Nzambi 6na wumuteela ti: «Tala ti Mwana Nzambi wudi, wukituba ku nsi, mu dyambu ti basonika:
“Nzambi waahaana mu dyambu dyaku ntumunu ku zimbazi zandi,
mpe baakuyaka mu moko mawu,
mwanki kuulu kwaku kulembolo koyama ha tadi.”»
7Yesu wumuvutudila ti: «Basonika mpe: “Wulendi tonta Mfumu Nzambi aku ko.”» 8Nkadyampemba wubwesa munata dyaka ha yulu mulandu na wumulonka nsi zimvimba zi ha nza na minkembo myawu, 9na wumuteela ti: «Nina kuhaana bimvimba bebibi, tala ti wumfukimini na wunsambidi.» 10Yesu wumuvutudila ti: «Satana, katuka ha nidi! Mu dyambu ti basonika: “Mfumu Nzambi aku kaka fweti fukimina, mpe Yandi kaka fweti sadila.”» 11Nkadyampemba wusala musisa, mboki mbazi ziyiza ku Yesu mu musadisa.
Yesu wutona kisalu kyandi ku Ngalili
(Mlk 1.14-15; Luk 4.14-15)
12Yesu bu kayuwa ti batuudidi Yoane mu boloko, wuyenda ku kuzunga ki Ngalili. 13Wusisa mbanza Nazaleti, na wuyenda zakala ku mbanza yi Kapenawumi ha kumu di dyanga di Ngalili, mu kizunga ki Zabuloni na ki Nefatali. 14Mwanki misamu mi ta mumbikudi Yesaya myenda detila:
15«Kizunga ki Zabuloni na ki Nefatali,
nzila yi mubu, simu dihiika di nzadi yi Yolodani,
Ngalili yi balembolo ba Bayudayo!
16Bantu bakwe zinganga mu tombe
bayeni kya kikingi!
Mpe bantu bakwe zinganga mu nsi yi tombe ki lufwa,
kya kisesomokini mu dyambu dyawu!»
17Tuuka ntangu beyoyo, Yesu wutona mulonga,
mu ta ti: «Viluleeno madyela, kadi Kimfumu ki mazulu kyeka lukufi!»
Yesu wutumisa milongoki mintete
18Yesu bu kedi kwe yendi ha kumu di dyanga di Ngalili, wuyena mpangi zole ziba bilobi bi mbizi, Simoni, wu bakwe tumisinanga Petelo na Andele mpangi andi, bedi loosanga mpwasa mu dyanga. 19Wubateela ti: «Ndandeeno, mpe naasa ti luba bilobi bi bantu.» 20Hansi na nsi, basala sisa zimpwasa zawu na bamulanda. 21Bu kayenda mwa kitatu, wuyena dyaka zimpangi zole, Zaki na Yoane, baala ba Zebedayi. Baba mu kati di mulungu na tata awu Zebedayi, bedi hidikanga zimpwasa. Yesu wubatumisa 22hansi na nsi basala sisa mulungu na tata awu, ni bamulanda.
Yesu wulonga na wunyakisa
23Yesu wuzyeta mu kizunga kimvimba ki Ngalili, wedi kwe longingi mu zinzo zi lusambulu zi Bayudayo na wusamuna Musamu Wumbote wu Kimfumu ki Nzambi na wunyakisa bimbevo bimvimba bi bantu na byeta bimvimba. 24Kikuumu kyandi kimwangana mu nsi yimvimba yi Siliya, na bedi mutwadilanga bantu bedi kwamusungu mu bimbevo na mpasi zimumpila-mumpila: banga zimpeve zimbi, banga bimbevo binzyeta na banga mbolokoto. Yesu wubanyakisa. 25Mpumbu yi bantu babingi bamulanda, bafuma ku kizunga ki Ngalili na ki Dekapoli, ku Yelusalemi na ku Yuda na ku ndambu yihiika yi nzadi yi Yolodani.
Currently Selected:
Matayi 4: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 4
4
Nkadyampempa wutonta Yesu ku nsi yinkatu
(Mlk 1.12-13; Luk 4.1-13)
1Mboki, Mpeve Yilongo yinata Yesu ku nsi yinkatu, mwanki nkadyampemba ka mutonta. 2Ku manima, Yesu wumina nsoki mu bilumbu makumaya (40), mpimpa na mwini. Nsatu ni yi mubaka. 3Nkadyampemba wufinama na wumuteela ti: «Tala ti ngeye Mwana Nzambi wudi, tuma matadi bemama ma kituka mampa.» 4Yesu wumuvutudila ti: «Basonika: “Luzingu lu muntu luu kaka mu dimpa ko, kansi mu mpova zimvimba zikwe duukanga ha munwa wu Nzambi.”»
5Nkadyampemba wumunata ku Yelusalemi, mbanza yi longo, wumutuula ha nsongi yi nzo-Nzambi 6na wumuteela ti: «Tala ti Mwana Nzambi wudi, wukituba ku nsi, mu dyambu ti basonika:
“Nzambi waahaana mu dyambu dyaku ntumunu ku zimbazi zandi,
mpe baakuyaka mu moko mawu,
mwanki kuulu kwaku kulembolo koyama ha tadi.”»
7Yesu wumuvutudila ti: «Basonika mpe: “Wulendi tonta Mfumu Nzambi aku ko.”» 8Nkadyampemba wubwesa munata dyaka ha yulu mulandu na wumulonka nsi zimvimba zi ha nza na minkembo myawu, 9na wumuteela ti: «Nina kuhaana bimvimba bebibi, tala ti wumfukimini na wunsambidi.» 10Yesu wumuvutudila ti: «Satana, katuka ha nidi! Mu dyambu ti basonika: “Mfumu Nzambi aku kaka fweti fukimina, mpe Yandi kaka fweti sadila.”» 11Nkadyampemba wusala musisa, mboki mbazi ziyiza ku Yesu mu musadisa.
Yesu wutona kisalu kyandi ku Ngalili
(Mlk 1.14-15; Luk 4.14-15)
12Yesu bu kayuwa ti batuudidi Yoane mu boloko, wuyenda ku kuzunga ki Ngalili. 13Wusisa mbanza Nazaleti, na wuyenda zakala ku mbanza yi Kapenawumi ha kumu di dyanga di Ngalili, mu kizunga ki Zabuloni na ki Nefatali. 14Mwanki misamu mi ta mumbikudi Yesaya myenda detila:
15«Kizunga ki Zabuloni na ki Nefatali,
nzila yi mubu, simu dihiika di nzadi yi Yolodani,
Ngalili yi balembolo ba Bayudayo!
16Bantu bakwe zinganga mu tombe
bayeni kya kikingi!
Mpe bantu bakwe zinganga mu nsi yi tombe ki lufwa,
kya kisesomokini mu dyambu dyawu!»
17Tuuka ntangu beyoyo, Yesu wutona mulonga,
mu ta ti: «Viluleeno madyela, kadi Kimfumu ki mazulu kyeka lukufi!»
Yesu wutumisa milongoki mintete
18Yesu bu kedi kwe yendi ha kumu di dyanga di Ngalili, wuyena mpangi zole ziba bilobi bi mbizi, Simoni, wu bakwe tumisinanga Petelo na Andele mpangi andi, bedi loosanga mpwasa mu dyanga. 19Wubateela ti: «Ndandeeno, mpe naasa ti luba bilobi bi bantu.» 20Hansi na nsi, basala sisa zimpwasa zawu na bamulanda. 21Bu kayenda mwa kitatu, wuyena dyaka zimpangi zole, Zaki na Yoane, baala ba Zebedayi. Baba mu kati di mulungu na tata awu Zebedayi, bedi hidikanga zimpwasa. Yesu wubatumisa 22hansi na nsi basala sisa mulungu na tata awu, ni bamulanda.
Yesu wulonga na wunyakisa
23Yesu wuzyeta mu kizunga kimvimba ki Ngalili, wedi kwe longingi mu zinzo zi lusambulu zi Bayudayo na wusamuna Musamu Wumbote wu Kimfumu ki Nzambi na wunyakisa bimbevo bimvimba bi bantu na byeta bimvimba. 24Kikuumu kyandi kimwangana mu nsi yimvimba yi Siliya, na bedi mutwadilanga bantu bedi kwamusungu mu bimbevo na mpasi zimumpila-mumpila: banga zimpeve zimbi, banga bimbevo binzyeta na banga mbolokoto. Yesu wubanyakisa. 25Mpumbu yi bantu babingi bamulanda, bafuma ku kizunga ki Ngalili na ki Dekapoli, ku Yelusalemi na ku Yuda na ku ndambu yihiika yi nzadi yi Yolodani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.