Ceepaw 23
23
1Pawluh na jaapuː uptih bawng ha to sih theila, “Benau tih aw, kei ce hnguat nyak kyng Nuatpaw hngoaimaw va y khyngtih a syak ky hiyang,” y tinyak. 2Yn hnguva Jahhenpaw Lian Ananias na Pawluh kika tungtih ha eyng ynih mong ba haija y hyau. 3#Mat 23.27,28Yn khiannyng Pawluh na Jahenpaw lian nyng, “Tala kawva puhcai theila khyang poai bawva syak hiyang tih ha aw, Nuatpaw na nyang y shawh ey! Nyang na tala tyng ngyng kei cijang ngy tawk ny ngoa hnguva, yn ny hyau khyang ny pumhngaw na simpak theila kei ny shawh shyak ky ny hyau,” y tinyak.
4Pawluh kika tungtih ha na, “Nyang ce Nuatpaw Jahhenpaw Lian ny hawdawh nyak,” tila ym hyau.
5Pawluh naa, “Benau tih aw, yn ce Jahhenpaw Lian thawn khyang kei na hnguat jonga; talagamcaw vyng jokkeitih ce: ‘Nyang khyang juː uptih eyng a seetih hyau lawh jo,’ ” tila y shyakkei bya.
6 #
Cee 26.5; Phil 3.5 Yn pynnyng yn ha dukka bawng huat ce Saddusee theila aciya ha ce Pharisee ha si khyang Pawluh na y hnguat hnguva, “Ky benau tih aw, kei ce Pharisee pahuat ky si bawva Pharisee zawpaw khy ky si. Kei hngica ky khyammei lawh khyang bawng ce byttih ha ym thoo bya ey tinyak khyang kei na ky uːtnyak khiannyng a si,” tila kongci hngoaimaw va pang theinga ky hyau.
7Yn bawva y hyau hnguva, Pharisee la Saddusee ha duk kyng khawngkau vei khyang myi theila dynneitih ha ce ym pakjyaang. 8#Mat 22.23; Mar 12.18; Luk 20.27(Ibawthawnnyngma tijyngcee Saddusee ha na byt nyak kuːh thoo bya khyang myi jo, huankhu ceepaw myi jo, muikhaw khy myi jo tila ym hyau. Ynbawlaakhy Pharisee ha na yn ha tomti myi khyang ym jummei.) 9Ym vuipang khyang ha lianlu khiannyng Pharisee bawngpui tala hnguat tih sala ciya na thoo theila, “Myn khyang ngyng sengei theila ahngoan tih kaw pahuat khy hngu jonga. Muikhaw pahuat sikawvyngcee huankhu ceepaw pahuat na yn ngyng khyau hyau khyang khy si hngu si nyn,” tila saisikung ym cahei thawng.
10Cahei thawng khyang lian lu khiannyng, khyanglian na Pawluh a khuːn khyammei lawh ey khyang y cyh nyak. Yn khiannyng yn na, “Pawluh yn ha dukkuːh lawttei theila junga zehpui naw vyt,” tila jaapuː ha eyng y hyau.
11Yn muː eyng Mawhpaw na Pawluh cenga tung theila, “Ny lung sawso kawh! Nyang ce kei bawng Jerusalem luh a susaih ny khyam hnguːt bawva Roma luh a khy susaih ny khyam lawh ey,” tila y hyau.
Pawluh Ym Tukky Tawk Ym Cijang
12Acya hnguːp angu va Judah ha ce huattyng khyammei theila ym cijang. Pawluh tuk lawh khaw sikhiang ikhy ou sikawvyngcee ei kawva myijei jy pahuat la pahuat jyanbo vei. 13Yn bawva cijang khyang duk kyng khyang phikip thua ym pui. 14Yn ha ce Jahenpaw lian la y lianzang ha cenga zet theila, “Keimi ce Pawluh kym tuk lawh kaw vyngcee ikhy ei kawva myijei jy tila kym jyanbo vei,” ym tinyak. 15“Yn khiannyng nyangmi cee kongci bawngpui ha dy Pawluh bawng sikhyang poai zawva ciceih hluː khyang shawngei theila, nyangmi cenga Pawluh lupui nawaw hai khyanglian cenga bih byih jyt. Keimi naakhy mynija kym phaw hluanna yn tuk ky kym zong ngy,” tila ym hyau.
16Ynbawlakhy Pawluh thu na yn ha na khian khawng theila ym shawhciau vy khyang y jyak khiannyng junga voang theila Pawluh eyng y hyau vei. 17Yn pynnyng Pawluh ce khyang lianzaw pahuat pannei theila, “Myn khyang thawizaw na jaapuː uptih eyng sityang bei jy myi khiannyng yn jaapuː uptih cenga zehpui nawh,” tila y hyau. 18Yn khiannyng yn khyang lianzaw na thawizaw khyang, jaapuː uptih cenga zehpui naw theila, “Thawngkhaw tih Pawluh na kei panei theila myn thawizaw khyang na sityang saih lawh ey khiannyng yn jaapuː uptih cenga zehpui nyak ky tawk bih byih,” tila y hyau.
19Jaapuː uptih na yn thawizaw khyang kuːt byn theila ahngaw va pannei, “Kei jyng ibyang sityang ny saih jy myi ma?,” tila y hngi.
20Yn thawizaw khyang naakhy: “Judah ha ce Pawluh cihngia tih a ciceih hluː tih bawva cai khiannyng, sangu jung hngoaimaw va lupui naw theila, khyang lianzaw cenga kym bih ey tila shawphawtu. 21Yn khiannyng yn ha bih bawtyng nga lyklyam kawh byih, ibawthawnnyngma tijyngcee yn ha duka khyang phikip thua na Pawluh khian theila tuk ky ym zong tinyak khyang y si. Yn ha ce Pawluh tuk lawh kaw sikhiang ou sikawvyngcee ei kawva myijei jy tawk ym jyanbovei. Tuh a yn ha cee y shyangtyang myi awla jaapuː uptih luː khyang ym zong,” tila y saih jei.
22Yn hnguva jaapuː uptih na, “kei jyng ni bawng ha sityang bei khyang uvyng khy saih kaw byih,” tila yn thawizaw vyng hyau theila y tuːh bya.
Pawluh Caesarea luh A Thyaak nyak
23Yn pynnyng jaapuː lian na jaapuː uptih pahngih pannei theila, “Muː cuːn gu vyng Caesare luh a zet ty jaapuː phawhngih, ssa dyangneitih jaapuː syhkip la kha bynneitih jaapuː phawhngih ha y shyangtyang cai byih jyt. 24Pawluh dyangei nyak ky ssa ha khy thawjyai awla yn Felix myang cenga seekhaw myi kawva thyaak piat jyt byih,” tila y hyau. 25Y bawngpui ha eyng cawcyang huat y shan: yn caw vyng a jokkei khyang ce.
26“Claudius Lysias na a liantih Felix myang ngyng ny tyaamei jei y tinyak. 27Myn khyang Judah ha na muan theila tukky ym cijang hnguva yn ce Roma pee shaw thawn khyang kei na jyak lawh khiannyng jaapuː ha dy huattyng zet theila yn kei na lilovei hnguːt. 28Judah khyang ha na ibyang pet tyng bungiang khyang kei na huat hluː khiannyng, yn ha kongci dynnei jaa kei na ky zehpui nyak. 29Yn ce yn ha tala eyng cyppei tih hngi nyak ha eyng bungiang khyang khyam lawh, ynbawlaakhy yn nyng byt nyak, sikawvyngcee phehimm kyak khyam tuan tih y pet myi kaw khyang kei na ky hngu lawh. 30Yn hnguva Judah khyang ha ce yn tukky tawk ajupzawva cijang khyang bawng kei na ky jyak hnguva, nyang cenga yn saisikung ky tuhlu. Bungiang tih ha khycee yn huanna bungiang khyang ha nyang cenga saih jy tawk ky shin hnguːt.”
31Yn khiannyng jaapuː ha khycee yn ha eyng shin hnguːt bawva Pawluh pannei theila amuː kunga Antipatris luh a ym thyaak. 32Atha hnguːp pyng jaapuː ha ce Pawluh cee ssa dyangtih jaapuː ha dy zet theila yn ha ce junga ym zet bya. 33Ssa dyangeitih jaapuː ha ce Caesare luh a ym phaw hnguva caw Filex myang ngyng bei theila Pawluh khycee yn cenga ym yappei. 34Samphalyang ce caw phuat theila Pawluh ce ibyang pe shaw y thawn khyang y hngi. Cilicia pe shaw thawn khyang y jyak hnguva, 35“Nyang bungiang tih ha ym phawlu hnguva nyang bawng kei na ky jyak shyak ky,” y tinyak. Yn pynnyng samphalyang na Pawluh ce Herod syamphalyang imm ma zongtih jaapuː ha na zong haija y hyau.
Currently Selected:
Ceepaw 23: NTHTB25
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International
Ceepaw 23
23
1Pawluh na jaapuː uptih bawng ha to sih theila, “Benau tih aw, kei ce hnguat nyak kyng Nuatpaw hngoaimaw va y khyngtih a syak ky hiyang,” y tinyak. 2Yn hnguva Jahhenpaw Lian Ananias na Pawluh kika tungtih ha eyng ynih mong ba haija y hyau. 3#Mat 23.27,28Yn khiannyng Pawluh na Jahenpaw lian nyng, “Tala kawva puhcai theila khyang poai bawva syak hiyang tih ha aw, Nuatpaw na nyang y shawh ey! Nyang na tala tyng ngyng kei cijang ngy tawk ny ngoa hnguva, yn ny hyau khyang ny pumhngaw na simpak theila kei ny shawh shyak ky ny hyau,” y tinyak.
4Pawluh kika tungtih ha na, “Nyang ce Nuatpaw Jahhenpaw Lian ny hawdawh nyak,” tila ym hyau.
5Pawluh naa, “Benau tih aw, yn ce Jahhenpaw Lian thawn khyang kei na hnguat jonga; talagamcaw vyng jokkeitih ce: ‘Nyang khyang juː uptih eyng a seetih hyau lawh jo,’ ” tila y shyakkei bya.
6 #
Cee 26.5; Phil 3.5 Yn pynnyng yn ha dukka bawng huat ce Saddusee theila aciya ha ce Pharisee ha si khyang Pawluh na y hnguat hnguva, “Ky benau tih aw, kei ce Pharisee pahuat ky si bawva Pharisee zawpaw khy ky si. Kei hngica ky khyammei lawh khyang bawng ce byttih ha ym thoo bya ey tinyak khyang kei na ky uːtnyak khiannyng a si,” tila kongci hngoaimaw va pang theinga ky hyau.
7Yn bawva y hyau hnguva, Pharisee la Saddusee ha duk kyng khawngkau vei khyang myi theila dynneitih ha ce ym pakjyaang. 8#Mat 22.23; Mar 12.18; Luk 20.27(Ibawthawnnyngma tijyngcee Saddusee ha na byt nyak kuːh thoo bya khyang myi jo, huankhu ceepaw myi jo, muikhaw khy myi jo tila ym hyau. Ynbawlaakhy Pharisee ha na yn ha tomti myi khyang ym jummei.) 9Ym vuipang khyang ha lianlu khiannyng Pharisee bawngpui tala hnguat tih sala ciya na thoo theila, “Myn khyang ngyng sengei theila ahngoan tih kaw pahuat khy hngu jonga. Muikhaw pahuat sikawvyngcee huankhu ceepaw pahuat na yn ngyng khyau hyau khyang khy si hngu si nyn,” tila saisikung ym cahei thawng.
10Cahei thawng khyang lian lu khiannyng, khyanglian na Pawluh a khuːn khyammei lawh ey khyang y cyh nyak. Yn khiannyng yn na, “Pawluh yn ha dukkuːh lawttei theila junga zehpui naw vyt,” tila jaapuː ha eyng y hyau.
11Yn muː eyng Mawhpaw na Pawluh cenga tung theila, “Ny lung sawso kawh! Nyang ce kei bawng Jerusalem luh a susaih ny khyam hnguːt bawva Roma luh a khy susaih ny khyam lawh ey,” tila y hyau.
Pawluh Ym Tukky Tawk Ym Cijang
12Acya hnguːp angu va Judah ha ce huattyng khyammei theila ym cijang. Pawluh tuk lawh khaw sikhiang ikhy ou sikawvyngcee ei kawva myijei jy pahuat la pahuat jyanbo vei. 13Yn bawva cijang khyang duk kyng khyang phikip thua ym pui. 14Yn ha ce Jahenpaw lian la y lianzang ha cenga zet theila, “Keimi ce Pawluh kym tuk lawh kaw vyngcee ikhy ei kawva myijei jy tila kym jyanbo vei,” ym tinyak. 15“Yn khiannyng nyangmi cee kongci bawngpui ha dy Pawluh bawng sikhyang poai zawva ciceih hluː khyang shawngei theila, nyangmi cenga Pawluh lupui nawaw hai khyanglian cenga bih byih jyt. Keimi naakhy mynija kym phaw hluanna yn tuk ky kym zong ngy,” tila ym hyau.
16Ynbawlakhy Pawluh thu na yn ha na khian khawng theila ym shawhciau vy khyang y jyak khiannyng junga voang theila Pawluh eyng y hyau vei. 17Yn pynnyng Pawluh ce khyang lianzaw pahuat pannei theila, “Myn khyang thawizaw na jaapuː uptih eyng sityang bei jy myi khiannyng yn jaapuː uptih cenga zehpui nawh,” tila y hyau. 18Yn khiannyng yn khyang lianzaw na thawizaw khyang, jaapuː uptih cenga zehpui naw theila, “Thawngkhaw tih Pawluh na kei panei theila myn thawizaw khyang na sityang saih lawh ey khiannyng yn jaapuː uptih cenga zehpui nyak ky tawk bih byih,” tila y hyau.
19Jaapuː uptih na yn thawizaw khyang kuːt byn theila ahngaw va pannei, “Kei jyng ibyang sityang ny saih jy myi ma?,” tila y hngi.
20Yn thawizaw khyang naakhy: “Judah ha ce Pawluh cihngia tih a ciceih hluː tih bawva cai khiannyng, sangu jung hngoaimaw va lupui naw theila, khyang lianzaw cenga kym bih ey tila shawphawtu. 21Yn khiannyng yn ha bih bawtyng nga lyklyam kawh byih, ibawthawnnyngma tijyngcee yn ha duka khyang phikip thua na Pawluh khian theila tuk ky ym zong tinyak khyang y si. Yn ha ce Pawluh tuk lawh kaw sikhiang ou sikawvyngcee ei kawva myijei jy tawk ym jyanbovei. Tuh a yn ha cee y shyangtyang myi awla jaapuː uptih luː khyang ym zong,” tila y saih jei.
22Yn hnguva jaapuː uptih na, “kei jyng ni bawng ha sityang bei khyang uvyng khy saih kaw byih,” tila yn thawizaw vyng hyau theila y tuːh bya.
Pawluh Caesarea luh A Thyaak nyak
23Yn pynnyng jaapuː lian na jaapuː uptih pahngih pannei theila, “Muː cuːn gu vyng Caesare luh a zet ty jaapuː phawhngih, ssa dyangneitih jaapuː syhkip la kha bynneitih jaapuː phawhngih ha y shyangtyang cai byih jyt. 24Pawluh dyangei nyak ky ssa ha khy thawjyai awla yn Felix myang cenga seekhaw myi kawva thyaak piat jyt byih,” tila y hyau. 25Y bawngpui ha eyng cawcyang huat y shan: yn caw vyng a jokkei khyang ce.
26“Claudius Lysias na a liantih Felix myang ngyng ny tyaamei jei y tinyak. 27Myn khyang Judah ha na muan theila tukky ym cijang hnguva yn ce Roma pee shaw thawn khyang kei na jyak lawh khiannyng jaapuː ha dy huattyng zet theila yn kei na lilovei hnguːt. 28Judah khyang ha na ibyang pet tyng bungiang khyang kei na huat hluː khiannyng, yn ha kongci dynnei jaa kei na ky zehpui nyak. 29Yn ce yn ha tala eyng cyppei tih hngi nyak ha eyng bungiang khyang khyam lawh, ynbawlaakhy yn nyng byt nyak, sikawvyngcee phehimm kyak khyam tuan tih y pet myi kaw khyang kei na ky hngu lawh. 30Yn hnguva Judah khyang ha ce yn tukky tawk ajupzawva cijang khyang bawng kei na ky jyak hnguva, nyang cenga yn saisikung ky tuhlu. Bungiang tih ha khycee yn huanna bungiang khyang ha nyang cenga saih jy tawk ky shin hnguːt.”
31Yn khiannyng jaapuː ha khycee yn ha eyng shin hnguːt bawva Pawluh pannei theila amuː kunga Antipatris luh a ym thyaak. 32Atha hnguːp pyng jaapuː ha ce Pawluh cee ssa dyangtih jaapuː ha dy zet theila yn ha ce junga ym zet bya. 33Ssa dyangeitih jaapuː ha ce Caesare luh a ym phaw hnguva caw Filex myang ngyng bei theila Pawluh khycee yn cenga ym yappei. 34Samphalyang ce caw phuat theila Pawluh ce ibyang pe shaw y thawn khyang y hngi. Cilicia pe shaw thawn khyang y jyak hnguva, 35“Nyang bungiang tih ha ym phawlu hnguva nyang bawng kei na ky jyak shyak ky,” y tinyak. Yn pynnyng samphalyang na Pawluh ce Herod syamphalyang imm ma zongtih jaapuː ha na zong haija y hyau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International