Matayi 18
18
Nani hyokidi bunene ha kati dyeno
(Mlk 9.33-37; Luk 9.46-48)
1Mu kilokola bekyokyo kwandi, milongoki miyenda ha ntadisi yi Yesu, na mimufuula ti: «Nani hyokidi mfunu mu Kimfumu ki mazulu e?» 2Yesu wutumisa mwa mwana wufyoti na wumutuula ha kati dyawu, 3na wuta ti: «Kedika nina luteela, tala ti lusenzi ndyatulu eno ko na ti lukitukidi bonso mwana wufyoti ko, lwaakota mu Kimfumu ki mazulu ko. 4Ni hahoho, wonso muntu waakikulula bonso mwana wufyoti, ni yandi waavula mfunu mu Kimfumu ki mazulu. 5Na wonso muntu waatambula mu nkumbu ani mwana wufyoti bonso yanduwu, meno bende katambudi.
Misamu mikwe tukisanga masakuba
(Mlk 9.42-48; Luk 17.1-2)
6Kansi wonso muntu waabwisa mu masumu wumosi mu baala bebaba bafyoti bakwe kwikilanga mu meno, bumbote ku yandi ba mukanga tadi didinene mu nsingu na ba mu dyamisa ku nsye mamba ma mubu. 7Nza kyadi kikingi, mu dyambu ti mu na misamu mikwe tesisanga bantu masakuba! Ninga tuzebi ti misamu bemyomyo milendi kondo ko. Kansi kyadi ku muntu wukwe mye tukisanga. 8Tala ti kooko kwaku hoti kulu kwaku kukwe kubwisanga mu masumu, tabula ko na loosa ko kitatu naku, bufwanakani mu kota mu luzingu lukedika na kooko kumosi hoti na kulu kumosi, na mu tubu ku tiya tu mbungulu na moko maku ma mamole hoti malu maku ma mamole. 9Tala ti diisu dyaku dikwe kubwisanga mu masumu katula dyo na loosa dyo kitatu naku, bufwanakani mu kota mu luzingu lukedika na diisu dimosi, na mu tubu ku tiya tu mbungulu na meso ma mamole.
Kingana ki dimeme di zimbala na di yenika
(Luk 15.3-7)
10Kebeno kweno mu yina wumosi mu baala bafyoti bebaba. Ninga! Nalutedidi ti zimbazi zawu mu mazulu ntangu zimvimba zikwe yenanga Tata ani di ku mazulu. 11[ Kadi Mwana Muntu wizidi mu vukisa bantu bazimbala.]
12Bwedi luna banzila e? Tala ti muntu wuu na nkama yi mameme, na zimbisi dimosi, kaasala sisa mameme makumivwa na vwa ko mu mulandu, mu kwe sosa dimeme bedyodyo di zimbadi e? 13Bu kaayena dyo, yandi waavula yangalala mu dimeme bedyodyo, kansi ka mu mameme makumivwa na vwa ko malembolo zimbala. 14Bumosi mpe, Tata eno wu ku mazulu katiidi ko ti mwana wumosi wuzimbala mu baala bebaba bafyoti.
Kulemvolika munaku
15Tala ti mpangi aku wukusidi bubi, yenda wumusemba ha yeno bole. Tala ti wukuyuwidi, wumuvutudi mu nzila yimbote. 16Kansi, tala ti kakuyuwidi ko, bonga muntu wumosi hoti bole lwenda, mwanki ludedikisa mimvimba ha ntadisi yi zimbangi zole hoti zitatu. 17Kansi, tala ti bisidi mu bayuwila, yenda wuta wo ku dibundu, tala ti bisidi mu yuwila dibundu, mubongila bonso muntu wu lembolo ba Muyudayo na mutoti wumpaku.
18Kedika naluteedidi, mimvimba mi lwaakanga ha butoto, myaakangama ku yulu. Mpe mi lwaanyanguna ha butoto myaanyanguka ku yulu.
19Nina luteela dyaka ti, tala ti bantu bole ha butoto bayuwasani mu lomba kyonso-kyonso kima mu lusambulu, Tata ani wu ku mazulu waabahaana kyo. 20Mu dyambu ti honso ha kutakani bantu bole hoti batatu mu nkumbu ani, ha kati dyawu nidi.»
Kingana ki kisadi kibisa mu lemvokila mpangi andi
21Ni hahoho Petelo kayendila kubeela Yesu na wumufuula ti: «Mfumu, nkumbu zikwa mfweti lemvokila mpangi ani, tala ti wumpidikidi misamu mimbi e? Nkumbu nsambwadi e?» 22Yesu wumuteela ti: «Kaani! Nakuteedidi ko ti natee nkumbu nsambwadi, kansi natee nkumbu makumi nsambwadi ku bwesa sa bobo nkumbu nsambwadi. 23Ni hahoho, Kimfumu ki mazulu kifwanakani bonso ntinu yimosi yi sosa mu zaba bwedi mindongo myandi mi sadila mbongo zandi. 24Bu katona mu sadila bobo, bamutwadila mundongo wumosi wedi mudefa mafunda na mafunda ma mbongo. 25Kadi kaba na mbongo ze mufuta ko, mfumu andi wutuma ba muyadika, yandi na mukento andi, na baala bandi na bimvimba biba nandi, mwanki kafuta mfuka andi. 26Buna mundongo wubwa ha malu mandi na wufulamana ha ntadisi andi, mpe wumuteela ebu: “Mulemvo aku mfumu, vibidila kwandi, zimvimba zakwa naakufuta!” 27Mfumu wumuyenina kyadi, wumuyambudila mfuka na wumubiika kenda kwandi. 28Mundongo bu katotoka, wuyena wumosi mu bakwe salanga nandi, wedi mudefa makumole ma mbongo zi bisengo. Wumuvikitina ha dinga, wutona mu mufyeta mingadi na wumuteela ti: “Mfuta mfuka ani!” 29Munandi wubwa ha malu mandi na wumubombidila ebu: “Vibidila kwandi zakwa naakufuta!” 30Kansi yandi wutumbu bisa na wuyenda mutuula mu boloko natee bu kamana futa mfuka andi. 31Banandi bahiika ba bakwe salanga, bu bayena bobo, batoma yena kyadi kikingi, na bayenda yadila mfumu awu mpolo mu mimvimba mihyoka. 32Buna mfumu wutumisa mundongo bewowo na wumuteela ti: “Mundongo wumbi wudi! Nakuyambudila mfuka aku yimvimba, mu dyambu ti wumbombidila. 33Kansi ngeye wulendi yenina munaku kyadi ko, bonso bu nakuyenina ngeye kyadi.” 34Mfumu andi wubaka mankesi, na wumutuula mu boloko natee bu kamana futa mfuka andi.»
35Mboki Yesu wuta dyaka ti: «Bwabobo mpe Tata ani wu ku mazulu kaalusendila tala ti lulemvokidi mpangi eno mu mutima wumosi ko.»
Currently Selected:
Matayi 18: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 18
18
Nani hyokidi bunene ha kati dyeno
(Mlk 9.33-37; Luk 9.46-48)
1Mu kilokola bekyokyo kwandi, milongoki miyenda ha ntadisi yi Yesu, na mimufuula ti: «Nani hyokidi mfunu mu Kimfumu ki mazulu e?» 2Yesu wutumisa mwa mwana wufyoti na wumutuula ha kati dyawu, 3na wuta ti: «Kedika nina luteela, tala ti lusenzi ndyatulu eno ko na ti lukitukidi bonso mwana wufyoti ko, lwaakota mu Kimfumu ki mazulu ko. 4Ni hahoho, wonso muntu waakikulula bonso mwana wufyoti, ni yandi waavula mfunu mu Kimfumu ki mazulu. 5Na wonso muntu waatambula mu nkumbu ani mwana wufyoti bonso yanduwu, meno bende katambudi.
Misamu mikwe tukisanga masakuba
(Mlk 9.42-48; Luk 17.1-2)
6Kansi wonso muntu waabwisa mu masumu wumosi mu baala bebaba bafyoti bakwe kwikilanga mu meno, bumbote ku yandi ba mukanga tadi didinene mu nsingu na ba mu dyamisa ku nsye mamba ma mubu. 7Nza kyadi kikingi, mu dyambu ti mu na misamu mikwe tesisanga bantu masakuba! Ninga tuzebi ti misamu bemyomyo milendi kondo ko. Kansi kyadi ku muntu wukwe mye tukisanga. 8Tala ti kooko kwaku hoti kulu kwaku kukwe kubwisanga mu masumu, tabula ko na loosa ko kitatu naku, bufwanakani mu kota mu luzingu lukedika na kooko kumosi hoti na kulu kumosi, na mu tubu ku tiya tu mbungulu na moko maku ma mamole hoti malu maku ma mamole. 9Tala ti diisu dyaku dikwe kubwisanga mu masumu katula dyo na loosa dyo kitatu naku, bufwanakani mu kota mu luzingu lukedika na diisu dimosi, na mu tubu ku tiya tu mbungulu na meso ma mamole.
Kingana ki dimeme di zimbala na di yenika
(Luk 15.3-7)
10Kebeno kweno mu yina wumosi mu baala bafyoti bebaba. Ninga! Nalutedidi ti zimbazi zawu mu mazulu ntangu zimvimba zikwe yenanga Tata ani di ku mazulu. 11[ Kadi Mwana Muntu wizidi mu vukisa bantu bazimbala.]
12Bwedi luna banzila e? Tala ti muntu wuu na nkama yi mameme, na zimbisi dimosi, kaasala sisa mameme makumivwa na vwa ko mu mulandu, mu kwe sosa dimeme bedyodyo di zimbadi e? 13Bu kaayena dyo, yandi waavula yangalala mu dimeme bedyodyo, kansi ka mu mameme makumivwa na vwa ko malembolo zimbala. 14Bumosi mpe, Tata eno wu ku mazulu katiidi ko ti mwana wumosi wuzimbala mu baala bebaba bafyoti.
Kulemvolika munaku
15Tala ti mpangi aku wukusidi bubi, yenda wumusemba ha yeno bole. Tala ti wukuyuwidi, wumuvutudi mu nzila yimbote. 16Kansi, tala ti kakuyuwidi ko, bonga muntu wumosi hoti bole lwenda, mwanki ludedikisa mimvimba ha ntadisi yi zimbangi zole hoti zitatu. 17Kansi, tala ti bisidi mu bayuwila, yenda wuta wo ku dibundu, tala ti bisidi mu yuwila dibundu, mubongila bonso muntu wu lembolo ba Muyudayo na mutoti wumpaku.
18Kedika naluteedidi, mimvimba mi lwaakanga ha butoto, myaakangama ku yulu. Mpe mi lwaanyanguna ha butoto myaanyanguka ku yulu.
19Nina luteela dyaka ti, tala ti bantu bole ha butoto bayuwasani mu lomba kyonso-kyonso kima mu lusambulu, Tata ani wu ku mazulu waabahaana kyo. 20Mu dyambu ti honso ha kutakani bantu bole hoti batatu mu nkumbu ani, ha kati dyawu nidi.»
Kingana ki kisadi kibisa mu lemvokila mpangi andi
21Ni hahoho Petelo kayendila kubeela Yesu na wumufuula ti: «Mfumu, nkumbu zikwa mfweti lemvokila mpangi ani, tala ti wumpidikidi misamu mimbi e? Nkumbu nsambwadi e?» 22Yesu wumuteela ti: «Kaani! Nakuteedidi ko ti natee nkumbu nsambwadi, kansi natee nkumbu makumi nsambwadi ku bwesa sa bobo nkumbu nsambwadi. 23Ni hahoho, Kimfumu ki mazulu kifwanakani bonso ntinu yimosi yi sosa mu zaba bwedi mindongo myandi mi sadila mbongo zandi. 24Bu katona mu sadila bobo, bamutwadila mundongo wumosi wedi mudefa mafunda na mafunda ma mbongo. 25Kadi kaba na mbongo ze mufuta ko, mfumu andi wutuma ba muyadika, yandi na mukento andi, na baala bandi na bimvimba biba nandi, mwanki kafuta mfuka andi. 26Buna mundongo wubwa ha malu mandi na wufulamana ha ntadisi andi, mpe wumuteela ebu: “Mulemvo aku mfumu, vibidila kwandi, zimvimba zakwa naakufuta!” 27Mfumu wumuyenina kyadi, wumuyambudila mfuka na wumubiika kenda kwandi. 28Mundongo bu katotoka, wuyena wumosi mu bakwe salanga nandi, wedi mudefa makumole ma mbongo zi bisengo. Wumuvikitina ha dinga, wutona mu mufyeta mingadi na wumuteela ti: “Mfuta mfuka ani!” 29Munandi wubwa ha malu mandi na wumubombidila ebu: “Vibidila kwandi zakwa naakufuta!” 30Kansi yandi wutumbu bisa na wuyenda mutuula mu boloko natee bu kamana futa mfuka andi. 31Banandi bahiika ba bakwe salanga, bu bayena bobo, batoma yena kyadi kikingi, na bayenda yadila mfumu awu mpolo mu mimvimba mihyoka. 32Buna mfumu wutumisa mundongo bewowo na wumuteela ti: “Mundongo wumbi wudi! Nakuyambudila mfuka aku yimvimba, mu dyambu ti wumbombidila. 33Kansi ngeye wulendi yenina munaku kyadi ko, bonso bu nakuyenina ngeye kyadi.” 34Mfumu andi wubaka mankesi, na wumutuula mu boloko natee bu kamana futa mfuka andi.»
35Mboki Yesu wuta dyaka ti: «Bwabobo mpe Tata ani wu ku mazulu kaalusendila tala ti lulemvokidi mpangi eno mu mutima wumosi ko.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.