KUM KEDƏ̄ 3
3
Yá̰á̰ ń a reē dɔ de kə́ gōtə́ gə̄ tə́ ní
1Ndíl de kə́ gōtə́ gə̄ to i kem jī Nə́ɓā tə́ ō,
yá̰á̰ kə́ tōr̄ a ɔdə rɔ̄də́ tṵ aĺ ō.
2Ta kum de kə́ mbóo gə̄ tə́ ɓáa nin̄ i de kə́ koy kɔ̄ɔ́ gə̄ ō,
ta kaw̄də́ to i tītə̄ yá̰á̰ kə́ nujə sák sák kɔ̄ɔ́ beē ō,
3kaw̄də́ sa̰y to i tītə̄ yá̰á̰ kə́ ta tḭ̄ḭ̄ kɔ̄ɔ́ beē ō.
Banī nin̄ ndin̄ i kə kem sɔlɔ́.
4Ká ré tām̄ yā de gə̄ tə́ ɓáa əndan̄də́ i mbée gə̄gē anī,
kəndā kem dɔ tə́ yādə́ a to ngándáńg.
5Gō ndéy kɔjə̄ kə́ sḛ́ý beē tə́ anī, a rāān̄ majə sedə́ ngá̰ý.
Nə́ɓā nāādə́,
ba a̰a̰ kadə̄ asən̄ yá̰a̰ ta kumən tə́.
6Ni rāādə́ adə̄ unjə̄n̄ njáý njáý tītə̄ lɔ́ŕ kə́ nūū horoó kə́ kɔr̄ yedə̄n kɔ̄ɔ́ beē ō,
əhɔdə́ kə̄ rɔ̄n tə́ tītə̄ yá̰a̰ ndējə̄ kə́ róō horoó beē ō.
7Kum mbang yā Nə́ɓā tə́ anī, nin̄ a ndə́lēn̄ ō,
a a̰ȳn̄ ngɔ̄də̄ tītə̄ hor ta mu kə́ kə́rā beé ō.
8Nin̄ a gāngə̄n̄ sarya dɔ nápar de gə̄ tə́ ō, a ṵṵn̄ ɓē dɔ gír de gə̄ tə́ ō,
Kɔ́ɔ̄ɓē a ndi mban̄g yādə́ ngándáńg ō.
9Ngé gə̄ ń ənīn̄ kemdə́ adə̄nən̄ ní, a gerə̄n̄ kum najə̄ kə́ rɔ̄kum ō,
ngé gə̄ ń a aw̄n̄ kə táŕ kə́ ngan̄g kemdə́ tə́ ní, a ndin̄ rɔ̄n tə́ ngɔr ō.
Tɔdɔ̄ ngé gə̄ ń ni gə̄rādə́ ní, ni rajədə́ ō, a̰a̰ kum tō ndoō yādə́ ō.
10Banī ngé rāā yá̰a̰ kə gō kem ndigə yā Nə́ɓāá aĺ gə̄ a əngen̄ ndéy najə̄ gír̄ yādə́ tə́ ō,
najə̄ kidə ń nin̄ idən̄ tadə́ gír de kə́ gōtə́ ní tə́ ō,
kəya̰ ń əya̰n̄ Kɔ́ɔ̄ɓē kɔ̄ɔ́ tə́ ní ō.
11Tɔdɔ̄ ngé gə̄ ń kídə̄n̄ kum kedə̄ ō,
gō ndū najə̄ yān gə̄ kə́ yā ndiń kə kumuú ō ní,
nin̄ i ngé rɔ̄ tō ndoō gə̄.
Kəndā kem dɔ tə́ yādə́ i yá̰á̰ kə́ kem wōȳ karī ō,
kəhɔ rɔ̄ tɔgə yādə́ i yá̰á̰ kə́ ndāńg karī ō,
kəla rāādə́ gə̄ ní, kumən gətóo ō.
12Nə̄yá̰də́ gə̄ i mbóo de gə̄ karī ō,
ngáńdə́ gə̄ i ngé kem ndul gə̄ ō,
gír kaa yādə́ i gír kaa kə́ ndɔ̄ĺ kɔ̄ɔ́ ō.
Kəhɔ gō Kɔ́ɔ̄ɓē i sóótə́ tɔȳ kojə ngōn̄
13Rɔ̄nel̄ i yā dəyá̰ kə́ kujə ń majaĺ tákə̄n aĺ ō,
sāā naā lo kaya tə́ aĺ ō ní.
A əndān̄ njan ndɔ̄ gān̄g sarya tə́.
14Rɔ̄nel̄ i yā áji mbang ń un jīn rāań yá̰á̰ kə́ majə aĺ aĺ ō,
aw̄ kə gír̄ kə́ majə aĺ kə Kɔ́ɔ̄ɓē aĺ ō ní.
Ni a ənge yá̰a̰ kəndā nja kə́ to tayā, tām̄ kəra kə́ ni ra dɔ ndūn tə́ ō,
a ənge lo ndi kə́ nel̄ tan kem kújə yā Kɔ́ɔ̄ɓēé tə́ ō.
15Tɔdɔ̄ kəhɔ rɔ̄ tɔgə rāań kəla kə́ majə i yá̰á̰ kə́ to kɔsə go̰n ngá̰ý ō,
ngəra kum kedə̄ i yá̰á̰ kə́ a to ngándáńg ō.
16Banī ngáń kə́ kojədə́ lo rāā rāȳ tə́ a teēn̄ yá̰a̰ aĺ ō,
ta gír kaa yā ngé gə̄ ń taān̄ naā kə gō róbəneé aĺ ní a udə kɔ̄ɔ́ ō.
17Ká ré nin̄ ndin̄ ta kə́ jóo gə̄gē anī, usə deē dɔdə́ tə́ aĺ ō,
bátə́ ta kə́ dɔ ɓə́gádə́ tə́ gə̄gē anī, deē a kídə̄də́ i mbée ō.
18Ká ré nin̄ oyn̄ i ɓatə ngá̰ý gə̄gē anī,
yá̰á̰ kə́ kadə̄ nin̄ əndān̄ kemdə́ dɔ tə́ gətóo ō,
de kə́ yā sɔl̄ kemdə́ ndɔ̄ gān̄g sarya tə́ a gətóo ō.
19Tɔdɔ̄ ta tɔ̄l̄ ta gír kaa kə́ gōtə́ aĺ i yá̰á̰ kə́ tōr̄ ngá̰ý.
Currently Selected:
KUM KEDƏ̄ 3: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
KUM KEDƏ̄ 3
3
Yá̰á̰ ń a reē dɔ de kə́ gōtə́ gə̄ tə́ ní
1Ndíl de kə́ gōtə́ gə̄ to i kem jī Nə́ɓā tə́ ō,
yá̰á̰ kə́ tōr̄ a ɔdə rɔ̄də́ tṵ aĺ ō.
2Ta kum de kə́ mbóo gə̄ tə́ ɓáa nin̄ i de kə́ koy kɔ̄ɔ́ gə̄ ō,
ta kaw̄də́ to i tītə̄ yá̰á̰ kə́ nujə sák sák kɔ̄ɔ́ beē ō,
3kaw̄də́ sa̰y to i tītə̄ yá̰á̰ kə́ ta tḭ̄ḭ̄ kɔ̄ɔ́ beē ō.
Banī nin̄ ndin̄ i kə kem sɔlɔ́.
4Ká ré tām̄ yā de gə̄ tə́ ɓáa əndan̄də́ i mbée gə̄gē anī,
kəndā kem dɔ tə́ yādə́ a to ngándáńg.
5Gō ndéy kɔjə̄ kə́ sḛ́ý beē tə́ anī, a rāān̄ majə sedə́ ngá̰ý.
Nə́ɓā nāādə́,
ba a̰a̰ kadə̄ asən̄ yá̰a̰ ta kumən tə́.
6Ni rāādə́ adə̄ unjə̄n̄ njáý njáý tītə̄ lɔ́ŕ kə́ nūū horoó kə́ kɔr̄ yedə̄n kɔ̄ɔ́ beē ō,
əhɔdə́ kə̄ rɔ̄n tə́ tītə̄ yá̰a̰ ndējə̄ kə́ róō horoó beē ō.
7Kum mbang yā Nə́ɓā tə́ anī, nin̄ a ndə́lēn̄ ō,
a a̰ȳn̄ ngɔ̄də̄ tītə̄ hor ta mu kə́ kə́rā beé ō.
8Nin̄ a gāngə̄n̄ sarya dɔ nápar de gə̄ tə́ ō, a ṵṵn̄ ɓē dɔ gír de gə̄ tə́ ō,
Kɔ́ɔ̄ɓē a ndi mban̄g yādə́ ngándáńg ō.
9Ngé gə̄ ń ənīn̄ kemdə́ adə̄nən̄ ní, a gerə̄n̄ kum najə̄ kə́ rɔ̄kum ō,
ngé gə̄ ń a aw̄n̄ kə táŕ kə́ ngan̄g kemdə́ tə́ ní, a ndin̄ rɔ̄n tə́ ngɔr ō.
Tɔdɔ̄ ngé gə̄ ń ni gə̄rādə́ ní, ni rajədə́ ō, a̰a̰ kum tō ndoō yādə́ ō.
10Banī ngé rāā yá̰a̰ kə gō kem ndigə yā Nə́ɓāá aĺ gə̄ a əngen̄ ndéy najə̄ gír̄ yādə́ tə́ ō,
najə̄ kidə ń nin̄ idən̄ tadə́ gír de kə́ gōtə́ ní tə́ ō,
kəya̰ ń əya̰n̄ Kɔ́ɔ̄ɓē kɔ̄ɔ́ tə́ ní ō.
11Tɔdɔ̄ ngé gə̄ ń kídə̄n̄ kum kedə̄ ō,
gō ndū najə̄ yān gə̄ kə́ yā ndiń kə kumuú ō ní,
nin̄ i ngé rɔ̄ tō ndoō gə̄.
Kəndā kem dɔ tə́ yādə́ i yá̰á̰ kə́ kem wōȳ karī ō,
kəhɔ rɔ̄ tɔgə yādə́ i yá̰á̰ kə́ ndāńg karī ō,
kəla rāādə́ gə̄ ní, kumən gətóo ō.
12Nə̄yá̰də́ gə̄ i mbóo de gə̄ karī ō,
ngáńdə́ gə̄ i ngé kem ndul gə̄ ō,
gír kaa yādə́ i gír kaa kə́ ndɔ̄ĺ kɔ̄ɔ́ ō.
Kəhɔ gō Kɔ́ɔ̄ɓē i sóótə́ tɔȳ kojə ngōn̄
13Rɔ̄nel̄ i yā dəyá̰ kə́ kujə ń majaĺ tákə̄n aĺ ō,
sāā naā lo kaya tə́ aĺ ō ní.
A əndān̄ njan ndɔ̄ gān̄g sarya tə́.
14Rɔ̄nel̄ i yā áji mbang ń un jīn rāań yá̰á̰ kə́ majə aĺ aĺ ō,
aw̄ kə gír̄ kə́ majə aĺ kə Kɔ́ɔ̄ɓē aĺ ō ní.
Ni a ənge yá̰a̰ kəndā nja kə́ to tayā, tām̄ kəra kə́ ni ra dɔ ndūn tə́ ō,
a ənge lo ndi kə́ nel̄ tan kem kújə yā Kɔ́ɔ̄ɓēé tə́ ō.
15Tɔdɔ̄ kəhɔ rɔ̄ tɔgə rāań kəla kə́ majə i yá̰á̰ kə́ to kɔsə go̰n ngá̰ý ō,
ngəra kum kedə̄ i yá̰á̰ kə́ a to ngándáńg ō.
16Banī ngáń kə́ kojədə́ lo rāā rāȳ tə́ a teēn̄ yá̰a̰ aĺ ō,
ta gír kaa yā ngé gə̄ ń taān̄ naā kə gō róbəneé aĺ ní a udə kɔ̄ɔ́ ō.
17Ká ré nin̄ ndin̄ ta kə́ jóo gə̄gē anī, usə deē dɔdə́ tə́ aĺ ō,
bátə́ ta kə́ dɔ ɓə́gádə́ tə́ gə̄gē anī, deē a kídə̄də́ i mbée ō.
18Ká ré nin̄ oyn̄ i ɓatə ngá̰ý gə̄gē anī,
yá̰á̰ kə́ kadə̄ nin̄ əndān̄ kemdə́ dɔ tə́ gətóo ō,
de kə́ yā sɔl̄ kemdə́ ndɔ̄ gān̄g sarya tə́ a gətóo ō.
19Tɔdɔ̄ ta tɔ̄l̄ ta gír kaa kə́ gōtə́ aĺ i yá̰á̰ kə́ tōr̄ ngá̰ý.
Bibəl ta Sar̄ © L'Alliance Biblique du Tchad, 2006, 2010.