JEJU KƏ́ NGŌN̄ SIRAK 43
43
Dɔ rā̰ ō, mbang ō
1Loo kə́ dɔɔ́ dɔ rā̰ tə́ majə ngá̰ý ō,
no rā̰ a̰a̰ rá ráng ō.
Dan ń deē a̰a̰ kɔsə go̰n yā dɔ rā̰ anī,
i yá̰á̰ kə́ majə ka̰ā̰ ngá̰ý.
2Dan ń mbang əɓa anī, əda pá tá ḭḭ kə̄ dɔɔ́, əda na:
kəla ń Nge Ndi dɔ rā̰ tə́ rāā ní, majə ka̰ā̰ ngá̰ý.
3Dan ń ni ugə̄ dan ɓēé anī, rāā dɔ nang adə̄ tutə.
I náā n asə ra gotoó ta kəngān tə́ ní?
4Kɔdə̄ ibə hor kə ndúbú i yā rāań kəla yān.
Banī mbang ń ɔsə dɔ mbal̄ tə́ ní, təngā tɔȳ hor yā kɔdə̄ nja mətá.
Adə̄ kəngān ṵṵ lo kə́ hor tə́ ō,
ndə́lēn kə́ ngá̰ý rāā kum deē ō.
5Kɔ́ɔ̄ɓē ń rāā mbang ní, ni i kə́ bo.
Ni ədan najə̄ dɔ ngɔ̄də̄ kə́ ngá̰ý tə́ ɔjənəń róbə.
Nāā
6Nāā a teē i kə ndɔ̄neé ō,
ɔjə dɔ kāgə̄ lo gə̄ ō, kum mbang ń mān̄ ní ō.
7Nāā ń i yá̰á̰ kə́ a dūú tá a udə ní,
i ni n i yá̰á̰ kə́ a ɔjə ndɔ̄ rāā nāā gə̄ ní.
8A əndān̄ rī nāā gə̄ i kə ta kūl̄neé.
Dan ń nāā tél reē gogə́ ō, tél bo gogə́ ō anī, i yá̰á̰ kə́ to kɔr kum kə́ majə ka̰ā̰ ngá̰ý!
Nāā rāā rɔ̄n i hor ngel̄ yā tíyō̰ kə́ ngá̰ý gə̄ kə́ dɔ rā̰ tə́
ń ndə́lēn̄ no rā̰ tə́ ní.
Tíyō̰ gə̄
9I kunjə̄ yā tíyō̰ gə̄ n rāā adə̄ lo kə́ dɔ rā̰ tə́ majə ní.
Ndə́lē yā tíyō̰ gə̄ rāā rɔ̄n i yá̰á̰ súū rɔ̄ yā lo kə́ dɔɔ́ yā Kɔ́ɔ̄ɓē tə́.
10Kɔ́ɔ̄ɓē kə́ táĺ adə̄də́ ndūn anī, nin̄ ran̄ lo ń ni gḛy kadə̄ ran̄ tū tə́ ní tə́ ō,
tíyō̰ kógə̄ḿ kə́ əya̰ lo ran kɔ̄ɔ́ gətóo ō.
Yá̰á̰ kə́ majə ngá̰ý gə̄ ń Nə́ɓā rāā ní
11Á̰á̰ kə́ dēsə́ bā ba ī-rāā nge rāan kə́ra.
Kə́ dēsə́ bā kə́ teē ngá̰ý i yá̰á̰ kə́ majə ka̰ā̰ ngá̰ý.
12Ni əja nja lo kə́ tītə̄ ga̰ gərā, kə́ to kɔsə go̰n dɔ rā̰ tə́.
I jī Nge Ndi dɔ rā̰ tə́ n ɔr gō ní.
13Kɔ́ɔ̄ɓē adə̄ ndūn anī néjə ń i yá̰á̰ kə́ ndaa tītə̄ búy kūbə̄ beé ní, tə́sō.
Ni rāā adə̄ tel̄ man̄ gə̄ ń i ngé gān̄g sarya yān gə̄ ní aw̄n̄ láẃ.
14I tām̄ najə̄ ń nuū tə́ n loo ngɔ̄m̄ yá̰a̰ gə̄ yā Kɔ́ɔ̄ɓē teēn̄ tadə́,
adə̄ kil̄ man̄ gə̄ ḭḭn̄ bɔ̄gə̄ tītə̄ yel̄ gə̄ beé ní.
15Tɔ́gə́ Kɔ́ɔ̄ɓē rāā adə̄ kil̄ man̄ gə̄ ngangə̄n̄ ō,
tɔ̄ɔ̄n̄ anī télən̄ kɔ̄sə̄ gə̄ ō.
Kōō man̄ yān ń ndang ní rāā adə̄ dɔ nang ndew.
16-17Dan ń mbal̄ bo gə̄ a̰a̰nən̄ anī yéȳn̄ ō,
néĺ kə́ dām̄ mbɔ́r ɓē kə́ geleé tə́ ō,
nél balway kə́ dām̄ mbɔ́r ɓē kə́ kṵṵ́ tə́ ō, nél māĺ ō, əlan̄ kə gō kem ndigə yāneé ō.
Ni rāā adə̄ néjə dəse pul pul kə̄ nang tə́ tītə̄ yel̄ gə̄ kə́ a risən̄ kə̄ nang tə́ beē.
Néjə ní tə́sō tītə̄ yḭm̄ gə̄ kə́ tə́sōn̄ beé.
18Ndaa ń néjə ndaa ngóńg ngóńg ní majə ka̰ā̰ ngá̰ý ō,
dan ń deē a̰a̰ néjə lo tə́sō tə́ anī nelə̄n ngá̰ý kemən tə́ ō.
19Kɔ́ɔ̄ɓē rāā adə̄ kə́ tuú tu dəse pul pul dɔ nang tə́ tītə̄ katə̄ beé ō,
ɔdə nang anī ngān̄g tītə̄ ngán kōn̄ kə́ dūú ngá̰ý gə̄ beé ō.
20Dan ń nél kə́ dām̄ mbɔ́r ɓē kə́ kṵṵ́ tə́ əla kə kūlūú anī,
kɔ̄sə̄ əndā rɔ̄n dɔ man̄ tə́.
Néĺ ń əsō maná ní,
rāā adə̄ kɔ̄sə̄ ní to tītə̄ kūbə̄ gində̄ kógə̄ḿ kə́ taā lo dɔ man̄ tə́ beē.
21Néĺ kə́ təngā əla hor dɔ mbal̄ gə̄ tə́ ō, rāā adə̄ lo kə́ dəla lo tə́ tutə ō.
Ni nujə ngán kāgə̄ gə̄ ō mu gə̄ ō tītə̄ hor beé.
22Banī kil̄ man̄ ń tetə man̄ ní rāā adə̄ yá̰á̰ kə́ nujə gə̄ ń nuū malang tél majən̄ gogə́ ō,
tal ń əhɔ dɔ nang tə́ gō mbang kə́ ɔsə ngá̰ý tə́ ní, tél kə rɔ̄nelé reē seneé gogə́ ō.
23Kɔ́ɔ̄ɓē tetə bā bo rɔ̄ɔ̄ kə gō ń ni núməń ní
ba tə́ndā dor̄ gə̄ danaá.
24Ngé njə̄rā mbā dɔ bā bo tə́ gə̄ ənīn̄ gotə yá̰á̰ kə́ to yo gə̄ kə́ dɔ bā bo tə́ ō,
gotə najə̄ yādə́ gə̄ ní ɔr kumjí ngá̰ý ō.
25Yá̰á̰ kə́ jákə́ kə́ majə ka̰ā̰ ngá̰ý gə̄ ton̄ kum bā ní tə́.
Adə̄ i dā̰ kə́ tayā tayā gə̄ ō, dā̰ man̄ gə̄ ō.
26Ngōmbang kəla yān a teē yá̰a̰ i kə ta kūl̄neé ō,
yá̰a̰ malang ndi naā tə́ majə i kə ta kūl̄ najə̄ yāneé ō.
27J-asiī kun kum mbang ngá̰ý kɔrə̄ń najə̄ kanjə̄ kəda yá̰a̰ malang.
J-asiī tɔ̄l̄ ta kə najə̄ ń toō: Kɔ́ɔ̄ɓē i yá̰a̰ malang.
28Deē a ənge tɔ́gə i lo kə́ rá tə́ n a ɔsəń go̰nən ní?
Tɔdɔ̄ ni i kə́ bo dɔ yá̰a̰ malang ń ni rāā tə́ ní.
29Kɔ́ɔ̄ɓē to ɓōĺ ō, bo ngá̰ý ō.
Tɔ́gən majə ka̰a̰ ngá̰ý ō, to kɔr kum ō.
30Ə́daī najə̄ bo yā Kɔ́ɔ̄ɓē kə gō ń tɔ́gə́sí asə ní yā ɓōkə́nəń tɔ̄ȳ.
Banī boon a tɔȳ nge ń sḭḭ̄ ā ə́daī ní ngándáńg.
Ɔ́siin̄ kə̄ dɔɔ́ kə tɔ́gə́sí gēé malang kanjə̄ kɔr ta tə́ ɓá tā,
ba ā ūgī ta ngóyn tə́ alé.
31I náā n a̰a̰ Kɔ́ɔ̄ɓē yā kadə̄ ni asəń kɔjə ké Kɔ́ɔ̄ɓē to i ba̰ý wa ní?
I náā n asə kɔsə go̰nən kadə̄ asə loon tə́ ní?
32I kəla rāan kə́rēý gə̄ ngóy n j-a̰a̰ī ní, banī kə́ rang gə̄ ngá̰ý kə́ j-a̰a̰īdə́ aĺ gə̄ ton̄ lo ɓɔ̄ɔ̄ tə́ nuū.
Nin̄ boon̄ tɔȳ ngé gə̄ ń j-a̰a̰īdə́ ní.
33Tɔdɔ̄ i Kɔ́ɔ̄ɓē n rāā yá̰a̰ malang ní ō,
i ni n adə̄ ngé rāā yá̰a̰ kə gō kem ndigə yāneé gə̄ kum kedə̄ ní ō.
Currently Selected:
JEJU KƏ́ NGŌN̄ SIRAK 43: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 43
43
Dɔ rā̰ ō, mbang ō
1Loo kə́ dɔɔ́ dɔ rā̰ tə́ majə ngá̰ý ō,
no rā̰ a̰a̰ rá ráng ō.
Dan ń deē a̰a̰ kɔsə go̰n yā dɔ rā̰ anī,
i yá̰á̰ kə́ majə ka̰ā̰ ngá̰ý.
2Dan ń mbang əɓa anī, əda pá tá ḭḭ kə̄ dɔɔ́, əda na:
kəla ń Nge Ndi dɔ rā̰ tə́ rāā ní, majə ka̰ā̰ ngá̰ý.
3Dan ń ni ugə̄ dan ɓēé anī, rāā dɔ nang adə̄ tutə.
I náā n asə ra gotoó ta kəngān tə́ ní?
4Kɔdə̄ ibə hor kə ndúbú i yā rāań kəla yān.
Banī mbang ń ɔsə dɔ mbal̄ tə́ ní, təngā tɔȳ hor yā kɔdə̄ nja mətá.
Adə̄ kəngān ṵṵ lo kə́ hor tə́ ō,
ndə́lēn kə́ ngá̰ý rāā kum deē ō.
5Kɔ́ɔ̄ɓē ń rāā mbang ní, ni i kə́ bo.
Ni ədan najə̄ dɔ ngɔ̄də̄ kə́ ngá̰ý tə́ ɔjənəń róbə.
Nāā
6Nāā a teē i kə ndɔ̄neé ō,
ɔjə dɔ kāgə̄ lo gə̄ ō, kum mbang ń mān̄ ní ō.
7Nāā ń i yá̰á̰ kə́ a dūú tá a udə ní,
i ni n i yá̰á̰ kə́ a ɔjə ndɔ̄ rāā nāā gə̄ ní.
8A əndān̄ rī nāā gə̄ i kə ta kūl̄neé.
Dan ń nāā tél reē gogə́ ō, tél bo gogə́ ō anī, i yá̰á̰ kə́ to kɔr kum kə́ majə ka̰ā̰ ngá̰ý!
Nāā rāā rɔ̄n i hor ngel̄ yā tíyō̰ kə́ ngá̰ý gə̄ kə́ dɔ rā̰ tə́
ń ndə́lēn̄ no rā̰ tə́ ní.
Tíyō̰ gə̄
9I kunjə̄ yā tíyō̰ gə̄ n rāā adə̄ lo kə́ dɔ rā̰ tə́ majə ní.
Ndə́lē yā tíyō̰ gə̄ rāā rɔ̄n i yá̰á̰ súū rɔ̄ yā lo kə́ dɔɔ́ yā Kɔ́ɔ̄ɓē tə́.
10Kɔ́ɔ̄ɓē kə́ táĺ adə̄də́ ndūn anī, nin̄ ran̄ lo ń ni gḛy kadə̄ ran̄ tū tə́ ní tə́ ō,
tíyō̰ kógə̄ḿ kə́ əya̰ lo ran kɔ̄ɔ́ gətóo ō.
Yá̰á̰ kə́ majə ngá̰ý gə̄ ń Nə́ɓā rāā ní
11Á̰á̰ kə́ dēsə́ bā ba ī-rāā nge rāan kə́ra.
Kə́ dēsə́ bā kə́ teē ngá̰ý i yá̰á̰ kə́ majə ka̰ā̰ ngá̰ý.
12Ni əja nja lo kə́ tītə̄ ga̰ gərā, kə́ to kɔsə go̰n dɔ rā̰ tə́.
I jī Nge Ndi dɔ rā̰ tə́ n ɔr gō ní.
13Kɔ́ɔ̄ɓē adə̄ ndūn anī néjə ń i yá̰á̰ kə́ ndaa tītə̄ búy kūbə̄ beé ní, tə́sō.
Ni rāā adə̄ tel̄ man̄ gə̄ ń i ngé gān̄g sarya yān gə̄ ní aw̄n̄ láẃ.
14I tām̄ najə̄ ń nuū tə́ n loo ngɔ̄m̄ yá̰a̰ gə̄ yā Kɔ́ɔ̄ɓē teēn̄ tadə́,
adə̄ kil̄ man̄ gə̄ ḭḭn̄ bɔ̄gə̄ tītə̄ yel̄ gə̄ beé ní.
15Tɔ́gə́ Kɔ́ɔ̄ɓē rāā adə̄ kil̄ man̄ gə̄ ngangə̄n̄ ō,
tɔ̄ɔ̄n̄ anī télən̄ kɔ̄sə̄ gə̄ ō.
Kōō man̄ yān ń ndang ní rāā adə̄ dɔ nang ndew.
16-17Dan ń mbal̄ bo gə̄ a̰a̰nən̄ anī yéȳn̄ ō,
néĺ kə́ dām̄ mbɔ́r ɓē kə́ geleé tə́ ō,
nél balway kə́ dām̄ mbɔ́r ɓē kə́ kṵṵ́ tə́ ō, nél māĺ ō, əlan̄ kə gō kem ndigə yāneé ō.
Ni rāā adə̄ néjə dəse pul pul kə̄ nang tə́ tītə̄ yel̄ gə̄ kə́ a risən̄ kə̄ nang tə́ beē.
Néjə ní tə́sō tītə̄ yḭm̄ gə̄ kə́ tə́sōn̄ beé.
18Ndaa ń néjə ndaa ngóńg ngóńg ní majə ka̰ā̰ ngá̰ý ō,
dan ń deē a̰a̰ néjə lo tə́sō tə́ anī nelə̄n ngá̰ý kemən tə́ ō.
19Kɔ́ɔ̄ɓē rāā adə̄ kə́ tuú tu dəse pul pul dɔ nang tə́ tītə̄ katə̄ beé ō,
ɔdə nang anī ngān̄g tītə̄ ngán kōn̄ kə́ dūú ngá̰ý gə̄ beé ō.
20Dan ń nél kə́ dām̄ mbɔ́r ɓē kə́ kṵṵ́ tə́ əla kə kūlūú anī,
kɔ̄sə̄ əndā rɔ̄n dɔ man̄ tə́.
Néĺ ń əsō maná ní,
rāā adə̄ kɔ̄sə̄ ní to tītə̄ kūbə̄ gində̄ kógə̄ḿ kə́ taā lo dɔ man̄ tə́ beē.
21Néĺ kə́ təngā əla hor dɔ mbal̄ gə̄ tə́ ō, rāā adə̄ lo kə́ dəla lo tə́ tutə ō.
Ni nujə ngán kāgə̄ gə̄ ō mu gə̄ ō tītə̄ hor beé.
22Banī kil̄ man̄ ń tetə man̄ ní rāā adə̄ yá̰á̰ kə́ nujə gə̄ ń nuū malang tél majən̄ gogə́ ō,
tal ń əhɔ dɔ nang tə́ gō mbang kə́ ɔsə ngá̰ý tə́ ní, tél kə rɔ̄nelé reē seneé gogə́ ō.
23Kɔ́ɔ̄ɓē tetə bā bo rɔ̄ɔ̄ kə gō ń ni núməń ní
ba tə́ndā dor̄ gə̄ danaá.
24Ngé njə̄rā mbā dɔ bā bo tə́ gə̄ ənīn̄ gotə yá̰á̰ kə́ to yo gə̄ kə́ dɔ bā bo tə́ ō,
gotə najə̄ yādə́ gə̄ ní ɔr kumjí ngá̰ý ō.
25Yá̰á̰ kə́ jákə́ kə́ majə ka̰ā̰ ngá̰ý gə̄ ton̄ kum bā ní tə́.
Adə̄ i dā̰ kə́ tayā tayā gə̄ ō, dā̰ man̄ gə̄ ō.
26Ngōmbang kəla yān a teē yá̰a̰ i kə ta kūl̄neé ō,
yá̰a̰ malang ndi naā tə́ majə i kə ta kūl̄ najə̄ yāneé ō.
27J-asiī kun kum mbang ngá̰ý kɔrə̄ń najə̄ kanjə̄ kəda yá̰a̰ malang.
J-asiī tɔ̄l̄ ta kə najə̄ ń toō: Kɔ́ɔ̄ɓē i yá̰a̰ malang.
28Deē a ənge tɔ́gə i lo kə́ rá tə́ n a ɔsəń go̰nən ní?
Tɔdɔ̄ ni i kə́ bo dɔ yá̰a̰ malang ń ni rāā tə́ ní.
29Kɔ́ɔ̄ɓē to ɓōĺ ō, bo ngá̰ý ō.
Tɔ́gən majə ka̰a̰ ngá̰ý ō, to kɔr kum ō.
30Ə́daī najə̄ bo yā Kɔ́ɔ̄ɓē kə gō ń tɔ́gə́sí asə ní yā ɓōkə́nəń tɔ̄ȳ.
Banī boon a tɔȳ nge ń sḭḭ̄ ā ə́daī ní ngándáńg.
Ɔ́siin̄ kə̄ dɔɔ́ kə tɔ́gə́sí gēé malang kanjə̄ kɔr ta tə́ ɓá tā,
ba ā ūgī ta ngóyn tə́ alé.
31I náā n a̰a̰ Kɔ́ɔ̄ɓē yā kadə̄ ni asəń kɔjə ké Kɔ́ɔ̄ɓē to i ba̰ý wa ní?
I náā n asə kɔsə go̰nən kadə̄ asə loon tə́ ní?
32I kəla rāan kə́rēý gə̄ ngóy n j-a̰a̰ī ní, banī kə́ rang gə̄ ngá̰ý kə́ j-a̰a̰īdə́ aĺ gə̄ ton̄ lo ɓɔ̄ɔ̄ tə́ nuū.
Nin̄ boon̄ tɔȳ ngé gə̄ ń j-a̰a̰īdə́ ní.
33Tɔdɔ̄ i Kɔ́ɔ̄ɓē n rāā yá̰a̰ malang ní ō,
i ni n adə̄ ngé rāā yá̰a̰ kə gō kem ndigə yāneé gə̄ kum kedə̄ ní ō.
Bibəl ta Sar̄ © L'Alliance Biblique du Tchad, 2006, 2010.