Mavanga Nkotolo
Nkotolo
Dii ni buuku dinzole disonika Luka. Dintete ni «Musamu Wumbote wusonika Luka.» Buuku bedidi dina lonka bonso bwedi budidi kisalu ki kisala zintumwa.
Luka wuna zonzila mu buuku dintete, mbutukulu yi Yesu, luzingu lwandi ha luse lu butoto, mfwilu andi, mpe bwedi kafulukila mu bafwa na ntombokolo andi ku yulu. Mu buuku bedidi, wuna lonka bwedi Mpeve Yilongo yi kulumukina ku zintumwa, na bwedi bedi kwe zyetedi mu zimbanza mu kwe samuni, mu lulendo lu Mpeve Yilongo, Musamu Wumbote. Wuna zonzila mpe mfyetokoso na mpasi zimvimba zi babwabwana mu kisalu bekyokyo.
Luka wuta mu buuku bedidi, bwedi zintumwa zitonina mu samuna Musamu Wumbote ku balembolo ba Bayudayo, mpeleko, mu ntama, Bayudayo bedi banzanga ti ku yawu kaka wufweti samunu.
Luka kisalu ki zintumwa zole kana vula zonzila: Petelo na Pawuli. Petelo wulonga ku bisi-Yelusalemi natee luzingu mu Klisto bu luzakala mu Yelusalemi. Pawuli, yandi wulonga mu zimbanza zi yobobo balembolo ba Bayudayo, mu balonka nzila yi Klisto.
Buuku bedidi dina tulonka ti tufweti samuna Musamu Wumbote wu Yesu-Klisto mu bibuka bimvimba bi ha luse lu butoto bebubu.
Ndandani yi buuku bedidi ebu yidi:
I. Ndongolo yi Musamu wumbote ku Yelusalemi (1.1–8.3).
1) Bilumbu binsuka bi Yesu-Klisto ha luse lu butoto bebubu (1.1-11).
2) Matyase wu soolo mu ba ntumwa (1.12-26).
3) Nkwizulu yi Mpeve Yilongo (2.1-13
4) Zintumwa zina ta kimbangi ki Musamu Wumbote ku Yelusalemi (2.14–8.3).
II. Ndongolo yi Musamu Wumbote ku zimbanza zi Yuda na Samaliya (8.4–12.25).
III. Ndongolo yi Musamu Wumbote mu nza yimvimba (13.1–28.31).
1) Nzyetolo yintete yi Pawuli mu kwe samuna Musamu Wumbote (13.1–14.28).
2) Nyuwasani yi ba ku Yelusalemi (15.1-35).
3) Nzyetolo yinzole yi Pawuli mu kwe samuna Musamu Wumbote (15.36–18.23).
4) Nzyetolo yitatu yi Pawuli mu kwe samuna Musamu Wumbote (18.24–21.16).
5) Bakanga Pawuli ku Yelusalemi mpe bamutuula mu boloko (21.17–23.22).
6) Banata Pawuli ku Kayisali (23.23–26.32).
7) Banata Pawuli ku mbanza yi Loma (27.1–28.31).
Currently Selected:
Mavanga Nkotolo: dde Ddo
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.