Ceepaw 9
9
Sawluh Hlaijei Nyak
(Ceepaw 22.6–16; 26.12–18)
1Yn hnguva, Sawluh ce Mawhpaw hngulawnglyktih ha tuk kyy y lung thoo theila Jahhenpaw Lian cenga y zet. 2Damascus luh a myitih sinakok ka shin caw ha bei theila Nuatpaw lawnglyktih putaw sikawvyngcee hngutaw ha lyam myng nym hnguh khyang tomti muan zawla Jerusalem ma kuːh phehimm myng kyak ky y shin.
3Sawluh ce Damascus luh cengga y lawijei lu hnguva, ynih cenga cacatnawva huankhu kuːh a angtih daw lu. 4Yn ce dek kyng hngyng kyng theila athaii pahuat ynih eyng, “Sawluh, Sawluh, kei ibawthawnnyng ny phehphaei ma?” y tinyak.
5Ynhnguva, Sawluh na, “Mawhpaw aw, Nyang u ma?” tinyak hnguva,
“Nyang phehphaei khyang kei Jesuh ky si. 6Tuh a thoo tila luh dukka voang ngeih, pynnyng nyang i cai lawh ey khyang nyang ngyng ky hyau vy,” y tinyak.
7Sawluh dy zet hah tih khyang ha na thaii ce ym jyak tya, ynbawlakhy yn ha na u khy hngu joaw. 8Sawluh dek kyng kuːh thoo theila y mik dei hnguva, yn na ikhy hngu nyn ti jo. Yn khiannyng yn ha na Damascus luh lyaamma ym khut tyng hyijei awla ym zeh. 9Khuhnguːp hnguːp thum y mik hung theila ikhy ei sikawvyngcee ou kawva myi jei.
10Damascus luh dukka Ananias mingnawtih hngulawnglyktih pahuat y myi. Mawhpaw na ynih eyng lunghnguːn ngyng, “Ananias!” tila y pannei.
“Yih, Mawhpaw aw, kei mynija,” y tinyak.
11Mawhpaw na ynih eyng, “Lyam puːntih lyam tyng zet tila Judah imm ma Tarsus luh a kuːh khyang pahuat Sawluh mingnawtih shuijei byih, yn ce hngihminnei nyak y cai jei. 12Ananias mingnaw tih khyang pahuat ce lu theila mik hnguh nyn bya haija yn huanna kut tyng ngy khyang lunghnguːn nyng y hnguh pyn,” y tinyak.
13Ananias na khy, “Mawhpaw vo, yn khyang na Jerusalem ma kuːh nyang khyang cim ha eyng a kyng tih kaw i hawh cai hnguːt tinyak khyang, khyang panukung cenga y jyak. 14Yn khiannyng nyang ming biattih ha tomti muan haija jahenpaw lian cenga uːtyang y lawh,” y tinyak.
15Ynbawlakhy Mawhpaw na Ananias tyng, “Zet, Ni khyang ce Isreal khyang ha, yn ha syamphalyang ha la, khyang juː cya ha eyng kei ming ngyng susaih haija ky hngyahei khyang lawkla y si. 16Kei ming tawk i hawh cyhei khyam lawh tinyak khyang kei na yn nyng ky duan ny,” y tinyak.
17Yn khiannyng Ananias ce imm ma zet theila y voang. Sawluh huanna y khut tyang theila, “Ky nau Sawluh aw, mynija ny lu hnguva lyaamma nyang cenga polu tih Mawhpaw Jesuh na nyang mik hngu bya nyak khy la Muikhaw Cim myng ny kuːm my tawk kei nyang cenga y tuhlu,” y tinyak. 18Saisikung, juːhuat byang ce Sawluh mik kyng kuːh ngawlip byang hlaijei lu theila atha y hnguh nyn bya. Yn ce thoo theila baptisma y khyammei. 19Ynpynnyng eiou bya theila y tha luih lu bya.
Sawluh Na Damascus luh a Y Susaih Nyak
Sawluh ce Damascus luh a hngulawnglyktih ha dy hnguːp syh y myi hah.
20Mawk huat pyttyng Sawluh na Jesuh ce Nuatpaw Zawpaw y si tinyak khyang sinakok ka y susaih.
21Y susaih khyang jaw tih tomti na muːnaw awla, “Ni khyang ce Jerusalem luh a yn ming biattih ha phehphaei tih si jo vei? Jahenpaw lian ha na thawng nga khaw haija zeh ey luːtih si jo vei,” ym tii.
22Ynbawlakhy Sawluh ce tha lawhei theila Jesuh ce Khrist tinyak khyang Damascus ta myitih Judah ha na muːnnyak kakai.
23 #
2 Kor 11.32–33
Khuhnguːp diev pynnyng Judah ha na yn ym tuk ky ym khiangvoi, 24Ynbawlakhy Sawluh na yn ha cijang khyang y hnguat. Hnguːp la juan yn ha na khy Sawluh ym tuk nyn ny tawk luh kyt ha cenga ym zong. 25Ynbawlakhy yn hngulawnglyktih ha na amuː a ynih lyangok dukka shan theila hngawngei tih luh vong tyng ym hawn.
Sawluh na Jerusalem Luh a Susaih Nyak
26Jerusalem luh a y lu hnguva, hngulawnglyktih ha dy bawngei jy y cai, ynbawlakhy yn ha tomti na ynih ym kyh giah, yn khyang hngulawnglyktih pahuat y simu tinyak khyang u na khy jum joaw. 27Ynbawlakhy Barnabas na ynih zeh theila ceepaw ha cenga y lu. Yn ha eyng y saih Sawluh na lyaam ma y lu hnguva Mawhpaw y hnguh hnguːt khyang, Mawhpaw na ynih eyng khyau hyau hnguːt khyang la Damascus luh a khy Jesuh ming ngyng kyh kawva y susaih hnguːt khyang y saih. 28Yn hnguva Sawluh ce yn ha dy myi hah theila Jerusalem ma y luː bawva zet jok theila, Mawhpaw ming ngyng kyh kawva y susaih. 29Yn ce Griik be hyautih Judah ha dy ym sumsa, ynbawlakhy yn ha na ynih tuk ky ym cijang. 30Yn hnguva yn bawng jummeitih ha na ym jyak hnguva, Sawluh Caesarea luh a zeh awla Tarsus lyamma ym thuh.
31Yn hnguva Judah pe, Galilee pe la Samaria pe tom myng jummeitihpuːpaw ha ce jadyam theila ym cihngia lu. Mawhpaw kyh nyak kyng shyak hyang awla, Muikhaw Cim buibem nyak kyng shyak hyang theila jummeitih ha khy ym kong lu.
Aeneas La Dorcas Kaangsanyak
32Pitar ce pe ha a y zet jok theila, Lydda luh a myitih Mawhpaw khyang cim ha cenga y zet. 33Ynija khukum kum shat ipnyak duːn nyng kutkhu byttih Aeneas mingnaw tih khyang pahuat y hnguh. 34Pitar na, “Aeneas, Jesuh Khrist na nyang y kaangsa shyak pyn. Thoo tila ny phawhiih toom,” y tinyak hnguva Aeneas ce saisikung y thoo hlyi. 35Lydda luh la Sharon doo va myitih tomti na Aeneas hngu awla Mawhpaw cenga ym hlaijei lu giah.
36Joppa luh a Thapitha mingnawtih hngulawnglyk pahuat y myi. (Griik ming nga ce Dorkas y ming nyak. Dorkas tinyak khyang ce “sawhug” a si). Yn ce sanglaitih ha phui theila y khyngtih caitih y si. 37Yn hnguːp pyng yn ce kua theila y byt, y pum ce tuii hluh awla a huan khyn na ym tyak. 38Lydda luh ce Joppa luh eyng lawijei; yn khiannyng Pitar ce Lydda luh a phawlu khyang jummeitih ha na ym jyak hnguva, yn cenga khyang pahngih thuh awla, “Keimi cenga y jyanga lu piatmawh,” tila ym kawhei. 39Yn khiannyng Pitar ce yn ha dy y zet hah. Imm y phawlu hnguva a huan khyn na ym zehpui nyak. Hngeinu tomti ce yn ka tung awla ym gap. Yn dy huattyng ym myi khyang la Dorkas na y tawh piat khyang suishyak ha ym duan. 40Pitar na a kyn dukkuːh khyang ha tomti y lyt shyak; ynpynnyng y pumhngaw ce khukdya theila hngihminnei. Pitar ce hngutaw jawk cenga tannei theila, “Tabitha, thoo,” y tinyak. Tabitha ce y mik dei hnguva Pitar ngoaei khyang y hnguh, ynih khy thoo theila y ngoa. 41Pitar na y kut tyng do theila yn y thooh. Ynpynnyng jummeitih la hngeinu ha pan theila yn ha eyng syak hiyang byatih yn hngutaw y yap. 42Yn sityang ce Joppa luh tomti ja pau jok giah theila, khyang panukung na Mawhpaw ym jummei lu. 43Pitar ce Joppa luh shaw hlawhpa caitih Simon mingnawtih cenga khuhnguːp byang veih y myijei.
Currently Selected:
Ceepaw 9: NTHTB25
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International
Ceepaw 9
9
Sawluh Hlaijei Nyak
(Ceepaw 22.6–16; 26.12–18)
1Yn hnguva, Sawluh ce Mawhpaw hngulawnglyktih ha tuk kyy y lung thoo theila Jahhenpaw Lian cenga y zet. 2Damascus luh a myitih sinakok ka shin caw ha bei theila Nuatpaw lawnglyktih putaw sikawvyngcee hngutaw ha lyam myng nym hnguh khyang tomti muan zawla Jerusalem ma kuːh phehimm myng kyak ky y shin.
3Sawluh ce Damascus luh cengga y lawijei lu hnguva, ynih cenga cacatnawva huankhu kuːh a angtih daw lu. 4Yn ce dek kyng hngyng kyng theila athaii pahuat ynih eyng, “Sawluh, Sawluh, kei ibawthawnnyng ny phehphaei ma?” y tinyak.
5Ynhnguva, Sawluh na, “Mawhpaw aw, Nyang u ma?” tinyak hnguva,
“Nyang phehphaei khyang kei Jesuh ky si. 6Tuh a thoo tila luh dukka voang ngeih, pynnyng nyang i cai lawh ey khyang nyang ngyng ky hyau vy,” y tinyak.
7Sawluh dy zet hah tih khyang ha na thaii ce ym jyak tya, ynbawlakhy yn ha na u khy hngu joaw. 8Sawluh dek kyng kuːh thoo theila y mik dei hnguva, yn na ikhy hngu nyn ti jo. Yn khiannyng yn ha na Damascus luh lyaamma ym khut tyng hyijei awla ym zeh. 9Khuhnguːp hnguːp thum y mik hung theila ikhy ei sikawvyngcee ou kawva myi jei.
10Damascus luh dukka Ananias mingnawtih hngulawnglyktih pahuat y myi. Mawhpaw na ynih eyng lunghnguːn ngyng, “Ananias!” tila y pannei.
“Yih, Mawhpaw aw, kei mynija,” y tinyak.
11Mawhpaw na ynih eyng, “Lyam puːntih lyam tyng zet tila Judah imm ma Tarsus luh a kuːh khyang pahuat Sawluh mingnawtih shuijei byih, yn ce hngihminnei nyak y cai jei. 12Ananias mingnaw tih khyang pahuat ce lu theila mik hnguh nyn bya haija yn huanna kut tyng ngy khyang lunghnguːn nyng y hnguh pyn,” y tinyak.
13Ananias na khy, “Mawhpaw vo, yn khyang na Jerusalem ma kuːh nyang khyang cim ha eyng a kyng tih kaw i hawh cai hnguːt tinyak khyang, khyang panukung cenga y jyak. 14Yn khiannyng nyang ming biattih ha tomti muan haija jahenpaw lian cenga uːtyang y lawh,” y tinyak.
15Ynbawlakhy Mawhpaw na Ananias tyng, “Zet, Ni khyang ce Isreal khyang ha, yn ha syamphalyang ha la, khyang juː cya ha eyng kei ming ngyng susaih haija ky hngyahei khyang lawkla y si. 16Kei ming tawk i hawh cyhei khyam lawh tinyak khyang kei na yn nyng ky duan ny,” y tinyak.
17Yn khiannyng Ananias ce imm ma zet theila y voang. Sawluh huanna y khut tyang theila, “Ky nau Sawluh aw, mynija ny lu hnguva lyaamma nyang cenga polu tih Mawhpaw Jesuh na nyang mik hngu bya nyak khy la Muikhaw Cim myng ny kuːm my tawk kei nyang cenga y tuhlu,” y tinyak. 18Saisikung, juːhuat byang ce Sawluh mik kyng kuːh ngawlip byang hlaijei lu theila atha y hnguh nyn bya. Yn ce thoo theila baptisma y khyammei. 19Ynpynnyng eiou bya theila y tha luih lu bya.
Sawluh Na Damascus luh a Y Susaih Nyak
Sawluh ce Damascus luh a hngulawnglyktih ha dy hnguːp syh y myi hah.
20Mawk huat pyttyng Sawluh na Jesuh ce Nuatpaw Zawpaw y si tinyak khyang sinakok ka y susaih.
21Y susaih khyang jaw tih tomti na muːnaw awla, “Ni khyang ce Jerusalem luh a yn ming biattih ha phehphaei tih si jo vei? Jahenpaw lian ha na thawng nga khaw haija zeh ey luːtih si jo vei,” ym tii.
22Ynbawlakhy Sawluh ce tha lawhei theila Jesuh ce Khrist tinyak khyang Damascus ta myitih Judah ha na muːnnyak kakai.
23 #
2 Kor 11.32–33
Khuhnguːp diev pynnyng Judah ha na yn ym tuk ky ym khiangvoi, 24Ynbawlakhy Sawluh na yn ha cijang khyang y hnguat. Hnguːp la juan yn ha na khy Sawluh ym tuk nyn ny tawk luh kyt ha cenga ym zong. 25Ynbawlakhy yn hngulawnglyktih ha na amuː a ynih lyangok dukka shan theila hngawngei tih luh vong tyng ym hawn.
Sawluh na Jerusalem Luh a Susaih Nyak
26Jerusalem luh a y lu hnguva, hngulawnglyktih ha dy bawngei jy y cai, ynbawlakhy yn ha tomti na ynih ym kyh giah, yn khyang hngulawnglyktih pahuat y simu tinyak khyang u na khy jum joaw. 27Ynbawlakhy Barnabas na ynih zeh theila ceepaw ha cenga y lu. Yn ha eyng y saih Sawluh na lyaam ma y lu hnguva Mawhpaw y hnguh hnguːt khyang, Mawhpaw na ynih eyng khyau hyau hnguːt khyang la Damascus luh a khy Jesuh ming ngyng kyh kawva y susaih hnguːt khyang y saih. 28Yn hnguva Sawluh ce yn ha dy myi hah theila Jerusalem ma y luː bawva zet jok theila, Mawhpaw ming ngyng kyh kawva y susaih. 29Yn ce Griik be hyautih Judah ha dy ym sumsa, ynbawlakhy yn ha na ynih tuk ky ym cijang. 30Yn hnguva yn bawng jummeitih ha na ym jyak hnguva, Sawluh Caesarea luh a zeh awla Tarsus lyamma ym thuh.
31Yn hnguva Judah pe, Galilee pe la Samaria pe tom myng jummeitihpuːpaw ha ce jadyam theila ym cihngia lu. Mawhpaw kyh nyak kyng shyak hyang awla, Muikhaw Cim buibem nyak kyng shyak hyang theila jummeitih ha khy ym kong lu.
Aeneas La Dorcas Kaangsanyak
32Pitar ce pe ha a y zet jok theila, Lydda luh a myitih Mawhpaw khyang cim ha cenga y zet. 33Ynija khukum kum shat ipnyak duːn nyng kutkhu byttih Aeneas mingnaw tih khyang pahuat y hnguh. 34Pitar na, “Aeneas, Jesuh Khrist na nyang y kaangsa shyak pyn. Thoo tila ny phawhiih toom,” y tinyak hnguva Aeneas ce saisikung y thoo hlyi. 35Lydda luh la Sharon doo va myitih tomti na Aeneas hngu awla Mawhpaw cenga ym hlaijei lu giah.
36Joppa luh a Thapitha mingnawtih hngulawnglyk pahuat y myi. (Griik ming nga ce Dorkas y ming nyak. Dorkas tinyak khyang ce “sawhug” a si). Yn ce sanglaitih ha phui theila y khyngtih caitih y si. 37Yn hnguːp pyng yn ce kua theila y byt, y pum ce tuii hluh awla a huan khyn na ym tyak. 38Lydda luh ce Joppa luh eyng lawijei; yn khiannyng Pitar ce Lydda luh a phawlu khyang jummeitih ha na ym jyak hnguva, yn cenga khyang pahngih thuh awla, “Keimi cenga y jyanga lu piatmawh,” tila ym kawhei. 39Yn khiannyng Pitar ce yn ha dy y zet hah. Imm y phawlu hnguva a huan khyn na ym zehpui nyak. Hngeinu tomti ce yn ka tung awla ym gap. Yn dy huattyng ym myi khyang la Dorkas na y tawh piat khyang suishyak ha ym duan. 40Pitar na a kyn dukkuːh khyang ha tomti y lyt shyak; ynpynnyng y pumhngaw ce khukdya theila hngihminnei. Pitar ce hngutaw jawk cenga tannei theila, “Tabitha, thoo,” y tinyak. Tabitha ce y mik dei hnguva Pitar ngoaei khyang y hnguh, ynih khy thoo theila y ngoa. 41Pitar na y kut tyng do theila yn y thooh. Ynpynnyng jummeitih la hngeinu ha pan theila yn ha eyng syak hiyang byatih yn hngutaw y yap. 42Yn sityang ce Joppa luh tomti ja pau jok giah theila, khyang panukung na Mawhpaw ym jummei lu. 43Pitar ce Joppa luh shaw hlawhpa caitih Simon mingnawtih cenga khuhnguːp byang veih y myijei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International