JAKARI 3
3
Yá̰á̰ kə́ nge ko̰ sɔ́ i Yesua ngol ngé tun̄ yá̰a̰ gə̄
1Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́. 2De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?
3Yesua ń ra kə njan kə́ dɔɔ́ no de kə́ dɔ rā̰ tə́ tə́ ní, kūbə̄ kə́ rɔ̄n tə́ əhɔ yə̄ró malang. 4De kə́ dɔ rā̰ tə́ ní əda de kə́ seneé gə̄ kadə̄ ɔrə̄n̄ kūbə̄ kə́ rɔ̄ Yesua tə́ kɔ̄ɔ́. Gō tə́ anī, ni-əda Yesua na: Á̰a̰ā̰, m-ún yá̰a̰ rāāí kə́ gōtə́ aĺ gə̄ dɔí tə́ kɔ̄ɔ́ ō, ā ásə kəla kūbə̄ pétə rɔ̄í tə́ ō.
5Ni-əda kadə̄ əndan̄ dɔ Yesua kə ta kūbə̄ kə́ unjūú ō. Adə̄ əndan̄ dɔn kə ta kūbūú ō, tə́lan̄ kūbə̄ kə́ unjə̄ gə̄ rɔ̄n tə́ ō, kə̄ ta kum de kə́ dɔ rā̰ tə́ noō. 6Gō tə́ anī, de kə́ dɔ rā̰ tə́ yā Kɔ́ɔ̄ɓē əda Yesua na: 7Kɔ́ɔ̄ɓē kə́ bo kə́ tɔ́gən i ngá̰ý ní, míndən kógə̄ḿ ń ənī ní n toó:
Ré ī-rāā yá̰á̰ ń m-ə́dá ní anī,
ré ōō taḿ, adə̄ ī-rāā yá̰a̰ gə̄ ń
m-ə́da kadə̄ ī-rāā ní anī,
ā ī-tél de kə́ dɔ kújə yāḿ tə́ ō,
de kə́ dɔ ndágə loo kə́ gīr̄ gidə kújə yāḿ tə́ tə́ ō.
M-ā m-ə́laī dan de gə̄ ń
ran̄ laā a rāān̄ kəla yāḿ tə́ ní.
Nə́ɓā a rāā kadə̄ nge rāā kəla yān reē
8Yesua, ḭ̄ ń i ngol ngé tun̄ yá̰a̰ gə̄ ní, ōō.
Ba sḭḭ̄ ngé tun̄ yá̰a̰ gə̄ ń
i seneé ní, ōōī ō.
Tɔdɔ̄ sḭḭ̄ ngé tun̄ yá̰a̰ gə̄ ń
ī-raī laā ní, ɔjə i kadə̄ yá̰á̰ ń
sɔɔ̄ kadə̄ reē ní, a reē.
Nge kəla yāḿ ń a ɓāŕnən̄ na i
Nge ń sɔɔ̄ kadə̄ əɓa ní,
m-ā m̄-rāān kadə̄ a reē.
9M-ə̄ndā mbal̄ kógə̄ḿ no Yesua tə́.
Kum yá̰á̰ kə́ ndə́lē gə̄ sīrí i
dɔ mbal̄ kə́ kógə̄ḿ
beē nəkɔ́ ń noō tə́.
Mə̄kɔ́ m-ā m̄-ndang
yá̰á̰ kógə̄ḿ dɔ tə́ ō,
yá̰a̰ rāā kə́ gōtə́ aĺ gə̄
kə́ kem ɓēé ń toō tə́ ní,
m-ā m-ɔ̄r̄ kɔ̄ɔ́ i
kem ndɔ̄ kógə̄ḿ beē ō.
I mā Kɔ́ɔ̄ɓē kə́ bo kə́ tɔ́gə́ḿ i ngá̰ý
n m-ə́da najə̄ ń noō ní.
10Ndɔ̄ ngeé ń noō tə́ ní,
ā ī-ɓāríī naā kem ndɔr̄
kāgə̄ nduú yāsí gə̄ tə́ ō,
ā ī-ɓāríī naā ndíl
kāgə̄ kótə̄ yāsí gə̄ tə́ ō.
I mā Kɔ́ɔ̄ɓē kə́ bo kə́ tɔ́gə́ḿ i ngá̰ý
n m-ə́da najə̄ ń noō ní.
Currently Selected:
JAKARI 3: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JAKARI 3
3
Yá̰á̰ kə́ nge ko̰ sɔ́ i Yesua ngol ngé tun̄ yá̰a̰ gə̄
1Kɔ́ɔ̄ɓē rāā adə̄ m-á̰a̰ ngol ngé tun̄ yá̰a̰ gə̄ ń i Yesua ní. Ni-ra kə njan kə́ dɔɔ́ no de kə́ dɔ rā̰ tə́ yā Kɔ́ɔ̄ɓē tə́. Sətan ń i nge kəndā najə̄ dɔ de gə̄ tə́ ní, ra dɔ jī ko̰ Yesua tə́, yā kəndań najə̄ dɔn tə́. 2De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?
3Yesua ń ra kə njan kə́ dɔɔ́ no de kə́ dɔ rā̰ tə́ tə́ ní, kūbə̄ kə́ rɔ̄n tə́ əhɔ yə̄ró malang. 4De kə́ dɔ rā̰ tə́ ní əda de kə́ seneé gə̄ kadə̄ ɔrə̄n̄ kūbə̄ kə́ rɔ̄ Yesua tə́ kɔ̄ɔ́. Gō tə́ anī, ni-əda Yesua na: Á̰a̰ā̰, m-ún yá̰a̰ rāāí kə́ gōtə́ aĺ gə̄ dɔí tə́ kɔ̄ɔ́ ō, ā ásə kəla kūbə̄ pétə rɔ̄í tə́ ō.
5Ni-əda kadə̄ əndan̄ dɔ Yesua kə ta kūbə̄ kə́ unjūú ō. Adə̄ əndan̄ dɔn kə ta kūbūú ō, tə́lan̄ kūbə̄ kə́ unjə̄ gə̄ rɔ̄n tə́ ō, kə̄ ta kum de kə́ dɔ rā̰ tə́ noō. 6Gō tə́ anī, de kə́ dɔ rā̰ tə́ yā Kɔ́ɔ̄ɓē əda Yesua na: 7Kɔ́ɔ̄ɓē kə́ bo kə́ tɔ́gən i ngá̰ý ní, míndən kógə̄ḿ ń ənī ní n toó:
Ré ī-rāā yá̰á̰ ń m-ə́dá ní anī,
ré ōō taḿ, adə̄ ī-rāā yá̰a̰ gə̄ ń
m-ə́da kadə̄ ī-rāā ní anī,
ā ī-tél de kə́ dɔ kújə yāḿ tə́ ō,
de kə́ dɔ ndágə loo kə́ gīr̄ gidə kújə yāḿ tə́ tə́ ō.
M-ā m-ə́laī dan de gə̄ ń
ran̄ laā a rāān̄ kəla yāḿ tə́ ní.
Nə́ɓā a rāā kadə̄ nge rāā kəla yān reē
8Yesua, ḭ̄ ń i ngol ngé tun̄ yá̰a̰ gə̄ ní, ōō.
Ba sḭḭ̄ ngé tun̄ yá̰a̰ gə̄ ń
i seneé ní, ōōī ō.
Tɔdɔ̄ sḭḭ̄ ngé tun̄ yá̰a̰ gə̄ ń
ī-raī laā ní, ɔjə i kadə̄ yá̰á̰ ń
sɔɔ̄ kadə̄ reē ní, a reē.
Nge kəla yāḿ ń a ɓāŕnən̄ na i
Nge ń sɔɔ̄ kadə̄ əɓa ní,
m-ā m̄-rāān kadə̄ a reē.
9M-ə̄ndā mbal̄ kógə̄ḿ no Yesua tə́.
Kum yá̰á̰ kə́ ndə́lē gə̄ sīrí i
dɔ mbal̄ kə́ kógə̄ḿ
beē nəkɔ́ ń noō tə́.
Mə̄kɔ́ m-ā m̄-ndang
yá̰á̰ kógə̄ḿ dɔ tə́ ō,
yá̰a̰ rāā kə́ gōtə́ aĺ gə̄
kə́ kem ɓēé ń toō tə́ ní,
m-ā m-ɔ̄r̄ kɔ̄ɔ́ i
kem ndɔ̄ kógə̄ḿ beē ō.
I mā Kɔ́ɔ̄ɓē kə́ bo kə́ tɔ́gə́ḿ i ngá̰ý
n m-ə́da najə̄ ń noō ní.
10Ndɔ̄ ngeé ń noō tə́ ní,
ā ī-ɓāríī naā kem ndɔr̄
kāgə̄ nduú yāsí gə̄ tə́ ō,
ā ī-ɓāríī naā ndíl
kāgə̄ kótə̄ yāsí gə̄ tə́ ō.
I mā Kɔ́ɔ̄ɓē kə́ bo kə́ tɔ́gə́ḿ i ngá̰ý
n m-ə́da najə̄ ń noō ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.