Matayi 22
22
Kingana ki ndambisa yi makwela
(Luk 14.15-24)
1Yesu wubazonzila dyaka mu kingana na wubateela ti: 2«Kimfumu ki mazulu kifwanakani bonso: Ntinu yimosi wuhidikisa ndambisa yi makwela yi mwana andi wu bakala. 3Wutambika mindongo myandi mu kwe teela yobobo ba katumisa ku ndambisa, kansi batya mu kwiza ko. 4Wutambika dyaka mindongo mihiika na wubahaana ntumunu eyi: “Yendeeno luteela ku yobobo bantumisi ku ndambisa ti: Bindya byani byankubikidi, ngombe zani zimbakala na bibulu byani bihiika bitoloka bya mpondidi, bimvimba bikubamani. Yizeeno ku ndambisa yi makwela!” 5Kansi ba katumisa bayena wo mfunu ko na bayenda ku bisalu byawu: wumosi wuyenda ku mfuba andi, wuhiika wuyenda teka kwandi, 6na bahiika babwila mindongo, babayenisa mpasi na babahonda. 7Ntinu wubaka mankesi, wutambika zimbulumbulu zandi mu kwe honda mimpondi bemyomyo na mu yoka mbanza awu. 8Mboki wuteela mindongo myandi ti: “Ndambisa yi makwela yi kubamani, kansi yobobo ba ntumisi bafwanakani mu dya yo ko. 9Yendeeno mu mahambu ma nzila, na tumiseno yobobo bamvimba ba luna yena, biza ku ndambisa.” 10Mindongo myandi miyenda mu mahambu ma nzila, bakutikisa bamvimba ba bayena, bambote na bambi. Nzo yi makwela yi fuluka mu bantu. 11Ntinu wukota mu tala bantu ba katumisa, na wuyena bakala dimosi dilembolo lwata kinkutu ki mukembo wu makwela. 12Wumufuula ti: “Mukundi ani, bwedi kotididi mumu wulembolo lwata kinkutu ki mukembo wu makwela e?” Kansi muntu bewowo ka muhaana mvutu ko. 13Buna ntinu wuta ku bisadi byandi ti: “Mubindikeno malu na moko, mpe mutubeno ku mbazi ku na mpimpa yi na bokoboko. Ni kwakoko ku bidilu na nkwetosolo yi meno.” 14Mu dyambu ti babingi batumusu, kansi bafyuma basoolo.»
Mpaku yi Kayisali
(Mlk 12.13-17; Luk 20.20-26)
15Bafalisi bayenda kutakana mu zaba bwedi balendi lebikila Yesu mutambu mu baka kibila mu mpova zandi. 16Bamutambikila milongoki myawu, na bantu ba kimvuka ki Elode. Bantu bebobo bafuula Yesu ti: «Mulongisi, tuzebi ti makedika kwe tanga nakwe longanga nzila yi Nzambi mu makedika, na wukwe tinanga muntu ko mpe ngeye wuswasikisanga bantu ko. 17Tuteeleti, bwedi wuna banzila mu musamu bewuwu: nganunu Misiku myeto mikwe tuhaananga luve mu futa mpaku yi Kayisali hoti kaani e?» 18Kansi Yesu wubakula makani mawu mambi, na wubateela ti: «Bantu ba diisu ku nsye lukaya, bila nki luna ntontila e? 19Ndongiseeno mbongo zi bakwe futilanga mpaku.» Bamulonka mbongo zimosi zi kisengo, 20na Yesu wubafuula ti: «Hambo kini na nkumbu binani bidi bisonama mumu e?» 21Bamuvutudila ti: «Bi Kayisali bidi.» Buna Yesu wubateela ti: «Vutuleno bi Kayisali ku Kayisali, bi Nzambi ku Nzambi.» 22Bayituku mu mvutu yi kabahaana. Basala mu sisa na bayenda kwawu.
Kyuhu mu mfulukulu yi bafwa
(Mlk 12.18-27; Luk 20.27-40)
23Mu kyo kwa kilumbu, Basaduki, bantu bakwe lembolo kwikilanga mu mfulukulu yi bafwa, bayiza ha ntadisi yi Yesu mu mufuula ti: 24«Mulongisi, Mose wuta ti: “Tala ti bakala difwidi wulembolo saa buta, mpangi andi yi bakala fweti kwela mufwidi mwanki kahaana nkuna ku yondowo wu fwidi.”
25Kansi, ha kati dyeto kuba na zimpangi nsambwadi. Wuntete wukwela na wufwa, kasa buta mwana ko na wusisa mukento andi ku mpangi andi. 26Buba bumosi ku mpangi andi yi nzole, mboki yi mitatu natee yi nsambwadi. 27Ku manima ma ya bamvimba, mukento mpe wuyiza fwa. 28Mu kilumbu ki mfulukulu yi bafwa, mukento wunani waaba e? Mu dyambu ti yawu nsambwadi bamukwela!» 29Yesu wubavutudila ti: «Kuhunuka lusa, mu dyambu ti luzebi masonama na lulendo lu Nzambi ko. 30Mu dyambu ti, haaba mfulukulu mu bafwa, bakento na babakala baakwela ko, kansi baaba bonso zimbazi zi mazulu. 31Mu myo mitadidi mfulukulu yi bafwa, lutanga misamu miluteela Nzambi ko e? Wuta ti: 32“Meno nidi Nzambi yi Abalahami, Nzambi yi Isaaki na Nzambi yi Yakobi.” Ka Nzambi yi bafwa ko, kansi Nzambi yi bamoyo.»
33Kamba di bantu dyedi muyuwa bayituku mu ndongosolo andi.
Musiku wu vudidi bunene
(Mlk 12.28-34; Luk 10.25-28)
34Bafalisi bu bayuwa ti Yesu kangisi basaduki mu nwa, ni bakutakana. 35Wumosi ha kati dyawu, mulongisi wu Misiku wusosa mu mutonta, wumufuula ti: 36«Mulongisi, nkye mwina wuhyokidi bunene mu Misiku e?»
37Wumuvutudila ti: «“Zola Mfumu Nzambi aku mu mutima aku wumvimba, mu mwela aku wumvimba na mu madyela maku mamvimba.”
38Ni mwina bewowo wuntete na wuvudidi bunene. 39Wunzole wumufwanakani, ni ewu: “zola mfinangani aku bonso ngebende.” 40Mina mimvimba mi Mose na masonama mu mabuuku ma mimbikudi bi kangamani mu mina bemyomyo mya mimyole.»
Klisto na Davidi
(Mlk 12.35-37; Luk 20.41-44)
41Bafalisi bu baba bakutakana, Yesu wubaziika kyuhu eki: 42«Nki luna banza mu dyambu di Klisto e? Mwana wu nani wudi e?» Bamuvutudila ti: «Wu Davidi.» 43Yesu wubateela ti: «Bwedi Davidi, wutwadusu ku Mpeve Yilongo, kalendi mutumisina “Mfumu e?” Mu dyambu ti wuta ti:
44“Mfumu Nzambi wuta ku Mfumu ani ti:
Yiza zakala ha lweka lu lubakala lwani,
Natee bu nasa ti mitantu myaku miba bitentokolo bi bitambi byaku.”
45Tala ti Davidi wuna mutumisina “Mfumu”, bwedi kalendi bwesa bela dyaka mwana andi e?» 46Ka muntu ko wu muhaana mvutu, mpe tuka kilumbu bekyokyo nakani muntu kedi bwesa muzika dyaka byuhu ko.
Currently Selected:
Matayi 22: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 22
22
Kingana ki ndambisa yi makwela
(Luk 14.15-24)
1Yesu wubazonzila dyaka mu kingana na wubateela ti: 2«Kimfumu ki mazulu kifwanakani bonso: Ntinu yimosi wuhidikisa ndambisa yi makwela yi mwana andi wu bakala. 3Wutambika mindongo myandi mu kwe teela yobobo ba katumisa ku ndambisa, kansi batya mu kwiza ko. 4Wutambika dyaka mindongo mihiika na wubahaana ntumunu eyi: “Yendeeno luteela ku yobobo bantumisi ku ndambisa ti: Bindya byani byankubikidi, ngombe zani zimbakala na bibulu byani bihiika bitoloka bya mpondidi, bimvimba bikubamani. Yizeeno ku ndambisa yi makwela!” 5Kansi ba katumisa bayena wo mfunu ko na bayenda ku bisalu byawu: wumosi wuyenda ku mfuba andi, wuhiika wuyenda teka kwandi, 6na bahiika babwila mindongo, babayenisa mpasi na babahonda. 7Ntinu wubaka mankesi, wutambika zimbulumbulu zandi mu kwe honda mimpondi bemyomyo na mu yoka mbanza awu. 8Mboki wuteela mindongo myandi ti: “Ndambisa yi makwela yi kubamani, kansi yobobo ba ntumisi bafwanakani mu dya yo ko. 9Yendeeno mu mahambu ma nzila, na tumiseno yobobo bamvimba ba luna yena, biza ku ndambisa.” 10Mindongo myandi miyenda mu mahambu ma nzila, bakutikisa bamvimba ba bayena, bambote na bambi. Nzo yi makwela yi fuluka mu bantu. 11Ntinu wukota mu tala bantu ba katumisa, na wuyena bakala dimosi dilembolo lwata kinkutu ki mukembo wu makwela. 12Wumufuula ti: “Mukundi ani, bwedi kotididi mumu wulembolo lwata kinkutu ki mukembo wu makwela e?” Kansi muntu bewowo ka muhaana mvutu ko. 13Buna ntinu wuta ku bisadi byandi ti: “Mubindikeno malu na moko, mpe mutubeno ku mbazi ku na mpimpa yi na bokoboko. Ni kwakoko ku bidilu na nkwetosolo yi meno.” 14Mu dyambu ti babingi batumusu, kansi bafyuma basoolo.»
Mpaku yi Kayisali
(Mlk 12.13-17; Luk 20.20-26)
15Bafalisi bayenda kutakana mu zaba bwedi balendi lebikila Yesu mutambu mu baka kibila mu mpova zandi. 16Bamutambikila milongoki myawu, na bantu ba kimvuka ki Elode. Bantu bebobo bafuula Yesu ti: «Mulongisi, tuzebi ti makedika kwe tanga nakwe longanga nzila yi Nzambi mu makedika, na wukwe tinanga muntu ko mpe ngeye wuswasikisanga bantu ko. 17Tuteeleti, bwedi wuna banzila mu musamu bewuwu: nganunu Misiku myeto mikwe tuhaananga luve mu futa mpaku yi Kayisali hoti kaani e?» 18Kansi Yesu wubakula makani mawu mambi, na wubateela ti: «Bantu ba diisu ku nsye lukaya, bila nki luna ntontila e? 19Ndongiseeno mbongo zi bakwe futilanga mpaku.» Bamulonka mbongo zimosi zi kisengo, 20na Yesu wubafuula ti: «Hambo kini na nkumbu binani bidi bisonama mumu e?» 21Bamuvutudila ti: «Bi Kayisali bidi.» Buna Yesu wubateela ti: «Vutuleno bi Kayisali ku Kayisali, bi Nzambi ku Nzambi.» 22Bayituku mu mvutu yi kabahaana. Basala mu sisa na bayenda kwawu.
Kyuhu mu mfulukulu yi bafwa
(Mlk 12.18-27; Luk 20.27-40)
23Mu kyo kwa kilumbu, Basaduki, bantu bakwe lembolo kwikilanga mu mfulukulu yi bafwa, bayiza ha ntadisi yi Yesu mu mufuula ti: 24«Mulongisi, Mose wuta ti: “Tala ti bakala difwidi wulembolo saa buta, mpangi andi yi bakala fweti kwela mufwidi mwanki kahaana nkuna ku yondowo wu fwidi.”
25Kansi, ha kati dyeto kuba na zimpangi nsambwadi. Wuntete wukwela na wufwa, kasa buta mwana ko na wusisa mukento andi ku mpangi andi. 26Buba bumosi ku mpangi andi yi nzole, mboki yi mitatu natee yi nsambwadi. 27Ku manima ma ya bamvimba, mukento mpe wuyiza fwa. 28Mu kilumbu ki mfulukulu yi bafwa, mukento wunani waaba e? Mu dyambu ti yawu nsambwadi bamukwela!» 29Yesu wubavutudila ti: «Kuhunuka lusa, mu dyambu ti luzebi masonama na lulendo lu Nzambi ko. 30Mu dyambu ti, haaba mfulukulu mu bafwa, bakento na babakala baakwela ko, kansi baaba bonso zimbazi zi mazulu. 31Mu myo mitadidi mfulukulu yi bafwa, lutanga misamu miluteela Nzambi ko e? Wuta ti: 32“Meno nidi Nzambi yi Abalahami, Nzambi yi Isaaki na Nzambi yi Yakobi.” Ka Nzambi yi bafwa ko, kansi Nzambi yi bamoyo.»
33Kamba di bantu dyedi muyuwa bayituku mu ndongosolo andi.
Musiku wu vudidi bunene
(Mlk 12.28-34; Luk 10.25-28)
34Bafalisi bu bayuwa ti Yesu kangisi basaduki mu nwa, ni bakutakana. 35Wumosi ha kati dyawu, mulongisi wu Misiku wusosa mu mutonta, wumufuula ti: 36«Mulongisi, nkye mwina wuhyokidi bunene mu Misiku e?»
37Wumuvutudila ti: «“Zola Mfumu Nzambi aku mu mutima aku wumvimba, mu mwela aku wumvimba na mu madyela maku mamvimba.”
38Ni mwina bewowo wuntete na wuvudidi bunene. 39Wunzole wumufwanakani, ni ewu: “zola mfinangani aku bonso ngebende.” 40Mina mimvimba mi Mose na masonama mu mabuuku ma mimbikudi bi kangamani mu mina bemyomyo mya mimyole.»
Klisto na Davidi
(Mlk 12.35-37; Luk 20.41-44)
41Bafalisi bu baba bakutakana, Yesu wubaziika kyuhu eki: 42«Nki luna banza mu dyambu di Klisto e? Mwana wu nani wudi e?» Bamuvutudila ti: «Wu Davidi.» 43Yesu wubateela ti: «Bwedi Davidi, wutwadusu ku Mpeve Yilongo, kalendi mutumisina “Mfumu e?” Mu dyambu ti wuta ti:
44“Mfumu Nzambi wuta ku Mfumu ani ti:
Yiza zakala ha lweka lu lubakala lwani,
Natee bu nasa ti mitantu myaku miba bitentokolo bi bitambi byaku.”
45Tala ti Davidi wuna mutumisina “Mfumu”, bwedi kalendi bwesa bela dyaka mwana andi e?» 46Ka muntu ko wu muhaana mvutu, mpe tuka kilumbu bekyokyo nakani muntu kedi bwesa muzika dyaka byuhu ko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.