Ceepaw 7
7
Stephen na Khyaukhaw Hyau Nyak
1Stephen nyng Jahhenpaw Lian na, “Nyang khyaukhaw ha ahngoan nei?” y tinyak.
2Stephen na, “Benautih la pawetih aw, kei hyau ngei jyt. Mymi shya Abraham ce Harran luh a y myi hluana Mesopotamia pe ja y myi hnguva phunggan nyng ynih cenga Nuatpaw y duannei voih 3theila ynih eyng, ‘Ny juːjawng la ny pe taw hnguːt tila kei na nyang ngyng duan nyak pe lyaamma zet,’ y tinyak. 4Yn hnguva yn na Chalte khyang ha pe taw hnguːt theila Harran luh a aduːn lovei. Y pawaw byt pynnyng Nuatpaw na yn ngyng yn duːn nyng kuːh, tuh a nym myih nyak pe ja y pawng shyak. 5Ynbawlakhy Nuatpaw na Abraham myng ni pe ja khuleh pahuat tawk khy dek hngei tawkka bei jo. Ynbawlakhy Nuatpawe na Abraham dikzawe tyakkei hluanna yn la yn tuzaw ha cyp, ni pe ky bei jy tila setzaw y tyak hnguːt. 6Nuatpaw na: ‘Nyang juːjawng ha ce aciya pe ja khiin na khukum 400 maa khyam theila phephaei khyam lawh ey. 7Ynbawlakhy Nuatpaw na, yn ha ma khyam nyak khyang ha ky cijang ngy, yn pynnyng yn ha pe kuːh lytlu theila ni duːn nyng kei khuːhbia vy,’ y tinyak. 8Yn pynnyng Abraham myng vynnmonghleih khyang tyamthi y bei hnguːt. Yn khiannyng Abraham ce Isaac paw va thawnlu theila y myi pynnyng shat hnguːp hnguva yn khy vynnmong y hlaih. Yn pynnyng Isaac khy Jacop paw thawnlu theila, Jacop ce zaw khulaihngih paw va y thawnlu.
9“Jacop zaw ha na ym nau Josep pyng myangsing thoo theila ynih ce maa pahuat bawva Egypt pe ja ym jyh. Ynbawlakhy Nuatpaw ce ynih dy y puijei. 10Yn sanglai cyhei tomti dukkuːh y lyt shyak. Ynpynnyng Nuatpaw na thiamva nyak bei theila Egypt pe uptih Pharo syamphalyang cenga luhngoai y lawhei shyak. Yn khiannyng Pharo na Josep pyng Egypt pe la syamphalyang imm khiam to tawh haija y yap. 11Yn pynnyng Egypt pee tomti la Khanaan pe tomti ja khujua la sanglai cyhei phawlu khiannyng, mymi shyakai ha na ei jy khy lawh nyn joaw. 12Egypt pe ja cyang myi khyang Jacop na y jyak hnguva, acuːk ka mymi shyaa ha y tuh. 13A hngih nyak ym zetbya tuː hnguva, Josep na y benautih ha eyng u tinyak khyang y siah, Josep immlawng ha kawng khy Pharo syamphalyang na y hnguat lu. 14Yn khiannyng Josep na y paw Jacop la y immlawng shyhkip sila pahngawe tomti y pan. 15Yn hnguva Jacop ce Egypt pe zet theila, yn dy huattyng mymi shyaa ha khy ynija ym byt giah. 16Yn ha jawk ce Shechem luh a lubya theila Abraham na Hamor zawetih cenga tangkaw vyng y hleih khyang Shechem luh kuːh zu va ym khuːh.
17“Nuatpaw na Abraham myng y setzaw kuːm my acuːn lawilu bawva Egypt pe ja kuːh khyang ha khycee ym punglu kakai. 18Yn hnguva Josep hnguattih kaw syamphalyang tha pahuat ce Egypt pee y up lu. 19Yn na mymi khyang ha dy ym pumhngaw tawk mymi shyakai ha phehphaei awla myilu tha tih dikzaw ha byt haija ym dyyi tit. 20Yn cuːn nyng Mosee myilu theila, yn ce Nuatpaw hngoaimawva poaijei tih dikzaw pahuat ta y thawn. Yn ce y immlawng na kkhaw thum ym lupan nyak. 21Yn pynnyng yn pumtuaa ym tyak hnguva, Pharo zawhngu na ynih lo theila y zaw hngaw bawva ynih y cawhei. 22Yn khiannyng Mosee ce Egypt paa kuːh thiam nyak tomti cawkkei theila hyau nyak la puhcai nyak nawva y vom.
23“Mosee khukum phikip hnguva, y pumhngaw benau thawntih Isreal khyang juː ha tovei jy y lung ngyng uattei. 24Yn hnguva khyang pahuat ce Egpyt khyang na phehphaei khyammei khyang y hnguh hnguva, yn phephaei khyamtih lyamma puijei theila Egypt khyang tu theila y thawngei bya. 25(Mosee na y pumhngaw khiannyng Nuatpaw na ynih khyang juː ha hluːh haija summei tila y jyakcawk, ynbawlakhy yn ha na jawcu joaw.) 26Atha hnguːp pyng Mosee na Israel khyang hngyih ho khyang y hnguh. Yn hyih ho kaw haija, ‘Ky khyang ha aw, benau va nym thawn, ibawthawnnyng pahuat la pahuat nym khunnei ma?’ tinaw theila yn ha kaau vy y cai. 27Ynbawlakhy immcengpui ho pui naw tih na Mosee pheng theila, ‘U na nyang ngyng kei hngih eyng uptih la cijangtih a y yap ma? 28Jyanthuaa Egypt khyang ny tuk hnguːt bawva kei syak tuk ky ny khindyang ngei?’ y tinyak. 29Mosee na yn khyaukhaw jyak hnguva, Midian pe ja y zen. Ynnija khiin na thawn theila yn zawpaw pahngih y zaw nyak.
30“Khukum phikip cup pynnyng Sinai Cung cengkuːh khongkhuca a huankhu ceepaw pahuat ce Mosee cenga biapuːp meidawtih eyng y duan voih. 31Mosee na yn y hnguh hnguva y muːnnyak. Y lawi ja hnguh haija y zet hnguva, Mawhpaw na, 32‘Kei ce nyang shyakaitih Nuatpaw, Abraham, Isaac, la Jacop tih Nuatpaw ky si.’ Mosee ce sawso lelet theila hngyaa diev tih a to vom jo. 33Yn pynnyng Mawhpaw na ynih eyng, ‘Ny khuphawtyap sut, ny tun nyak duːn ce dek cimtih a thawn. 34Egypt pe ja myitih kei khyang ha phehphaei ym khyam khyang ky hnguh. Yn ha nyaei khyang thai ky jyak khiannyng yn ha hluːh haija ky kom lu, tuh a luh, nyang Egpyt pe ja ky tuh ey,’ y tinyak.
35“Mosee ce ‘u na nyang uptih la cijang tih a y yap ma?’ tila dyyi khyammei tih Mosee eyng Nuatpaw na biapuːp pyng duanvoih tih huankhu ceepaw na uptih la lilovei haija y tuhlu. 36Yn ce Egypt pe la panglai shen nyng khy si seh, khukum phikip cyp khongkhuca a khy si seh, mikhnguh nyak la muːnnyak khyang duan hnguːt theila Isareal khyang juː ha Egypt pe ja kuːh y lupui nyak. 37Yn Mosee ce, Isreal khyang ha eyng hyau tih pahuat y si. ‘Nuatpaw na kei dy cyptih,#7.37 kei dy cyptih; sikawvyngcee kei baw myitih. sikawvyngcee kei baw myitih hngawpaw pahuat ky tuhlu vy, ynpynnyng yn ce nym pumhngaw khyang duk kuːh y si jy.’ 38Yn ce Sinai Cung huanna ynih eyng khyau hyautih huankhu ceepaw dy khy si seh, mymi shyakai ha dy khy si seh, khongkhuca a jummeitihpuːpaw ha dy myi hnguːttih y si. Yn ce mymi jyng bei jy khyang hiyangtih khyaukhaw dynnei hnguːttih y si.
39“Ynbawlakhy mymi shyakai na ynih khyaukhaw lyklyam hluː joaw; yn dyyi awla Egypt pe ja jyng hlei bya vy lung ym tyakei. 40Yn khiannyng yn ha na Aron nyng, ‘Mymi hngoaimawva zet hai nuatpaw ha keimi tawk cai piat. Mymi Egypt pe ja lupui naw tih Mosee ce ibaw thawn tinyak khyang keimi na hnguat jo,’ ym tinyak. 41Yn khuhnguːp pyng yn ha na shya luːpzaw pahuat com awla, ym pumhngaw com khyang hluhbawn theila pyi ym cai. 42Yn khiannyng Nuatpaw na yn ha hngusung naw theila huankhu easi, khawtha la khuhngi khuːhbia haija y bei, hngawpaw ha cawuk kyng jok hnguːt khyang ce:
“ ‘Isreal khyang ha aw, nyangmi na
khongkhuca a khukum phikip kei cenga
hiyangsei la hluhbawn nyak nym lu saijei?
43Nyangmi na khuːhbia vy com khyang
luːpzaw thawn tih;
Molech nuat tai ja nyangmi Rephan easi luːp nyangmi na nym luvei pyn.
Yn khiannyng kei na khy nyangmi Babilon luh tua a ky shyt ty,’ tila y hyau.
44“Mymi shyakai tawk khongkhuca a saksi duan nyak tyamthi imm a myi. Yn ce Mosee na yn hnguh hnguːt khyang bawva, Nuatpaw na hyau hnguːt khyang baw tyng nga cai hnguːttih tyamthi imm a si. 45Mymi shyakai ha na yn shawngtu dynnei awla mymi shyakai hngoaimawva Nuatpaw shyt khyang, khyang ciya juː ha pe kuːh yn ha na lawhei hnguva Jawshuh dy huattyng yn shawngtu ym kytlu. Yn ce David kut cyp myi hnguːttih a si. 46David ce Nuatpaw hngoaimawva luhngoai y lawhei khiannyng Jacop Nuatpaw#7.46 Jacop Nuatpaw; aciya kutjokcaw ha eyng Israel khyang, tijyng myi. myih nyak ky tawk biatimm shyak ky y hngihei hnguːt. 47Ynbawlakhy Nuatpaw imm shawtih ce Solomon jyng y si.
48“Ibawlakhy khyang kut tyng com khyang imm ha dukka y Hluːngduː tih Nuatpaw myi jo. Hngawpaw na:
49“ ‘Huankhu ce kei ngoah duːn nuanimm ma thawn,
yn pynnyng somdek ce kei khutyang nyak duːn na thawn.
Nyangmi na kei tawk ibyang imm nym shyak khy nym taw ma tijyng Mawhpaw na y hau.
Kei duːm nyak ky ce hanijaa ma?
50Ni ha tomti kei kut tyng com hnguːt khyang si jo vei?’ tila y hyau.
51“Lukee cangtih khyang ha vo! nyangmi na ihngu khy nym hngaw vyng ngei jo, ynpynnyngcee nym lungbawng khy ce ihngu khy jubaijei nyak lawh jo. Nyangmi ce nym shyakai ha cai hnguːt bawva Muikhaw Cim a hnguːhnguːi nym siatnyak. 52Nyangmi shyakai ha na phehphaei kaw khyang hngawpaw y myi jei? Yn ha na puːnpoktih Nuatpaw lu vy khyang saih jyaitih ha khy nym tuk. Tuh a nyangmi na khy yn setzaw pak theila yn nym tuk. 53Nyangmi ce huankhu ceepaw ha na bei hnguːt khyang tala dyynei lakhy lyklyam jozaw,” y tinyak.
Stephen Luung Ngyng Ym khong
54Yn bawva ym hyau khyang kongci ha na ym jyak hnguva, ynih eyng lungtyn theila hngamsi khyammei. 55Ynbawlakhy Stephen ce Muikhaw Cim myng kuːm theila, huankhu lyam to hnguva Nuatpaw phunggan la Nuatpaw khep lyaamma tungtih Jesuh y hnguh. 56Ynhnguva, “To vyt! Kei na huankhu hngongei theila Khyang Zawpaw ce Nuatpaw khep lyaamma tung khyang ky hnguh,” y tinyak.
57Yn hnguva yn ha ce tha eyng pang awla hngaw buːmmei theila, yn cenga tha eyng huattyng ym tymmei, 58Yn pynnyng ynih luh thua lawttei awla luung ngyng ym khong. Saksi khyam tih ha na ym suishyak sut awla Sawluh mingnawtih thawizaw khyang pahuat tyng ym yappei. 59Yn ha na yn luung ngyng ym khong hlu hnguva, Stephen na, “Mawhpaw Jesuh, kei muikhaw dynnei piat mawh,” tila y hngihminnei. 60Yn pynnyng y khukdya theila tha eyng, “Mawhpaw aw, yn ha cai khyang yn pet ha khindyang piat kawh byih!” tijyng pang theila y syak jom.
Currently Selected:
Ceepaw 7: NTHTB25
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International
Ceepaw 7
7
Stephen na Khyaukhaw Hyau Nyak
1Stephen nyng Jahhenpaw Lian na, “Nyang khyaukhaw ha ahngoan nei?” y tinyak.
2Stephen na, “Benautih la pawetih aw, kei hyau ngei jyt. Mymi shya Abraham ce Harran luh a y myi hluana Mesopotamia pe ja y myi hnguva phunggan nyng ynih cenga Nuatpaw y duannei voih 3theila ynih eyng, ‘Ny juːjawng la ny pe taw hnguːt tila kei na nyang ngyng duan nyak pe lyaamma zet,’ y tinyak. 4Yn hnguva yn na Chalte khyang ha pe taw hnguːt theila Harran luh a aduːn lovei. Y pawaw byt pynnyng Nuatpaw na yn ngyng yn duːn nyng kuːh, tuh a nym myih nyak pe ja y pawng shyak. 5Ynbawlakhy Nuatpaw na Abraham myng ni pe ja khuleh pahuat tawk khy dek hngei tawkka bei jo. Ynbawlakhy Nuatpawe na Abraham dikzawe tyakkei hluanna yn la yn tuzaw ha cyp, ni pe ky bei jy tila setzaw y tyak hnguːt. 6Nuatpaw na: ‘Nyang juːjawng ha ce aciya pe ja khiin na khukum 400 maa khyam theila phephaei khyam lawh ey. 7Ynbawlakhy Nuatpaw na, yn ha ma khyam nyak khyang ha ky cijang ngy, yn pynnyng yn ha pe kuːh lytlu theila ni duːn nyng kei khuːhbia vy,’ y tinyak. 8Yn pynnyng Abraham myng vynnmonghleih khyang tyamthi y bei hnguːt. Yn khiannyng Abraham ce Isaac paw va thawnlu theila y myi pynnyng shat hnguːp hnguva yn khy vynnmong y hlaih. Yn pynnyng Isaac khy Jacop paw thawnlu theila, Jacop ce zaw khulaihngih paw va y thawnlu.
9“Jacop zaw ha na ym nau Josep pyng myangsing thoo theila ynih ce maa pahuat bawva Egypt pe ja ym jyh. Ynbawlakhy Nuatpaw ce ynih dy y puijei. 10Yn sanglai cyhei tomti dukkuːh y lyt shyak. Ynpynnyng Nuatpaw na thiamva nyak bei theila Egypt pe uptih Pharo syamphalyang cenga luhngoai y lawhei shyak. Yn khiannyng Pharo na Josep pyng Egypt pe la syamphalyang imm khiam to tawh haija y yap. 11Yn pynnyng Egypt pee tomti la Khanaan pe tomti ja khujua la sanglai cyhei phawlu khiannyng, mymi shyakai ha na ei jy khy lawh nyn joaw. 12Egypt pe ja cyang myi khyang Jacop na y jyak hnguva, acuːk ka mymi shyaa ha y tuh. 13A hngih nyak ym zetbya tuː hnguva, Josep na y benautih ha eyng u tinyak khyang y siah, Josep immlawng ha kawng khy Pharo syamphalyang na y hnguat lu. 14Yn khiannyng Josep na y paw Jacop la y immlawng shyhkip sila pahngawe tomti y pan. 15Yn hnguva Jacop ce Egypt pe zet theila, yn dy huattyng mymi shyaa ha khy ynija ym byt giah. 16Yn ha jawk ce Shechem luh a lubya theila Abraham na Hamor zawetih cenga tangkaw vyng y hleih khyang Shechem luh kuːh zu va ym khuːh.
17“Nuatpaw na Abraham myng y setzaw kuːm my acuːn lawilu bawva Egypt pe ja kuːh khyang ha khycee ym punglu kakai. 18Yn hnguva Josep hnguattih kaw syamphalyang tha pahuat ce Egypt pee y up lu. 19Yn na mymi khyang ha dy ym pumhngaw tawk mymi shyakai ha phehphaei awla myilu tha tih dikzaw ha byt haija ym dyyi tit. 20Yn cuːn nyng Mosee myilu theila, yn ce Nuatpaw hngoaimawva poaijei tih dikzaw pahuat ta y thawn. Yn ce y immlawng na kkhaw thum ym lupan nyak. 21Yn pynnyng yn pumtuaa ym tyak hnguva, Pharo zawhngu na ynih lo theila y zaw hngaw bawva ynih y cawhei. 22Yn khiannyng Mosee ce Egypt paa kuːh thiam nyak tomti cawkkei theila hyau nyak la puhcai nyak nawva y vom.
23“Mosee khukum phikip hnguva, y pumhngaw benau thawntih Isreal khyang juː ha tovei jy y lung ngyng uattei. 24Yn hnguva khyang pahuat ce Egpyt khyang na phehphaei khyammei khyang y hnguh hnguva, yn phephaei khyamtih lyamma puijei theila Egypt khyang tu theila y thawngei bya. 25(Mosee na y pumhngaw khiannyng Nuatpaw na ynih khyang juː ha hluːh haija summei tila y jyakcawk, ynbawlakhy yn ha na jawcu joaw.) 26Atha hnguːp pyng Mosee na Israel khyang hngyih ho khyang y hnguh. Yn hyih ho kaw haija, ‘Ky khyang ha aw, benau va nym thawn, ibawthawnnyng pahuat la pahuat nym khunnei ma?’ tinaw theila yn ha kaau vy y cai. 27Ynbawlakhy immcengpui ho pui naw tih na Mosee pheng theila, ‘U na nyang ngyng kei hngih eyng uptih la cijangtih a y yap ma? 28Jyanthuaa Egypt khyang ny tuk hnguːt bawva kei syak tuk ky ny khindyang ngei?’ y tinyak. 29Mosee na yn khyaukhaw jyak hnguva, Midian pe ja y zen. Ynnija khiin na thawn theila yn zawpaw pahngih y zaw nyak.
30“Khukum phikip cup pynnyng Sinai Cung cengkuːh khongkhuca a huankhu ceepaw pahuat ce Mosee cenga biapuːp meidawtih eyng y duan voih. 31Mosee na yn y hnguh hnguva y muːnnyak. Y lawi ja hnguh haija y zet hnguva, Mawhpaw na, 32‘Kei ce nyang shyakaitih Nuatpaw, Abraham, Isaac, la Jacop tih Nuatpaw ky si.’ Mosee ce sawso lelet theila hngyaa diev tih a to vom jo. 33Yn pynnyng Mawhpaw na ynih eyng, ‘Ny khuphawtyap sut, ny tun nyak duːn ce dek cimtih a thawn. 34Egypt pe ja myitih kei khyang ha phehphaei ym khyam khyang ky hnguh. Yn ha nyaei khyang thai ky jyak khiannyng yn ha hluːh haija ky kom lu, tuh a luh, nyang Egpyt pe ja ky tuh ey,’ y tinyak.
35“Mosee ce ‘u na nyang uptih la cijang tih a y yap ma?’ tila dyyi khyammei tih Mosee eyng Nuatpaw na biapuːp pyng duanvoih tih huankhu ceepaw na uptih la lilovei haija y tuhlu. 36Yn ce Egypt pe la panglai shen nyng khy si seh, khukum phikip cyp khongkhuca a khy si seh, mikhnguh nyak la muːnnyak khyang duan hnguːt theila Isareal khyang juː ha Egypt pe ja kuːh y lupui nyak. 37Yn Mosee ce, Isreal khyang ha eyng hyau tih pahuat y si. ‘Nuatpaw na kei dy cyptih,#7.37 kei dy cyptih; sikawvyngcee kei baw myitih. sikawvyngcee kei baw myitih hngawpaw pahuat ky tuhlu vy, ynpynnyng yn ce nym pumhngaw khyang duk kuːh y si jy.’ 38Yn ce Sinai Cung huanna ynih eyng khyau hyautih huankhu ceepaw dy khy si seh, mymi shyakai ha dy khy si seh, khongkhuca a jummeitihpuːpaw ha dy myi hnguːttih y si. Yn ce mymi jyng bei jy khyang hiyangtih khyaukhaw dynnei hnguːttih y si.
39“Ynbawlakhy mymi shyakai na ynih khyaukhaw lyklyam hluː joaw; yn dyyi awla Egypt pe ja jyng hlei bya vy lung ym tyakei. 40Yn khiannyng yn ha na Aron nyng, ‘Mymi hngoaimawva zet hai nuatpaw ha keimi tawk cai piat. Mymi Egypt pe ja lupui naw tih Mosee ce ibaw thawn tinyak khyang keimi na hnguat jo,’ ym tinyak. 41Yn khuhnguːp pyng yn ha na shya luːpzaw pahuat com awla, ym pumhngaw com khyang hluhbawn theila pyi ym cai. 42Yn khiannyng Nuatpaw na yn ha hngusung naw theila huankhu easi, khawtha la khuhngi khuːhbia haija y bei, hngawpaw ha cawuk kyng jok hnguːt khyang ce:
“ ‘Isreal khyang ha aw, nyangmi na
khongkhuca a khukum phikip kei cenga
hiyangsei la hluhbawn nyak nym lu saijei?
43Nyangmi na khuːhbia vy com khyang
luːpzaw thawn tih;
Molech nuat tai ja nyangmi Rephan easi luːp nyangmi na nym luvei pyn.
Yn khiannyng kei na khy nyangmi Babilon luh tua a ky shyt ty,’ tila y hyau.
44“Mymi shyakai tawk khongkhuca a saksi duan nyak tyamthi imm a myi. Yn ce Mosee na yn hnguh hnguːt khyang bawva, Nuatpaw na hyau hnguːt khyang baw tyng nga cai hnguːttih tyamthi imm a si. 45Mymi shyakai ha na yn shawngtu dynnei awla mymi shyakai hngoaimawva Nuatpaw shyt khyang, khyang ciya juː ha pe kuːh yn ha na lawhei hnguva Jawshuh dy huattyng yn shawngtu ym kytlu. Yn ce David kut cyp myi hnguːttih a si. 46David ce Nuatpaw hngoaimawva luhngoai y lawhei khiannyng Jacop Nuatpaw#7.46 Jacop Nuatpaw; aciya kutjokcaw ha eyng Israel khyang, tijyng myi. myih nyak ky tawk biatimm shyak ky y hngihei hnguːt. 47Ynbawlakhy Nuatpaw imm shawtih ce Solomon jyng y si.
48“Ibawlakhy khyang kut tyng com khyang imm ha dukka y Hluːngduː tih Nuatpaw myi jo. Hngawpaw na:
49“ ‘Huankhu ce kei ngoah duːn nuanimm ma thawn,
yn pynnyng somdek ce kei khutyang nyak duːn na thawn.
Nyangmi na kei tawk ibyang imm nym shyak khy nym taw ma tijyng Mawhpaw na y hau.
Kei duːm nyak ky ce hanijaa ma?
50Ni ha tomti kei kut tyng com hnguːt khyang si jo vei?’ tila y hyau.
51“Lukee cangtih khyang ha vo! nyangmi na ihngu khy nym hngaw vyng ngei jo, ynpynnyngcee nym lungbawng khy ce ihngu khy jubaijei nyak lawh jo. Nyangmi ce nym shyakai ha cai hnguːt bawva Muikhaw Cim a hnguːhnguːi nym siatnyak. 52Nyangmi shyakai ha na phehphaei kaw khyang hngawpaw y myi jei? Yn ha na puːnpoktih Nuatpaw lu vy khyang saih jyaitih ha khy nym tuk. Tuh a nyangmi na khy yn setzaw pak theila yn nym tuk. 53Nyangmi ce huankhu ceepaw ha na bei hnguːt khyang tala dyynei lakhy lyklyam jozaw,” y tinyak.
Stephen Luung Ngyng Ym khong
54Yn bawva ym hyau khyang kongci ha na ym jyak hnguva, ynih eyng lungtyn theila hngamsi khyammei. 55Ynbawlakhy Stephen ce Muikhaw Cim myng kuːm theila, huankhu lyam to hnguva Nuatpaw phunggan la Nuatpaw khep lyaamma tungtih Jesuh y hnguh. 56Ynhnguva, “To vyt! Kei na huankhu hngongei theila Khyang Zawpaw ce Nuatpaw khep lyaamma tung khyang ky hnguh,” y tinyak.
57Yn hnguva yn ha ce tha eyng pang awla hngaw buːmmei theila, yn cenga tha eyng huattyng ym tymmei, 58Yn pynnyng ynih luh thua lawttei awla luung ngyng ym khong. Saksi khyam tih ha na ym suishyak sut awla Sawluh mingnawtih thawizaw khyang pahuat tyng ym yappei. 59Yn ha na yn luung ngyng ym khong hlu hnguva, Stephen na, “Mawhpaw Jesuh, kei muikhaw dynnei piat mawh,” tila y hngihminnei. 60Yn pynnyng y khukdya theila tha eyng, “Mawhpaw aw, yn ha cai khyang yn pet ha khindyang piat kawh byih!” tijyng pang theila y syak jom.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International