Ceepaw 18
18
Korin Luh A Pawluh Na Susaih Nyak
1Yn pynnyng, Pawluh ce Athen luh taw hnguːt theila Korin luh lyaamma y zet. 2Yn luh a Pontus pe shaw, Aquila mingnaw tih Judah khyang pahuat y kawmmei. Yn ce y pihia Priscilla dy Italy pee kuːh y hngih phawlu. Ibawthawnnyngmatijyngcee Claudius syamphalyang na Judah khyang ha tomti Roma luh kuːh zet bya shyak khyang eyang bei khiannyng y si. Yn hnguva Pawluh ce yn ha dy kawmmei jy zet 3theila, khuːtbi khyang huattei khiannyng, yn ha dy myi hah theila khuːtbi. Yn ha cee imm tiih nyakky shaw vuːn khoi khyang khuːtbi tih ha ym thawn. 4Pawluh cee Jah hnguːp tyng ngyng sinakok ka sityang poai sumsa theila Judah khyang juː ha la Grik khyang juː ha jummei lu haija y hlawihliang ngei.
5Silas la Timawte ce Macedonia pee ja ym lu bya hnguva, Pawluh ce susaih khyang jyang cai theila, Jesuh ce Messiah thawn tinyak khyang Judah ha eyng saksi khyam theila y susaih. 6Ynbawlakhy Judah ha na yn honyak khyaukhaw ym hyau khiannyng, Pawluh ce y suishyak kyng kuːh huːmhui kawk theila, “Nyangmi thii ce nyangmi huanna jyng cukaw seh. Kei ce yn ha eyng behbyang jonga. Tuh a kuːhthuh khyang juː cya ha cenga ky zet ty,” tila y hyau. 7Yn pynnyng Pawluh ce sinakok kuːh lyt theila Nuatpaw jummeitih Titus, Justus tinyak khyang imm ma y zet. Yn imm ce sinakok cenga a myi. 8Sinakok mawh a thawntih Crispus ce yn immlawng ha dy Mawhpaw ym jummei. Ycya Korin luh shaw ha panukung khycee Pawluh susaih khyang jaw theila jummei lu awla baptisma ym lovei giah.
9Juan huat hnguva Mawhpaw na lunghnguːn nyng Pawluh eyng y duan khyang cee, “Kyh kawh byih; jaadikzaw va myijei kawva, tha thyiv susaih byih. 10Kei cee nyang dy ky myi hah. Nyang u na khy hleim lawh jo, Myn luh a kei khyang ha panu ym myi,” y tinyak. 11Yn khiannyng Pawluh ce yn luh a kum huat thua myi theila Nuatpaw khyaukhaw y cawkhyau.
12Ynbawlakhy Gallio syamphalyang ce Achaia luh khyang lianzaw va thawn hnguva, Korin na myi tih Judah ha na Pawluh huattyng muan awla junga ym zeh. 13Yn khyang ha na, “Myn khyang naa, tala eyng cyppei tih kawva Nuatpaw khuːhbia vy khyang y hlawihliang,” ym tinyak.
14Pawluh na hyau bya ey hnguva, Gallio syamphalyang na, “Judah khyang ha eyng, myn bawng cee khyang tuk khyang sikawvyngcee seetih pahuat thawn nyngcee, kei na myn bawng dynnei jy lawh. 15Ynbawlakhy myn bawng ce nyangmi khyaukhaw, ming la nym pumhngaw tala thumcian na thawn khiannyng, nym pumhngaw na jyang cijang byih jyt. Kei na ni byang bawng ha cijang jonga,” y tinyak. 16Yn ha tomti tala duːn kuːh y shyt zo. 17Yn hnguva khyang puː tomti na sinakok mawh Sosthenes muan awla tala cijang nyak hngoaimaw va ym shawh; ynbaw hnguva Gallio myang na yn bawng ha thihli kawva y myijei.
Antiawk Luh A Pawluh Lu bya Nyak
18Pawluh ce Korin luh a khuhnguːp byangveih y myi pynnyng, jummeitih ha eyng kutshyaan pynnyng, Syria pe ja kithawlawng ngyng y joon. Priscilla la Aquila hyih khycee yn dy ym puijei. Pawluh ce juanpovei hnguːtkhiannyng kithawlawng joon hlawn na tuiikhyam luh a y lushaam viuhvei#18.18 juanpovei hnguːt: Yn lusyam viuhvei khyang cee Judah thumcian ngyng juanpovei khyang mikhnguh khyang kuːmcei nyak a hyau hluː. hnguːt. 19Yn ha cee Ephesus luh a ym phawlu hnguva, Pawluh na Priscilla la Aquila y tyak hnguːt. Y pumhngaw pyt sinakok ka voang theila Judah ha dy y sumsa. 20Yn ha na hnguːp hngih thum myi jy kawhei awla khy, Pawluh na dynnei jo. 21Ynbawlakhy y zehtyak hnguva, “Nuatpaw luːnyak myi jyngcee nyangmi cenga ky lu bua tuː jy,” y tinyak. Yn pynnyng yn ha gataw theila Ephesus luh kuːh kithawlawng ngyng y joon.
22Caesare luh y phaw hnguva, Jerusalem luh a zet theila jummeitihpuːpaw ha kuːtshyaan nei pynnyng, Antiawk luh lyamma y zet. 23Pawluh ce Antiawk luh a acuːn byangveih myi pynnyng, Galilee pe, Phrygia pe tomti ja zetjok theila hngulawnglyktih ha cihngia shyak.
Ephesus La Korin Luh A Apollos Cawk Nyak
24Yn hnguva Alexandria luh shaw Apollos mingnawtih Judah khyang juː pahuat ce Ephesus luh a y lu. Yn ce susaih khyngtih pahuat thawn theila kutjokcaw vyng thiamvatih y si. 25Mawhpaw Lyam duan nyak cawkshyang ngei theila, susaih nyak kyng lungeijei theila Jesuh bawng ha hngoantih a cawkshyang theila y myijei. Ynbawlakhy yn na Jawhan na baptisma bei khyang bawng jyang y hnguat. 26Yn ce Judah ha sinakok dukka kyh kawva y susaih. Priscilla la Aquila na y susaih khyang ym jyak pynnyng, yn ce ym imm ma pannei theila Nuatpaw lyam ym hnguat nyak kakai jy tawk Apollos eyng yn ha na ym saih. 27Apollos ce Achaia pe ja zet ty luː khiannyng, Ephesus luh a kuːh jummeitih ha na yn tha bei theila Achaia pe ja myitih jummeitih ha na yn dynnei nyak ky tawk shin caw shan theila tha ym bei. Yn pee jaa phaw hnguva Nuatpaw khunkhyi khiannyng, jummei lu tih ha panukung phuihlawi tih a y thawnlu. 28Ibawthawnnyngma tijyngcee Jesuh ce Messiah si khyang talagamcaw vyng duan theila khyang puː ha hngoaimaw va Judah ha eyng poai poai y hyau bya.
Currently Selected:
Ceepaw 18: NTHTB25
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International
Ceepaw 18
18
Korin Luh A Pawluh Na Susaih Nyak
1Yn pynnyng, Pawluh ce Athen luh taw hnguːt theila Korin luh lyaamma y zet. 2Yn luh a Pontus pe shaw, Aquila mingnaw tih Judah khyang pahuat y kawmmei. Yn ce y pihia Priscilla dy Italy pee kuːh y hngih phawlu. Ibawthawnnyngmatijyngcee Claudius syamphalyang na Judah khyang ha tomti Roma luh kuːh zet bya shyak khyang eyang bei khiannyng y si. Yn hnguva Pawluh ce yn ha dy kawmmei jy zet 3theila, khuːtbi khyang huattei khiannyng, yn ha dy myi hah theila khuːtbi. Yn ha cee imm tiih nyakky shaw vuːn khoi khyang khuːtbi tih ha ym thawn. 4Pawluh cee Jah hnguːp tyng ngyng sinakok ka sityang poai sumsa theila Judah khyang juː ha la Grik khyang juː ha jummei lu haija y hlawihliang ngei.
5Silas la Timawte ce Macedonia pee ja ym lu bya hnguva, Pawluh ce susaih khyang jyang cai theila, Jesuh ce Messiah thawn tinyak khyang Judah ha eyng saksi khyam theila y susaih. 6Ynbawlakhy Judah ha na yn honyak khyaukhaw ym hyau khiannyng, Pawluh ce y suishyak kyng kuːh huːmhui kawk theila, “Nyangmi thii ce nyangmi huanna jyng cukaw seh. Kei ce yn ha eyng behbyang jonga. Tuh a kuːhthuh khyang juː cya ha cenga ky zet ty,” tila y hyau. 7Yn pynnyng Pawluh ce sinakok kuːh lyt theila Nuatpaw jummeitih Titus, Justus tinyak khyang imm ma y zet. Yn imm ce sinakok cenga a myi. 8Sinakok mawh a thawntih Crispus ce yn immlawng ha dy Mawhpaw ym jummei. Ycya Korin luh shaw ha panukung khycee Pawluh susaih khyang jaw theila jummei lu awla baptisma ym lovei giah.
9Juan huat hnguva Mawhpaw na lunghnguːn nyng Pawluh eyng y duan khyang cee, “Kyh kawh byih; jaadikzaw va myijei kawva, tha thyiv susaih byih. 10Kei cee nyang dy ky myi hah. Nyang u na khy hleim lawh jo, Myn luh a kei khyang ha panu ym myi,” y tinyak. 11Yn khiannyng Pawluh ce yn luh a kum huat thua myi theila Nuatpaw khyaukhaw y cawkhyau.
12Ynbawlakhy Gallio syamphalyang ce Achaia luh khyang lianzaw va thawn hnguva, Korin na myi tih Judah ha na Pawluh huattyng muan awla junga ym zeh. 13Yn khyang ha na, “Myn khyang naa, tala eyng cyppei tih kawva Nuatpaw khuːhbia vy khyang y hlawihliang,” ym tinyak.
14Pawluh na hyau bya ey hnguva, Gallio syamphalyang na, “Judah khyang ha eyng, myn bawng cee khyang tuk khyang sikawvyngcee seetih pahuat thawn nyngcee, kei na myn bawng dynnei jy lawh. 15Ynbawlakhy myn bawng ce nyangmi khyaukhaw, ming la nym pumhngaw tala thumcian na thawn khiannyng, nym pumhngaw na jyang cijang byih jyt. Kei na ni byang bawng ha cijang jonga,” y tinyak. 16Yn ha tomti tala duːn kuːh y shyt zo. 17Yn hnguva khyang puː tomti na sinakok mawh Sosthenes muan awla tala cijang nyak hngoaimaw va ym shawh; ynbaw hnguva Gallio myang na yn bawng ha thihli kawva y myijei.
Antiawk Luh A Pawluh Lu bya Nyak
18Pawluh ce Korin luh a khuhnguːp byangveih y myi pynnyng, jummeitih ha eyng kutshyaan pynnyng, Syria pe ja kithawlawng ngyng y joon. Priscilla la Aquila hyih khycee yn dy ym puijei. Pawluh ce juanpovei hnguːtkhiannyng kithawlawng joon hlawn na tuiikhyam luh a y lushaam viuhvei#18.18 juanpovei hnguːt: Yn lusyam viuhvei khyang cee Judah thumcian ngyng juanpovei khyang mikhnguh khyang kuːmcei nyak a hyau hluː. hnguːt. 19Yn ha cee Ephesus luh a ym phawlu hnguva, Pawluh na Priscilla la Aquila y tyak hnguːt. Y pumhngaw pyt sinakok ka voang theila Judah ha dy y sumsa. 20Yn ha na hnguːp hngih thum myi jy kawhei awla khy, Pawluh na dynnei jo. 21Ynbawlakhy y zehtyak hnguva, “Nuatpaw luːnyak myi jyngcee nyangmi cenga ky lu bua tuː jy,” y tinyak. Yn pynnyng yn ha gataw theila Ephesus luh kuːh kithawlawng ngyng y joon.
22Caesare luh y phaw hnguva, Jerusalem luh a zet theila jummeitihpuːpaw ha kuːtshyaan nei pynnyng, Antiawk luh lyamma y zet. 23Pawluh ce Antiawk luh a acuːn byangveih myi pynnyng, Galilee pe, Phrygia pe tomti ja zetjok theila hngulawnglyktih ha cihngia shyak.
Ephesus La Korin Luh A Apollos Cawk Nyak
24Yn hnguva Alexandria luh shaw Apollos mingnawtih Judah khyang juː pahuat ce Ephesus luh a y lu. Yn ce susaih khyngtih pahuat thawn theila kutjokcaw vyng thiamvatih y si. 25Mawhpaw Lyam duan nyak cawkshyang ngei theila, susaih nyak kyng lungeijei theila Jesuh bawng ha hngoantih a cawkshyang theila y myijei. Ynbawlakhy yn na Jawhan na baptisma bei khyang bawng jyang y hnguat. 26Yn ce Judah ha sinakok dukka kyh kawva y susaih. Priscilla la Aquila na y susaih khyang ym jyak pynnyng, yn ce ym imm ma pannei theila Nuatpaw lyam ym hnguat nyak kakai jy tawk Apollos eyng yn ha na ym saih. 27Apollos ce Achaia pe ja zet ty luː khiannyng, Ephesus luh a kuːh jummeitih ha na yn tha bei theila Achaia pe ja myitih jummeitih ha na yn dynnei nyak ky tawk shin caw shan theila tha ym bei. Yn pee jaa phaw hnguva Nuatpaw khunkhyi khiannyng, jummei lu tih ha panukung phuihlawi tih a y thawnlu. 28Ibawthawnnyngma tijyngcee Jesuh ce Messiah si khyang talagamcaw vyng duan theila khyang puː ha hngoaimaw va Judah ha eyng poai poai y hyau bya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by the Word for the World International